مليون يصرف في براطم بهيمة,,

البارحه مانمت ضايـق ومغبـون=عيو علي بالنوم نـاس غشيمـه
ناسٍ بفعله تغضب الرب وشلـون=بأسبابهاخشاش الصحاري سقيمه
زملٍ عليه العفش ومحزم عيـون=قـام يتخبـط وانتثـربالعتيمـه
وين الرجال اللي من الله يخافون=وين الرجال اهل العقول الحكيمـه
البل عطايا الله لها عشق مجنون=مـا غيـره زودٍ ونقـصٍ بقيمـه
يامغلين الـذود تكفـون تكفـون=ما للفسـق إلا عواقـب وخيمـه
مدري جهل بالديـن والاتعرفـون=والا هياط ونفعهـا ظـل غيمـه
تباشرو بيناتهـم جـاكم زيـون=كنّـه يبشّـر بالعـراق العظيمـه
ناسٍ توكل طفلها خبز!! بـديون=ومليون يصرف في براطم بهيمـه
إن كانكم للخير والطيب تشـرون=ياكثرهم أهـل البـزوراليتيمـه
شوفو عزيزٍ داخل الحبس مسجون=مسجون من كثر الكرم والحشيمه
وألا عجوزٍ ضامها الوقت والهون=ضناه واحد!! رافضاتـه حريمـه
الجود والاحسان والرفق والعـون=أربع ماهي بدروبكـم هالعقيمـه
ياليتكم ناسٍ حريصيـن وعفـون=ولا نعمة تنكب عسى الله يديمـه
انا بدوي في سلمنا حيل مفتـون=اذواد نملـك بالسنيـن القديمـه
يوم إنها مابين طاعن ومطعـون=نـذود عنهـا ماخذوهاغنيمـه
يالايمي لو لك معاويـن ومتـون=ما زعزت شخص فردبالشكيمـه
الحمد لله دايـم إبليـس ملعـون=النفس تصبر لو ظـروفي أليمـه
تبطي ويبطي من بنا عمره ظنون=اموت لكـن ماتشـوف الهزيمـه

صح السان شاعرها .. وعلا شأنه صدق والله ،،، وبيض الله وجهه وكتب الله لهُ الأجر والثواب أنشهد أنه بليهان شاعرتنا القديرة كحيلا وبنت رجال تسلم يمينك يالنشميه خالص التحايا لك ..

اخوي القديرمشرفنا/ابوغازي
بيض الله وجهك وجعلك تسلم على المرور الله يعطيك الف عافية
دمت بحفظ الله

:tot :
ياعنك انوه صويدز صح السانوه ياكحيلا

ناسٍ بفعله تغضب الرب وشلـون=بأسبابهاخشاش الصحاري سقيمه
زملٍ عليه العفش ومحزم عيـون=قـام يتخبـط وانتثـربالعتيمـه
وين الرجال اللي من الله يخافون=وين الرجال اهل العقول الحكيمـه

الشاعرة / كحيلا وبنت رجال
صح لسان شاعرها ملايين
وصح لسانك وذوقك الراقي الجميل
قصيدة جميلة جداً
نسأل الله العفو والعافية وأن لايؤاخذنا بما فعلهُ السفاء منا.
لاهنتِ رائعة جداً الله يوفقك ويسعدك.
لكِ أطيب تحياتي وفائق إحترامي،،،

الفاضلة كحيلا وبنت رجال
صح لسا لشاعرملايين وسلمت يمينك على النقل

واحب ان اضيف ان القصيدة للشاعر عبدالله فهاد البجيدي

دمتي بخير...

صح لسان شاعرها وصح لسانك
شكري وتقديري

اقف صامتاً

لا ت ع ل ي ق

الكاتب المتألق نجم
الله لايهينك على المرور

اخوي القدير/ابوكادي
بيض الله وجهك وجعلك تسلم على المرور الله يعطيك الف عافية
دمت بحفظ الله