الفرقى

السلام عليكم ورحمة الله وبركاته

صباحكم فل ومساكم يا سمين

هذي اول مشاركة لي في هذا المنتدى الاكثر من رائع والذي يحمل
اسم قبيلة عزيزة على قلبي ولها مكانتها العظيمة بين القبائل قديما
وحاضرة وهي شمر والنعم فيكم والله . وتسجيلي في هذا المنتدى
دعوه لي من اخ عزيز وشاعر مميز وقدير وهو الشاعر عبدالله المفضلي
ومشاركتي قصيده متوضعه تعني في نفسي الكثير

راحــت حيـاتي عقب فرقى حبيبي=صحيح عايش بس ميت بالاحــزان
وشلون مدري صـــار هذا نصيبي=بس ادري انه من مقاديـر رحمــان
اسامر القمرى وجــرحي عطيبي= والذهن ملهـوفٍ وشـــارد وحيــران
لصــــار خـلي مــن ردوده عجيبي=نوبات يضحك والزعل اكثر احيــان
خذيت روحي وانتظر وش تجيبي= حتى وصالك يا اكحل العين ما بـان
بنــات فكــري في سطــورك تنيبي=حتى لساني في الشعــر تـو مــازان
حتى شبابي مــــن صدودك يشيبي=وان مالفاني جهزو بيض الاكفـــان
يـــاليت محبوبي يرد و يطيبي = يلطف بحالي قبل ما مـوت زعـلان

وسلامتكم

أخوكم محمد الشولاني العجمي

يا مرحبا ويا مسهلا والله فيك

نورت المنتدى يالغالي

الشاعر محمد الشولاني

سعداء بتواجدك والف هلا فيك وانت وقبيلتك تشرفنا وتشرف المنتدى

مرحبابك بين اخوانك وخواتك والمنتدى منتداك والف شكر للأخ عبدالله المفضلي

على الدعوه الكريمه وصح لسانك ومرحبا بالشعر وبأهل الشعر والحر يرافق حرار

تقبل تحياتي

الشاعر القدير محمد الشولاني العجمي

أبرك الساعات والله هاللفيه الحلوه والف نعم بك وبربعك العجمان
نورت شبكة نشامى شمر ولنا الشرف بعضويتك وإنتسابك لشعراء وشاعرات شبكة نشامى شمر
هلابك الف وصح السانك الف
الشكر موصول للوافي شاعرنا الكبير القدير عبدالله المفضلي
لتوجيهه الدعوة لك ولمن هم شرواك

تقدير لسمو شخصك الكريم ؛؛؛

ياهلا ومليون غلا بك شاعرنا القدير / محمد الشولاني العجمي

حياك الله ومرحباً بك اخونا القدير ونحنُ سعداء بتواجد أمثال شرواك حفظك الله
وصح لسانك لاهنت.
لك فائق تحياتي وتقديري،،،

اخوي

محمد العجمي

الله يحييك بمحلك وبارك الله باخوي عبدالله المفضلي

على هالدعوه الي نتشرف بها كلنا

صح لسانك وعسى عمرك على طاعته طويل

والله يرد الاحباب ويجمع الاصحاب


تقديري

اخي العزيز الشاعر والقدير عبدالله المفضلي

يا مرحبابك مليون ولا يوفون

ولا عليك زود يا ابو نايف

استفدنا منك ومن خبراتك الكثير

شاعريا ونقديا

تقبل تقديري واحترامي

يا مرحبا بالاخ نجم

والله يبقيك على الترحيب

وشرفني مرورك على القصيده

محمد الشولاني

نوّرت المنتدى بحضورك يالنشمي

صح السانك


تحياتي لك

هلا بك زود بالشاعر القدير نهير النمش

والله يبقيكم ويطول عماركم على المعزة والطاعه

وتسلم يالجزل على المرور وقراءة القصيدة