ديوان / الشاعر ثامر الدعسان

بسم الله الرحمن الرحيم
السلام عليكم ورحمة الله وبركاته أعضاء وزوار شبكة نشامى شمر
مشاركتي معكم ابي اذكر لكم سيرة رجل وهو المرحوم/ رشيد عرفج المصبح المفضلي الشمري
واقول انه عاش حياته في بيت شعر في منطقة تسمى فياض امهات غريس في منطقة الحدود الشمالية جنوب محافظة رفحاء بحوالي 90 كيلو والواقعة في الشعيب الغرابي الجنوبي غرب ام عمارة بحوالي 4كيلو تقريبا , والموقع شمال شرق لينه بحوالي 33كيلو , الرجل هذا لاتستطيع ان تسوي له واجب إذا مر عليك لأنه شديد الحرص على إنه مايكلف على احد, ومن وجهة نظري إنه ميزة خاصة في الكرمى لأن الكريم يكرم ولا عنده شك في نفسه ولا يريد مقابل, والآيم حماكم الله عكس ذالك.كما اخبركم بأنه ولا مره قدر يسوي لي واجب,لأنني وضعت خطة لهذا الرجل من أجل السلام عليه.وهي أنني مأقترب منه إلا يوم عيده,وهو اليوم الثاني من كل عيد وغيري كذالك الكثير من الجماعة يتوافدون عليه من كل صوب,لأنه محبوب عند الجميع.ولكم المرثيه اللي أنا قلته فيه أبيات قليلة في حقه ولكن تعبير عن مافي الخاطر, وقول الله يرحمه ويسكنه فسيح جناته
اقول

مرثيه في المرحوم رشيد عرفج المصبح المفضلي الشمري!!!

	جاني خبر مالي عليه احتمالي=خبر شنيعن حط بالكبد مسمار لاحول ولاقوه ولالي مجالي=اصد وانفا مالفاني من اخبار خبر وفات رشيد ياويل حالي=النادر اللي ينحسب سيد الاحرار مرحوم ياللي منزله بالعوالي=اعلى من اللي ساكنٍ بأعلى الأدوار بيت الشعر مبني على راس عالي=لجل يشوفه كل طرقي وزوار صخا صحيحن والشهود الليالي=بين الظلام النار تومي الخطار مايذبح الا من جزيل الحلالي=حتى العصر يكرم الياجاه مرار وقول أنا ارشيد مثله محالي=يزود جوده زود لين القدر صار هذي هي الدنيا على كل حالي=ولا أعترض أنا على وال الأقدار وأنا عيوني دمعها يوم سالي=عيوني ودمعه فدوتن لواف الاشبار غديه يبرد داخل الجوف صالي=نارٍ توقد ليته يطفي النار ياما يصير الراس من الدمع خالي=له قدر عندي مايقدر بمقدار ياليت كثر الدمع يرد غالي=دمعن علشانه مثل هل الأمطار