الصدر ممحل غرام .. ومرتـوي صـدّه ,,, والعين غصن السهر فيها ثنـى عـوده

السلام عليكم ورحمة الله وبركاته

كيف الحآل ,, آن شآء الله الجميع . بخير . وعآفيه

هذي القصيده والله مدري من له بآلظبط .. ولآكن آن مآخآب ظني .. فهي لآبن شويه ..

وآتمنى آن تعجبـكم ,,

الصدر ممحل غرام .. ومرتـوي صـدّه=والعين غصن السهر فيها ثنـى عـوده
لولاي رجل ٍ محد وايـق علـى سـدّه=فضحني الشوق في باسـه ومجهـوده !!
أدلـه البـال بيـن الضيـق والشـدّه=الوقـت دوّار .. والأعمـار محـدوده
لو كل واحـد يجـي ودّه علـى ودّه=ماطال صبر العقيم لشوف مولـوده !!
راعي القناعه ليا مـن الزمـن حـدّه=يرضى بحظ ٍ ذخر جـوده وماجـوده
حي الله اللي عليه القلـب مـن مـدّه=كنّه سحـاب ٍ يمـد يديـه للسـوده
أبطى وحس الضلـوع اتقـول لابـدّه=رجله على الدرب !! وعيونه على العوده
إيّ بالله أقبل جفول الريـم مـن قـدّه=يشيل روض الجمـال بكامـل وروده
كنّه بيجزم ولْه !! وأنـا علـى حـدّه=وأغضيت شوفي يمين شوي .. ياكوده ..
.. إليا تمثنى قفـص صـدري ولا ردّه=ما ياخذ القلب في رمحين من سـوده !!
اللي قلوب أكثـر العشّـاق فـي يـدّه=تسعى لغاياتـه .. وتطّمـح لمقصـوده
لو كان ماهيب ورث ابوه عـن جـدّه=لكنّها كسـب حجانـه وعنقـوده !!
سلمته الـروح وأغليتـه علـى البـدّه=يرعا مفالي حشاي .. ويـارد عـدوده
من كثر ما أتـوق لـه وأغليـه وأودّه=تنقص مقامات بعض الناس مـن زوده
عليـه الأشـواق .. محتـرّه ومبـردّه=ويلي على نفحة النسناس مـن نـوده
ما والله أقسى على العاشق من الصـدّه=الا أن كبـده بحـد المـوس مقـدوده
لكنّه العشـق لامـن زاد عـن حـدّه=ياكثـر ماياخـذ !! وياقـل مـردوده
أن حطّك براسه .. ونواك مـن جـدّه=مايحترم نفسه !! ولايمسـك حـدوده
فيه التناقض وجمع الضد مـع ضـدّه =!!حاجات معدومه .. وحاجات موجوده
الله عطا (السوده) اللي ماعطا (جـدّه)=والله عطا (جدّه) اللي ماعطا (السوده)

يعطيك الف عاافيه ياارب ..

قصيده جميله لاهنت

يسلموا الايادي

اخوي كوكب آخر

نقل رائع مشكور

صح لسان الشاعر


لاهنت كوكب اخر


تحيااااتي

قصيده رآئعه بمـآ تعنيهـآ الكلمه
ذوق مميز ورـآقي
كـــوكب اخـــــــــر
سلمت يمينك وآلف شكر ع القصيدهـ
لا هنت
:

الآروع هو وجودكم

والله يعآفيكم . وآحد وآحد

شآكرلكم مروركم الآكثر
من رآآآآئع

شآعرٍنآ ـآلمميزٍ ~{ كوٍكبـِ ـآخرٍ

ـأنتقآء عذبـ ، وـأبيآتـ رـآآآئعهـ ، عذبهـ

الله يعطيكـ ـآلعآفيهـ ، ولـآعدمنآ روـآئعكـ

دمتـ كمآ تحبـ

يعطيك العافيه الغالي

كوكب آخر

نقل مميز الله يعافيك

هذه للشاعر الجميل مطلق ابن شويه

والبدايه

القلب ممحل غرام .. ومرتـوي صـدّه000والعين غصن السهر فيهـا ثنـى عـوده

شكراً اختيار رائع جداً لاهنت

لاهنت على هالابيات وصح للسانك اخوي

الآروع هو وجودكم

والله يعآفيكم . وآحد وآحد

شآكرلكم مروركم الآكثر
من رآآآآئع