هذا محمد / بقلمي

هذا محمد / بقلمي

القصيدة / رداً على عوض بن جهز السليمي عندما اراد ان يشتري ثلاث نياق من اخوي الشاعر/ محمد بن عبدالله الشويب السليمي حيث عوض سامها منه من اربعة الاف ريال ولكن محمد حدها عليه من سبعة الاف ريال ولم يتفقوا وقصد به عوض قصيدة تهميش لدوره بالابل وانه مايستاهلها علماً ان الشاعر محمد رد عليه بقصيدة قويه ونظراً لتدخل طرف ثالث بقصيدة شعرية حول الموضوع جادة قريحتي بهذه القصيدة /

اعتبرها شعر او لاتعتبرها=بس الرجاء لاتعتبرها لقافه
القوافي جتك مع كامل خبرها=من خلال النت والا بالصحافه
افتكرها ياعوض ثم افتكرها=جاك نايف يبترم والقاف قافه
ماتوانا والقوافي بك سطرها=ماتروم النقد من قو الثقافه
العواصف هيَّجت غبة بحرها=لين طم الموج ميدان الرصافه
مايفيد العلم لاجيت بنحرها=ماتفيدك يعوض كل الحسافه
العياله ياعوض ماحدٍ شكرها=مير حنا نعسف صعيب العسافه
الشويب لاتمادت في قشرها=مايعرف اللين ولابه لطافه
الشويب كل الحواجز كسرها=خلا الذيب المفترس مثل الزرافه
الشويب سيرته كلٍ ذكرها=بالوفاء والطيب مع جود الضيافه
الشويب ريف من عانا كدرها=من لجابه ماتعتريه الكسافه
الشويب كلمته ماحدٍ حقرها=ماتحيزم بالرداء واهل الضعافه
الشويب اسمٍ منقوش بحجرها=كم لبيبٍ مر بالاعيان شافه
وعن طويل الهرج ودي اختصرها=محمد المغوار ماحدٍ قام طافه
ابو زايد كل المراجل ظفرها=والنخوه افراشه والعزه الحافه
صيرمين جول الحباري عثرها=لاتحدر لابرق الجنحان لافه
ابو زايد شمَّخ النيب احتكرها=بالسنع والعرف هي فن احترافه
كم شعيبٍ سال ترعى به قفرها=ولانحاه الوقت خشم الريال عافه
ماتهمه لو المصاري خسرها=من شان البل تحمَّل كل الكلافه
هذا محمد ياعوض قبلك تجرها=وانت عود واتجر بالكيك وكنافه
خلها والنفس حذراك تحشرها=وسيل الوادي احذر يجرفك انجرافه
والنشامى نحترم وجهت نظرها=ومن تعذر لنا نقبل اعترافه

نايف الشويب السليمي