اولى مشاركاتي .قصيده وجّهتها لأخي عمر العماني ابوفهد

الرجـل مايهمـه كـلام المهابيـل=ولايحسب حساب المهابيـل رجـال
خبولٍ تمـط اشدوقهـا بآلآقاويـل=وامن الردى والخزي تاخذ وتكتـال
عن مجتمعهم ينتحي كـل حلحيـل=يقيس بعده عن هالاشكـال بميـال
جهال مايرجـى وراهـم محاصيـل=تبي المعـزّه لآ تعـرّض الجهـال
وكل العلوم ان مالفت من رياجيـل=مردودهاللقـاع تـنـداس بنـعـال
ولاجاك معتهوهٍ زعـم عنترالخيـل=يقول انا اسمي في سجلات الابطال
جامل معه قل ايه بالحيـل بالحيـل=وقل انت عنترعبس فارس وخيـال
ثم اقفل الموضوع بالصمت تقفيـل=الصمت حكمه قيل في بعض الاحوال
يابوفهد دونك عن الحيـف والميـل=روسٍ لها في قمة الطيـب منـزال
تذود عن راسـك جميـع الغرابيـل=وتقّصرارّقابٍ على فهمهـا اطـوال
لكن على شان الجدي يكرم اسهيـل=وياسهيل من شان الجدي ركّد الحال
وياسهيل قولٍ جاك مافيـه تبديـل=والله لا يثري ثرى كل دجال

الشاعر تركي الغيداني
مصافحه رائعه
من شاعر اروع
ونعم منك ومن اخوك
وصح لسانك
وسلم بنانك
ورفع الله قدرك وشانك
دمت كما تحب

الشاعر القدير تركي الغيداني
سعداء لإنضمامك لقافلة شعراء وشاعرات شبكة نشامى شمر يالعزوة
مصافحه من العيار الثقيل تشكر عليها والف نعم بك وبأخوك أبو فهد
صح السانك مدد بلا عدد
خالص التحايا لسمو شخصك النبيل

مصافحه 000 طيبه يالطيب 000 صح السانك 000 وصح كلك ياخلف ابوي

نديم الطيب ..

والنعم منك ومن اخوك ابو فهد ..


نصيحه تكتب بماء الذهب ..

ابدعت في تصوير ابطالها ودورهم في الحياه ..

جزل ياتركي جزل ولاهي غريبه عليك الجزاله يالذيب ..

لاهنت على هالشامخه ..

تقبل مروري ..

دمت بود ..

صح لسانك
على هذه القصيده الجزله المعبره الهادفه

لقد اجدت بصياغتها كالعاده

تحيتي

بانتظار ابداعاتك المتجدده

هلا الف ومرحبا مليون

تركي الغيداني يــسعدنا ويــشرفنا أنضمام مثلك وشرواااك يابعدي

مصافحة راااقيه من شاعراَ رااقي

لك كل الشكر

كتبت نصيحه الذهب
اخي الشاعر تركي العماني الغيداني
صح السانك ملياار
تحياتي لك

تسلم أخينا العزيز / تركي الغيداني وصح لسانك مليارات يابعدي
ابيات صيغة بماء الذهب لاهنت.
تقبل فائق أطيب التحايا والتقدير،،،

اقتباس المشاركة الأصلية كتبت بواسطة عويد المغيليث الشاعر تركي الغيداني مصافحه رائعه من شاعر اروع ونعم منك ومن اخوك وصح لسانك وسلم بنانك ورفع الله قدرك وشانك دمت كما تحب

القدير عويد المغيليث
صح بدنك ولاعليك زوديابعدي
مرورك واطراءك وسام لاعدمتك