ديوان الشاعر / عمر بن عبدالمحسن

شيلة : الطنايا
شعر وإلقاء : عمر بن عبدالمحسن
إنشاد : أحمد السليطي

حــــي ضيغم ونسله والجناب المتين
حــــــــــايرٍ به عــدوه لو عـلا ما علاه

وحـي زوبـــــع وفارس فارس الرافدين
عجْــزت الفرس عن وانكفت عن هواه

وحي ضاري والاسلم فزعة المنتخين
تومي اليوم حــــــايل عاجزه عن وفاه

وين العذارى برد / وين المزايين
اللي لهن بالقلب مفلى وميراد

اشبه خفيف العقل واشدى المساكين
لا شفت ناب الردف مزبور الانهاد

قد العنود الريم / ضاف الجديلين
يخطي حلاه الحرف / للروح قدّاد

وخدّه نبات الشوق / وِرد المحبين
حدي وانا ظميان للعشق طرّاد

اسقي دريك الحب والذنب بثنين
هاتي شفاك التوت والجيد مرقاد

#عمر_بن_عبدالمحسن

ولعاذلي سُمٍ مع الغبن مسحوق

	المستحيل بكف الاحـــــــــــــلام مشنوق =وروح الســـــــــــــــعادة باقية لو تعنّيت والشمس لو غــــــــابت تناديك بشروق=والعلم ياصل والفـعـل يكـــــــتب الصيت وزمل الحسد عن مفلا الاحلام مسيوق=لين يهبَا بمراح غـلّه اليا جــــــــــــــيت انا طبيب الـــــــــــياس ومضمّر الشوق =وانا الحياة وعـــــــــــــــــامرٍ للوفا بيت يلفي عليه اللي من الوقــــــــت مخنوق =يروَى جــــــداي وتنتهي منْه ( يا ليت ) ما كــــــــل دربٍ من هل الفكر مطروق=قفرٍ على غيري وانا به تغــــــــــــــديت ولعاذلي سُــمٍ مـــــع الغبن مسحــــوق=يسفّ لين المــــوت يشفق على الميِـت

#عمر_بن_عبدالمحسن

جديد 2014 - مرثيه طلال الرشيد - للشاعر عمر بن عبدالمحسن

يقبل ويقفي والحنايا له غصون

	للحب داعــــــــــــــــي يا هل الشور تكفون =قلبي خــــــــــذاه اللي على العرش سلطان اللي كــــــــــــــــلامه ذرب وحروفه عيون =فز الخفوق وعـــــــــــــانق الروح حرمان قمت اتخـــــــــــــــيّل كيف وشلون وشلون =يقبل ويقفي والحـــــــــــــــــنايا له اغصان ارجـــــــــوك يا حظي عسى الغرو مزيون =وجــــــــــــــــــــدايله تزهى متونه اليا بان زول الوضيحـــــــــي لا تخــطّى على هون =جــــرح المعـــنّى / من على الصيد ولهان يا ويل قلبٍ بالرعابيب مســــــــــــــــــكون =انا اشــــــهد اني يا هــــــــل الحب شفقان عليك ياللي دون مـــــــــــــبداك (ملعون )=سطرّت قـــــــــــافي وارجي الرب غفران

عمر بن عبدالمحسن

كلمات : عمر بن عبدالمحسن
الحان : عبدالله السالم ( ابو سامي )
آداء : أحمد السليطي

خواطر الناس + صوتية

	البـيـــــــض ماهن على شفّي =والحــــــب ينزف من اشواقه جـــــــــرح الهوى يلهزه كفّي=وظنون الاجــــــــــــواد بوّاقه والحـــــــــــــظ قاصر ومكتفّي =وغصن الأمــل يبْست اوراقه والشرح مرفــــوض مصطفّي=قدامـــــــــــــــه الجهْل شنّاقه ماني بغـــــــــــــــادي ومختفّي=وروحي على الكـــود مخناقة ياللي مع الغـــــــــصب متلفّي=ومـــــــــــــــزيفٍ للرضا باقة مشيوف ماهـــــــــــو بمتخفّي=وخــــــــــواطر الناس شعّاقة صـــــــديت / وان جيتك مقفّي=ادرى الزعـــل واتبع الساقة والشــــــــور ما صفّه بصفّي=مجناه من خـــــــان باشواقه يكفيني الوجــــــــــــــد ويكفّي=بوحٍ سوى الشمس باشراقه جفني للاحــــــــــلام ما رفّي=والزرع يحييه خــــــــــــلّاقه

#شعر : عمر بن عبدالمحسن

يغازلني غــــــــــزال البحر الاحمر
على هونك ترى ( البندق ) عيوفة

انا كلي واحـــــــــــــاسيسي لشمّر
عـــنود ( الضلع ) في قلبي تحوفه

#شعر / عمر بن عبدالمحسن

العالمي سيّد الساحة .. اهداء للنصر وجماهيره

	العـــــــــــالمي سيّد الساحة =غــــصبٍ على الليث جبناها والنِــــــــد ما يعرف الراحة =اذا البطـــــــــــــولة نويناها شمسٍ على الكون وضّاحة =بالغصب بالطيب / جــــبناها ووعــــــــــــودنا دوم ذبّاحة =يسلم كـــــــــــحيلان سوّاها طيور الافــــــــراح صداحة =وحسّاد الامجــــــــاد تقراها للعالمي بالصــــــــدر واحة=معاني الفن مجـــــــــــــناها البحْــــــــر يسبـحْـه سبّاحه=والقمـــــــــــة الذيب يرقاها

شعر#عمر_بن_عبدالمحسن