صـــوت وصـــدى

عـقـب الارهــاق ,,,,,,,,

ابيات اســندها الى الاخـت الشاعـره الجــازيـه ام شــاهـر .

شــــفّي انا يالـجــازيه عـقــب الارهـاق = فـنجـال مـن دلّــه يــداوي اعـمـاســي
تبـرا اجــروحي كلــبــوهــا اليا انـسـاق = ومن شــفّتـه تـشــفـا مـواجـيـع راســي
يـجــلا غــثـا هــمً تـوطـن بالاعـمـاق = هـــــمً يـحــدّنـــه اكـبــــار الـمـــآســي
مـن واقــعً مــؤلــم ولا عـــاد يـنطــاق = وقـــت عـــلى خِِِـشـــم الـمـروات داســي
وقــتً رفـــع يالجــازيـــه كــل بـواق = واصبـح عـلى بعـض المخالـيـق قـاســـي
واســى الحليـــم اليــوم مـع كــل لقـلاق = واســى الوطـا مـع شــامخــات الرواسـي
والهـرج فـي بعـض المجـالات مـالاق = نخــفــيـه عــن لا يـفـضــحـه كُــل خـاسـي
بيـنـت انا لـك غـايـتـي فــوق الاوراق = والــديـــن مبــدأ والـكـــرامـــه إلبــــاسـي

بقــلمــي ,,,,,,

وهـــذا رد الشــاعــره الجـــازيـــه أم شـــاهر
حيث تقـــول : مشــــكوره ,,,,,

ســلام يـا خلـفــة نـزيهـيـن الاعــراق = يا محـمـد السـوعـان. يـا عــز راسي
لاهنـت يـاشـاكـي مـع الضيقه ارهـاق = الله يجيــرك مــن عــذاب المــآســي
وعسى الهموم اللي بها خاطرك ظـاق = عنّك عسـاهـا اتـزاح مـن عقـب ياسي
وانا اشـهـد ان الكيف مفتاح الاغــلاق = بلـســم جــروح وللـمعّـنـا اتــواسي
فنجــال . مــن دلّـه لشـرواك ينـســاق = فنجــال يســوى لــه ثـمـانيــن كـاسـي
الله يبعــد عـنـك ظلــمٰــات. الانـفــاق = ومـن كــل شــر وكــلً حـــزنً. وباسـي
وعسـى الامـل يفتح ابوابـه بالاشــراق = وفـالك عسـى ياخـوي خـيـر الامـاسي
واقبــل سـلامي والتحـايـا والاشٰــواق = من راسً بنـت أجـواد شــاش بحماسي

الـجــــــــازيـــّـــــه أم شـــــــاهـــر ,

اخوي محمد سوعان
الف صح لسانك والف صح لسان الجازيه
ابدعتو وامتعتو تحياتي لكما جميعا واسال الله
انه يزيل همومكم وهمومنا وهموم جميع المسلمين

أأأأأأأأأأأأأأأأأأأأأأأأأأأأأأأأأأأأأأي صحو لسانكم بارك الله فيكم

الاخ العزيز / محمد بن سوعان


صح لسانك ولسان الشاعره الجازيه على الابيات والردود الاجمل والاكمل

صح بوح المنطوق والسنتكم

عمي بو سوعان صح لسانك ولسان الجازي ياحيي

شاعرنا القدير محمد سوعان الربيع
ابو فهد
هذا شعر النزاهه وصفاء القلوب
صح السانك ولسان الشاعرة الجازيه ام شاهر
مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح السنتكم جميعاً يابن سوعان
شكري وتقدري لجناب حضرتك

مشعل عسام التريباني

هلا والله ومسهلا ابو عبد الرحمن
نورت متصفحي بمرورك الطيب اشكرك وما عليك زود
تقبل خالص مودتي وتقديري ,

الســــرتاج احمــد

هلابك والله ومرحبا نورت
تقبل خالص الموده والتقدير
هلابك لاهنت ,,,,,