ضرب المره ياناس ماهو رجوله =وماظنتي من يضرب البنت رجال

ضرب المره ياناس ماهو رجوله=وماظنتي من يظرب البنت رجال
لاوالله انه مايعرف الفحوله=وبالمهزله يضرب به امثال وامثال
وبعض البشر يقهرك باللي يقوله=جاهل يدرس له ملايين جهال
اكبر طموحه يعمل اصغر بطوله=عنوانها دم المره مابعد سال
الضرب للحرمه هو افضل عموله=وياكثر ماجابو من اقوال واقوال
كم جاهل فيهم تردت فعوله=وكم عالم مايتقي شر الاعمال
يلعب ويضرب في بنات الحموله=احلى التفاهم عنده بسوط وعقال
لاعاش رجل كل هذا ميووووله=ولا عاش من يتبع حكايات الأنذال
ناس لهم بالجهل صوله وجوله=اكبر طموحه عيشة البنت في أذلال
عايش وبالقوه يدبر حلووووله=يسمع نصايح ناس مجموعة حثال
الشرع قال ادب وطبقت قوووله=ماقال عقد واضرب بحقد وخبال
لاكن بعض الناس حرف نزوله=والمسأله صارت بطولات وابطال
والعلم ماكل يطبق اصووووله=عشنا وشفنا من مصيبات واهوال
ناس بنو للمجد مليون دووله=وناس تموت ومابنت نصف تمثال
ودرب العلا ماكل واحد يطوله=ماطاله الا شخص واعي وخيال
ولا هنت يلي كم بيت تعووووله=يلي لكم بالعز رايه ومنزال
ناس لفعل الشر ماهي عجوله=تعطف على الحرمه ولا تحقر اطفال
الله يعز اللي يعيش بسهوله=والله يبدل للبشر بعض الاحوال
والله يرزقني ببنت خجوله=اطرب لها قيفان وابدع لها امثال
واغيض منهو مر حولي وحوله=واشفي غليلي من حقودين عذال
واقهر عديم المرجله والفحوله=واقول ياجعلك من الكون تنشال
وان قال ضرب البنت اكبر رجووله=قولو له انه ورع ماهوب رجال

وسلامتكم

اتمنا من يعرف شاعرها يقوله لنا

.

الضرب للحرمه هو افضل عموله

وياكثر ماجابو من اقوال واقوال


عوذا يالله دخيلك عاد ضرب هذا اكبر غلط فتل العضلات على حرمه


شكراً يالشاعرة

الشاعرة القديرة / ماتهاب
صح لسان شاعرها
وتسلمين الله يعطيك العافية على حسن الإنتقاء الجميل
وفقك الله بكل خير وأسعدك في الدنيا والآخرة.
والرجل الذي يضرب الحرمة هذا ليس برجل بل انسان فاشل .....؟
وأقول الله يعين وينصر كل مظلوم.
لك أطيب تحياتي وفائق إحترامي وتقديري،،،

شكراً على الإيراد الجميل شاعرتناالقديرة ماتهاب

ولعلي اخالف زملائي الكريمين مفتاح وابو كادي بالرآي
ضرب المرأة من حق الرجل إن كان والدها أو زوجها اذا كان الامر للتأديب في خطأ ما ولايكون الضرب مبرحاً ويسبب عاهه للمرأة لاقدر الله ، حيث النساء فيهن العنيده وفيهن المسترجله بفرض شي ما أما على اهلها أو زوجها فلابد من تأديبها
أما ضربها لأمر تافه وبسيط فهذا بكل تأكيد خطأ فادح

تقديري لسمو شخصك الكريم ؛؛؛

اقتباس المشاركة الأصلية كتبت بواسطة المشرف العام شكراً على الإيراد الجميل شاعرتناالقديرة ماتهاب ولعلي اخالف زملائي الكريمين مفتاح وابو كادي بالرآي ضرب المرأة من حق الرجل إن كان والدها أو زوجها اذا كان الامر للتأديب في خطأ ما ولايكون الضرب مبرحاً ويسبب عاهه للمرأة لاقدر الله ، حيث النساء فيهن العنيده وفيهن المسترجله بفرض شي ما أما على اهلها أو زوجها فلابد من تأديبها أما ضربها لأمر تافه وبسيط فهذا بكل تأكيد خطأ فادح تقديري لسمو شخصك الكريم ؛؛؛

الأخ الغالي والقدير / أبو غازي
شكراً لك ولكلامك الجميل وبالنسبة لي أقصد بأن ضرب المرأة بدون سبب أو مثلاً على
أتفه سبب يقوم بضربها كضرب مبرح مثلاً لكني لم أوضح وبالفعل كلامك جميل وعين الصواب
تحياتي للجميع،،،

ولا هـنــت يـلــي كــــم بــيــت تـعـوووولــه
يـــلـــي لـــكـــم بــالــعـــز رايـــــــه ومـــنــــزال

صح لسان الشاعر والناقل
اختي شكلها مرأة شاعرتها ,,

اخي الفاضل ابو غازي

المرأة العنيده اوالمسترجله اوالناشز كل هذا مايجوز ضربهن
االدين يمنع الضرب حتى ايوب يوم حلف انه راح يضرب زوجته عليه السلام
الله اوحى له انه ياخذ الف عود ويجمعه ويضربه مره وحده على شان يوفي يمينه وخذبيدك ضغثن واضرب به ولا تحنث

اسمحلي انا اخالفك الرأي ابو غازي, في هذا الامر انا ضد ضرب المرأة

اقتباس المشاركة الأصلية كتبت بواسطة نجديه ولا هـنــت يـلــي كــــم بــيــت تـعـوووولــه يـــلـــي لـــكـــم بــالــعـــز رايـــــــه ومـــنــــزال صح لسان الشاعر والناقل اختي شكلها مرأة شاعرتها ,, اخي الفاضل ابو غازي المرأة العنيده اوالمسترجله اوالناشز كل هذا مايجوز ضربهن االدين يمنع الضرب حتى ايوب يوم حلف انه راح يضرب زوجته عليه السلام الله اوحى له انه ياخذ الف عود ويجمعه ويضربه مره وحده على شان يوفي يمينه وخذبيدك ضغثن واضرب به ولا تحنث اسمحلي انا اخالفك الرأي ابو غازي, في هذا الامر انا ضد ضرب المرأة

لاياشيخه صايره مفتيه بعد

ضرب الحرمه مباح للزوج والوالد اما الاخ فلا يحق له ضرب اخته يافهمانه
هذا الشي بالقرأن وكيف تفسرين على كيفك لاتكونين من المطاوعه اللي يفتون على كيفهم

سبحان الله

اخواني واخواتي الاعزاء انا مع كلام اخواني في ضرب المرأه اذا كانت تستحق الضرب لاكن اصبحنا في هذا الوقت مثل ماترون انه اغلب من يضربون زوجاتهم على اسباب لاتعطيهم الاحقيه في ضربها وبوجهة نظري من يضرب زوجته على غير حق هذا ماهو برجال ورخمه وناقصه شي في شخصيته ويكمل نقصه في ضرب زوجته
وبالنسبه اختي نجديه للقصيدته شاعرها رجل وليس امرأه لان فيه البيت اللي يقول :
والله يرزقني ببنت خجوله
لاهنتو على مرووركم الطيب وانرتو ا المتصفح

صح لسانك ولسان شاعرها
شكري وتقديري

شكراً لك الشاعرة ماتهاب على إيراد هذه القصيدة الجميلة والمعبرة لاهنتي ولاهان شاعرها هذه القصيدة ذكرتني بقصة إثنان من السويد حول الضرب بين الأزواج سوف أكتبها لكم في قسم الفلة.

لك الشكر والتقدير