وكر الكرم من جارها ما يضاما

ضلعان حايل مدهلٍ للنشاما=وتلاع حايل مرتعٍ للغنادير
من مر بالديره غدى مستهاما=بطباع اهل ذيك الوجيه المسافير
ما يقدر فراقه ولو عِشِر عاما=لا فارقه دِقت بقلبه مسامير
عاشرت به ناسٍ عزازٍ كراما=لهم بقلبي كل حبٍ وتقدير
شربوا بها كاس الوفا والغراما=ومسطرين من اجله الحب تسطير
عيدت معهم عيد شهر الصياما=يا علهم باعيادهم دوم في خير
لقيتهم بانين شقح الخياما=في وسطها صفر الدلال المباهير
شمال حايل بين سمر الحزاما= شرقي اجا في روض كله نواوير
يفوح به ريح النفل والخزاما=يسعد به الماشي ويطرب به الطير
وشارك فرحنا عزف وبل الغماما=في ديرة اهل الخير رحّب بنا الخير
ومر به المعبود رب الاناما=ربِّ جعل حايل تميَّز عن الغير
حايل ولو سافرت شرقٍ وشاما=تفرق على غيره بكل المعايير
وكر الكرم من جارها ما يضاما=للمنتخي جنه وللمعتدي كير
من زارها يسعد بطيب المقاما=يشم ورد الحير من جاور الحير
بالخاتمه مني لحايل سلاما=سلامٍ احلى من حليب المغاتير

صح لسانك وسلم بنانك
كل الشكر والتقدير
فاضلي

وإنت منهم يالعزوة
شاعرنا القدير أحمد الجريفاني
أبو الفراس
مبدع بكل حالاتك استاذي ... صح السانك مدد بلا عدد
.. .. ..


خالص التحايا لسمو شخصك النبيل

الشاعر / أحمد الجريفاني
صح لسانك وبيض الله وجهك يابعدي ابداع مميز يفوق الخيال حفظك ربي ورعاك
وأسعدك الله دنيا وآخرة.
تقبل فائق أطيب تحياتي،،،

احوي احمد
صح لسانك ياعاشق حائل
عزالله انك وفي لبلدك واهل
بلدك بيض الله وجهك يالعزوه
سجل اعجابي وفايق تقديري لشخصك

مخلص ووافي بيض الله وجهك اخوي الشاعر الجريفاني
اطربتنا بهالرائعه فديتك
صح السانك واعتلا شانك عند مولاك
تحياتي لسمو حضرتك

تسلم يالغالي على هذه الابيات الراعه
صح لسانك
وسلم بنانك
سلمت ولاندمت

استاذي احمد الجريفاني

صح للسانك اخوي وبيض الله وجهك راقي ومبدع لاهنت والجزاله شعارك تحياتي ولك تقديري

اهنيك بحايل او اهني حايل بك ؟

لكن يتضح لي انك سطرت هذا العشق بعيدا عنها وجبته تغيضنا وتهيضنا

الله عليك يابو فراس تضرب على الوتر الحساس

سلمت وسلم بوحك العذب يالطربه

حبيب حايل ابو فراس

يسلم قلبك على هالنص الجميل أيه العاشق لعروس الشمال

ومن يذوق ماها ومايعشقها الله الله عليك وعلى جمال حرفك

دمت بكل ود والف شكر لك