ديوان الشاعر / مشعل عسام التريباني

بسم الله الرحمن الرحيم
((كل شين يعالج غير خبث الضمير))
مشعل عسام الغافل التريباني الشمري في ١٢/١٠/١٤٤١هجري

كل شين يعالج غيرخبث الضمير

	كل شـــيّن يعالج غيرخبث الضمير=لوتدوّر عــلاجــه مـاتجـــدله دوى اشهد ان الحقد للناس شرن شـرير=بئس حمل الحقود ومقـبح المحـتوى مايشيل الحـقد للناس كـود الحقير=واصغرالخلق حجم وهابط المسـتوى شوف كيف الذباب ايطير منه البعير=يكــره الدار ياشـافه عليها ضوى انكر الصوت عندالله صــوت الحمير=وكل شخصن يحاسب قدماهو نوى من نوى فعل خير يبشرونه بخير=ومن نوى فعل شرن في جهنم هوى وحبل عمـر البنادم لويطـوّل قصير= وينتهي في رحيله من منازل طوى ثم ينضر بوضعه بين شرن وخير=لين يلقا حســـابه من شــــديد القوى لين يلقا حسابه من سميعن بصير=عقب فترة غرورن عالي المســتوى كم نزل في نعيم الخلد شخصن فقير=وكم غنياً بحـمله في جهنم ثوى كبر فرعون اهانه واسكنه زمهرير=ومال قارون قلي وين هوبه دوى اسكنه وسط بيتن مايســـر النضير=في محلن قصيف وبالجحيم انشوى

بسم الله الرحمن الرحيم

رد على الشاعر ظاهر فايد المفضلي الشمري
مشعل عسام الغافل التريباني الشمري في6/2/1441هجري

ابيات رد ثنا بالاخ ظاهرفايد الدريعي المفضلي

	يامر حبابك يانزيه الاشــــــانيب=يابو عمـــر جعل المنايا تعــــداك يامـرحبا مليار مليون ترحيب=اناشـــــــــــــهد انك وافين لاعدمناك دايم تــواصـلنا بدز المكاتـيــب=وحنا ولو طال الزمن مانســـــــيناك جارن عزيز ودايمن تفعل الطيب=نلت المــراجل يالدريعـــي بيمناك لك يالدريعــــي بالجزايل تجاريب=الله يكثر بالبشـــــــرمثل شــــرواك مدحت ربعـــي محتمين المراكيب= اولاد الادهم ياحصل هوش وعراك لانك من الفضـــلان ذباحت النيب=حـــــي الـــدويله وانت يالقرم حياك ربعك هلا الطــوله كعام الاجانيب=عدوهم يارد علــى حوض الادراك نهر الروى ياقطرن المشــــــاريب=وقهر البلاوي يوم دورات الافلاك اهل السيوف اللــي تقص التلابيب= عــدوهــم ماله عن المــوت فكاك

بسم الله الرحمن الرحيم
((انت يالمذعورشاعروفي شعرك دروس))
مشعل عسام الغافل التريباني في 29/10/1441هجري

انت يالمذعور شاعر وفي شعرك دروس

	انت يالمذعورشاعروفي شعرك دروس=غصت في بحر القوافي ولقّطت درره شاعرن شـــعرك يطهّر زكيات النفوس=بلسمن يطرد غثا القلب وايزيل خطره اشهدانك فارس الشعرباليوم الضروس=ياحصل بين الشو اعير للشـــعر غبره واشهد انك عيلمن ماتجاريك الرسوس=عيلمن يطرد ضما النفس وايزيل كدره جبت لك غيدا من الشعرتزهاها اللبوس= فارعن تزهاالجواهرعلى وسط ونحره من بنات الفكـر حضرت تلعآ عيطموس=راهين جسم الكحيله وكاسيه شــــعره التقطت اغلا الجواهر من اليم الغموس=يوم خضـت اليم بالقافيه جبت خبره ضي شعرك مشـــرقن ماتغطيه الكبوس=صاطعن فـــي ليلةٍ غايبن ضــي قمره قســـت قيفان القصيده على دنياك قوس=وكل مبصر للســــــلامه يقديه بصره واشــــهد ان دنيا الفنا للخلايق حدموس=كل مخلوقن تسوقه لوسط المجزره تزرع الدنياوتحصـــد وثم ترجع تدوس= والحضيض الي تعلم دروسه وعبره

بسم الله الرحمن الرحيم
((الارض ياصبره على بعض البشـر))
مشعل عسام التريباني الشمري في 1/11/1441هجري

الارض ياصبره على بعض البشر

	الارض ياصبره على بعض البشـر=وشلون ترضاهم عليها يدعسون وشـــــــلون ما تقلب عواليها حـدر=وتدعس عليهم لين تحته يسكنون اهل النفوس اللـــي معباتن كبر=واهل القلوب اللي تعبة باالظنون واهل الحقدوالحسدواصحاب البطـر=ياليتهم فوق الثرى مايكثرون اقلوبهم من حقدها تقدح شـــرر=حتا بحق اللي خلقهم يبخلون اقلوبهم مليانتن دمّن حمــر= يقرون بالتنزيل مالم يفعلون يقرون بالقـرأن توجــيه وعبر= وعيوّ بتوجيه المهيمن يقنعون ياويلهم مــن يوم كلا لا وزر=يا عرضت الاعمال قدام العيون تعرض صحايفهم الياحان القـدر=ويلقون في طياتها مايضمرون عـند المليك العادل اللـي مقتدر=ومن الكرام الكاتبين يحضّرون

بسم الله الرحمن الرحيم
((انا لي ثلاث ايام في داخل الفيضه))
مشعل عسام الغافل التريباني الشمري في 22/11/1441هجري

انا لي ثلاث ايام في داخل الفيضه

	انا لي ثلاث ايام في داخل الفيضه= مغير اتردد يالله انك تخارجنا دخلت الحما واضن ماعادبي عيضه=ركبنا السفينه ثم سجنا ودوهجنا نوينا بها المرباع ونجدد القيضه=لين الوديع من الديار ايتولجنا السود راحت وامتلا الخد في بيضه=عسا الله في صفحة هلا الخير يدرجنا سود اليالي تفرح الـــرجل واتغيضه=نغتر فــي حلوه والامرار تزعجنا عمرالفتى هدّه ودنياه ترويضه= درسنا نهايات السفر في مناهجنا عين الزمن لو مدد الـوقت تغميضه=لابد ماتبصر وتنهي معارجنا تستغفل العالم وتسحب مقاريضه=وتسحب بصاط السلم عنا وترهجنا غدارتن محدن سلم من عواريضه= تضحك وتبكي ثم تبرم وتدمجنا تحط الحمول وتنتشر في مراكيضه= يارب من سؤ الليالي تخارجنا

بسم الرحمن الرحيم




((ياثقال النفوس خفيفين الوزن))رساله لكل المتكبرين

ياثقال النفوس خفيفين الوزن

	ياثقال النفـوس خفـيّفـين الـوزن=قللو بالتغطــرس جعل مــاتكـــثرون الرجـوله تبــي عـقلاً لبيب ورزن=ماتواطن خفافن للـــردى يرجحون والنفوس الزكـيّه بالجـزال برزن=يكـنزون المـراجــل قــد مايقــــدرون يوم ثقل النفوس عن الجزال عجزن=شالهن متن خف النفس لوهـن طنون طاهرات النفوس عـن التكبّر قزن=يوم ســـود الضغاين للـردى يطمحون كم رديّن ضمــيره للهـزال مخـزن=يضمر الشــــــــر للاقصين والاقربون الردي ســـــــــــؤ ظنه طوّقه بالحزن= طول عمره محمّل بالحســـد والظنون لويشوف البروق اتلوح وسـط المزن= مايصدق رفيف البرق وســط المزون شوكتين الحقد وســط الضمير غرزن=ســـــــــوّن النون في قلبه ومايعلمون ليت سودالنفوس عن الضغاين عزن= قبل يومن به الداين يســــــــد الديون

(( بسم الله الرحمن الرحيم ))
((لا تعاتب الصاحب على كل زله ))
مشعل عسام الغافل التريباني الشمري في 23/11/1441هجري

((لا تعاتب الصاحب على كل زله ))

	لا تعاتب الصاحب على كل زله = اسمــع وطنش جعــل الانذال تفـــــداك وراع النقيلي كل ماجاك قله = ماني بمن بسمع سفاسف حيــــكاك وسيفك على الصدقان حذرا تسله = تقعد وحيدن ناقلا داك بـــــرداك خلك حليم وضيقت الصدر خله = خل التواضع ميزتن من مزايــــاك والشجرة اللي شوكلها دون ظله = تسكن بها رقط الافاعي وتننحــــاك وقلبً على الادنين يصدى بغلــه = يبي يورّد صاحبه حــــوض الادراك والصبر دربن كل شهمن يدلـــه = ومن لا سلك دربه تشربك تشربـاك وطبيعة المخلوق تاتي جبلّه= من عند ربن عالمن في خفاياك احدن وسيع ابطان محدن يملـه = مثل الجبل ماهزته هوج الافـلاك شوامخن فوق البسيطه مطلّه = يطمح لها باالطيب مثلك وشـرواك

بسم الله الرحمن الرحيم
((ياضاق صدرك للولي نقح ايديك))
مشعل عسام الغافل التريباني الشمري في 22/12/1441هجري

ياضاق صدرك للولي نقّح ايديك

	ياضاق صدرك للولي نقّح ايديـك=الواحــــــد اللي مايخيّــب عبيـــــده واعلم تره من رحمته مايخليـــك=ربك كريم وكل الارزاق بيـــده يامصخّـر الارزاق منج المداريـــك=نفسي من التقوى تزوّد رصيــــده يارب اناعبدك فقيرن وناصيـــك=واطمع بغفران الذنوب العديــده اسجد لوجهك وابتهلك واناجيــك(=وارجيك توفيق وحياتن سعيـــده مايلحقن في رحمة الرب تشكيــــك=مؤمن من اهل الدين واهل العقيــده مسلم سليــــم من العقد والشرابيك=ولي اسوتن باهل العقول الرشيده واسجد لوجهك في صلاتي واراجيــك=يوم ان ميت القلب ضيّع حصيـــده اشدق ورع من خوف بطشك واناديك=وارجع واكررسجدتي لك واعيده ياسامعن صوت المنادي وداعيـــك=يامحيـــي العود الرميـــم وهضيــده

بسم الله الرحمن الرحيم
(((مساجله بين شاعر_الضياغم وشاعر الدهمان)))

شرهت الطيب على الطيب مباحه= شرط بحدود الادب دون التنكر
لا تكثر بالعتب واترك مســـاحه= تقــتنع به انت حيث انه يفكر
والله انك للـوفاء قمه وســـــــاحه= لا خــــداع و لا نفاق ولا تكبر
والرجال اهل الــوفـــــاء ســـــــبة= نجاحه التسامح والرضا وايضالتدبر
وانت يامشــــعل جمعته بالنصاحه= و الكلام اللــي عن المعنى يعبر

(((شاطي مجول الخليل الشمري)))

مساجله بين شاعر الضياغم وشاعر الدهمان

	‏‎اللطافه والمرونه والســــــماحه=والمزاج اللــي مهودوم متعكر والتواضع والتحمل والصـراحه= تجعل المخلــوق لله ايتذكر حي راسن جامعن فهم وفصـاحه= يابومشعل منك انا حيل امتشــكر اقتحمت الشـــعرواحكمت اجتياحه= في بيوتن كنهن مطعوم سكر تكتب الجزله وتلبسها وشاحه= من محيطن هاج بالشهد المحكّر شاعر الجزلات والشرد المتاحه(= كل متذوّق بقيفانك تفكّر جامعن شــعروثقل عقل ورجاحه= يوم بعض الناس تفكيره مهكّر

مشعل عسام الغافل التريباني الشمري في 27/12/1441هجري

بسم الله الرحمن الرحيم
((اكتب احلا القوافي والبس الشعر جوخ))
مشعل عسام الغافل التريباني الشمري في 30/11/1441هجري

اكتب احلا القوافي والبس الشعر جوخ

	اكتب احلاالقوافي والبس الشعرجوخ=وارق فوق الشوامخ مع نسيم الهوى استعن بالمشاعروارق فوق الشروخ=ورّد المفردات الشرد عد الروى هاجسك ماتعوّد ينتهي باالرضوخ=يوم ذيب المشاعر باالقوافــي عوى ياقريني تزين في بشوت الشيوخ=خابرك باللوازم عالي المسـتوى وان كتبت القوافي نق منها الرسوخ= خذ خريف القصيد وطش عنك النوى هات بنت الخيال العيطـموس النذوخ=خصرها كل ماهب النســـيم انزوى واصخـر اجمل حلـي المفردات البذوخ= لين تارد دليّك في عيون الجوى وحمسة الشـعر نقه عن دقاق الجلوخ= وصافي الشعر يبقى للمشاعر دوى لاتحصر المشاعر كلها وســــــط كوخ=اطلق اسبوق شرد الشعر تاتي سـوى خذ عصاالمفردات ونوخ العوب نوخ=وكل شخصن يحصل مـزرعة مانوى