شمـ ر قبيـ له.. غيـ ر القبايـ ل

الليله.. هذي.. غير عن.. كل ليله
ودي أولعها.. قصيد.. ومثايل


بسوق شعري ..وأمتدح لي قبيله
شمر هل الطولات ..وأهل.. الفعايل


ياربعي ..اللي صيتكم.. ينثي له
هذا الدهر ..وإن مر.. ذكر القبايل


هزيتوا ..الكون الرحيب ..وهويله
فيما سبق.. يامسويين ..الهوايل


والغيم طاريكم.. غصب.. ينحني له
ينزل معاه.. سهيل.. بالكف ..شايل


مدة يديكم ..دوم.. ماهي.. بخيله
كن الصخا.. رجال.. وانتم.. سلايل


انتم معارك حرب.. ياهي.. طويله
انتم سوالف عز.. انتم جمايل


انتم نبات الطيب ..انتم حصيله
انتم ..يامكثركم بوقت ..الصمايل


انتم.. على من عال ..نار وفتيله
انتم حكايا مجد.. ترقى الطوايل


انتم زمان ٍ ..ماحصل فيه.. ميله
مافيكم سنافي.. زمانه.. تمايل


تاريخكم باللي مضى ..من يشيله
.ثقيل.. لكن غير كل.. الثقايل


منهو جهلكم ..يالطنايا ..هبيله!!
وشلون يجهل ..في ..عيال الحمايل


ولو قيل نعم ونعم ..والله قليله
في واحد ٍ ربعه.. سناعيس حايل


لبيه.. ياحايل.. ومن ينتمي.. له
.ياارض ٍ ..غلاها ملتوي بالنحايل


كل ٍ سمع فيه.. وتمنى.. يجي له
متشوق.. لسلمى ..واجا.. والنفايل


وكل شمري..بااطرافها ..ينعنى له
يكفيك لاجيته ..وشفت الدلايل


قبل الصياني ..ينطحك حب.. هيله
ماصك بابه ..بالمسا.. والقوايل


يعطيك قبل انك تجي وتحكي له
عمايله تاج بروس العمايل


أنا اشهد ان الجود ..نعمه فضيله
.وحنا كسبنا الجود.. وزين الخصايل


لكن قبل ماانهي ..القصيد وجزيله!!
شوفوا بااخر بيت.. وش كنت قايل:


شمر قبيله؟؟.. إيييييييييه.. شمر قبيله
مثل القبايل؟؟.. لا.. لا.. غيررررر القبايل

منقووول

يشرفني ان اكون اول من يرد على هذه الشامخه وصاحبه

الف صح لسانك

سجل اعجابي بشعرك ايها الشامخ

تحياتي لك

اقتباس بسوق شعري ..وأمتدح لي قبيله شمر هل الطولات ..وأهل.. الفعايل

والنعم والله بك وبالطنايا

الف شكر يالغالي

مبدع في كل شي

الله لايهينكم جميعااااااااااا على المرور الرائع الجميل

صح لسانك ولسان الشاعر
وبيض الله وجه واختيارك جميل

تقبل تحياتي يالغالي

عشتوا



لاهنت ياالغالي


وصحت هالالسنه

تسلم اياديك يابو ناريز

ماقصرت وافي يالغالي


لك كل الود

صح لسانك ولسان الشاعر
يعطيك العافيه واختيار جميل

تحياتي يالغالي

صح الله لسان ولسان الشاعر

لاهنت ياخوي

صح لسانك ولسان الشاعر



ويعطيك العافيه