28-05-2016 | #1 |
|
الشاغل
أشغلني الشاغل اللي لخبط أشواقي= مشغول بأشغال وأنا حاضيٍ حاضي وضايقني الضايق اللي ضيّق أخلاقي= من ضيقته ضايقٍ والهم بي هاضي سقت اقدم سوقت اللي سيق وانساقي= بظروف الأيام وظروفه ما هو راضي يشكي ضغوط الدهر وشقى به الشاقي=ويسهر سهيرٍ سهر ماغط بغماضي يسامر السامر اللي سامره ساقي= ينوض من نايضٍ نواضها ناضي يسري ويجري وسهير الجفن ما راقي= بالقلب همٍ وغم ومشغله فاضي وأنا بعد مثلها بالجوف دقاقي= من خافقٍ بالضماير تقل نفاضي طواريٍ تطرق المعلوق طوراقي= وحرارة الشمس حره ييبس الحاضي يالله أنا طالبك لا تخيب أوفاقي = يامصفي الصافي اللي فاض بفياضي أنت الرجاء والأمل والأوّل الباقي= والناس بالناس سلمه قرض وإقراضي وأنت الذي قرضتك بحساس وذواقي= وبدار القضاء قاضيٍ تقضي على القاضي تشفي مريض علاجه ما أعتقد لاقي =وشفاه بأيديك ياشفاّي الأمراضي يكبر مع الوقت والأيام مراقي= مستعصي والمرض في دمها خاضي وعن العار والنار تجعل لنا واقي= بظلال عرشك تظلن بعجز مركاضي لا تحرق الروح والأجسام بحراقي= يامسقي الساقي اللي ساقيه فاضي في ظل عرشك تظل الجسم برفاقي= بيومٍ جضيض البشر من جضته جاضي جضيض كدري صفقها ملح تفّاقي= والروح به حشرجه وضيقٍ ونضناضي جض البشر والحرس من حوله أرواقي= حفاةٍ عراةٍ وعظم الوجه به لاضي أحدٍ سلك مسلكٍ من يسلكه راقي= وأحدٍ عليه الخطر من فعله الماضي وأحدٍ من الهول مذهولٍ ولا فاقي= من هول ما شاف يذهل ستر الأعراضي يفر منه الولد والزوج ورفاقي= كلٍ لحاله يقضى وأنت له قاضي |
|
28-05-2016 | #2 |
|
رد: الشاغل
المعذره يابهلول لو عندي صلاحيه عطيتك عشر نجوم قصيده تستحق عليه كل النجوم لكن اللي اقدر عليه اقول صح لسانك بلا حدود ولاهنت /
تحياتي لمقام سموكم الكريم : |
|
28-05-2016 | #3 |
|
رد: الشاغل
نأمل من يملك الصلاحية تعديل البيت التاسع على النحو التالي ( يالله أنا طالبك لا تخيب أوفاقي )حيث فيه أخطا أملائي وشكراً للجميع
تم التعديل من قبلي المشرف العام |
|
28-05-2016 | #5 | |||||||||||||||||||||||
|
رد: الشاغل
أخوي / نايف وصلت رغبتك وتراك منحتن عشر النجوم اللي أنت تقول والمبروك اللي يجوز للجمهور ويونسهم 0 وأنت الله لا يهينك صح بدنك ودمت كما تحب 000وفي حفظ الله يالغالي ,,, |
|||||||||||||||||||||||
|
28-05-2016 | #10 |
الإدارة
|
رد: الشاغل
شاعرنا الكبير مقاماً القدير بهلول الزميلي ابو نواف صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام