ديوان الشاعر / طلاع الزميلي الشمري

مساكم الله بالخير
أخواني وخواتي لايخفأ عليكم قصائد العرضات تتطلب القصائد الحماسيه
وأنأ ياخويكم الرجال الطيبين شرواكم حطوني شاعر عرضه وتعودت على
هذألأسلوب ولو تلاحظون معظم قصايدي هجوميه وهجائه لكن بشكل عام
لا اقصد به شخص معين
مع أحترامي وتقديري لكل أبنا القبائل وعيال الحمائل
إيليكم هذه العرضه قلتها باحد احتفالات شمر

أســــمع جـــوابي وخـــلك خوش رجـــال ..َََ!!!

	قال الزميلي تهيض جاب الامثــال =ابيات مثل السهم صوب النيــــــاشين أسمع جوابي وخلك خوش رجـــال =والزم حدودك وحاسب للــــــــقوانين حنا الطنايا لنا بالمجد مـــــــــــنزال = تشهد لنا اجبال حايل و المـــــــيادين وكان عزوتك بالملاقا زي الاجــــبال = حنا صواعق عل راسك مــــــــــهدين أحذر تعلاوتشرف روس ألأجبـــــــال = لايصقعك بالعلا فرخ الشــــــــياهين وحذر تناسا تري ماضيك مازال= معروف تاريخكم مصدرك من وين وسأل وتلقأ الخبر في ماض ألأجبال= تلقأ خبر يزعلك حينً بعد حين واليوم بحكم السعودي صرت رجال = طلعت بالملعبه فارس مـــــــــــيادين وحذر تناسا ترى الشيطان مــــــازال= لاحضات موتاً حضر به صاحب الدين

ولكم تحيه أخوكم /طلاع الزميلي الشمري

	بسم الله الرحمن الرحيم يذكر التاريخ قصة هذا الامير الكريم ( حواس بن خمسان ) امير الخمسان من شمر ,, ونروي هذه القصة التي حصلت له أثناء حكم آل الرشيد قبل حوالي مئة سنه حيث كان متجها الى حائل من أقصى شمال النفود وأثناء رحلته قصد قرية الحيانيه لغرض زيارة أميرها بن قناع حين ذاك وكان معه بعض من الصيد وهي غزلان صاده في طريقه وأقام ليلتة عند أبن قناع الذي كان منصوبا لأبن رشيد الامير سعود ابو خشم . وبعد العشاء من هذا الصيد أتجه الى النوم بجانب ذلوله وبعد برهه من الزمن سمع أحد خوياء بن قناع يبكي وشد إنتباه بكاء هذا الرجل وسمعه وهو يقول بالحرف الواحد ( حنا الليله يا أبن قناع عشانا حواس ولكن المصيبه من يعشينا القابله ) . فواصل نومه حتى صلاة الفجر فقام ونحر على الفور ذلوله فسمع أبن قناع صوت هذه الناقه عند نحرها فقال لماذا تنحرها هل سمعت كلام هذا المقرود البارحه فقال له حواس وشقوها وشيق تكفيكم هذا السنه والسنه القادمه رزقه معها . وواصل مسيره وعوضه الله أحسن منها حيث وجد بالقرب من قرية الشعيبات كيسين من الذهب وذخيرة في وقتها أغلى من الذهب . فقام بشراء قطعه من الابل وجهاز العروس بالأضافه الى بيت من الشعر . وكان وقت ذهابه الى حائل عند مروره بالحيانيه لغرض بيع ذلوله في حائل للأتمام لوازم الزواج من بنت عبيد بن صياح الخمسان ولكن لم يدعه قلبه بأن يترك المعازيب بعدما سمع بكاء وكلام خوي أبن قناع وعرف أنهم لايوجد عندهم شي من الزاد ولاهو غريب الطيب من /الشيخ الفارس أخو ميثا/حواس ابن خمسان النبهاني الزميلي السنجاري الزوبعي الشمري وهو غني عن التعريف وقيل فيه قصايد عده من ضمنهم الشاعر الجنفاي والشاعر/جار الله الحسيني والشاعر/عبيد الله السالم اخواني وأخاتي ايستبيحكم عذرأ لتنزيل قصايدي بابنا عمي في منتدى عزوتي ويحق لي افخر واماري في كل أبنا شمروشيوخ شمر وكل رجل طيب من اية قبيله امانا قلت قصايد في احفاد الشيخ حواس أبن خمسان الشخ سلمان تركي الحواس والشيخ عطاء تركي الحواس لقد وقفو معي مواقف عظيمه ولا ستغرب الطيب من اهله فهم منبع الطيب والوفا اخوان ميثى فجزاهم الله عنا خير الجزاء هذا القصيده الأولى بالشيخ سلمان تركي الحواس الخمسان لالله درك يأبن حواس =يانادرًمبعداً شوحه يالهيلع الاشقر القرناس=الياطلع يبعد اشبوحه واليا كفخ بالفضاء غلاس=علئ ابرق اريش ذابوحه دايم لدرب العلا عساس=في قمه المجد و صروحه وفي راس عيطي بناله ساس=وبرق المعزه قدح ضوحه وصيت اخوي ميثاء لنانبراس=وفعله دواء الغبن وجروحه لظرف الخوي ملهمن حساس=لو الخوي ماقدربوحه هذاك سلمان ولد حواس =الي نخيته عطا روحه صليب راياً قوي الباس=واسمه بصدره زها الوحه وإيضا قلت هذه القصيده سلمان لك عندي معزه وتقدير=بخافي خفايا خافقي مستكنه صورتها بأجمل لغات التعابير=صورة غلا وأخلاص من غير منه وجيرت نفسي لصاحب الطيب تجيير=وحقه علي فرضاً واجب والسنه وأرجو من الله لاهقا صاحبي خير=يلقاني الطيب على حسن ظنه واسم الرجل يزها الرجال المشاهير=وعلى الذكر مابه حلاتاً وفنه يزه مثل سلمان زبن المناعير=شبل الاسد وأشبال الاسباع منه وسلمان يفعل خير للالله للغير=لوجه الولي ويرجي الخير منه وايالله يامديرالفلك والمقادير=تجعل له الدارين خيراً وجنه ومهما مدحتك فوق كل التعابير=طيبك يفوق ويقصر المدح عنه تمت وصلى الله على داعي الخير=المصطفى سيد الأوادم وجنه وقلت إضاً هذه القصيده بالشيخ عطاء تركي الحواس الخمسان بصوت الوفا زاعت القيفان=ولاهل الوفا سار مرسالي وجاوب ندى العز من برزان= قبل صدا صوت جوالي صوت اخو ميثاء عطا الخمسان=عرب النسب ماضي الافعالي يقول يخانت الصدقان=ان ماوقفو وقتنا الحالي ويبقى عطا للوفا عنوان=رمزاً على مر الاجيالي ورجل المواقف عطا الخمسان=من الجد الأول الى التالي وصعب المواقف له البليهان=ما ياقفه كل رجالي واحلا تحيه لأبن خمسان=ازفها عبر جوالي تقبلو تحيات الشاعر طلاع الزميلي الشمري

الجريفاني وبن بليهدوه
عويذت الله من شركم
النصائح والهجا خلصن مابقا غير الغزل والنقد ماهو مناههههههههههههه

من ارشيف الــــــــــــــــــــذكـــــريات
عسى تــــــــــــــــنال أعــــجابكم

خلاص أنا سافرت عن ديرة الجوفَََ!!!

	خلاص أنا سافرت عن ديرة الجوف=ماهي بكيفي ياضبي البـــــــــــراحه فارقتكم لاجل مقادير وظــــــــروف =وش حيلتي حكم القدر واقـــــتراحه وادعتكم بالله والبال مكســــــــــــوف =اضحك وقلبي قاسي الضيق جاحه واقفيت آهيم بجو ألأحزان واطـــوف = غريق حبك فاشـلٍ بالســـــباحه لاشك أنا أرجوك ياساكن الجــــوف =أسمع كلامي راح أقول الصــراحه لوّي بعيداًعندك القلب موقـــــوف =عندك أسيراً غير تطلق صــــراحه عقبك اطالع للبشر تقل ماشـــوف = قلب العنأ لغيرك قليل ارتيـــــــاحه

وســـــــــــــــــــــــــلامــــــــــــــــتكم

أبو طلال طلاع الزميلي الشمري

ثلاثه رساله لمن يدعي انه أمير وهو ليس أمير
رساله ومن يدعي انه عالم وهو ليس عالم ويغرر بالمسلمين ويغشهم عن دين الله الحقيقي
رساله ومن يدعي انه طيب وهو مافعل الطيب في حياته معتمداً على فعل والده وجده وخاله
ولقد قيل فيهم الشعاركثيره
لكن حبيت اذكر ان الذكرى تنفع المؤمنين

ثـــلاث رســـــــــــــــائل مـــــهـــمه !!!

	سر ياقلم سجل بيوتٍ جزيله = مثل السهم صوب الهدف ماتعداه واشوم لراس المعتلي لطويله = وارقاء براس النايفه واتعلاه واقطف ثمر زهر البيوت الجميله =واصون وزن القاف وأختار معناه وابرسله لراع العلوم الجميله = الشاعر اللي يفهمه حين يقراه اشوف ناسً ضيع الله دليله = لعبه اليشطان بالحيل وأغواه كلاً يحط نفسه أمير القبيله = ويلبس أعقال وبشت ويغز علباه يحسب ألأماره في سهوله تجيله = يحصل عليه يبغاها ويلقاه أو يحسبه في فلةً له جميله =الفلة اللي يعجبك زين مبناه او يحسبه انه في رصيده تجيله = بيع وشراء بالغش نصب وحيلاه مايدري انه صعبتً مستــــــــــحيله =تصعب على مثله وشكله وشرواه أصل ألأماره يالرجال الهبـــــــــيله = ماتأتي ألأبالسيوف المحناه واشوف بعض الناس بليسٍ مشيله = يحط نفسه شيخ والرب يعصاه يقلد بنفسه لشيوخ الجلـــــــــــــيله = مثل الغراب اللي حجل وضاع ممشاه يأمر ويناها والهدا يدعي له = والله وخلقه كاشفينٍ نوااياه وناسً تريد الطيب غصبً يجيله =يقول جدي تفعل الطيب يمناه ويقول حنا كاسبين النفيله = وهو جالسً وجمل المراجل تعداه وصلو على المختار يومه وليله = ماشع نور الشمس والليل خفاه

الشاعر /طلاع الزميلي الشمري

مزحه ومداعبة لاعضاء إدا رة أحدا المنتديات: مع كل الأحترام والتقديرلهم
أرسلو رسالة عامه يطلبون منا الدخول لعموم الأقسام بالمنتدي والرد على المشاركات من اجل تشجيعهم وهذا حق واجب بالمواضيع النافعه والمواضيع المباحه
وجاوبتهم بهاذه ألأبيات
من باب المزح والمداعبه

تبي الحصراحه خذ كلامي بجــــدي = سلوب المجامل بالخطأ رافضينه !!!

	رساله حلوه ولونه يشــــــــــــــدي = ورسالة الغالين بالحيل زيـــــــــــنه وأخشى أواعدكم ولا اوفي بوعدي = والحر وعده دين يوفي بدينــــــــــه ودي أرد وأحيان ماهو بيـــــــــدي = تجري الرياح أحيان عكس السفينه ودي ودي ونوب ماهو بـــــــــودي = ماكل مايطرح علومً ثمــــــــــــــينه ومابين سين وجيم يكــــــون ردي = بحدود رضى ربي وشرعه وديــنه وابلغ سكوت أحيان ماهو بــــردي = فرق الذهب عن فضته عارفيــــنه تبي الصراحه خذ كلامي بجـــــــدي = سلوب المجامل بالخطأ رافضـــينه ويدي ورجلي ماتعدا لحــــــــــدي = وأحفض حقوق وحقوقنا حافضينه وأمشي وأقيف وأحيان أنزل وشـدي = وكلآ حسب عقله تقديه عيــــنه والضيف ما يؤمر بهاتــــــــي وودي = والضيف حقه كلنا عارفـــــــينه وأعلنت ماكنيت ووضحت قصــدي = وكلً حسب عقله عسى الله يعينه وأحر شوق القلب مع صدق ودي = لاهل الوفاء زحول الرجال الحصينه

وتقبـــــــلو أحتــــــــــر امي وتقديـــــــــري

السلام عليكم ورحمة الله وبركاته
اخوانـــــــي وأخـــــــــــــواتي
جتني رساله خاصه في أحدا المنتديات
يقول انت تقتبس ألأشاعر وأنت منت شاعر وكلام كثير
وهذ جوابي عسى تنال أعجابكم

أسمع جوابً موجزه وأختصاره = كلمة رجل مايجهله كل فهمان !!!

	جاني جوابً في صريح العباره=يقول مالك بصفحة الشعر عنوان وأسمع جوابً موجزه وأختصاره = كلمة رجل مايجهله كل فهمان الحر يفهم في رموز الأشاره = ومن لافهم يصير لناس نيشان عيال الزميلي لاقدح ضو ناره = اشعارهم في صفحة المجد عنوان وأنا الزميلي لاتقادح شراره= اركي على كبد المعادين نيران واكفخ العيطا واعتلي بزياره=ومع الطنايا تاجدآ دووم طنيان اطنا طنا رجلآ بكبده مراره= واقعد صغا العميان لاجان فسقان واقف بوجه المعتدي في جداره = حتى يتوب عن الأخطاء كل شيطان وحكي الغلط والكذب مابه شطاره = راعيه يرجع تالي الوقت ندمان وراع الخطأء عجل سريع أنهياره = يروح مع صلف الهبايب مسيان ومن لاحترم نفسه وحدد مساره= يصبح فريسه لاعالم الأنس والجان وإلي تجاوز برغبته وأختياره = نسقيه من كاس الطنا سم ثعبان وأفضل جوابآ لسؤال أختصاره = ومن لافهم يصير لناس نيشان

وســــــــــــــــلامتــــــــــــــــــــــــــــ ـــكم

قصيده قديمه من ألأرشــــــيـــف
لها موقف خاص
عسى تـــــنال أعـــــــــجابكم

من إدعا للكماله خاســياً يعــــقبي !!!

	انت يالمرتكي لنــايبه والــــــــــــــثقال =مرحبابك هلابك معزباً وجـــــــنبي والرجل بالمراجل مايتـــــــحد الرجـال = من يقول التغلب لازماً يغـــــــــلبي المراجل سنوداً والمــــــــــعالي جـبال = ومن أدعاء للكماله خاسياً يعـقبي للميادين فرساناً تجــــــــــــــــيد القتال =بين كراً وفراً أحذر الملـــــــــــعبي وكان شيطان شعرك والجنون استحال = باية الكرسي والأخلاص بك نلعبي وانفسك لك طويل وباقـــــــــياً مايزال = لين شمس النهار لمشرقه تــــغربي أزعل الخلق وارضــــي واحداً مايزال =واحداً ياطلبته حقق المطـــــــــــلبي وانت يامن تمركا وفاضياً للـــــــجدال= خذ فناجيل مري وللعسل تشـــربي انتها الرد واحلا الرد يبــــــن الحلال=من الدعى للكماله خاسياَ يعقـــــبي

الشاعر/طلاع الزميلي الشمري

جوزت بنات على ريالين=وكسبت رضا الله وخوانـي!!!

	بي العب القاف بالبيــتين=ولاهل الوفا الصدق عنوانـي وتسمعو وفهموني زيــــن=الله على الحق يهـــــــدانـي جوزت بنات على ريالين=وكسبت رضا الله وخوانـي والحمد لله كسبت الثنــين= وصارو لي عيال واخـواني وافين بالمرجله والديــــن= وكل واحد الطيب من الثاني عند الوازم معي وافـــــين= وكفخ بهم مثل جنـــــــحاني وأفخربهم في لقا الصافين= وبحضورهم نصفق الجاني وصلو على الي دعا لدين= المصطفى سيد عدنـــــــاني

وســـــــــــــــــــــــــلامتكم
طلاع الزميلي الشمري

أخواني وأخواتي الغالين
السلام عليكم ورحمة الله وابركاته
حبيت اهدي لكم هالبيتين مداعبه وبنفس الوقت جاده وهادفه
هالفتنه الي ألمت بالمسلمين في كل مكان عسى الله يطفيها ويهدي المسلمين
لما يحبه ويرضاه أنه سميع مجيب
اتكلم عن نفسي وبكل صراحه
عجزت أعرف الصادق من الكذاب
أختلط الحابل باالنابل

ياليت فيه للمبتاً في جبهت الـكذاب =كل ماكذب ياعرب أتولع المــــــــبه!!!

	عجزت لاميز الصادق من الكـذاب = حقايقاًخافيه والله يعلــــــــــــــــــم به ياليت فيه لمبةٍ في جبهة الـكذاب =كل ماكذب ياعرب أتولع اللمــــــــبه حتى بها نعرف الصادق من النصـــــاب = وكل جانياًياجنى يحاسب على ذنبــه كل ٍوقف وقال المسؤول والمنصـــاب= واسرارشعبي انا أعرفه واعلم به والحق واضح ونوره شارقاًماغــاب=كتاب الولي وسنته والكل يعلمبه ولاني وكيلاً على الراوي مع الكتاب =كل ٍعلى ماذكر ذنبه على جنــبه

وســــــــــــــــــــــــــــــــــــــــــــــــ ـــــــــــــــــــــــلامتكم

من الارشيف عسى تعجبكم

اشوم لعيطى وعتلي فوق الأفـاق = وباسم الطنايا نشيد البيت فوقه!!!

	سار القلم عجلآ على صفح الأوراق = سارو خفوقي للحقايق يســـــــوقه أخذ وأخلي وقطف أزهور مـــــالاق = وجني زهور الورد وترك أعروقه وبرسله لشاعر الي ألـــــــــــياراق = يفهم على الشاره معاني أرمــــوقه شاعر ومع نفسه بالأشعار صـــداق = شاعر يسوقه للحقائق خفـــــــــوقه بالحق يظهر لاغدر كل بـــــــــواق = وجهً لوجهً يصفقه مايبــــــــــــــوقه ون قيل منهو بصرح الأمجاد عملاق = أشرف شريف مشرفاته عمـــــــوقه لهذا ومثله خافقي حيل مشتـــــــــاق = أشتاق له شفقً بروحً شفـــــــــــوقه واشوم لعيطى وعتلي فوق الأفــــاق = وباسم الطنايا نشيد البيت فـــــــــوقه وشوم عن الواطي على راس شوهاق = وبعد بنوقي ولاتجي جرب نــــــوقه عدوا الجرب تصيب من شمــها وذاق = ومن شمها موت العزارا يـــــذوقه وصداقةً تبيع وتشراء بالأســـــــواق = أرفظ مبادي من تعامل بســـــــوقه وصداقة الأهداف به ســــــــــــم زراق = والباطل روحه ماتطول زهـــــــوقه ومن عاملآ لجل لزومه أليا ضــــــعاق = أتركه في ضيقه يلاوي أربوقه ومن خاف مثل البوم بالصوت نعاق = خلوه في خوفه يضمد أحروقه واصدق مع الي في نواياه صــــــــداق = ومن يحفض أحقوقي حفضنا أحقوقه وأحلا تحيه ود وأشواق ومشتــــــــــاق = ألكل شبلآله مشاعر صـــــــــــدوقه

هذه القصيده عليها ردود من عدة شعراء ولكن ليست موجوده عندي ولم أحفض سواء
بيتين لشاعر عبد الكريم الجروا العنزي

يابن الزميلي بحركم يغرق اغراق= يالشاعر الي ماقدرنا لوحـــــــــــقه
اليا تبين لي ردي وهـــــــــــــلاق = يغير بلونه حيتً به زروقـــــــــــــه
ماجامله تسمع مسامعه ماطاق = وعطيه باليسرى على أيمن أشدوقه

بصراحه هالبيتين يسون الف قصيده
وسلامتكم