25-09-2012 | #1 |
|
دلّة همومي
بسم الله الرحمن الرحيم . . . .
يارب تهديني ليا تهت بالراي=انا بشر اخطي ولاني بمعصوم
ويارب وجهني ليا تاهت خطاي=عبدك يضيع ان صار ما بالسما نجوم يارب انا وان قلت يارب بشفاي=مؤمن بانك حي تسمع وقيوم يارب لو غيرك نوى وحاول دواي=ماداوو اللي بالصدر منه مكتوم ياليت لو همي يخبيه مخباي=كان ابتسم للناس والثوب مهموم مير الحمام ان داح تلّن من اقصاي=وصرفتله من دمعة العين مقسوم والله لو يدري عن الضيق بحشاي=يمكن يهاجر من بلا حشاي مضيوم تستاحش الظلمى من الوان ظلماي=وتبكي من الضيقه وسط حضني اهموم استنكر الواقع على طيب مجناي=واسترجي البسمه على فمّي تحوم صرت الفريسه والزمن طير بسماي=ياما نتش مني مسرات وعزوم كان انها طيحه على يد وشّاي=موتي على مخلاب حرّه ولا بوم الكذب يرضع من صدر وقتي قواي=والصدق من صدر السواليف مفطوم ماهمني لاجت رديّه من عداي=كل البلا لاجت من اقراب وقروم يضحك على بعض السواليف حكاي=واضحك على الحكاي واقول منجوم مايدفن اشباه الرجاجيل شرواي=يدفن رديّ النفس.. وضعيّف القوم دلة همومي ينقله طيب يسراي=صبيتها بفنجال وقتي بلا لوم ثم مدت الفنجال للصبر يمناي=يشرب ولّو انه على الشرب ملزوم ماني لغير الله بالكون شكاي=وهو العزيز اللي لو انخاه بيقوم انخاك يارب السعد حل دعواي=واسق العطش بعيون ضامي عن النوم |
|
25-09-2012 | #2 | |||||||||||||||||||||||
|
رد: دلّة همومي
تستاهل الاقتباس بكاملها وتستاهل القراءه حتى الحفظ صح لسانك ياسالم الشمري وكفوالعزم والطيب والقوه كفوالارتقا والشموخ صح لسانك مدد بلى عدد |
|||||||||||||||||||||||
اضرب على الكايد الياصرت بحلان=عندالولي وصل الرشاوانقطاعه
= للأمير/عبيدالعلي الرشيد |
25-09-2012 | #3 |
|
رد: دلّة همومي
مايدفن ( افعال ) الرجاجيل شرواي
يدفن رديّ النفس.. وضعيّف القوم دلة همومي ينقله طيب يسراي صبيتها بفنجال وقتي بلا لوم ثم مدت الفنجال للصبر يمناي يشرب ولّو انه على الشرب ملزوم الله الله رائع راائع بحق ياسالم صح بوحك وسلمت روحك قصيدة تفوق الوصف لله درك تقبل مروري واعجابي |
بيض الله وجه الايام والمال القليل = بينت لـي صادق الناس من كذابها
لو معي من غيب الايام والدنيا دليل = كان اجنب بعض الاشاء قبل لاابدابها الشاعر = صالح حسين المري |
25-09-2012 | #4 | |||||||||||||||||||||||
عــــميد الشــــعراء
|
رد: دلّة همومي
الله الله الله
اخوي سالم الشمري مدري وش اقول عن هذه الرائع اقول رائعه قليل بحقها اقول مميزه لاوالله تفوق التميز لاستطيع الا ان اقول صح لسانك ايها الشاعر ارائع والمميز والراقي والهرم الشعري لاوالله محيط من الشعرالراقي والمميز وافيدك ان الناجح محارب في كل مكان ومن كل انسان شكرا شكرا شكرا لك من اعماق قلبي والله انك تستحقها وبجداره |
|||||||||||||||||||||||
|
25-09-2012 | #5 |
|
رد: دلّة همومي
ياعلك سالم وغانم
ابداع ولكنه حزينه وانا ياخوي اتثر من الحزن واعيش جو الشاعر اخوي وعزيزي وتاج راسي استطيع ارسل لك على الخاص مثل غيرك ملاحظه ولكن عندي وجهة نظر وليس ( ملاحظه ) وهكذا انا شخصيآ ابي استفيد يمكن انا غلطان : مــانــي لـغـيــر الله بـالـكــون شــكـــاي 0 0 0 وهـو العـزيـز الـلـي لــو ( انـخـاه بيـقـوم ) ( انـخـاك يـــارب ) الـسـعـد حـــل دعـــواي: اقول للشعراء الكبار ارشدونا هل يجوز مابين الاقواس او يغير افضل . ولكم جزيل الشكر لاننا نبي نستفيد منكم اخواني وينقصنا بعض الخبره فمنكم نستفيد |
|
26-09-2012 | #6 |
الإدارة
|
رد: دلّة همومي
شاعرنا القدير سالم الشمري
صح السانك مدد بلا عدد خالص التحايا لسمو شخصك النبيل |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
26-09-2012 | #8 |
نائب المشرف العام
صفق الهواء
|
رد: دلّة همومي
الجزل سالم الشمري
صح لسانك ولاأنشده بالك نص جزل وعساك ماتتوه يارب سلمت ودمت والشكوى لغير الله مذله والله يفرج هم كل مهموم تقبل مني كل الود |
|
26-09-2012 | #9 |
|
رد: دلّة همومي
رائعة بكل ماتعنيه الكلمة
حاولت اقتبس جزء منها ولكن الكيبورد زعل علي وتحما لي بفرخ الهامة لانها من البداية للنهاية كلها شموخ ابدعت شاعرنا القدير ... صح لسانك واعتلى شانك |
|
26-09-2012 | #10 |
|
رد: دلّة همومي
صح لسانك أكثر من رايع لو أنه محزنه وأدخلتنا عالم الحزن أخوي سالم هوّنها وتهون أن شالله عسى يسلم راسك من كل شر وتدوم بكل خير على هذه القصيدة الشافية الوافية,,,,
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام