ديوان الشاعر / نجم الشعر

نقولها ياحرب / بقلمي


هذه القصيد مهديها للشاعر/ مزعم بن كمي الحربي
بمناسبة ترقيته نائباً لرئيس مجالس حرب /

نقولها ياحرب / بقلمي

	يامرحبا ترحيبةٍ كلها ورود=إعداد ماهبت هبوب الشمالي ويبرا لها الفنجال مع ريحة العود=في مجلسٍ تزهاه صفر الدلالي حيوا معي ياحرب يالابت الجود=ترحيبكم ياحرب جاله مجالي نقولها من قلب واحساس ووجود=نقولها ياحرب والراس عالي بالشاعر اللي يعسف القاف ويقود=أبيات شعره ترتقي للجزالي مزعم سليل المجد والفعل محمود=طيبه من طيب ابوه وعمٍ وخالي شرفتنا وكل الفخر فيك موجود=ومايكسب الطولات كود الرجالي وانته لها ياكاسب النعم والزود=ترقى سنودٍ كاسبٍ للمعالي الخير كله في نواصيك معقود=واللي عطاك الله عزيز الجلالي المعرفه تحكي لكم كل مجهود=ومن عانق الطولات نال المعالي هذي مجالس حرب ترفع لكم طود=ياماحكت عنكم صحيح المقالي وماني على ماقلت ياناس محدود=الا الفخر من شان واف الخصالي هذاك مزعم لا بدا كل منشود=حرٍ تعلا فوق روس الجبالي ياالله عسى يفداه ياناس مقرود=خبلٍ على عمياه كله خبالي وسلامتك يامنبع الطيب والفود=والمعذره لو طال فيكم مقالي وختامها صلوا على خير مقصود=محمد شفيع الخلق يوم الهوالي

نايف الشويب


وهذا رد الشاعر وهق بن كمي والد مزعم نيابةً عنه /

وهذا رد الشاعر وهق بن كمي والد مزعم نيابةً عنه

	يانايف الحربي دفعت اطيب القود=منقيةٍ ماجبتها بالريالي من نظمك اللي بالجزيلات مشدود=تعطي عطاك الله بركة الحلالي يوم الطهيمي فاز بمزاين الذود=قام الحروب يعانقون الخيالي على الفضائيات والعالم شهود=إن الحروب اهل الوفاء والكمالي ويوم ان خالد طاح والسيف مجرود=شالوا حموله حرب لو هي ثقالي حربٍ لهم ماردٍ على الطيب واعدود=حربٍ لهم بالمعجزات احتمالي في ماقفٍ تنشر به البيض والسود=وعظَّت به الظلفه دفوف الجمالي تبرز قبيلة حرب والعلم ماكود=طيب الجدود معقَّبٍ للعيالي حق القبايل نعمٍ والذم منقود=والنعم فيهم كل ماجاء مجالي يانايف انته لك مواقفٍ ومجهود=تشكر عليها ياكريم السبالي والطيب بابه عنك ماهو بمسدود=عاداتكم يامحتمين التوالي أنتم بوجه الشر يانايف الجود=ياحزام من حده من القوم صالي محسوب لك مع حرب ماانته بمفقود=وطيبك مقدم ماتخليه تالي ماانته من اللي ينتظر صرمت العود=اللي علومه مع طويل الظلالي يشوف نفسه مير ماحل معقود=ياجعل فاله ماهو فالك وفالي وصلاة ربي عد ماهبت النود=على نبي الحق واف الخصالي

الشاعر/ وهق بن كمي الحربي

هذي حكاية صورتك / بقلمي

	الصوره اللي شفتها ولَّعتني=ونجتفها في داخل القلب مطبوع ماينمحي لو الليالي عصتني=أحبها ياناس والراس مرفوع مادام صورة صاحبي رافقتني=أحبها والحب ماهو بممنوع ياصاحبي من صافي الحب عطني=واعطيك من حبي ونومك على الكوع لونمت طول الليل ماكلِّ متني=يابو خديدٍ كنَّه النور مسطوع أرجوك يالمجمول قرِّب وشفني=شفني طريح الحب والقلب مشلوع حبَّك ناره بين الضَّماير كوتني=يطفي لهبها من شفايفك قرطوع تروي ضمايا الحب يوم وردتني=وتذهب هموم القلب بالكم والنوع هذي حكاية صورتك يوم جتني=والزين مثلك ياهوى البال متبوع

نايف الشويب

قولوا لها / بقلمي

	قولوا لها تكفون تكفون تكفون=إن الوفاء في حبها من صفاتي مادام حبي عندها يعادل الكون=إن كان هذي هي تعادل حياتي قولوا لها ترفق على حالي بهون=من بعدها ياناس خطرٍ مماتي وعن حالتي الناس ماهم بيدرون=أسهر وغيري يهتني بالمباتي ياعزتي للحال من دون في دون=مالي جدى ياغير لحن اغنياتي قولوا لها تكفون لايصير تنسون=كود الغظي بوصله يسبب نجاتي دام الخفوق بناعس الطرف مفتون=على الأقل ليته يسوي سواتي أبدع على شانه طواريقٍ لحون=واسجل الطاروق في ذكرياتي أنا وقصيدي فدوةٍ له وممنون=وشوفت حبيب الروح تصبح غناتي وفي حبها مااطيع ناسٍ يعذلون=واحيان يعرض حبها في صلاتي

نايف الشويب السليمي

نسف الأحزمه / بقلمي

	مادريت عنك وانته مادريت=لكن قدمك درب عمك ألزمه عادتي بالدرب لامني مشيت=مااتوهَّق بالدروب المظلمه أوجع الأخصام لامني غزيت=المعادي لازم آخذ محزمه والله اني ياجماعه مانويت=أبتدي بالحرب والضد اهزمه لين شفت النار شبَّت كل بيت=في سناها كل شيٍ تلهمه عادةٍ لي ياجماعه لا اعتزيت=أطفي النيران لوهي مضرمه ما اعتدي مير انا اخوِّف لا اعتديت=فم العدو بالشجاعه نلجمه واختصرها بالسلامه واكتفيت=لامن غيري نوى نسف الاحزمه

نايف الشويب السليمي

ياديرة آل سعود / بقلمي

	ياديرة آل سعود يامنبع الخير=خيرك علينا يزود في كل يومي الأمن ساد وبالمشاريع تطوير=ياديرتي ياعل خيرك يدومي حكامنا لاصار بالأمن تعكير=ماعندهم ياغير لطم الخشومي ضد الحريب وضد من يعكس السير=هم عزنا وقت الرخاء واللزومي سلام يارجل الشَّجاعه وتقدير=في حزت الضيقات ماذقت نومي محمد بن نايف ترى وصفكم غير=أنت الذي وقت الشَّدايد عزومي وانت الذي لاصار بالحال تغيير=تاطى على خشم الحريب اللؤومي وانت الذي سطرت للعزم تسطير=ماهزكم من قام وشن الهجومي ياذخرنا وقت الليال المعاسير=ياصاحب القلب القوي الرحومي الله يجنبكم صدوف المقادير=وعساك ماتوجس لهيب السمومي واللي نوى باارض الحرمين تدمير=سهوم المنايا فوق راسه تحومي الزُّمره اللي همَّها بس تفجير=حريبنا بامر الاله مهزومي يازمرة الشيطان بكل المعايير=بافعالكم ماتمثَّلون العمومي يازمرة الإرهاب ماعندكم خير=ترى الوطن ماله وراكم لزومي لافعالكم ماعندنا أي تبرير=حتى بعيد الدار لكم يلومي الله يطهِّر منكم الأرض تطهير=واللي وقع في حفرته مايقومي يامير انا اعبِّر عن القلب تعبير=واستنكر الإرهاب وهذي علومي وصلاة ربي عد مارفرف الطير=على شفيع الناس يوم الزحومي

نايف الشويب السليمي

ماباس / بقلمي

	اي والله اني شايفٍ الوضع يازين=ومن شان هذا مقدرٍ لك ضروفك وماقدر المولى على العبد راضين=عسى المرض يانور عيني يطوفك أدري بحبك يامنى القلب والعين=وان الغلا داخل ضميرك يلوفك أدري انك تدرين عن حبي الحين=وادري انك تدرين ودي أشوفك وادري انك تدرين لو مرَّت سنين=إن العهد مني جميل معروفك وادري انك تدرين هذا الزمن شين=وتزامنت به ياحياتي صدوفك ماباس من جور الزمن قولي آمين=إن الولي من كل شرٍ يروفك ونشوفك بعد الشر بالرجل تمشين=والعافيه يانور عيني تحوفك والحمد للمعبود بالعسر واللين=والعيد عندي نقتطف من قطوفك أنا اشهد انه يصبح العيد عيدين=لاصرت انا بالعيد بعيني أشوفك

نايف الشويب

العز لآل سعود / بقلمي

سعوديتي / بقلمي

	ياناس هبوا ضد تنظيم داعش=من قبل ماتطغى علينا الدواعيش حمير داعش صوتها اليوم فاحش=نسمع هنا وهناك صوت الفواحيش والكلب ينبح وده يصير ناهش=وده ينهش ويجيب غيره نواهيش تكاثرت قطعان سود القرافش=لاكثَّر الله سود كل القرافيش باسم الإسلام أعدادهم في تناعش=الله ينعش فيهم النار تنعيش يااهل الإسلام احموه من كيد غاشش=من بينكم ياكثر كيد الغواشيش لاتأمون اللي مالبس الطرابش=أخطر من اللي يلبسون الطرابيش ولي كلمةٍ ماهي على ذكر هامش=المسأله ماهي بذكر الهواميش سعوديتي تسمى على كل خادش=ماهي مقرٍ للقلوب الخواديش والعز لآل سعود والشعب جايش=وقت الشدايد كلنا الأمن والجيش

نايف الشويب

آل دويرج / بقلمي

آل دويرج / بقلمي

	راكب اللي لانويت الدرب صفَّح=المسافه تنطوي من صوت ويله كنه اللي يوم شاف الجول طفَّح=أشقرٍ منه ابرق الريش ياويله وارد اليابان من حازه تربَّح=وقفته تعجبك لو طوَّف موديله مركب للعز ماهو للمشفَّح=مااصعبه على اللي قروشه قليله ودي ألفي على الوجيه المسمَّح=آل دويرج عزنا وعز القبيله الوفاء بغزاي في وجهه تلمَّح=والشجاعه والسماحه والفضيله لانصيته كل صعبٍ لك تسمَّح=عادةٍ له مايشيل الا الثقيله ومن بغى حمدان تاريخه تصفَّح=يعرفه بالطيب في نفس الفصيله لانصيته كل شيٍ لك تصلَّح=صيرميِّن مايصيد الا الجزيله مرحباً يامرحباً يومه ترشَّح=الإماره والشطاره تستويله والبقيه كلٍ بطيبه مرشَّح=كل واحد عادته فعل الجميله والدهاكل طيبهم فعلاً ترجَّح=من جهل بافعالهم فانا دليله أفتخر في مدحهم يوم اتمدَّح=واختصرها لو بغيناها طويله

نايف الشويب

القيادي / بقلمي

القيادي / بقلمي

	البدايه على الإله اعتمادي=منشي الأمزان فيها البرق ناضه رافعٍ من فوقنا سبعاً شدادي=إبتدا بالكون وبيديه انقراضه والشدايد مالها غير الشدادي= من الرجال مروِّضين الصعب راضه مثل عقيِّل لااعتزى شب الزنادي=ذيب ضلعٍ حوَّل مع ذيك البياضه مجرهدٍ ناوين ذاك السوادي=روَّع القطعان من هول انقضاضه صيرميِّن لانهض وقت الهدادي=يوم شاف الجول سرهد بانتهاضه ياابوفهد خلك بعلو الشدادي=لايهمك من تمادى باعتراضه أنت من ربعٍ في نهار التنادي=لااختلط ملح الرمك تارد حياضه عادةٍ لك تمشى من فوق السنادي=مقتدي باابوك الطيب وافتراضه كم راس حبلٍ حله عقب انعقادي=عسى فاله جنةٍ تنعم رياضه ياابوفهد قودها وانت القيادي=ومن تخلف عنك كثرت به امراضه من شان ابو غازي سمعنا المنادي=قودها وحنا نهز الإنتفاضه ماعلينا من اللي بالهرجه يدادي=وابو غازي جعل رب البيت عاضه واختتمها صلوا على خير هادي=عد مارش المطر واخضر فياضه

نايف الشويب السليمي

ياذيب / بقلمي

	ياذيب ماشفت اشهب الذيب ياذيب=يوم انت تمشي في ربوع الفيافي تلقاه دايم حول حرش العراقيب=ماظنتي مثله على الناس خافي أبو زايد راع الوفاء والمواجيب=ربيعنا وقت السنين العجافي محمد بن عبدالله الشويب الذيب=وان قلت محمدنا على العز كافي له ماقفٍ مافيه شكٍ ولا ريب=لامن نخيته مايروم التجافي يقضي لزومك راعي العرف والطيب=تلقاه في كل المواقف سنافي ولامن خاويته شال عنك الصواعيب=واخلاقه تجعل غابر الجو صافي ولا من لفاه الضيف يلقى التراحيب=هو الذي من جملة الناس وافي الله يجيره من سموم اللواهيب=ويبقى لنا رمز الوفاء والتصافي وياذيب ماشفت اشهب الذيب ياذيب=يوم انت تمشي في ربوع الفيافي

نايف الشويب