ديوان / الشاعر محمد سوعان الربيع

ســـلمان يــاعــز العــرب ......

ابيات من القديم المتجدد والذي لا ولن يتبدل .....حيث الولاء والوفاء والسمع والطاعه

سـلمــان ياعــز العــرب

	يامــرحـبـا يــامسـهـلا بـالـقــــايــد الفـــذ الـكــبيـر = عــد المــؤذن مــا رفــع بارض الحــرم تكبيـرتـه واعــداد ما بــرقً لـمـع ثــم لاح في ديــرة عـسير = واعــداد مـا طـاح الحيــا واحيت املنـا ســيرتــه باللي عـليـنـا طلتــه ديمــه بـهــا الخـيـر الغــزيــر = وهـل التفـائـل وابتـســـم واســتبدلـت تكشــيـرتـه والخـيــر لامنــه ظــفــا كــلً مـن ادنى لــه يشــير = وكـلً يعـبـر عـن خـفــا واجـتــال فـي ســـريرتـه ولابــد مـن يــوم يجـي يجـبـر بــه الحُـــر الكسـير = ويبسـط جـناحـه بالفـضـا ثـم يـفـرح ابتحريـرتـه ومن عقـب قيـده والاســرلابـد على كـيـفـه يسـيـر = وثــم يتـدمّـر مــن نــوى يمشـي عـلـى تدميـرتـه بعــون الالــه المـقتــدر الواحـــد الفـــرد الخـبيــر = والحــق يــرجـع منتصـر والخيــره ابتـأخـيـرتــه بعـون المليك اللي نصر من لالـه اعضـود ونصير = ســلمـان يـاعــز العــرب ســـلمان تنـدر غـيـرتـه لـبــو فـهـــد كـلً شـهـد صغـيـرهـم قـبــل الـكـبـيـر = العــالــم ابــأســره وقــف كــلً يحـيّـي ســــيـرتـه قــالـوا ســلامً للمــلك وابـن المــلك واخـو الاميــر = راعـي عــزم شــيخ الحـزم سـلمـان ولـعّ نيـرتـه الله يـديـمــه للعـرب ســلمـان كالســيف الشــطـيـر = عــز ومـعــزه والفخـــر للــي يكـــون ابجيــرتــه يعجبـك لامنــه ظهــر وانسـل مـن ســط الجفــريـر= يرعـب قلـوبً حـاقـده والظلــم طفـــا نيــــرتــه هـذي ســياســة سـيدي صرح بها جـبيـر الـوزيـر = عــادل فــلا قـــالــه عـبـث مفهــومــةً تـعـبيـرتـه لابــد مـا نــار الحـــزم تـغــرق اســاطيـل الحـقيـر = والخـايـن اللــي جــابهــا لابـــد مــن تـهـجـيـرتـه وعفاش ملعـون الجـدف ينتـظـره اليــوم العسـيـر = وسـردابــه اللي يســــكنه لابــد مـن تـفـجـيــرتــه ولــو طالــت ايــام البطــا مــالـه مـراغ ولامـطيـر = مــالــه عـن اللـي قــرره شـعـبً يـبي تــدميـرتــه

محمد بن سوعان الربيّع

الحـــب يابــن خليـــف .

بعد ما ارسلي الاخ سعيد الخليف ابو عبدالله مقطع فيديوا .....
يتمثل برجل على كرسي متحرك تساعده زوجته وصدفه مرت من جنبه فتاة جميله وابتسمت له جعلت العود يفز دون شعور متناسياً ما به من مرض يبي اللحاق بها لولا تمسك الزوجه به واعادته عنوه الى كرسيه ..فكانت تـلك الابيات كــردة فعـل نحـوى هـذا المشـهـد ....

الحب يابـن خليـف

	مالوم عـودً يـوم شـاف الغـضـي فـز = نسي المرض يـا صاحبي والاعـاقه ظبي بثـٰوب انسان هــز الحشـا هـز= ويــوم ان تـعــدا شـال قلـبـه وباقـه العـود شـافـه واسـتخـف, وتلعـوز = ولا لا تلومــه.يــوم حـاول لحـاقـه والزول غصن مـٰره الريح واهتٰٰـز = غـروً حوى مع زيٰن زولــه رشـاقـه ظبيً ايلامـن شــاف. زول ايتحفز = يجفـل من النسمه ومن ظل سـاقـه عـن زول غيـره فـ العــذارا تمـيّـز = غــروً بـرمشـه دم الاجسـام راقــه يدّرج كما يدّرج على الشاطي.الـوَز = ومعــهٰــا التفـاتـه وابتسام بلبٰـاقـه العقـل شـلّــه يـوم فـي نظـرتـه خـز = والقـلـب عـن راعيـه تـم انشـقـاقـه الحـب يابــن خليف جز الحشا جـز = ومكــن وثبـت بالضمـايــر وثـاقـه وعسـى الذي لامـه على الفـقر يلتز = ويـذوق كاسً راعـي الحـب ذاقـه هـاك البليــد اللي للامـوال يكـنّـز = مـا هـمٰـــه الا عيـشــتـه والحمـاقـه ماهوب بعــادات المنـاعـيـر معـتـز = ايضٰـا ولالــه بالمـراجٰـل . عـلاقــه بالوجـه ابد مايـوم عـرق الحيـا نـز = مـالــه جمـل في سـلم ربـعـه وناقـه وكمً واحـدً بين الرجاجيل يرتـز = ولـيـا. بخنتـه فــ اللـوازيم .عـاقـه مـاهمــه الا تـرس بـطـنـه من الــرز = ومُـن عقبهــا للنــوم زاد اشــتياقـه يـا لأيمي فـالنــوع هـذا على العـز = خـلك وانـا معناي عارف مسٰٰاقـه وما كل رجـلً مع هل الـعرف يُـفرز = ولا كـل غـصـنً يســترنـه اوراقـه

محمد بن سوعان الربيّع

ســٰلمان ابـوك وجد خالك عـريـبي
-------------------------------------------------------------------

سلمان ابوك وجد خالك عريبي

	يا سيدي طـابت ليـاليـك بالخــيــر= يا راعـي الـراي الســليـم الصلـيـبي وتسلـم يمينــك ياسـليــل. المناعـيـر= ولله. درك يالاصـيــل الـنجـيـبــي يامير فعـلك يسبق القول يامــيـر= وعيــن البعيد تـراقبــك والقـريبـي سـيفً يابـن سـلمان فـوق المحاقـير= ومن سطوته تبرا الكـبود وتطـيبي حطمت حلــم اللي دعاويٰـه تـزويـر = اللي تمـادا دون. خــوف. ورقـيبي قصقصت جناحانً تعلت عـلى الغـير= ومن فعـلها روس الضعايف تشـيبي صنت الامانه دون شـــكً وتقصير = والحــق عيٌـــا عـن عيـونــك يغـيبي والفرق واضـح بين هدمً وتعمـير= وبين اليقين وبين فـعــلً مـريـبي وشتان. مابين . التخـلـف وتطوير= فرق الهضاب الشـامخه والشـعيبي لله درهك يازبــون. المخاسير= ومن فعـلك.اكـبود الحزايـن تطـيبي ولاهي غريبه يا سليل. المناعيـر= ســـلمـان ابوك وجد خالك عريـبي بين الامـام وبين. قــرمً كما الزيـر= راكان ياجـعـل الـولي لــه يثـيـبي انت الامـل وانت والسند للمقـاصيـر = وللي خفوقـه فيه جـرحً. عـطيبي نطلب لك المعبود رب المقـاديـر= يا ذخـر. شــعبـك. فالزمـان المريبي االله يسـهلك. دروب المعـاســير= يجعـل مراميــك. الحثـيثـه تصـيبي شـامخ مثل سنجار. واطـويق والنير = مـاهـزهــا ربيـح الزمان العجـيبي اضرب على الكــايـد بحـد البـواتيـر= ليـن المخـالـف لامـركـم يسـتجـيبي ياسـيدي واصـٰل مساعيـك والســير = وان طاب فالك كل شعبك يطـيبي

محمد بن سوعان الربيّع
18 صفـر 1439 هـــــ
في 7 نوفمبر 2017 مــ

(اهــل الوفــا والمـروات))

اهـــل الوفـــا والمـــروات

	لي الفخـر باهــل الوفـا والمروات = ولا يـنـتــهــي إلا بحــزة وفــاتـي ارفع الى الطيّب من البيض راياات = طبعي كــذا مبطي وهذي سـواتي هــذا قــدر مكتوب ماهي دعـايات = هو راس مالي والهـدف .وامنياتـي ويشـهد على ماقـول رب السموات = احــبـهــم كـ حــب نفســي وذاتــي اهـل الوفـا والجـود سـتر العفيفات = زبـن الدخيل وعـوق جمع العـداتي ماهـمني منصـب وكـثـر الريـالات = نفسي قـنـوعــه والمـقـاســيم تاتـي نفسي تـروم الديـن واعتـز بالذات = وافخـــر ابـطــيّـب لابتـي ولحـماتـي والمرجـله لوهي على ضلع ابانات = اسـعى لهــــا واجهــد بعزم وثباتي من دونـها ماكــن لوبه صـعـوبـات = ولـو دونـها حـال الخـطر والرماتي والحـــر مايبكي عـلـى فايـتً فــات = اعيـش انا الواقــع وهــذي صـفاتي والضـرب بالميت حـــرامً وســيات = وارفع ابنفسي فوق نهــج الطغـاتي ولابد ما نحسب من احساب الاموات = لابــدنـا مــن صيـحة النـايـحــاتي حـثوا لـفعـل الخير والطيب خطوات = قبل ان يقـال فـلان ؟ ياحيف ماتي هـذا ,, بياني فـي ختــام ,,البيانـات = وهـذا هـوى نفسي وهـذي وصاتي

محمد بن سوعان الربيًع

الحرامي صار شيخ وشــيّخوه

,,,,,,,,,,,,,,,,,,,,,,,,,,,,,,,,,,,,,,,,,,,,


الشاعر القدير
مشعل عسام التريباني ابو عبد الرحمن يحفظه الله . تحدث بهذه الابيات الجميله التي تتحدث ع واقع مؤلم وكئيب يمارس من بعض الفئات الضاله والمتنفذه في المجتمع للاسف ....

يقــــول :

البشر تتبع كثيرين الحلال = شــيخـوهم والضعيّف همشـــوه
لوكثير المال مايسوى نعال = طبلو خلف الثــري وشيخوه
انظر الشاشات واسمع مايقال = كل خبلا للخضيرى طيروه
وعرضو خلفه وطشو بالعقال = واجحفــو له بالمديح وطيشوه
وانتفخ راس الضعيف واستشال = وفصلو له ثوب نمر ولبسوه
وقالو انه من كريمين السبال = شيخته مبطـي على جـده وابــوه
وصدق انه شيخ مافيها جدال = وحطو اسمه شيخ شــمل وبروزوه
وعلق الصوره وبروزها وقال = حطو اسمي بالسجل وعلقوه
وصيروه هديب شيال الثقال = مارفي تـاج الزعـامه دهوروه
وانا اقول امدح على قد الفعال = كــل طيّـب في فعـوله بينوه
مار كلمة شيخ صعبه يارجال = جنبو ثوب العريه جنبوه
كيف تلبس ثوب وكمومه طوال = مايفيـــــــدك ملبسـه لوكّــبروه
مازهى شيل الثقال الا الجمال = علمو شيخ الدراهم عــلموه
الشجر ياجاه صلف الريح مال = ينثني للريح لوهم عدلوه
والعواصف مايهزن الجبال = راسين ظلع الهدى مازحز حوه

مشعل عسام التريباني الشمري
في 29/4/1437هجري

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,





مجاراة متواضعه وسريعه لابيات العميد

مشعل عسام التريباني ...... التي أوردها مؤخراً حول شـيوخ المال والكذب والنفاق وحرامية الفقراء

والمغفلين مع احترامي لهم جميعاً

اقــــول :

الحـــــرامي صار شيخ ... وشيّخوه

	اشهـد انك قلـت يانســـل الـرجال = ما يســرّ الخاطـر اللــي ضـيّقـوه شٰــلّـة بالكـذب يـرقـون الجبـال = والحـــرامي صار شيخ وشــيخوه شيخ كذب وشيخ نصبً واحتيـال = بـدعــةً اصبح بــواقــع ,,,زيفـــوه ذي حــقـيقـه واقـعً ماهـو خيـٰال = شفتها وغيري كثير اللي رأوه عمّر قصورً عريضـات اطواااال = ما ملكها ورث عـن جـدّه وابــوه من حلال الناس ســوٌا راس مـال = بالخـديعـه عاش دور ولا اكشـفوه من صفر فجأه يقال فلان قال = وارتـدا بشـت الحسا ثـم امدحـوه ومن عقب تهميشته جـالُـه مجال = واقصـدو فيـه الشــواحيـذ ولـفـوه والمنافـق زيّــن . المٰـدح بمـقـال = وبالمقــاطـع ســجلـوّه ووزعـوّه زيفـوه اهــل الدجـل واهــل ظـلال = قـالـوا ابـن فـلان سـوٌى واشــهروه ذا نموذج من سرابيت الرجـال = والحـرامي للاسـف ما حـاســبوه يرتـع ويمرح. جنوبً مع شمـال = والضـحـايـا دورّوه ولا لـقـوه بس احـب اقــول شــــي ولا يــزال = وياجـب انـي اذكــره للــي نســــوه ما غــدا حــقً ومـن خلفــه ارجـال = عــاجــلاً أم آجــــلاً لــوّ هـمشــوه والصبر لـه حـدّ لـو طـال السجـال = ولا يـضـــيع الحــق عنـد اللي خذوه

محمد بن سـوعان الربيع

فــرقـــاااك وهـبــــه ,,

فرقـاك وهبه

	يامن طعـني بسـيف الغـدر وش جابـك = مــا عــاد والله,,, اســالـيـبـك يـغــّرني اللـه كشـف نـيـتـك يـوم انـفـتـح بابــك = والله هـو اللي عـلى الشــده يـصـبـرني لا تحســبـني حــزيـن اليــوم لغـيـابـــك = بُـعــدك وصـدك وفـقـدك مــا يـضــرني ولـومُـت عـادي آبـد مامـوت باسـبابـك = بالعكـس مـوتــك وسـكـراتــه يـســرّني فرقـاك وهبـه وانـا مــن هـوب أدرابـك = ابـعــد ومنــك,, الـرســايــل لايـمــرني من عـقـب ماني قـريب وســيـد اقـرابك = تسـعـى لـذبـحـي باســالـيـبـك وتـنحرني اربـــط كــلابـك قبـل ما تبدي اعـتـابـك = واقــولـهــا لـك ابـشـــده, لا تـــدورّنـي

محمد بن سوعان الربيّع .

(( رســالتي نبـرة عـتـاب ومشـاريـه ))

اخواني اخواتي اصدقائي العزاء والاكارم
السلام عليكـم ورحمة الله وبركاته

تفاجأت والحقيقه كانت صدمه لنا قرار اغلاق منتدى نشامى شمر .... وذلك لاسباب واضحه ومحقه. وهي عـدم الاهتمام والتواصل والمشاركات
من الاخوان الأعضاء وهذا لايجوز. ومرفوض نهائياً. وغير مقبول. لانه يضر بالمنتدى ويقف حائلاً دون الرقي والهدف الاسمى والمنشود ومواكبة ركب التقدم بين المنتديات الاخرى حيث كان. في مقدمة المنتديات وما زال لما له من ثقل وجهد ملموس ومشهود يتمثل بجهود مديرنا المحبوب الاستاذ صالح الغازي ابو غازي ومن يعمل معه سواء بالعلن او بالظل أوخلف الكواليس من مشرفين ومراقبين وقائمين بل والساهرين على راحة الأعضاء وحفظ حقوقهم الادبيه والتاريخيه والفنية وما الى ذلك من نشاطات متعدده اخواني الاعزاء والاكارم أناشدكم من خلال هذا المنبر ان تتظافروا وتتكاتفوا وعلى هدف واحد هو الحفاظ على كيان المنتدى وهيبته هذا الصرح العظيم الذي له الفضل بعد الله على حفظ تراثنا ونتاجنا الفكري والأدبي حيث لا غنى لنا عنه فلن تعيضنا عنه القروبات بجميع اشكالها ومسمياتها اناشدكم اخواني الاكارم الوقوف بحزم وشــده بوجه هذا القرار ومحاولة ثنييه عن والعدول عنه وما هو بصدده كيف يتم ذلك بتكاتفنا وتتعاضدنا والوقوف صفاً واحداً بوجه هذا القرار الذي يضر بإنتاجنا الأدبي الذي سهرنا وتعبنا عليه ولأجله سنين طويله من العطاء والتفاني اخواني يجب على كل عضوا مراجعة حساباته والعوده وبقوه الى منتداكم. وبيتكم العزيز على قلوب الجميع
اسال الله ان يسدد على طريق الخير خطاكم وان يوفقنا لما يحب ويرضى
تقبلوا خالص الموده والتقدير والاعتزاز

اما الرساله :

رسالتي نبرة عتاب ومشاريه

	رســالتي نبـرة عـتـاب ومشـاريـه = وود وغـلا يجـتـال في محتـواهـا يقـولهـا اللي يحتفي في غـوالـيه = وشـوقـه لهـم فاق البحور ومـداهـا شوق وحنين وحب تسموا معانيه = حـيـث المعــزه مـا تحـدد مـــداهــا رسـالتي للــي تنــومس مبــاديــه = للــي اخــلاقــه عـالـيً مســـتـواهـا والصدق في كـل النواحي يباريـه = ولا خـاب مـن به كـل هقـوه هقاهـا عندي طلب منكـم ولانيب مخـفيه = تكــفـون قـولـوا تـم فـي مـبـتـداهـا نبي التكاتـف والتقاعس انخــليـه = ونبــي النـوايـا الصافيـات ووفــاهـا المنتدى بجهـود الاحــرار نبـنـيه = رجـال المــواقـف ما تشـح عـطـاهـا هـذا الـذي منكم يالاجواد نـرجـيه = وانتـم لهـا طـب الكبــود وشـــفـاهـا لاتتـركـون الياس يـهــدم مبانيــه = صــرحً رفـعــنـا بـالمعـاني لــواهــا نحفظ به الموروث والناس تطريه= ومن ضـيّع الحكمه بـدرجـه لقـاهــا اما القروب اللي تصيبه وتخطيـه = سـراب قيـظ ولا يــوافيــك مــاهـــا ما يسقي اللي لاهب القيظ حاديه = وفي ديرةً يااخوان ماارعـد سـماهـا يا اخوان شـدوا حيـلكم قبل تاليه = قبـل النـدامـــه يعـتـريـنـا بـــلاهـــا هــذا الوكاد اللي نـقـوله ونبديــه = وهــذا هــوى نفسـي وهـذا رضاهــا

تقبلوا خالص الموده والتقدير والاعتزاز
اخوكم ومحبكم
محمد بن سـوعان الربيع
الاحد في 1 ربيع الاول 1439 هجري.

سـريت انا غالـب ورديت مغلوب

سريت انا غالب ورديت مغلوب

	يابـو عـزيـز الصاحب اللـي ذكــرتـه = وصفه يهيـل اعـقـول ويحطـم قـلـوب مادري سحـرك بنظرتـه او سـحرتـه = الظـاهــر انـه حـط بالـقـلــب نـاتــوب مالــوم قـلبــك ياســعـد لــو نـذرتــه = الى الـذي شــالـه وســوابـه اعـطـوب اشــغـلتني واللـيــل كـلــه ســهــرتــه = وذكـرتـني فـي كـل ضيقـه ومكــروب وكـم واحـدً عـنه المشــوره قـصرتـه = اخشى من اللي ياتي ابهـرج مقـلـوب وشــفيك هـيّضـت الخـفـوق ودمـرتـه = وانـا لشــيـنات المقـاســيـم مطـلـوب ظيــم الدهــر زاد العــذاب وصبـرتـه = ولي عـبرةً يـا صـاح في صـبر ايـوب ويالـيـت موضوع الهــوى ما أثــرتـه = ســـريـت انا غالـب ورديت مغلـــوب هجــرت ناسي والغظــي ما هجـرتــه = واسـمه جعـلـته داخل القـلب مكتـوب وانـا الـذي مـن بــد غــيــره اخـتـرتـه = وكتبت به شعـر الهجيني ومسحوب واليـــوم انا لــو راح عنــي عـــذرتـه = بخــاوي النسـيان والصبـر مطـلـوب بصـبر عـلى جـرحً بــروحي ســترتـه = واحاول انسى واكتم البـوح واااتـوب جــاك الوكــاد اللـي بخـطـي نشــرتــه = والحـب مابه يابـن الاجــواد عذروب

محمد بن سوعان الربيّع

فـكّــرت بالدنــيــا ,,,,,,,,,,,,

فكـــرت بالدنيـــا ,,,,,

	جـلسـت مــع نفسي وســقت االنظـر فوق =اطالـــع نجــوم الســـما مـع قــمــرها فــكـرت بـالـدنيـا مــن الـغــــرب لشــروق = وســبحـت بســم اللـي بفضـله عـمـرها ســبحانـه اللي ســـاق نــوّ الحيـا ســــوق = وأحـيـا هشـيـمً بـــاد وانـبـت خضـرهـا الـرازق اللي ما بعــد صــــٰار مــرزوق = الــواحـد الــوّهـاب مــرزق بـشــرهــا اليـا عـطـانـا يـجـعــل الطـاق مـطبـوق = وفـضـايـله عــقــل البشـرما حـصــرها سبحـانــه اللـي نـظــــم النبـض بعــروق = وصخـر لنــا خمـس الحـواس اوومـرهـا ومـابين الانفس حـط لـه عــــدة افـروق = وأحصى الشـهـور الماضـيات ودهـــرهـا أخـــذت عبـره من طــــبـع كــل مخلـوق = هـــذا كـســب منـهـــا وهـــذا خـســرهــا هُـذا عـطــاه الله شــــيـمـه ومنطــوق = وهــذا مــفـاهـيـــم المـبـادئ دمـــرهــا لا ديـن بعـض الناس عـنــده ولا ذوق = ولا عـاد نـفـرق وجـهـهـا من ظـهــرها وعقب الرعـد ومصافقه نرجي ابـروق = عـلـى أمــل تــفـرج ونـجــني ثـمـرهــا ميــر انهـــا تعقــدت واصبحت عـــوق = واليــأس فــ بـحــور النــدامـه غـمـرهــا الصـبر شـــيّب قــرّح الخيـل والنــوق = وعــزي لـمــن ســـود الليـالـي ســهـرهـا الصبر فـاض وجـاوز الحـد يا صفوق = والحـظ الاقـشــر يـابــو خـالــد عـــثـرهــا

محمـد بـن ســوعان الربيّـع

محــدود الطمـوح
.................................................. ...................................

محــدود الطمـــوح

	لاتـجـي يا صـاح محــدود الطـمــوح = والامـــل مـفـقـــود عــنـدك منـهـجــه لاتعـقـــد مـن ظــروفـك كـن ســموح = دورة الايــــــام تـبــغــــا دبــلـجــــه مــــرةً تـأتـيـــــك وامـــرارً تــــروح = مـاتـجـــي لحظــاتـهـــا متــبـــرمجــه قــم تحــد الوقــت واحـــذر لاتنـــوح = وقـاوم الاحـزان بأحـلا الاهـــزجــه عـش حـيـاتــك لاتجـي فيــها شـحوح = ما يـفيــدك لــو تـشـــق الانـســجــه كـن بهـــا مـتـفـائـــل وخــلك مــزوح = والامـــل يـاصـاحــبــي لاتــسـهـجــه عــادة الانسـان بالــدنـيــــــا لحـــوح = لـكـــن اخــطـوط الـمـقــدر مـدرجـه وما انـكتـب يـأتـيـك لو دونـه سفـوح = للجـبــال الشـــامخـــه المــتـعـرجــه قلتـهـا واعــلـنـتهـا لـك في وضــوح = الـغـثـــا والـهـــم خــيـلـه مســـرجــه ومن غـزاه اليأس ما حـقـق نجــوح = ولا وثــق فـي مـدخــلـه أو مـخـرجـه واعـرف ان الـهـم نـيــرانــه تـفـوح = تـحـرق ازهـــار الحــيـاة المـبهـجــه اتـــرك ؟ الاحـبــاط وايـــام الجـروح = وارتفـع فــوق الحـــلـوم المـزعـجـه أرسـم البـسمه على الوجه الصـبوح = واســطـبـر والــهـم ربـــك يـفـرجــه وثق تمام انـي صـديـقً لك نصــوح = ما خـذلـتـك بالـظـروف المـحـرجــه وبـيـــن وذاك وذي مــاودي تـلــوح = ( الـــرجا واليـأس ) فـيهن اعــوجـه لاتجـي يـاصــاح مـحــدود الـطـمـوح = واصطـبـر ثـم خـل عـنـك اللجـلـجـه

محمد بـن سـوعـان الربيّع