ديوان الشاعر / مشعل عسام التريباني

بسم الله الرحمن الرحيم
((مرثيتي بالخال غافل الصالح رحمه الله))
مشعل عسام الغافل التريباني الشمري في 28/11/1441هجري

مرثيتي بالخال غافل الصالح رحمة الله عليه

	عسـاك بالجنه بعيدن عن النار= ياالنادر اللــي ماتعــدد مــزاياك يعل مسكانك مع الغر الابرار=وحنا يصــبرنا علـى عظم فرقاك ياعــل منزالك بجنات وانهار= الله بالفــــردوس والخلــد يجـزاك في جنتن كله بســاتين واثمار=فــــــي منزلاً يرفع مقامك ويزهاك فــي صحـبة الغر الميامين الابرار=تســـــتقبلك حورن تشـــــوّق للقياك فقدك مصيبه مارشــأن الاقدار= وحان الفــراق ولابقا غير ذكراك ياعين هلي صافـــي الدمع مدرار= وياقلب حـــزن وقت فرقا دناياك مرحوم ياســـقم العدا باللقا الحار= يابو مبارك والله انا فقـدناك يافزعة الصاحب الياصار ماصار= ليت القدر ماشال مثلك وشرواك حقك علي بسجدتي وقت الاسحار(=ادعي لك الله من سنا النار يحماك ادعي لك المعبود علاّم الاسرار=عساه من حر اللواهيب ياقاك

بسم الله الرحمن الرحيم
((رد على غنام الهمزاني))
مشعل عسام الغافل التريباني الشمري في 23/11/1441هجري

ردي على غنام الهمزاني

	ياســـــــابق الافكار ودي وهاتي=هاتـــي من الغبه جدايد حللها رداً علـــــــــى الـــي يكتب النادراتي=المعجزات الي تشـــــــوّق جملها غنام يشــكيلي وانا من صفاتـــــــــــي=اســــرع بردي والبيوت ارتجلها جتنـي حروف بيوتك المبهماتـــــــــي=وتفسيرهايصعب على من جهلها وجبت القلم والبوك هو والدواتـــــي=وكتبت فيض الموهبه في عجلها واحترت فـــــي مغزاء جواد الزناتي=مدري جهتها وين وادراء كللها مدري علــــــى العدوان تقفي وتاتي=والا علــــــى الصدقان حطت ثَقَلها وجه الحقيقه يتضح بالمراتــــــــي=وتبيّن الصـــوره ويظهر خجلها والناس ماتبحث عــن المعجزاتـــــــي=غط العلوم الضايعه في سملها بالمختصــــر لاتتبع التايهاتــــــــــــي=ابرك لها مثل الجمل ثم شلها

بسم الله الرحمن الرحيم
((خذيت بحكمة القايل لياكثرة همومك نم))
مشعل عسام الغافل التريباني الشمري في 5/2/144‪ 2هجري

خذيت بحكمة القايل لياكثرة همومك نم

	خـذيت بحكمة القايل لياكثرة همومك نم=تمدد واترك التفكير لاتكثر هواجيسك ولكني تذكرت الكلام عن الضعافه شم=ولاتركن لهانات الزمان تزيد احاسيسك وابي عكس المقوله كل ماكبرت همومك قم=تحرك في ربوع الواسعه واشعل مقابيســك وانا والله عزيز ومركبي يقطع عميق اليم= بسوقك ياضعيف العزم لين ابعد مـراميســك بسـوقك بالعزوم اللي توردني قراح الجم= وابانزل منزلاً تقصر عن ارحابه عـواسيسك تجر همت الجزايل طالبن للمجد كيف وكم=على سرج الاصيل اللي تعززفي نواميســك اناعيوني كفيفه عن خطا العالم واذاني صم=واقول لعابد الغلطات لاتضرب نواقيســك انا حرن طليق الســبق وايخم الجزايل خم=حذفت الهزل واخترت التعالي عن دنافيســـك الاياطير تفكيري على روس الشـوامخ حم=ولاتنزل عن العليا تخفّض من مقاييسك كـذا ياطـير تفكيري عــرفتك دايمن ملهم= تهاجم صاطعات الضي ياشـــبّة فوانيسك

بسم الله الرحمن الرحيم
يوم شفت صورة والدي واخي رحمهم الله جميعا كتبت هذه الابيات المتواضعه عساها تنال اعجاب الجميع
((حد علمي بالوناسه يوم كنتو بالوجود))
مشعل عسام الغافل التريباني الشمري في 25/12/1441هجري

حدعلمي بالوانسه يوم كنتو بالوجود

	يبومحدعلمي بالوناسه يوم كنتوبالوجود=قبل اودعكم وداعن مايجي عقبه لقى وعقب ماودعتكم للمقابر واللحـــــود= كل يومن ماء عيوني لخديني سقى دمع عيني كل ليله جرى فوق الخدود= وضيقتي دايم تزورن وفي هم وشقى جعلكم في جنة الخلد في زرع وورود= وعن لهيب النار في رحمة الله عتقى والله اني ضيقتي به تعديت الحــدود= واشهدان فرقا الاحبّه على القلب محقى ياكريم الوجه يارب يالحــي الودود= تجمع الاثنين في جنت الخلد وتقى ابتهل وادعيك باسماك في وقت السجود= وادري انك تعلم الحال وانت المتّقى والله اني دارين مابها الدنيا خلـود= وكل مابالكون زايل ( ولله) البقى وادري ان امرالقدرحق والعمرمحــدود= والحضيض الي على سلّم الرحمه رقى مارطبع النفس تحزن وذا شي معهود= ســنة( الله)في عباده اليا يوم اللقى

بسم الله الرحمن الرحيم
((خطيبن تأم الناس وتخالف السنه))
مشعل عسام الغافل التريباني الشمري في 15/1/144‪2هجري

خطيبن تام الناس وتخالف السنه

	خطيبن تأم الناس وتخالف الســـنه= تقرأ الصحاح وسنت الله مضيعها تحمل الحســـد للخلق واتدوور الجنه=ياكبر الذنوب الــــي انت دايم تجمعها الشكر للمعبود مالك علي منّه=حاسب ضميرك زين والنفس راجعها حاســــب ضميرك زين وخيالتك عنّه=قصّر رسن نفسك عن الناس واردعها ترا كل رجلٍ بالخلايق خبث ضــنّه=يجمّع جمر نيران حقــده ويبلعها تقود الســـفينه( بر) في لاهب الكنّه=وتبحث عن اللــي لك من البر يطلعها والسفن غابات الفلا مايهو طنّه=لابدمن موجن علـى الغوص يدفعها تركد شوي شــــوي ياقايد العنّه=حاول تهين النفس واحــذر تدلعها تر النفوس حمـول الاحقاد يرمنّه=في وسط. نارن جاير الحسد ولعها الحنضله لو كل الانهار يسقنّه=مراره يعل القلب والكبد يوجعها اوزن كلامك عن خطا اللفظ يامنّه=دعتك نفســــك للخطاء لاتطا وعها اهجد يابونفســــن من الخبث منجنّه=والعافيه ليتك ترفّق وتبلعها

بسم الله الرحمن الرحيم
((طهرضميرك كان تبي السعاده))
مشعل عسام الغافل التريباني الشمري في 11/1/144‪2هجري

طهّر ضميرك كان تبي الوناسه

	طهّرضميرك كان تبي الســــعاده=مـن الحســـــــــــد والحقد ومتابع الناس ما بالحســـــد غيرالفلس والنكاده=وجمـع الذنوب اللـــي بلا عــد وقياس عفّـــرجبـيـنك للمـهــيمـن وناده=وناج الكــريم الـي خلـق كل الاجناس واخلص لربك فــــي جميع العباده=واترك ســــــــوالف عالمن توجع الراس واصحا تصيرسـوات عين الجراده=قصــــر النضـر دايم مـــردّه للافلاس واللي نثرحبه بوســــــــط الكتاده=يحصــد ثمـر زرع الندامه والاتعاس كلاًحســـب زرعه يحصل حصــاده=يجنــي محاصــــيله والارباح بقياس وربح الحسود من الذنوب ازدياده=ومن الغنايم ماكســـب شــــــلقت الكاس ســــيف الحقدلاتظهره مـن غماده=الحقد من طــبع الثعالب والابســـاس والطـيـب يبغـــى من يعنّي جواده=ويكظم علــى حبل المراجل بالاضراس

بسم الله الرحمن الرحيم
((ردي على الشاعر عوض بن فرحان التريباني الشمري))
مشعل عسام الغافل التريباني الشمري في 21/12/1441هجري

ردي على الشاعر عوض الفرحان

	حـــــي الكلام عداد ماذعذع النود=من منجمن مثل الجنيه المصفّى من شاعرن قادالجمل بالرسـن قود=والبسهن اللبس الحشـيم المظفّى احســــنت والدنيا جديدات واجرود=تضحك وتضمر للبشـــر ما تخفّى دنيا كفا الله شـــــــــرها مابها فود=الرابح اللـــي مــن بلاها مكفّى ترالحضيض الي من الحسد مجرود= ومن الحقد والحسد قلبه مصفّى حرن ومنزاله على شـــــامخ الطود= كف الحباري بالجنا حين كفّى مهو بهــرشـــــن عظ نابيه ببدود=على خفي الناس دوم يتشــــفّى ماينقل النمه لحـامــد ومحــمــود=ولايستمع للي ســــلاحه مخفّى وان شاف بحباله شـــرابيك وعقود= لف الرشـا عن مارد الحقد لفّى ورّد علـــى عـدن من الخير معهود=نبع القراح وعيلمن مايجفّى وفصل على جسمه من العز ماهود= وفي بشت صافين النوايا تدفّى واقبل على ربه بتســـــبيح وسجود=االواحد اللي عالمن بالمخفّى

بسم الله الرحمن الرحمن الرحيم
((ابيات اهدى للغالين فريح المتعب واخوه طاهر)) وقليله بحقهم
مشعل عسام الغافل التريباني الشمري في 5/1/144‪2هجري

ابيات اهدى للغالين فريح متعب واخوه طاهر متعب

	وفيتو ياعيال اللي فعوله يرفعن الراس=عسا اللي جابكم في جنة الفردوس منزاله فزعتو فزعتن فيها لعشــاق الوفا نبراس=ركبتو مـركبن ماكل (رجالاً) تهقواله اقول فريح بن متعب وطاهر يرفون الراس=ســلايل متعب اللي تســجدالطولات(ل)جلاله عيال اللــــي بفعل الطايلات يحطـم المقياس=صخي الكف تشـهد كل خلق الله على افعاله كريمن مايحسّــب للفلوس ارباع (والا)اخماس=كســب قولت نعم عندالرجال وفاز بجزاله عساه بجنت الفردوس يشرب من رحـيقه كاس=وعساحورالنعيم بملبس الســـندس تهياله تفجر تحته الانهار وايخــيّر مـن الاجناس=شرابه سلسبيل بكاسـة اهل الخلد يعطاله مكاسرعود كمبودي يعطر نفحت النســـــناس=ولد حرن (رقاء) للطايله والطيب يســعاله وعقّب(له)حرارن عظو الطولات بالاضـــراس=تعلّو (قمة) الامجاد لين احتلو اطــلاله تعلّو فوق هامات الجــــــزال بلبس درع وطاس=وفعلٍ للرجوله تضرب الامثال باشـــكاله

بسم الله الرحمن الرحيم
((البر من بعد المطر زان جوّه))
مشعل عسام الغافل التريباني الشمري في 16/4/144‪ 2هجري

البر من بعد المطر زان جوّه

	البر من بعد المطـــر زان جوّه= وقامت فيافــــي نجد عقب الرقودي والارض من فيض السحايب تروّه= وتجمـلة ريضــا نها بـا الــو رودي تزينة وابدت محاســــن نموّه= وتعطــرت وارخت فليل الجعودي تـوه صــفا ذعــذاع الارياح تـوّه= وفاحت روايح عشبها بالورودي وين انت ياللــــي فيك للبر خوّه= ولم فراشــك ياعريب الجدودي جهـز متاع البر والفــرش طــوّه= نبي الفياض اللي شمال النفودي نزّل دلالك واشقر الكيف ســـــوّه= في حاجرن فـيه النفل له فنودي فـــــــي فيضتن من رايح الوبل توّه= ســــيله من الوابل تعدى الحدودي نشـــــــم ذعذاع الهوى في صفوّه= عقب السحاب اللي يغيث الكبوْدي ســـــــحبن رعوده بالدجى يوم دوّه= يصحي بهاالي غارقن بالرقودي

بسم الله الرحمن الرحيم
ابيات ترحيبيه باللواء متقاعد وعضومجلس الشورى تركي حمود العنزي في مجلس محمد سميان الشمري
مشعل عسام الغافل التريباني الشمري في21/4/144‪ هجري

ابيات ترحيبيه باللواء المتقاعد وعضو في مجلس الشورى تركي حمود العنزي

	عطونا الزاج والبوك المسطر=سفير الشعر حل وجاب مابه نبــــــي نكتب ونبحر بالقوافي= ونسوق القافيه سوق الجلابه تراحيبــــي بضيفان الضياغم=هلا المجد الموثق والرحابه هلابك يابويوسف عندشــــمر=عدد ماهل همال السحابه عدد مارزم ســــــحاب الوسم وامطر= ومن يحضر بصحبك مرحبا به نرحب فيك فـــــــــي بيت ابومتعب=عريب الساس والطولات جابه صخـين مابخل فـــــي راس ماله=على البذل الصخي تهذل ركابه يروم المــرجله والطــيب ملكه=حوى كل المراجل في رحابه بنا بالطــيب لاهـل الطـيب بيتــه=كريمن دايمن مايصك بابه هلابك فـــي مظيفه مــرحبابك= نرحب فيك ياســاس النجابه خـــوي طيب ولك فــعلاٍ مجرب= فعولك ما توفيها الكتابه مللكت المـــرجله والطـــيب كله= وســـــيف الطيب في كفك نصابه ورثت المــرجله مــن روس وايل= صناديدن تهقوي من هقابه وختم القاف صلى الله وســــــلم=على محمد ( واله) والصحابه عليه افضل صلاتي والســــلامي=عدد رمل الوطى واللي وطابه