مصابنا واحــد

مصابنا ... واحــــد

ابيات رثاء في ابناء عمومتنا الذين رحلوا عن عالمنا ودنيانا الفانيه الى الرفيق الاعلى. فالى جنات النعيم ان شاء الله
العمً / مخلف بشير الخرميط. ال عـلي المهيد
العم / حمد الجريد ابو حميّد. الدمخي المهيد
العم/ كميان بشير الخـرميط ال عـلي المهيد
غفر الله لهم وتغمدهم في واسع رحمته
انا لله وانا اليه راجعون
ولاحول ولا قوة الا بالله

الابيــات

الله يعـــظّــم اجــــركــــم يالقــرايــب = ويجـبـر صوابً وسـط الاكـباد مرصـود
مصابـنا واحــــد. وكـــبـر المصـايب = مرت وخمّــت خـافــق الـورع، والعـود
كلن تضيمه عبرته ،،،،،،، والنحايب = وعـيـن الوفـي لابـــد تبـكـي هـل الجـود
كلن دموعه فوق خده ،،،،،، سكايب = عـلى رحـيــل فـهــود مـن لابــة فـهـود
الاولــه مـخـلـف عـطــيب الـضـرايب = عـنا رحـــيلـه يــدمي القلــب. ياسـعـود
واللـي مثـل شـرواه يـسـوّى كـتايـب = قــرمً من اهــل الجـود والعــرف معـدود
عــز الرفيـق ،،،،ومـفخــره للقرايب = هـــذا الوكــاد وباقــــي الهــرج مـردود
وشعاد لـو حـطوا ،،،عليه النصايب = بقلـوبناً لــو مات حــيً ،،،،،,، وموجـود
والثانيـه : لو غـاب ماهــوب غـايب = حمــد وانا اشــهد عـند الاجــواد محمود
زين النبا. من عادته ،،،،والرحايب = ابو احـيّمــد بالجمايـــل. لــه ،،،شـهود
لـه مجلسً مــا يـدهـلــه كـل خايب = ولايـوم بابـه قــالـوا،،،الناس مـوصـود
يســعـى بمعـــروفــه لـفـك النشايب = قــــرمً ذراعــه دوم للخــيــر،، مـمـدود
من خلقتـه لين اصـبح اليـوم شـايب = وافي وانا اشــهــد بين الاجواد بـه زود
والثالـث كــمـيان ذيـب ،،،الصعايب = سـيفً مجـــرب والفعـايــل لـه اشـهـود
حاش المراجــل والمراجـل،، وهايب = ياما بـذل للغــانمـه كـــل ،،،،،،مجهــود
حـرً ونفسه ما تروم،،،،،،،المعايب = ومكـارم الاخــلاق تـرقــا بــه اســــنـود
والنعـــم مـا حـاشـــه بلـيّـا ســبايب = قـول وفعــل ياسـعــود والهرج. مسـنود
والموت حــق ولا ترده ،،،،طبايب = والعـــمــر ماتنقـص ليــالـيـه واتـــزود
لابــد ما نــدفــن بجـــوف التــرايـب = حــوض الـمنايـا كـلبـونـا. لـــه. اورود
طلـبت انا المعــبود منشي السحايب = فـي دعــوةً مابيــن ركــعـات،، واسجود
يـرحـم ضيوفً غـادرونـا. حـبـايـب = غـاليـن وامـرك. تـم ياخـــير. معـبــود
عـفـوك وغـفـران فــ يـوم الحسـايب = وتجعــلهـم فالخـلـد مسـكان واخـلـود
اقـبـل ادعـــاتي ،، يامــديـر الهـبايب = ياغـافــر الـــزلات تـرحـم هـل الجــود

بقلمي
محمد بن سوعان الربيّع

انا لله وانا اليه راجعون
رحمهم الله برحمته الواسعه واسكنهم فسيح جناته الله امين
الشاعر الكبير والقدير محمد بن سوعان الربيع
تعازينا لك شخصياً ولابناء الشيوخ واحفادهم وقبيلة عنزة عامه
صح السانك بحجم الكون
ودي لك يسبق ردي

الله يرحمهم اللهم امين
الشاعر محمد سوعان الربيع
صح السانك يالنشمي
تحياتي لك

انا لله وانا اليه راجعون
عظم الله اجركم اخوي الشاعر محمد سوعان الربيع

شاعرنا الكبير مقاماً القدير محمد بن سوعان الربيع
ابو فهد
عظم الله اجركم وغفر الله لموتاكم وموتى المسلمين اللهم أمين
صح السانك على هذه المرثية مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الله يرحم موتانا وموتاكم واموات المسلمين
عظم الله اجرك عمي محمد سوعان

صح بوح منطوقك ولسانك

محمد سوعان 000 الله يعظم اجرك يابناخي 000 صح السانك الف

اخوي الغالي الشاعرمحمدسوعان ابوفهد
تعازينا لك اولا ثم لابنا المتوفين والي جميع من له صلة بهم ونسال الله لهم الرحمه ولي جميع اموات المسلمين
وانا لله وانا اليه راجعون وصح لسانك مليارات

عمي ابو فهد عظم الله اجركم و صح لسانك ياحيي