ديوان الشاعر / عويد المغيليث

السلام عليكم ورحمة الله وبركاته
ابيات م***ه نوع ما0
ولايفك ***تها الا من هي اليه
وانا تعمدت اني اتركها هاكذا والمعنى؟؟

طايره تقلع وانا طيارها !!!

	استعدو طايره تقلع وانا طيارها=اقلعت من وسط راسي بأتجاه الحايلي تحمل العلم الاكيد ولايطول اسفارها=تمسك الدرب الصحيح ولاتحب المايلي يم قرم خابرينه ينتظر اخبارها=ينتظر لحظه وصوله في سماه يخايلي التقط صورة جميله للمدن واسوارها=وماخفى عند المصور من جمال هايلي كمل التقرير كامل مايهاب اخطارها=قال هذا اللي وعدتك يالخوي تستاهلي حايل ترحب لك الله بكل منهو زارها=وانت رجل لك معزه للمكارم طايلي قلت حايل في خفوقي وانت من شعّارها=تشهد شعارك قديمه يوم كنت تناضلي ويوم جيت بوسط حايل انت من اخيارها=شمري والشمري للطيب دايم حاصلي ماهو قصور بالقبايل لاحشا له كارها=القبايل له مقامه والكرم متآصلي مار هذي طايرتنا موجهه بأسرارها=يم شاعرنا الموقر للضرورة تاصلي وبعد ماناخذ جوابه نعلن استقرارها=ودام ربي كاتب لي والله اني نايلي وبالنهايه طايرتنا توها بغبارها=والتحيه للنشامى واستلم يافاضلي

من الارشيف

رثاء ارشيفيه !!!

	ياقلب وين اللي تحبه وتهــــــــــواه= ليته يشوف الحال واللي جرا بــــــــــــــــه ليته يشوف الحال من عقب فرقــاه=مالي حبيب ولالقيت القرابــــــــــــــــــــــه قلبي عقب فرقاه ياكبر بلـــــــــواه= والنفس والله صار فيها كاّبــــــــــــــــــه اجر ونه وازعج الصوت بــــــــــــــــالاّه = وكم حسرتن بالقلب محد درابــــــــــــــه جاه القدر يوم الثلاثا دفنـــــــــــــاه=والموت حق وكل عبد رضا بــــــــــــــــــــه ابكي على امي كيف بلقى حلايـــاه= من عقب حضنه صرت اقبّل ترابــــــــــــه احاول انسا لكن شلون بنســـــــاه= ياما سهرت لجلي وعافة شرابــــــــــــــه مهما بذلنا مانسوي سوايـــــــــاه= ومهما فعلنا مانجازي جنابـــــــــــــــــــه اطلب عسى الله يرحم اللي فقدناه= رب كريم ولاخسر من لجابـــــــــــــــــــــه في جنة الفردوس ياعل مــــــــأواه= يارب سكنّها بجنب الصحابــــــــــــــــــه

السلام عليكم ورحمة الله
ارشيفيه اتمنى ان تنال القبول

مع الاسف !!!

	مع الاسف واقولها كان تبغيـن= اكبر غلط حبي لمثلك وشـرواك انا عزيز النفس وانتي تعرفيـن=وغلطت حياتي يوم قلبي تمنـاك توي عرفتك للخيانـه تعشقيـن=متربيـه بالـذل والـذل ربّـاك مع الاسف صرتي طعم للرديين=والقلب عافك دام هذي سواياك هذا قراري معلنه تـو هالحيـن=لابوك حب بالخيانـه عرفنـاك يابنت انا بنصحك كانك تحبيـن=شخص تغدا فيك غيره تعشـاك ادري ترى لابد بكـره تعرفيـن=يوم الندم ماينفعك زان ممشـاك اقولها كلمه ترى بين قوسيـن=(باي باي)انسي من مشا يوم وياك قولي توفى0انتحر بس تكفيـن=كلمة خيانـه لاتقولـه شفايـاك تمر هالكلمه وتذرف لها العيـن=عانيت وانتي جددتها سوايـاك ترى الخيانه تقطع القلب نصيين=وقلبي لك الله صار اول ضحاياك

السلام عليكم ورحمة الله
سافر الشيخ متعب الهباس احد المرات للخارج وذلك
لدواعي الفحص والعلاج والحمد لله الامور طيبه ولكن اثناء سفره
ارسلت اليه هذه الابيات عبر الجوال والحمد طمني من خلال مكالمه له
واليكم الابيات

عطني علومك !!!

	عطني علومك يابيض الوجه وش صار=ليتك تقول ان النتيجه سليمه ياشيخ يدعي لك ترى صغار واكبار=وشوفتك والله ماتقدر بقيمه ربي يحفظك من صواديف الاقدار=وعسى السعاده فيك ربي يديمه ياشيخ يابن الشيخ يالوافي البار=لك بالقبايل دوم قدر وحشيمه حتى العدو ياشيخ متعب بك احتار=وان جا لزوم صرت راعي غنيمه هيبة ملك0نطقك حكم0 يابن الاخيار=حتى القوافي بمدحكم مستهيمه من حكمتك جمعت ربعك لى دار=محدٍ سبقكم بالسنين القديمه جمعت ست جموع بشهود الاحرار=وطرفت عين اللي عيونه لئيمه ايه افتخر0ايه افتخر0سر واجهار=مادام من يعرفك محدٍ يظيمه والشيخ نايف قبلكم مابه انكار=يوم ابرق الكبريت شمر عليمه سيفه بوجه المعتدي سيف بتار=شيخ كريم ولايعرف الهزيمه وارجع ورى واذكر بعد شيخ مغوار=هباس كون الجوف جاه بعزيمه فرق جموع القوم ماهاب الاخطار=ومن يجحد افعال النشامى ظليمه واليوم ابو منصوريستاهل الكار=يكفي فخر من صلب اسره كريمه قلته وانا ياشيخ كني على نار=ابغى النتيجه ياعساها سليمه وصلاة ربي عد ماتنبت اشجار =على النبي اعداد ماجات غيمه

السلام عليكم ورحمة الله وبركاته
وليدة اللحظه وحصريه لهذا الموقع موقع نشامى شمر
حصريه على الاقل هذه الايام 0ولانعلم عن المستقبل
وللعلم هو شعور لااكثر ولااقل وكما قلت كيبورديه وكتبتها كما اتت
ولانستغني عن الملاحظات ان وجدت
تحياتي للجميع

خط فيما خط !!!

	ياوجودي وجد من طاح وتعزوى=ولالقى من ياخذ العلم بحدوده غير رجل للمعالي ماتهقوى =دائما نفسه عن العليا تقوده ان شكى له قال يكفيك اتشكوى=وان سكت من ياخذ العلم لعضوده؟1 ثم قرب للمعاميل وتقهوى=ثم خط من الوصيه في جلوده ماكتب لفلان خص0 ولاتنقوى=عزوته فرّيس والاعداء شهوده خط فيما خط من شكوى وبلوى=كيف بعض الناس بانت له جحوده عقب مامال الزمن به ماترجوى =غير ربه واقرب الناس بعموده وحط راسه عالنثيله ماتخطوى=يمنعه عن مشيته باس يكوده قام لكن للاسف ماكان يقوى=وطاح طيحته الاخيره في نفوده من يشوفه خاف لاينصاب عدوى=شايب والناس مايبغون فوده افزعو له عزوته من دون جدوى=مالقو غير الوصيه في زنوده وجد حالي كل ماطرّيت شكوى=اتحسّر وادري ايامِ معدوده

طبعا اقصد بكلمة عضوده اللي هم الاقربين له

ارشيفيه للتواصل
وشكرا لمن مر هنا

هاك الحروف ورتبيها قصيده!!!

	هاك الحروف ورتبيها قصــــيده=نبي نجسد واقع الحب بإسكـــــات في عالم مجهول قصة فريــــــده= نعلن بها للكون بعض الخفيـــــــات نعلن محبتنا بجــــــــمله مفــــيده=الحب باقي لو هله ضمن الأمــوات يكتب لنا التاريخ صفحه جديـــده=أعظم محبين العصور الجـــــديدات ترى مشاعرنا علينا شهيــــــــده=الناس تشهد والمشاعر شهيـــــدات ورغم الظروف اللي علينا شــديده= راعي الهوى لابد يلقى صــــعوبات أحيان تغلبني هواجس عـــــــديده= واحيان اهـــديها ببعض الروايـات حبي لك أكثر من حروف القصيده=والشاهد الله مانقوله دعايــــــــــات حبي لك الايام دايـــــــــــــم تزيده= يامصدر افراحــــي وعشق البدايات

السلام عليكم ورحمة الله

ارسل لي الشاعر فهيد الشنّو الوبيري هذه الابيات

سلام الله على كل الحضور وأقصد عويد

	سلام الله على كل الحضور وأقصد عويد=وترى الأقواس به رمزي وفكه يظهر القصدي أنا حالي مع (الأحوال) ياخالي مهي جيد=( أماره) للحزن مبطي علامه للحزن وجدي (وطن) الحمل ياثقله بركت وكني امقيد=دفنت امي دفنت آبوي ولكن مادري جدي جريمه متهم فيها بدون(أثبات) ياسيد=ضميرن ميت حرفي جبرني غصب ماودي أنا منهو!! أنا أردد ،ييابه آه ياعنيد=أنا مسلم من السنه ولا فكرت مرتدي أنا واحد!! ولكني صغرت وصرت انا وحيد=ظليمه ودعوة المظلوم لله دايم تعدي يربي أرفع كفوفي عليه وأمرك مؤيد=يربي ماأسامح كل منهو واقفن ضدي يربي أنتظر حقي أبي حقي ولاأزيد=يربي خوذهم أخذا، وبيلا،ويلهم ودي وسلامت كل من يسمع ورد القاف يعويد=تراني انتظر ردك وكفي حاضنه خدي

وهذا ردي على الشاعر فهيد

هلا باللي مراسلني وانا فرحان ومعيّد

	هلا باللي مراسلني وانا فرحان ومعيّد=هلابك يابناخي العز هلابك ياخلف جدي هلا بفهيد ابن شنو قريب ولاهو بعيّد=هلا باهل الشموخ اللي لهم تاريخ ينعدي انا ياصاحبي جنبك لك الله ماني محيّد=ابيع العمر من شانك عسى بس عمري يسدي انا يامن نخاني القرم اجيله صاحي جويّد=يمين الله ماقصر مدام الوضع في يدي وذا كان السبب في زيد او عبيد وسعيّد=اببذل كل مجهودي على شرواك مابدي ومدام انك بناخيي وطيبك واضح مشيّّد=اموت ولاتقول الناس خالك ليه متردي واذا قصرت في حقك لغيّر اسمي سويّّد=سواد الوجه يلحقني على طول العمر ندي ومثلك مايجي وحيّد ابد ياصاح متسيّد=ومن يرميك بالتهمه عسى الله يخذله جدي عسى هالرد يشفع لي يقوله خالك عويد=رجاي اروجوك تعذرني اذا شفت الخطأ عدي

وسلامة الجميع

من الارشيف القديم جدا
اتمنى تنال على الاستحسان

على سيف البحر

	على سيف البحر جالس وافكر واكتب ابياتي=واعيدالذكريات اللي خذتني بعالـم الذكـرى اناظرساعتي واذكر ولااقرى فـي سجلاتـي=احدد وقت جمعتنا واحدد موعـد المسـرى بنفس الوقت والساعه ونفس الموعد الفاتي=ونفس المجلس اللي به جلسنا ونكتب النثرى وانا جيت المكـان ولا لقيتـك يابعـد ذاتـي=وألومك واتسائل ليه ثم اتـي لـك بعـذرى اخطي نفسي بنفسي واجيب العذر بأسكاتـي=ولابرضى على حبي تجيهـا لومـةٍ غبـرى ولكن ويـن هالغيبـه غيابـك زاد لوعاتـي=وانامنًك تكفينـي رسالـه تكتبـي واقـرى رساله تنكتب بيدك تراهي مـن طموحاتـي=واذا بالعين ناظرتك جروحي بوقتها تبـرى على سيف البحر هلت حبيبي حيل دمعاتـي=وعلى سيف البحرنفسه كتبتك يالغلا شعـرى سميك بالفـلا راتـع وانـا زادت متاهاتـي=واناظردوم جوالي عسى تلفي لي البشـرى حبيبي يابعد عمري وخذ كلمه بعـد غاتـي1=اذا طولت بغيابك تخيـل وش بعـد يجـرى واخيرا حط فـي بالـك غيابـك زاد اهاتـي=ابي منًك تطمني برسالـه دام انـا اتحـرى وعنونهـا ودونهـا وظمنهـا لدعـواتـي= واذا طولت ماترسل تراهي عيشتي قشـرى

غاتي لهجه عراقيه معروفه

السلام عليكم ورحمة الله وبركاته
وجهت هذه الرساله لأخي وعزيزي ابو عبدالله مبارك بن طنا التبيناوي
ويعلم الله لم اكن اريد الرد منه ولكني كتبتها فقط لاني اولا من المعجبين بشعره
ثانيا كتب قصيده واسماها الملحمة الشمريه وهذه القصيده بحد ذاتها كتاب تاريخي
ثالثا لانه عزيز على قلبي ويستاهل كل خير
ومهما قلت من قصيد بحق ابو عبدالله فهو يستاهل اكثر

من الساحل الشرقي لحايل وسكانـه !!!

	من الساحل الشرقي لحايل وسكانـه=واخص شاعر جبل شمر وراويهـا الشاعر اللي حكيم وحافـظ لسانـه=والقصه مثبته مـن يـوم يرويهـا والشعر لو ماحضر ملعون شيطانـه=اروّض القـاف بابيـات مسويهـا بديت شعري واصيغ القاف من شانه=الشاعر اللي توارث ورث ماضيهـا امجاد شمر كتبهـا وحـط عنوانـه= الملحمه وحط تاريـخ(ن) يباريهـا وجده مبيريك سـوّا للشعـر خانـه= قصايده كـل شمـر تفتخـر فيهـا مرحوم ياللي رجح بالكـف ميزانـه= عزالله انـه رقـا بالمجـد عاليهـا ومبارك اليوم يمشي بدرب جدانـه= جدانه اللي ينومـس دوم طاريهـا بالشعر فارس ينومس كل عربانـه= وان قلت راوي صحيح وذي مواريها من شعره الناس صارت حيل رويانه= والكلمه اللـي وضيعـه مايدانيهـا لو يرجع الوقت تلقى يصهل حصانه = ياويل قـوم مبـارك راح غازيهـا الطيب والمرجلـه فايـز بميدانـه= وكل العلوم الجميله فـي معاليهـا يابو طنا ما كتبت القـاف واوزانـه= من شان ابي منك يالغالي تجاريهـا هذي هديه مـن الشاعـر لاخوانـه = اهديك باقه مـن الابيـات ناقيهـا

وهذا رد الوافي ابوعبدالله مبارك بن طنا التبيناوي

قال التبيناوي المشغول بأشجانه !!!

	قال التبيناوي المشغول بأشجانه = أصفا من الجوهر الناريز صافيها من ديرة اللي ثلاث حروف عنوانه = الشين والميم والراء ريف ناصيها من دار عز الصديق وفقر عدوانه = دار الكرم مبتداء نبع الكرم فيها مني إلى الساحل الشرقي ومن زانه = عويد مغيليث تاج الفخر نهديها جتني رسالة عزيز وعالين شأنه = هلا تراحيب أهل حائل بغاليها بنت ٍ عفيفه شريفه خالقه صانه = بأزكى صناديدها وأشرف معانيها أطهر قدم داس فوق القاع وأوطانه = المصطفى قال زيد الخير أسميها وأبو بكر عن مكارم طي وإحسانه = يارب تحسن لطي ٍ عن حسانيها هي دار حاتم وعنتر بأول أزمانه =و سنعوس الأسلم وسنجاره رواسيها جمع الطناياء يحير الشعر وأوزانه = يصعب على الشعر والشعارتحصيها نادر حراره وعقبانه وشيهانه = مواكر تبعها تبعـــد مداليها ومن زاد بالمدح طيب وطيب وجد انه= ولو يرجع الوقت مانعلم خوافيها أطلب من الواحد المعبود غفرانه =وأفعال الأجداد ماجينا محاريها أطلب من اللـه ستر الحال بإيمانه = لاهنت مشكور والمدح أنت راعيها لكم هدايا تقاد الخيل بعنانه = وسيوف هند ٍ تلاعج من هداويها

السلام عليكم ورحمة الله وبركاته
واسعد الله جميع اوقاتكم بكل خير ومسرات
فيه احد الاصدقاء قال لي ان فيه برنامج اسمه هوز هيرس او حول هالاسم والله اني مااعرفه زين
الوكاد يقول حملت البرنامج على الايفون ودخلت البرنامج وسجلت به وحطيت كما يقول
اسم مميز وحطيت لي صفات حتى مااحلم بها وسويت نفسي رزه وولد نعمه
الوكاد يقول بعد كم يوم وانا ماغير كل شوي ادخل على البروفايل الخاص بالعضوات والبرنامج من صفاته انه يذكر لك كم متر بينك وبين العضو اللي تراسله ويقول ماحبيت اراسل اللي قريبه مني
اخاف اراسلها وتطلع تعرفني ههههه
ويوم الله بغى يقردني راسلت هاك الثلاثينيه سلمت وردت السلام
والحقيقه يقول تكلمنا وشدتني بطريقة كلامها ومادري انا حبيتها او اعجبت بها الله اعلم
ولكن المصيب ان كان حب فهو من طرف واحد على العموم يقول اخونا بالله قلت للبنت وش اسمك
قالت اسمي هند يقول قلت لها ياهند انا حبيتك قالت حبتك القراده وشلون حبيتني وانت ماتعرفني ولاشفتني للان
شكلك غبي 0
الوكاد يقول انا غشيم ولاعندي سلوب اتكلم مع البنت ولكني اني صريح جدا لهذا قلت لها
اقول ترى البروفايل خرطي كل الكلام اللي به ماهو صحيح ولاني لاتاجر ولاهم يحزنون الا رجل قد حالي
ولكن الله بلاني بهالبرنامج وسجلت به مار اعذريني على كذبي عليك00
الوكاد هي غابت عنه وهو ماغير يتحسر عليها فأنا بعد ماشرح لي الموضوع
كتبت هذه الابيات وحطيت بعض الامور من عندي مثل انها مخطوبه ووووووو
ولاتواخذوني كان خبصت بالموضوع
تحياتي لكل من يقرأ

الهوز برنامج خبيث وملعون

	الهوز برنامج خبيث وملعون=حسبي على هالهوز غير حياتي سجلت به من دون ربعي يعرفون=وحطيت بالتعريف بعض الصفاتي اسمي مميز0شاعر وحيل مزيون=وتجارتي ياهي من المعجزاتي واصغر بنوك المملكه فيه مليون=يعني قليل اللي يسوي سواتي وجلست اتابع واتخيّر على هون=واللي قريب يكون بعده غناتي وقررت اراسل لاتقولون مجنون=الليل كله ماعرفت السباتي اخترت وحده بالعمر بالثلاثون=وجلست ادردش بأتكان وثباتي قلت اعشقك قالت غبي قلت وشلون=قالت توكل لاتجيك الدعاتي قلت اسمعي اهل البلد مايسبون=وبناتهم بالسوق تلبس عباتي قالت نصيحه ابتعد لاتجي هون=خلك مع اهل السوق والمترفاتي حنا هنا نبغي مثل مايقولون=نبغي ندردش ليلنا مانباتي قلت الحقيقه شاعرك صار مفتون=وتنقصني الخبره بجذب البناتي قالت علينا؟قلت لحظه تعرفون=انا كذبت ولاعرفت النجاتي ماني بلاتاجر ولاهم يحزنون=وكل الصفات اللي ذكرته شتاتي لكن انا الهيمان وابليس ملعون=وياليت بي ترضين قبل المماتي قالت انا اسمي هندوابوي مبخون=ونصيحتي لاتقترب يم حلاتي واخر كلامي والذي خالق الكون=اغليك بس اني لغيرك حياتي انا ملكني من دفع بيت عربون=ومسجله باسمي وبالجيب ياتي وابوي مستانس ولاهو بمغبون=واخوه نبغي نزوجه من خواتي يعني زواج المصلحه مابه ظنون=وانته عساك تنول بالمقبلاتي وسوت خروج وحالتي دون في دون=ياناس هذا بعض من مشكلاتي ياناس ياللي بالقصيده تمرون=ترفقو تكفون هذي وصاتي بداية الموضوع مزحه بمظنون=ونهايته ابيات بمذكراتي وانهيت موضوع القصيده على اون=والعجز ركزناه بحروف اتي