ديوان الشاعر / مشعل عسام التريباني

بسم الله الرحمن الرحيم
الشاعر\ مشعل عسام التريباني الشمري
((يابو تركي معك امانه اليامنك وصلت))18\8\1434هـ

يابوتركي معك امانه اليامنك وصلت((اشتقت للديره فكتبت هذه المتواضعه)) ..!!!

	يابو تركـــي معك امانه اليامنك وصلت= ديرة الـــدهمان ســـــــــلم عليهم كلـّهم وانت تفهم كل هرجي ولاعمرك جهلت= ياوصـــلت ديارهم يابو تركــــي قلـّهم قل لهم مشـــــعل يسلم عليكم كان قلت= لك جزيل الشكرمنـــي ترن مشـــفن لهم والله انـــي ياطرولــي من المرقد ذهلت= لذة المرقد وحلو الكـــرى شـــوقن لهم لابتي فيهم علــــى عالـــــي القمه نزلت= عـــن هجيرالقيض ربعـي يظلل ظلهم فيهم العاصـــــي يطاوع وفيهم كم طلت= منزل العليا بربعي وفـــــي جمعن لهم اعتزي بعيال الادهم اليامنـــــــي زملت= لابتن محدن تجـــرّى يطب حمن لـّهم كم لبست من المفاخروفيهم كم حصــلت= وكم خذيت وسام الامجاد من فعلن لهم لاتلومن يابوتركـــي ولو عنهم ســــالت= والله انه تفرح العين في شـــــــوفن لهم والله اني لاجلهم من قصــــيدي مامللت= وحالفن لاكتب جزال البيوت رضالهم

بسم الله الرحمن الرحيم
الشاعر\ مشعل عسام التريباني الشمري
((رد على مقبل الدخيل وين انت يامشعل العسام))
والله ماعرف للهجيني يالربع لكن على شان اخوي مقبل كتبت هالبيتين عسا ان تنال اعجابكم وارجو المعذره من الجميع وعلى

رد على مقبل الدخيل وين انت يامشعل العسام..!!!

	مقبل نخانـــي رفـــــيع الهام = لبيه يومـــــن دعا الداعـــــــي لبيه يا الشـــاعـــرالمقـــــدام = لعـــيونك ابرزت الابداعـــــي ابشــــربعزوفرح واكــــرام = ياشــــوق منقوش الاصباعــي اباصخر الشــعــــروالالهام = بشــكال واصناف وانواعـــي من شـــانكم تبحــــرالاقلام = من شانكم نســرع اسـراعـــي واقول للربع شـــــــيّن هام = غـــنام والقــــرم طــلاعـــــي الوجـــه ياللابة الاكـــــرام = دونه يشــينن الاوضـاعــــــي مندون مقبل تبين اســــهام = شـــلفن يقصن الاضـلاعــــي ومندونه الجيش والخـــدام = والصعب لرضاه ينصاعـــي الضيف في سنة الاســـلام = دونه يهــــونن الاوجاعــــي اكرام ظيفـــــي علي الزام = والا ترو مالـــــــي اطماعي راس الحنش يعدم الاقــدام = وسم الحنش يوجع اوجاعي والعمرينهيه حر الســــــام = لابد للموت مــــــــن داعي ونهاية العمــــــرقطعة خام = فـــي مظلمن داخل القاعي وانتم كــــــرام اللحا وفهام = والجود منكم والاسناعـــي العذر ياترثة الاكـــــــــرام = ماقصدنا شـــين الاطباعي لكن ترو للظـــروف احكام = وانتم للاحكام شــــــراعي

بسم الله الرحمن الرحيم
الشاعر\ مشعل عسام التريباني الشمري
العشر طلة في 22\9\1434هـ

العشر طلة وانصرم شهر الافضال..!!!

	العشرطلـّة وانصرم شهر الافضال= يالله تقبل صـــومــــنا والصـــلاتي وتجعل لابوي بجــــنة الخلد منزال = يارب تقبل وقفــتــــــي ودعــــواتي ارفع كفوفــــــي بالتظــــرع والاذال= يارب تقبل خلـــــوتي وحســــراتي عساه بالجنات فـــــي مـــــي وظلال= يامــــــــنزل الاحـــقاف والذارياتي عساه بالفردوس يســـــــــكن ويكتال= مـــــن نبت جــــنات النعيم ثمـراتي عيش الرغد يلقاه مـــن كل الاشكال= متخالطــــن مـــن كل نوع وصفاتي وتستقبله حورن برفق وســـــعة بال= بالمســـــــك واليشموم متعطـــراتي ويهنى بعــــيش الخلدباكرام واجلال= ويحياء حــــــــياتن مــابعدها مماتي واتثبته يارب فــــــــي حسن الاقوال= علــــــــى جوابن فيه زود احسناتي وتحماه من شــــدة عذابك والاهوال= بيومن به الابصار الك شاخصاتي يامعطـــــي السائل ســــؤاله الياسال= انت الكــــــريم وتعلم الخــــافياتي تعطــــي ولا ينقص من الملك مثقال=اسئلك بســـــــمك ياجزيل الهباتي

بسم الله الرحمن الرحيم
الشاعر\مشعل عسام التريباني الشمري
((والله لو الارزاق تاتي نهابه ))

والله لو الارزاق تاتي نهابه = مايشرب العصفورمن جمّة البير

	والله لـــوالاْرزاق تاتــي نهـــابه= مايشـــــرب العصفور من جمّة البير لاشــــــك باالقدره تكون الاجابه=الله كفل بالـــــعدل رزق العصـــافير واليا اختلف طبع البشر لاغرابه= طبع البشـــر قابل يجــــي فيه تغيير والرابح اللــــي للصحيح انتسابه= ثابت ولاهــــزه هبوب المعاصـــير يجلــــس ببيت الله ويقراء كتابه= ويرجع يفسر محكم الكتب تفســــير وينهج مثل نهج النبي والصحابه= نهجـن ينوّردرب الاســــــلام تنوير ويترك كــثير الهــرج ماله ولابه= هرجن يدمّرصاحي الفكــــر تدمير مافـــي هزيل الهرج غير الكئابه=اوزار والاوزار شـــــرن بلاخير كم واحدن للشرتســــــرع ركابه= للناس مـــرر كلمة الزور تمـــــرير يجــــــيدبالنمات فـــــن الخطابه= فنان با الفرقه ونقل الاســـاطـــــير وفيهم زكي الهرج نزهن جوابه= نزه الشنب ملفا الوجيه المســــافير يجمع ولايفرّق جموع القــــرابه= يدفع علـــى جمع القــــرابه دنانير قبل الكلام الهرج يحسب حسابه=هرجه قليل ولايجي فــــيه تقصير كن الجواهرفـــي هروجه مذابه= معطيه ربــي موهبة شــــكلهاغير الناس مبطي شكلها ماتشـــــابه= قدره من اللي كور الارض تكوير

بسم الله الرحمن الرحيم
الشاعر\ مشعل عسام التريباني الشمري
هذه الابيات قلتها بناء على طلب ابو فهد , طلب مني قصيده بحيلان وبناء على طلبه قلت هذه الابيات وابو خلف يستاهل اكثر واكثر وارجو السموحه اذا قصرت بحق ابو خلف والله انه يستاهل الكثير ومن ناسن يستاهلون والقصيد لايفي بحقه مهما كتبنا به 00000000000
((حيلان ))في 23\6\1434هـ

قصيده بالاخ حيلان بن خلف الغريري الاسلمي

	مهو غريب الطيب مـــــن راعي الطيب= ابو خلـف راع اليمـــن الطلــيقه من اولاد عــــدي مطوعين الاصـاعيب= مهـــي هروج الاصحيح وحقيقه حــــرن تعلاّ فوق روس المــــراقــــيب= مـــن ندّرن جول الحباري تعيقه بن عــــدي حــــيلان وقــــت المواجيب= رفيق صادق ماختلف عـن رفيقه مــــاغــيّره دورن تقل الاصـــاحــيب= دورن به الـرجال ينكــر شــــقيقه ياجـيت يمّه شــــــفت حشــمه وترحيب= وســـــوالفن تشــبه لصافــي رحيقه طــيّب طبيعه دون شــــــكـــن ولاريب=منجم ذهب والوقت ماخفـى بريقـــه ماهـو علا الصاحب قـــريّب محاضيب= وعلى الخوي والجار مابان ضيقه حرن مــــــن الجــــزلات يدم المخاليب= فـي جو جـــزل الطيب بان تحليقه يهوي على الطوله عطيب المضاريب= علـــــى جزيل الفعل تسمع شعيقه ومــن الجزال يخضب الكف تخضيب= يمناهـ فـــــي كسب المعالي سبيقه يدفع على كسب المعالي مــــن الجيب = والطيب والمعروف يرغب طريقه هــــــذا صحيح القول مافـــــيه تكذيب=مــــاقلتها تزوير قــلت الحــقـيقـــه

بسم الله الرحمن الرحيم

الشاعر / مشعل عسام التريباني الشمري

( قال اوباما ) في 21\10\1434هـ

قصيدة اوباما يوم لمس خشمه بشار..!!!

	قال اوباما يوم جت لمس الخشوم= حضّـــــــروطـــــيارتـــــي يا الغانمين حضّـــروطيارتـــي مهـــي علوم= عــند لمـــس الخشــــــم تهمل كل عين يالنصـــارى يا الشغاميم القـــروم= بالاْهـــــانه لـــــيش حــنا عايشـــــــين لعن ابو رجلــن الياحــــان اللزوم= يختفــــــــــــي وقـــــت اللوازم مايبين الاســــــــــــدلازم نجرعه السموم= طـــــــالة الــمــــده وحنا صـــــابرين مــايفــيق الا نوريه الـنجــــــــــوم= بالـــقوايل والاوادم شــــــــــاهـــــدين ياســـــكتنا عنه يحســـبنا رخــــوم= مــــادرى انا بالحـــــروب مجـــربين خصمنا مـلـــزوم يذهــــب مايدوم= ياحـــــزمنا نذهـــبه فـــــي ســــاعتين جيشنا حوتن على الشــاطيئ لهوم= مــــايــبقـّــي لاغـــبــــــي ولاذهــــين كم دمرنا مــــن قويين الــعــزوم= خـــــوذ عبره مــــن جيوش الرافـدين راح صدام العرب في ظرف يوم= يــوم كـــــدنا لــه وحـــــــنا جـــادّين الشجيع اللي علـى الصعبه جزوم= اخــوهدلـــــــــى راعي الباس المتين مانفعته روســــــــــــيا قالت نقوم = بس راغت مثل وصف ابو الحصين وخلوالضــــرغام بالحبل محزوم= فـــي ســـــجون المغرضين المعتدين وانت يابشــــــــــاريالنذل مهزوم= عـنك والله مـاســــــــكتنا عــاجــزين جتك قوات النصــــــارى قوم قوم= شــــــــــــــد حيلك هات كل القوّتين سوف تاتي غصب بالخشم مخزوم= بك خـــــــــزام وفيك حبلن بالـيدين ويسالونك ليش شــــــــنيت الهجوم= ضـــــــدشــعبك يالمهين بن المهين

الشاعر \ مشعل عسام التريباني الشمري
ماعند مقبل الا راسي ولو اني مامن حيل بالهجيني

يامقبل الدرب وينه وين..!!!

	يامقــــبل الدرب وينه وين = نبي نشـــوف الخونداتي نبي من البيض نطلب دين = ونقــول للثالثه هــــاتي قلـبن خـــذيتــيه مــنا وين = هـــاتيـه قـبل المثاراتي يابنت قلب المشــــقا وين = خوفـي عظيم السمواتي رديه قبل الصـباح الشين = والارفعنا بالاصــــواتي ننخاهلا الطعن والتمكين = هلا السـيوف المحناتي اقلوبنا ماتجــــــي بهوين = الابضــــرب الرهيفاتي وش لون لقلوبنا تسـبين = يا ســيد كل العفــيفاتي

بسم الله الرحمن الرحيم
الشاعر\مشعل عسام التريباني الشمري
((والله انه مايغث الرجل غير الكلام ))في2\11\1434هـ

والله انه مايغث الرجل غيرالكلام = يالفابه واحدن من صديقك جايبه

	والله انه مايغثّ الـرجل غــــير الكــلام= يالفابه واحــــدن مـن صــــديقك جايبه عندي اقشرطعنتن مـن وقع حد الحسام= خص ياجت من صديقك هروجن عايبه شينهاياجتك عوجامـــن الناس الحشـــام= اشـــــــهدانه مثل وقع الراماح الصايبه غلطةالصاحب خطـــيره وطقـّه بالعظام= لوتكـــــثرفيهاالاطباب مهـــــــي طايبه ليت يهجرناقل الهرج حتى من الســـلام= مـــن كبار القوم يزجــــرومــن قــرايبه مـــــايقلط با المجالـس ولايلقا احـــتـرام= يطـــــردونه لين ينسا الهــروج السـايبه احذرالاعدى شـــهرواحذرالصدقان عام= لان نفســـــــــــــن تقبل الغدرمهي تايبه كل من وجّه على صاحبه روس السهام= لاتعـــده لك صــــديقن يســـــــــــدالنايبه ماتعوّدت ارخي اذنـــي لخفاش الظــــلام= خابرن روس الشــــــياطـين مهي غايبه اخرج اخرج لاتحاول معــــي تلقاطعام= لاتظنــــي لقمتن تحت ضـــــرسك ذايبه روح دوّرشخص شــــخصيته فيها انفصام= يعجبه هـــــرجك وتضحك على غرايبه

بسم الله الرحمن الرحيم

قصيده للاخ رشيد بن حسن المسمار العلياني الشمري

وبالمناسبه رشيد هو خال ابني عبدالرحمن مشعل وخاله ابوي رحمه الله

رثا بابنه المغفور له باذن الله عبدالله رشيد الذي وافاه الاجل

يوم الاحد الموافق2\11\1434هـ في مدينة العلا اثر حادث مروري

(يقول والده رشيد) في 9\11\1434هـ

الخبر جاني وهد الحيل هد=بالفقيد اللــــي رحل عني بعيد
روعة الفــرقا تقد القلب قد= وعبرتي والله غصت بالوريد
المصيبه لاعتن يوم الاحـد= يوم قالو مات عبدالله رشــــيد
والله انــي عارفن هذالمرد=واشـــــــهد ان الله يفعل مايريد
لازم الدنيا توريك النكــــد=واشـهدان الموت بارقاب العبيد
يالله الوالي ويالفردالصمـد=ترحم اللــي راح في قبره وحيد
ترحم اللي غاب عني للابد=وتجعله يارب في لوحك شهيد

الشاعر\ مشعل عسام التريباني الشمري

وهذا مردي عليه

يوم وصلتني القصيده منه

رثاء بالمغفور له باذن الله عبدالله رشيد الحسن الشمري

	كل مافوق البسيطه فــــي كبد=ذا كلام الرب والشــــــــي الاكيد زهـــــرة الايام مادامة لحـــد=ماتبقـّـــــــي لاشقـــــــي ولاسعيد ماتدوم افراح وســرورورغد=ولاتدوم اتراح وهموم العـــــــبيد البنادم روح وعظام وجســــد=والبقا لله والــــــعالم تبـــــــــــــيد رافعن ســــبعن طباق بلاعمد=المميت المحــــــــــيي البرالمجيد القدير العالـــــــي الفرد الاحد=جل شــــــانه عن بنين وعن نديد خالق الانفـس ومحصيها عدد=مجــــــــــرين دم الاوادم بالوريد يالهي رحمتك فــــــي من فقد=ياقدير وياقـوي وياشـــــــــــــديد تخرجه يارب من ضيق اللحد=الى جنان الخلد والماوى الرغــيد وتســـــــكنه يارب جناتن مدد=تحت ظل العرش والطلح النضيد

بسم الله الرحمن الرحيم
الشاعر \ مشعل عسام التريباني الشمري
((سلام ياترثة هلا الرمح والسيف))في 19\11\1434هـ

سلام ياترثة هلا الرمح والسيف

	سـلام ياترثة هلا الرمح والسـيف= نسل الحرار الي ينومس هددها ارسلت لك خطــــن بليا مظاريف= ابيات عبر الذبذبه لك ســـــندها حيثك صـديقن عايزن بالتواصيف= وشـوفك ربيع قلوبنا مع رغدها ارسلت لك رقمي وبالاسم تعريف= وابطا مردّك شاشـتي ما وردها اشره على الطيب بعيد المحاريف= يسئل عنــي يوم الرساله وجدها والله واللي وسّـــــرالعسب بالليف= والارض وثـّق بالرواسي وتدها مامقصدي بالخط لك زود تكلـيف= ولاطـــلبتك حــــاجتن مــاتجدها بغيت منك مواصلك بس ياحـــيف= ماكل من يبذر زروعه حصدها مزنك يلوّح بس غيثك عــواصيف= ربان صيفن والشــمالي طردها راحة صداقتنا مثل كاذب الطـيف= شيطان نومن جابها من مهدها دنيا تحرّف جازم الراي تحـريف= مافيه حيّن ســــالمن من كبدها