ديوان / الشاعر منصورالبخيتان

مثل الكتاب اللي غلافه يناديه

	ســلام للـي كــل يــوم وانـا اطـريـه=اطـريـه مـن قلبً تحـوفـه طـواري لـو تسئـل الصـم البكـم انطقـوا فيـه=فيـه الذي مـن بـيـن الافكـار سـاري ان كـان مايعنيـك هـرجـي وخـافـيـه=وش فايدة ضاري على غير ضاري مثـل الكـتـاب اللـي غـلافـه يـنـاديـه=مـا بـاقــي الا ذكــريــات وهــذاري عـزاه مـن جـســم تـلــوى ذراعـيـه=وشاف الشقاء والظلـم بـين الذواري لـولا شـقــاء الايــام واخـر لـيـالـيـه=اصبـح نهـاري مـثـل تـالــي نهـاري الموت لا مـات الجـسـد ويـن اوديـه=مانـي بعـد بلـشـان بـاسـمـي ونـاري الجـسـم لامـن مـات متـرين يكـفـيـه=ولانـي بعـد بلـشـان بحقـوق جـاري الجـار يـلـقـاء مـن يـعــزه ويغـلـيـه=ويلقاء حديثه مع صحـيـح البخـاري

الله عطاني روح من ظمن الارواح

	الله عطاني روح من ظمن الارواح=والله خلق خلقي وتمم رضاعـه ومد الهواء بالقلب بسهوم ورماح=من طاح في حبله سلام وداعـه كم غشـيـم بالهـواء حيـل مرتاح=قلبه قنوع وفوق خشمه قناعـه مار البلا ياناس من مثلي وطاح=صلوا عليه الغايبه والجماعـه البال ماهـو دايـم الـدوم منساح=والوقت دلا يلتوي بي ذراعـه داب ودلا يلـتــوي تـقــل ملاح=والقلب مايملك عزوم المناعـه حب ملك قلبي وزاده بالاملاح=وفتق جروح من عظيم اندفاعـه ليت الهواء والعشق ماهو بسفاح=اما حيـاة الحـب والا انقطـاعـه

ياناشـدً عنـي ترانـي شمـالـي

	ياناشدً عني تراني شمالي =احمي حدود المملكه من شماله شي جرى لدنياي وشي جرالي=مادور الدنيا بحسبت رياله الدين عندي والوطن شي غالي=اغلا من اموال الدول مع حلاله حبه زرع قلبي وشيد ظلالي=واسقاني الفنجال بافضل دلاله فيها الجبال ومثمرات السهالي=منظر جماله يستحق الجماله بين المراكي فوق حمر الزوالي=والجوا غيم وبادي في خياله واللي معك يفدونك بكل غالي=خوة نشامى للخوي وانفعاله والبرق يبرق من يمين وشمالي=وسوالف ماهي سوالف عماله سوالف الشيبان اول وتالي=من طيبنا والنفس ياطيب فاله ولاهو قصور في جميع الرجالي=لاكن احدد مستوانا لحاله في طلعت مع كم واحد طرالي=وارسلتها لقروبهم بالرساله

بسمته بالعين مرسومه رسم

	بسمته بالعين مرسومه رسم = ماعتقد يمحاه بالكون ابتسام فلت حجاجه تبي بدع ونضم = قلت انا جاهز بكل الالتزام قالت ابداعك على شاني يعم = بالغلا والا على غير اهتمام غايتك بالكون مافيها وهم = تتقن المحبوب لا اشرلك ابهام والاتترك غايتي باقرب سقم = قلت انا طوع المعنى والحزام ابشري بالطيب سهم مع سهم = والقدر فوق الوقايه والسلام

يامن يجيب اخبار ابومشعل اليوم

	يـامـن يجيب اخبـار ابـومشعـل اليوم =قـبـل الـدقـايـق والـثـوانـي تعـدا الصاحب اللـي داخـل القـلب محشوم =عــزالله انــه بـالـوفــــاء مايبـدا قـولـولـه انـي عـقـبـه الصـدر مكتوم =والضغط والسكر وجسمي تردا لا يـقـفـي الا عـن قـلـيـلـيـن ورخوم =ويـن الصقـور اللي لـ مثـله تهدا ياصـاحبـي نـومـي قـلـيـل بـلا حلوم =والـيـا تعـشـى صـاحـبـك ماتغدا عنـا نحتـك ضـروف والا بك هموم =نـفــداك بـالـلــي نـمـلـكـه يالمفدا عطنى عن اخبارك سواليف وعلوم =تـرى فـعـولك عـودً ازرق ونــدا

يا متابعين الحدث في الشام

	يامتابعين الحدث في الشام=ماشفتوا اللي على الشاشه ماشفتوا النار في الاعلام=الـعـيـن للـحــيـن منداشه بـشـار مـايــرتـكــي وينام=وجيشه على غاية اعشاشه في طـايـراتـه مـع الالغام=دمـــر وفــجـــر برشاشه قـنـابـلـه كـل نـوعـه سام=مايـرحـم الطـفـل بفراشه مصـدقـن نفسـه الضرغام=الصوف ملبوس دشداشه شتت عوائل بدون احرام=مـافـكـر بتـالـي ارماشه تـبـي تحـقـق حلـوم العام=تفسـير الاحـلام بـ غباشه ياصلك بكرى على الاقدام=وتشوف صورتك بالشاشه القاضـي اللـي حكـم صدام=واللي تقـاضـى مـن الباشه يجرم بك من الحشود اجرام=ويـهـمـشـك بــاي هماشه

هذي الابيات موجهه للاخ العزيز والشاعر الكريم

محمد بن سوعان الربيع العنزي

اليكم الابيات عسى ان تنال اعجابكم

يامحمد السوعان شوفه ولا يشاف

	سجلت بالقرطاس قاف على قاف=عسى الولايف يسمعون بضروفي من دونهم الفين كيلوا ولفاف=وستين كيلوا للوعر والجروفي بيني وبينه لاتواصل والا اطراف=ولا عاد له رقم بهاتف كفوفي شرط لبوها يمسح بقدر الانصاف=ولازم اوريهم مقفى كتوفي عني يقولون ابتعد يابن الاشراف=لاعاد شوفك يتوازن بشوفي ابوه غثيث وضيقوا صدره الاف=لو يدري بحالي يعز ويروفي لاكن اخوها مسرف فيني اسراف=من قول اخوها ما تلامع سيوفي وعمه مشيني وانا مابي اخلاف=خلاني اضيع مجلة صدوفي عزاه هذا وماحصل بكل سياف=كل يبي يسحب جفيره بجوفي لا عاد حب ينشرى ثم ينعاف=ولا عاد حب من وراهم يطوفي وش رايك بحكم الزمن والتخلاف=باللي وصايفها تشل الوصوفي احلا من السكر طعم حلو الارياف=تنتج من الروح العزيزه حروفي عني حداها حي مخلوق مايضاف=من اللي حرم نواف من دون نوفي عزربي الدنيا وانا منخلق جاف=ومن عقبها قامت تعاكس كتوفي بان الهلاك وبان شي بالاكتاف=وضلوع صدري تقل فنجال توفي حرك بقلبي بلف بسبايك الهاف=وانا بلياهم تقادح بلوفي يامحمد السوعان طافوا ولا طاف=ياعزتي للحال عقب الوصوفي يابن ربيع العلم شوفه ولا يشاف=وش حيلتي عطني حلول تنوفي والله وامان الله ان كان مايشاف=كبدي يقلقلها ضعيف الكفوفي تحدوا اللي مايتحداه سياف=وتمتعوا بالحال عقب الضروفي تكفى يابن سوعان ماني بخواف=علة خفوق صويحبي ماتروفي اسرع بحل المشكله قبل الاخلاف=قبل يموت ابوه واخوها وجوفي من يزرعون السنبله عقب الاعجاف=تعلكهم ام السنبله والعجوفي وان مافزعت اليوم للنون والكاف=افداه انا في سل سبيل يهوفي واختامها ماني وانا اخوك نواف=ولاني بعد منه يحب الهنوفي

الشاعر / منصور ظاهر البخيتان الشمري

دام الملك سلمان حي وموجود

	دام الملك سلمان حي وموجود=ولي العهد ذخر الوطن في وطنا ومحمد مثناء على الكل محمود=حنا بنعمة وآلي العرش حنا الشعب وافي مع نسل ال الاسعود=والارض حبه غالي بمجتمعنا ارض البقاع الطيبه كله حدود=ارض شريفه شرفت في زمنا الكعبه اللي من اجلها نبذل اجهود=بارض السلام ودار الاسلام منا قولوا لمندوب المراسيل لاتعود=حنا عرفنا نكبتك لاتمنا خلك بعيد عن حداحيد وسدود=حنا حفظنا الدين وفيه استعنا وآمر الولي يمشي على كل مولود=واظن تعرف دينا مع شيمنا

ودعتها عالم الاسرار

	ودعتها عالم الاسرار = استودعه من هاك الغربه العقل من عقبها ماطار = اكثر مماشيه مع دربه لف الزمن عقبها واندار = بآمر الله انشقت القربه ضاقت علي بزمانً جار = تبكي هل القاع والتربه المر من كادر الامرار = نتيجة القسم مع ضربه بين اللهايب وفوق النار = حالي يالاجواد يعذربه وين الذي لاسمعني شار = واعلن للاعلام وانذربه لو صاحبك ساكن الانبار = ولامن الصرب مع صربه لايضيق صدرك ولاتحتار = ابشر بغاليك وابشربه

الابيات موجهه للاخ العزيز / عبدالله شافي السبيعي

العسكرية به رجاجيل واشناب

	العسكرية به رجاجيل واشناب =ومن قال غير القول مابه رجوله اليا عطوك العلم تاليه ماغاب =علم الرجال اللي تهز البطوله مثل ابوشافي لاوقف حل الاصعاب=ما بالفصول الا مواسم فصوله لاعدوا اهل الطيب من ظمن الاطياب=ولا عدوا اهل الفعل هذي فعوله نأسف على هالوقت من بعدهم جاب=اللي يذكرنا بسن الطفوله توه صغير ولايحسب له حساب=ماجرب الدنيا بعرضه وطوله وشلون مادري كيف حطوله ركاب=واللي يبيه بقدرة الله ينوله ياليت عصر فات يرجع للاشناب=ونفتك من اهل البلبله والعموله لا مقدراً شايب ولا محترم شاب=ولا رافع راسه ولا زان قوله

الشاعر/ منصور ظاهر البخيتان