ديوان الشاعر / مشعل الجربا

أنــا إنـسـان .. ..

	ألا يا وقتي الكذاب ضيعت الأمل كله=أنا ياكثر صدقتك وأثاري انك معي كذاب معا كل الأسف راحت بك الراحه ولا أدله=سرقت براحتك راحت ضميري يا زمن دولاب ألا يا قلب يالمسكين كم صابتك من عله=وكم عله بقت تنطرك شوقٍ لو فتحت الباب طعنّك اللي سكن جوفك رماك بطيشه وغله=الوصل ثم أنكر عليك معاهد الأحباب نكر حبه نكر قربه نكر طيفه نكر ظله=نكر دمعه على خده ليا منه خيالك غاب وفيّ ياقلب لكن الوفى لك صاحبٍ مله=يسمي الشوق يا قلبي مجرد نظرتٍ وإعجاب لا عاش الضمير اللي يبين بالهوى زله=بحيث إن الهوى واضح ولا يقبل خطأ وصواب لبست الغدر يالخاين ظهرت بكامل الحله=أساور غدر طلسمته ألا يا ساحر ٍ كذاب تبي تلعب معي ثاني تهد الصرح وتذله=تهدم صرحي العالي وبعده تظهر الأسباب ترى قلبي مهو برج ٍ تجاري تهدمه كله=عسى تلقالك أبراج تدمرها على الأبواب قاعدة تنظيم وإنت أبراج من منهله=تدمر قاعدة قلبي تظنه قاعدة إرهاب أنا ماني كيان الغدر أدور أرض واحتله=أنا إنسان أنا إنسان روح إبعد زمن كذاب