ديوان الشاعرة / قمرا سماه

الشوق ماجابك ,,

	الشوق ماجابك ولا الجرح جابك=وانا انتظر والدرب شفقن على خطاك لا الوقت شافع لي بطرقات بابك=ولا الليال الخالية تدعم رضاك ياونةٍ عانقتها من عذابك=ونة غليثن قالوا الرعد قد جاك سبعة سنينٍ حجبته مانثنابك=وامه تمنى نجوته له من ادراك عدت له ايام الشقا واحتمابك=بدعوات ليل وصافي دموعها ماك باقي على المدة ليالآ هقابك=قلب امه الطامع بلذة محياك وقبل التمام غيوم حظه تشابك=فوق الجروح وتحت نازف خفاياك سمع الرعد واختل مابه ومابك=طاحت عزومه وانثنى قبل لقياك ماتت اماني تنتظر عند بابك=لا الشوق جابك لي ولا الموت قد جاك

برجين التجارة ,,

	شـق جـوفـي شــق برجـيـن التـجـاره=يــوم جـاهـا راهــي الـعـزم وضـربـهـا في ذكاء في قو قلـب وفـي شطـاره=بــاع عـمـره فــي ثـوانــي ماحسـبـهـا اعلـنـت عـقـب الـرخـا فـقـر انـدمــاره=وانحفـر ذكـرى مـآسـي فــي شعبـهـا هــذا حـبــك حـطــم الـقـلـب وسـتــاره=وذاك جـوفـي تلـتـهـم نـــاره حطـبـهـا دمـع عينـي تلتحـف جفـنـه جـسـاره=مـنــك يـاجــرح الـقـلـوب ويانـشـبـهـا ألـمــس جـروحــك بقـلـبـي وانــدثــاره=وخـفــف الـكـيـات يـادامــي عطـبـهـا الــظــروف الــلــي حـدتـنــي لــلإثــاره=اجبـرت قلبـي علـى البـعـد وشربـهـا جـتـك روحــي تـعـلـن الـحــب وقـــاره=ورجعـت منـك علـى موتـن قضبـهـا فــي خفـايـا روحــي اتـعــاب ومـــراره=وفي دقايقها على الساعة غضبها الــضــلــوع الـــلـــي وهـــبـــك الله داره=احفـظـه واحـفـظ لـهــا عـــزة عـربـهـا

لاجس نبض ولا على الناس وايق !!!

	منهو يسكتّ ضجة الناس ياسعود=ومنهو يفهمهم ذنوب الخلايق الهرج له عدن من الناس مارود=تارد عليه مشوهين الحقايق ياما جنوا على فتاةٍ من الخود=وياما سلبوا رجلآ قوي الوثايق كم شوهوا سمعه وكم عيبوا جود=كم لفقوا كذبه وشبت حرايق باسبابهم فقدت الاحساس ياسعود=والنوم عن جفني بعيد الطرايق شخصن تعرضلي من الناس مقرود=ياالله على عرضه تسوق الخلايق لاجايبن نقصٍ ولاراح في زود=ولاجس نبض ولا على الناس وايق غايه , هدف , ملحن معبا ببارود=هذي وسيلة كل حاقد وبايق تقول حاديهم على كرهك النود=تصفق بهم ريح الحسد بالدقايق ياالله ثبتنا على صبر ممدود=قربك يخلي عامس الفكر رايق والله مدري من تكون انت ياسعود=بس الاكيد اني حكيت الحقايق

دكتور شخصّ حالتي ,,

	دكتور شخصّ حالتي واعتبرني=وحده دخيله من طوايف عزاويك جيتك ادورّ راحة البال كني=مقروص ناب وحقنة السم بيديك ارفق على روحي ولا تمتحني=بجاوبك عن كل فكرة تحاتيك انا العليل اللي براه التأني=امهل عليه الوقت جرحآ يشاكيك انا الحزين اللي همومه تحني=على الجروح اللي تطالب تداويك انا الجريح اللي مصابه يأني=من كثر طعنات القفا جابتن ليك انا الغرام اللي كذب واختبرني=في موقفٍ مابه تراجع وتشكيك انا الوله انا الالم والتجني=انا خطاوي نازلة واطلعت فيك انا مكانٍ واسعن واذهلني=اقفال بيبانه سوا والشبابيك انا الفراق المتضح والمكني=في داخل عيوني دروسه مهاليك خيبات حظي في زماني عطني=السهر ودموعي وقسوة مماليك دكتور وضحّ حالتي واعتبرني=عاقل ومجنونه ولااحب طاريك

عسى السحاب اللي تلالا بروقه

	عسى السحاب اللي تلالا بروقه=يردف على ديرة نديين الامجاد يرعد ويبرق لين تسقي حقوقه=ارضآ تنادي بالوله كل رعاد سبعة ليالٍ يرخي الغيم فوقه=همال ديمه يحيي الارض مداد من فوق بيتآ عالين فيه ذوقه=بيت الرجولة والكرم بيت الاسياد بيتآ جمع حب الجوار وحقوقه=وتبع عوايد بالصخا سلم الاجداد يصب مزنه والنسايم تسوقه=إلين يغري منظره كل نشاد بيت الذي طيب المراجل يشوقه=اللي تحصن بالشجاعة عن اضداد سليمان , قلبي زايداتن فتوقه=خيطه تآكل بالجفا يابن الاجواد الهجر والحرمان قطعّ عروقه=ماشاف لاغايب ولاجاه سداد عيني لعينه يابو يوسف شفوقه=حتى طيوفه لابسه عني حداد الحظ خايب والمواجع لحوقه=تلحفت جسمي كما شرهة اوغاد الحب مايرحم وياكثر بوقه=مثل الصقيل ليا ثنى سهم هداد عدو عيني يتجه صوب سوقه=لاشارين راحه ولاباع مافاد سليمان , روحي صابها ويل عوقه=وكبدي على جمرن للاعمار صياد وش هقوتك في ضالةٍ فك طوقه=اقفى وانا راجي من اوصاله احفاد (يابن بلي) احفظ وصاتي وفوقه=وردآ من الريحان يفرش لك وكاد خبرهّ بجروح الغلا مع حروقه=وصلّ له شعور المغربّ ليا عاد يمكن تعجل بي وفاتي وشوقه=ولا انتظر رجعه ولافرحة اعياد انشر جوابه من حدودك لــ لوقه=وعمم على شمر ترا الثار ينعاد

غلطة ,,

	الحب ملعون الصلايب خذاني=للذل لاحلام الفقر والمساكين كنت الاميره يوم حظي عطاني=واحد ويسوى من ربوعي ملايين كان الاخير اللي رحل يوم جاني=واول غرامآ ضيعتهّ العناوين كنت احلم احلام الترف والاماني=ماخيبت في نظرتي حب غالين كنت ارسم ايامي وألون زماني=واكتب احبك وارتجل فيك بيتين كنت ابني احلامي واثبتّ مواني=على حدود الشوق مابين قلبين كنت اتعطر بالرجا والمحاني=ضمت بداخلها توتر شراييين كنت اعتقد مافيه شخصن يعاني=والحب ماسيل دموعه من العين كنت الغشيمه في زمانن بلاني=بالجرح واوجاعآ نديه الى الحين واليوم حاسبت العمر بالثواني=غلطه وجيت ادفع لها عمري سنين غلطه خذتني للشقا والهواني =سريت معها باحتساب المجانين غلطه وباقي اثارها في كياني=ميسم يسار القلب ميسم من يمين غلطه سرتبي للترف من مكاني=ورست بقلبي في دروب المساكين

ياطيف لاتبطي

	فيني غلا طاغي على لهفة الشوق=ترقص حروف اشعار روحه خفايا مقدر اوضحّ لهفتي لأي مخلوق=اخاف من فرحي تعكس المرايا تدرون وش سرىّ الدماء داخل عروق=طيفآ سرق عقلي واضاء الزوايا سريت مع طيفه بلا مانع وعوق=وردتّ لصدري مرهفاتآ ضمايا قال الغلا ؟ قلت انربط بالعنق طوق=وينزل منه سلكآ لشبك الحنايا قال الوعد ؟ قلت ارتقى بالبطا فوق=تجدده سمر الليال العرايا قال الشعر ؟ قلت ارتجل كل طاروق=واروضّ ابياتي واسوق المطايا ابدع وألحنّ فيك واختار واذوق=وماضم شعري غير رمزك مزايا فداك شعرآ له مكانة ومرموق=تشهد بلي والوايلي والطنايا كبدي ببعدك صابها وابل حروق=وعيني لشوفك كن دمعه سرايا ياطيف لاتهجر مطاياك معشوق=ارحم عيونآ للمواجع ضحايا اخايلك كالبدو لاشافت بروق=ترجي مزوننآ في طرفها عطايا ياطيف لاتبطي اطالبكّ بحقوق=حقآ فرضه الله تزور البرايا انت آخر آمال الغلا واعظم وفوق=واصدق احاسيس الوله في مسايا

يتيم شعور

	تقهويت جرحي من يمينك كفاك هبال=احسك طفل جاهل مراهق يتيم شعور احسك بلا معنى بلا روح يالخيال=وانا مهرتن صعب تعسفني على الطابور تبيني غلا , وصل , اهتمام ,وغرام آمال=وغيره تراي من المهمات قاعي بور اناني وفيك المرجله كبر واستهجال=وتبي البشر تدرس على ايدينك الدستور تبيني على كيفك ولو صبر روحي طال=ولاهمك اذوق المتاعب معك والجور تبي الحب لعبة تحتضن كفة الجهال=وتنسى موازين الغلا بالقلوب تخور تراي العزيزه دام وضعك معايه مال=اشوح الغلا لا لاذ به خافين مسعور انا بنت قومن لانثنى بالرقاب حبال=تفك العقد شمر ترا اسلوبها مخبور كفاك الدلع والغنج لاترقصّ الموال=على هز خصر اجفاك في قلبك المغمور تعبنا ومتنا في رجا غالين لازال=تحسه ضلوع الصدر في جوفي المسمور ولكن على الله كل ماضاق فيني جال=عسى المقبلات تعوض النقص والمقصور سلامي على رجلآ بغى الحب باستهبال=يسوقه عليه غرور نفسه بلا ديكور ترفقّ على حالك وشف لك وسيعة بال=على كهربك فولت المحبين يامشهور وخل القمر ياخذ مكانه بعيد وعال=مسامح وسامحني وبالناقصه معذور

مجاراهـ للشاعر عيادة الجيهيلي حملة اعتاق رقبة ياسر الشمري

	يالطنايا يالطنايا يالطنايا=قالها عيادة وقمرا له تزيد يام ياسر لاتعدين البقايا=دام شمر عزها بنك ورصيد ماكسبنا المجد من عز البرايا=عزنا من واحدن فردن مجيد يوم ولد العفن خضب بالخزايا=كفنا حني من الموت الشديد ابشري يابنت شمر بالهدايا=وابشري بافراح ياسر من جديد جاتكم شمر على وضح المطايا=يام ياسر اطلبي هل من مزيد يالطنايا فكوا حبال القضايا=نلتمس وقفاتكم في يوم عيد يام ياسر هو بقى فيها بقايا=دام شمر واقفه والعلم اكيد نرتجي فزعاتكم يااهل العطايا=يالحرار اللي مخالبها حديد يالطنايا يالطنايا يالطنايا=لجل ياسر هزوا الراي السديد قلتها من حب قلبي للحمايا=واشكر عياده ومنشده الفريد

قمرا سماه

يابوي

	انت الغلا وانت الوله وانت الاحلام=وانته نبض قلب الامل واتزانه انت غناة الروح في شح الاعوام=وانت اللذيذ اللي حواني حنانه انت التامل في متاهات الايام=وانت العظيم اللي فخربه زمانه انت الصديق المخلص الوافي الهام=انت الدروب اللي علابي طمانه دلوعتك يابوي تخضع له اقلام=انقش ذهب بالشعر واترك هوانه داحمت شعار القبايل ولاضام=عزمي ولاهو مرتخي به عنانه كبرت وكبرت بي تعاليم الاسلام=ولاضعف قلبي ولاخان امانه بنات جيلي تنجذب خلف الافلام=بدروب هافين الضمير وجنانه وانا جذبني للعلا عز الاعمام=وسيرة خوالآ في التقاليد بانه مهرة وبنت حصان والدرب قدام=وبنت الاصيل يبان علمه وشانه يابوي لاثروة ولادرب الاعلام=يعوضن قربك وساعة آوانه يابوي خانتبي طموحات الاوهام=وتأصلت فيني محافر سنانه تجتاحني موجات حزنٍ علي حام=ترثعبي همومه على كل خانه اصبر وافوتّ دربها غربن وشام=واقول ذي هانه وهاذيك هانه اثري لها نابن وفي جوفها سام=والصبر مر وعلقمه في لسانه هذي حياة الشاعرة ويا الاحلام=ويابوي قربك عوضن عن ضمانه