[شعر] حددت موعد

السلام عليكم ورحمة الله وبركاته
معركه بيني وبين قلبي

حددت موعد بين قلبـي وكّلـي=قبل طلوع الشمس والناس نيميـن
وصليت فرضي وانتظرت بمحلّي=وطلبت رب البيـت للحـق يهديـن
ثم قلت انا للقلب ياقلـب قلّـي=عذبتني ياقلـب مـن عـدة سنيـن
ياما وياما من جنابـك حصلّـي=احرجتني حتى مع النـاس الادنيـن
قال البلا ياشفت غـروٍ يطلّـي=غصب التمس والله ترى خالق الزين
واضيع يامن الغزيل فطـن لـي=وبالذات يامن صارت العين بالعيـن
ثم قلت انا ياقلب وقتك مولّـي=واليوم حتى البيض عنّـك مقفيـن
قال العـذارا بالمظاهـر تهلّـي=لاتعقد الموضـوع بالعمـر ياشيـن
قلت الهوى ياقلب مابه تسلّـي=اهل الهـوى ياقلـب لازم وفييـن
قال الوفا موجود مابـه تخلّـي=وهذا عهد ياصاح يبقى علي ديـن
واصبحت انا مملوك للقلب كلّي=وسريت من عنده ولاادري على وين

ياصباح الشعر المعطر بالكادي
ابو محمد
الله يجزاء ابو فراس وابو طلال بالخير اللي هيضوكم ياشعرائنا بها الغزليات
صح قلبك يالعزوة
خالص التحايا لسمو شخصك النبيل

ابيات راااائعة
صح لسانك ملاييييين

ودي

صباحك شعر

وصح قلبك

ولا هنت

عويد

صح لسانك

بس احسك حشرت القلب وصرت عليه مثل المحقق كوفي انان

وقسيت عليه بالحيل

لاتلوم القلب يابن الحلال وهونك عليه

ابيات وافيه وكافيه

سلمت وسلم بوحك العذب

الله يسعد صباحك يالغالي انت وقلبك
لكن انا ابي اصير ضدك مع القلب ههههههههههههههه
قلت ابيات بخالي وبي اعكسهن تضامن مع قلبك يالعزوه
من اجل الضحك والمداعبه
انا مع القلب ياعـــويد// ولالوم من حب الاحبابي
والله عنه فلاحــــــــــيد// لوهي على قطع الارقابي
لصار لحب الشرف قيد// ادحم على الكود لاتهابي

وصح الله لسانك وقلبك محاوره ممتعه ورائعه وهادفه
لله درك ماتأتي الابالوافي المسلي يالعزوه
لك سمو تقديري لشخصك الكريم
حفظك الله
لاتصيدن بالجمشات ممنوع هههههههه

يسلم ذوقك يا ابو محمد وقلبك معه حق لا تخالفه

تحياتي وودي

عويد المغيليث
ابو محمد
صح السانك

ثم قلت انا ياقلب وقتك مولّي
واليوم حتى البيض عنّك مقفين


قال العذارا بالمظاهر تهلّي
لاتعقد الموضوع بالعمر ياشين


بهذي قلبك غلبك ..لأنه لايدخل ضمن المظاهر ولا يشيّب وسيبقى محب مادام فيه نبض

كن متفائل يابو محمد وكل الدعوى صبغه بخمسة اريل وتشبب دام قلبك خضر

يقول المثل لاتتمارضو فتمرضو فتموتو ،،، لعب بروحك والعب (عته) تستعيد شبابك


****

انا وطلاع نحب الهربده واعذرونا


***

سلمت وسلم قلبك الوافي

وسريت من عنده ولادري على وين
ايه هذا الحكي صح لسانك ياخوي عويد المغيليث على هذه القصيده الغزليه الرائعه والقلب مهو باليد ههههههههههه غصب لازم يحن للماضي شكرالك ايها الشاعر الراقي