عبد الله اللي ما نسيناه لله

....... عبدالله اللي ما نسيناه لله ........

اللهم ارحم حبيبنا ومليكـنا الغالي عبدك الصالح عبدالله بن عبد العزيز
واجعل منـزلته مع الاخيار والابرار في جنةً عرضها السموات والارض
قــولوا آمين ...... و كما قال يرحمه الله لاتنسوني من دعائكم .

ليـا غـاب نجـمً صـار نجـم ابمحلـه = هـذا مسـار ملـوكـا عبـر الازمـان
حكـام مـا يـرضـون ظـيـم ومـذلـه = من العهد الاول لين مقرن وسليمان
واليـوم مـات الـلي نـحـب ونجـــلّـه = راح وتـرك بقلـوبـنـا هــم واحــزان
عبـدالـلّـه الـلي مـــا نـسـينـاه لله = وشـعاد لو لفـوه فـي بيـض الاكفـان
وشعـاد لـو دنـيـاه تـطـوي ســجلّه = ذكــراه بقـلـوب المــلايـيـن تـــزدان
بقلـوبـنـا مـثــل الـجـبـال المـطـله = مـا دامنـا حييـن .. شيبً وشــبان
عزيـز غالـى فــي رحيـلـه وحـلـه = بقلـوبنا لــو مات حـيً ولــه شـــان
كـلـن علـيـه الـيـوم دمـعـه يـهـلـه = الناس من شتـى العقايـد والاديـان
حبــه تعــدا موطــن العُـرب كـله = واكبـر دلايـلً يــوم تنعــاه الاوطــان
يرفض اسـاليب الـقهـر والمـذلــه = ولايرتـضي شعبً بـدنـيــاه ينهـــان
يـرفض تكــون بلادهــم مسـتحله = طبــعً لبـو متعـب ومنهــج وعنــوان
ولو دام مُـــلكً فـالبشر ما وصــلّه = وذي ســنة الله تبتـلــي كل انســـان
واستغـفـر الله يمـكن الـكون كـلـه = ابدى حداده واعلـن الحـزن باعــلان
المــوت عنــا زال شـــمسه وظله = واعــاضــنا رب الخـلايـق بســلمان
ســــلمـان كلــن بـالـولا مـرسلله = سـمعً وطاعه قالها الشـعب بايمان
شـال الامــانه والشــعب مخـلـصله = صلـب الاراده نسـل الابطـال مـا لان
ومقـرن ولـي العهد سـيفً يســلّه = وقـت الشـدايد يـوم روغـان الاذهـان
يمنــاه واحــزامـه وعــونـه وخـلــه = مقرن كمـا المصقـول في كل ميـدان
ومـحمـد النـايــف عـضيــد ويــدلـه = ليا اختل في بعض المواقيف ميزان
ليـا شــاف بــالايـام ميـــل وممـلـه = لـه سـطوةً يذهل بها الانس والجـان
مسـتارث الطــولات عــن والــدلـه = ابـوه نـايـف مـن نــوادير حــورانّ
ليّــن علـى الصـاحـب وللضــد علّـه = وللحق نايـف ســيف في كل الاحيـان
اودعـوا معـي يانـاس مـن كُل مـلّـه = ادعـوا بنيـه صـافيه يـا اهـل الايمـان
جـعـل ابـو متعـب الجنـان المظــلـه = مـع الفهـد واخـويـه نـايـف وسـطـان
وعنــه يتـجـاوز كُـــل ذنـبً وزلّــه = ويحظى بعفو وممغفرة رب الاكـوان

محمد بن سوعان الربيّع

يامل جنات النعيم يابو متعب
الشاعر محمد سوعان الربيع
صح السانك يالنشمي
ودي لك ثم لك

شاعرنا الراقي محمدسوعان
صح لسانك ملايين ورحم الله ابومتعب رحمة واسعه هووجميع امواتنا واسكنهم الفردوس الاعلى والبقا بمن خلفه من ولات امرنا كلهم خيروبركه واسال الله لهم التوفيق والسداد

الغرريب

هلا والله ومسهلا اخوي الكريم الغريب
اشكرك على حسن المتابعه وطيب الاطراء
ما عليك زود يالغالي لاهنت وما عليك زود
رحم الله ابا متعب رحمةً واسعه واسكنه فسيح جناته
وجميع موتى المسلمين ............ تقبل خالص مودتي وتقديري ..

مشعل عسام التريباني


هلا بك والله ومسهلا هلا والله بالعميد
اشكرك يابو عبد الرحمن على حسن المتابعه وطيب الاطراء
ما عليك زود يالغالي وما عليك زود لاهنت
رحم الله ابا متعب رحمةً واسعه واسكنه فسيح جناته
وجميع موتى المسلمين .
تقبل خالص مودتي وتقديري ..

صح بوح منطوقك ولسانك

الله يغفرله ويرحمه ويسكنه فسيح جناته وجميع امواتنا واموات المسلمين اللهم أمين
الشاعر محمد سوعان الربيع
صح السانك الف
تحياتي لك

يامل الجنه البارده يا بو متعب
عمي بو سوعاان صح لسانك ياحيي

الله يررحم هالوجه الله امين
صح السانك اخوي الشاعر محمد السوعان الربيع

الشاعر محمد بن سوعان الربيع
صح لسانك وعلاء شانك يالنشمي

‘‘‘‘إإإإحترامي‘‘‘‘