كفو عني

بسم الله الرجمن الرحيم

الشاعر\مشعل عسام الشمري

(( كفوعني))

كفوعنـــــي يامعذربين المعاميـــــــل = الرجل يحفظ فعل جدّه وماضيــــه
انارجل تشره علــــي الرجاجيــــــل = ولاخيربالي ماوطته المشاريــــــه
ترالقهاوي كيف ماهــــي تماثيـــــــل = قولولمن مايعرف الصقريشويــــه
الله واكـــــبريازمــــان التهاويـــــــل= دورٍ يصير الكيف خبلٍ مسوّيـــــه
يبقاتراث العــــــــزجيلٍ بعد جيـــــل = لوكان بعـــض الناس حاول يخفيّه
ناسٍ على المطبخ تكز المراسيــــــل =يقـــول لـــيـش الخادمه ماتجي فيه
سوولــــي القهـــوه وجيبو فناجيـــل=ويمكن يبي من يحقن الكيف في فيه
ويسخر بمدهال الرجال المشاكيـــل= مـــــايدري انه ضـــــــايعٍ قل واليه
بالله عنــــــي جنبو يامها بـــــيــــل = لاتبحــــثون القلــــب ويفيض خافيه
وامطرعليكم من صدوق المخاييــل = من ضامرٍبالشعريتعب مـجـاريه
يالي على اهل الطيب صرتوغرابيل = ياذ الدجاج الي خسرمن تجرفيه
يالله دخيلك مــن كثير العـراقــــيـل = خطوالرجل مالله على الخير قاديه
يفكـــرانـــــه حمـــّل الفهـــم تحميل = سقـــيم عقـــلٍ مـــايفيده مــــداويه
مثله يجوزبه الهجـــــــــا بالتماثيل = نبـــي بقيفان المـــــثايل نداويــــــه
مايحمل الاثقـــال متن المخيلــــيل =لـــوخففوحمــــله فلاهـــــوبقاويـــه
يبرك الــــى من زودو فوقه الشيل = يكثر رغـــاه ولاحمل شيل راعيــه
انكان كل اهـل المعانــي مهابـــيل = اناخبل والعــقل مـــانـــي بباغــــيه
خله لكم يامخصــفين التعالـــــــيل =عــقل الـــردامابـــيه مابــيه مابـــيه
اكره قليل المرجله واني الحـــــيل =اللـــي يـــبررللــــردا يـــوم ينويـــه

شاعرنا الكبير والقدير مشعل التريباني

أبو عبدالرحمن

أتشرف بأن اكون أول المعانقين لقصيدتك الرائعة
صح السانك مدد بلا عدد

تقديري لشخصكم الكريم ؛؛؛

كفؤ والله يا اخو الدهمان

صح السانك الف


تحياتي لجنابك

كفو كفو كفو والله ياأخو الدهمان
قول وفعل عساك على القوه وصح لسانك على جمال الحرف النقي
تسلم يامال العافيه دايم وانت مبدع بالقصايد المعنويه الأصيله ياأصيل
ابو عبدالرحمن لاأنطرم لسانك ولاأنشلت اناملك

ونعم والله يابو عبد الرحمن
وصح الله اللسانك وعلا شانك
والله يقويك ويرحم والديك
تقديري وحترامي لك

الاخوان الافاضل
المشرف
متعجب
صفق الهوا
نافل الغانمي
شكرالكم جميعا الله لايهينكم على هذا الاطرى الغير مستغرب منكم

صح لسانك وعلا شانك

وياكثر اللي يقول جهزوا القهوة

ولو هي تجاب من المطعم جابها،،



رائعة تحمل الاصالة والشموخ

تحياتي

ونعم والله يابو عبد الرحمن

صح السانك بعد حيي


احترامي لجنابك

صح لسانك وطاب فالك
قصيدة جميلة ومعبرة

لك شكري وتقديري

وياهلا

جميع الاخوان الافاضل شكرالكم على هذه الردود الرائعه والغير مستغربه منكم تحياتي لكم جميعا بدون تخصيص