زمان العولمه

للشاعر مشعل عسام التريباني الشمري

((زمان العولمة ))

هذا زمان العولمة هي والتقدم والمــــيوع = كثرتبه الارزاق لكن العقول مدمــــــــــره
مغلفه بالران عن درب الرجوله والســنوع = ونفوس اهلها في هوا الشيطان هجن مضمره
عزاه ياللي دايم قلبك لشيطانـك خضــــــــوع = متى تذل ابليس والقلب برضا الله تعمـــره
ترا رضا المــولا يقود الرزق وينير الشــمـوع = والمعصيه ضلــماء وراع المعصيه يامحقــــرة
يوم النفوس المؤمنه تبعث لخالقها ركـــــوع = بيوم به المرضع نست مولــودها ماتذكـرة
بيوم من اهواله يشيب الطفل ويخيف ويــروع = تحشربه العالم عواري في نهارا مــــــاكبره
احد سكن في جنة فيها الثمر مـــــن كل نوع = واحد شرب ماء حميم والعلقول مخمــــرة
طعا مهم زقوم مطعــــــــومه خبيث يزيد جوع = إلى كلاه يصير للأمعا صرير وقرقـــــــــرة
تبت يداهم كيف يرضـــــــــون لتذلل والدنوع = ذل لراعي المعصية دنياه هي والآ خـــــرة
ياللـه يالي قدرتك تغلب كثيرين الجمــــوع = تلطف بحال المسلمين ومن خذلهم تقهـره
يا خالق آدم من تراب وخلق حوا من ضلوع = تشفي عقول غره الشيطان والجهل غمره
ياعاصم يوسف من إللي حاولنه بالخضوع = ومرجّعن يوسف على يعقوب وإرتد بصــره