ديوان الشاعر / أحمد الجريفاني

الى الصديق الدكتور مشعل بن ممدوح العلى (عضو مجلس الشورى) ..!!!

	لاضامتك دنياك رح لبو سلطان =خذها نصيحه لا توجه لغيره هذا شبل ممدوح مشعل بليهان=نسل العلي مشكاي صاف السريره عزالله انه لافزع مهو بلشان=وشلون يبلش والكرم هو اميره دكتور راقي مرهف الحس انسان=وله سيرتن ماهي تقارن بسيره ما قلت فيه المدح من دون برهان=جربت وقفاته ولاهي كثيره على شيوخ للجبل شآنهم شآن=تفخر بهم حايل وشعب الجزيره من يجهل الفريس مايسرج حصان=مادام عميان البصر والبصيره ومن يهدي الجاهل حدب عاش ندمان=ماهوبعارف يطلعه من جفيره اقولها واثق ولاني بغلطان=مشعل ظلال لمن شكى من هجيره مثل المطرلاجا من الغيم هتان=تفرح به العربان في كل ديره محد يوازي با المواقف كحيلان=ولاحدن يلوم اللي مدح قنص طيره عسى الله يهنيه في كل الازمان=وعساه طول الوقت عينه قريره

كلمة (احبك) ضاع فيها ملايين !!! ..

	قالت احبك قلت متاكده زين ؟=لايكون جبتيها من رخاص الافلام قالت اكيد انته حبيبي من سنين=وانا عرفته يا عرب بس من عام ترفقي يا بنت لا تستعجلين=هدفك قرب او ناويتني با الاعدام كلمة (احبك) ضاع فيها ملايين=شربوا سراب وعايشوا زيف واوهام كلمة (احبك)رددوها كثيرين=يا عن جهل والا لهم قصد هدام يقولها الواحد بساعه لثنتين=وتقولها الوحده لشخصين وتنام الكل منهم جوفه يظم قلبين=قلب فضيخ وقلب ما يعرف هيام واذا نصحهم واحد وقال غادين=الحب ما هو لعب ومبادل ارقام الحب له دستور بين المحبين=ماهو مثل ما تنتجه دور الاعلام ضحكوا وقالوا حبنا وارد الفين=ما يعترف بشروط وسلوم واحكام اذا تعدى يوم عشنا سعيدين=وان طال عمره ما بلغ خمسة ايام

عيني فراشن لك والاخرى تغطيك !!! ..

	يامبدعه با الحرف جاني بيانك=رسالتك وصلت ولاني بناسيك الحرف زينتيه مايوم زانك=والقاف يتشرف يخاطب مباهيك ابيات شعري كل ابوها عشانك=الشعر واللي يكتب الشعر يفديك محتاجتن روحي لدافي حنانك=لا تحرمينه جعل ربي يخليك صيري مكاني وابي اصير بمكانك=لجل تحسي كيف انا هايمن فيك لو تذبحيني حب قلبي مدانك=والله لحبك موت واقبل تجنيك وقدام كل الناس اعللي كيانك=ولو يزعلك غيري من عيوني ارضيك ولا يمكن اخسر يا الحبيبه رهانك=من خلقتي وافي ولاهو بخافيك كان الزمن مع بعض الانذال خانك=اصابعك ما هي سوى في اياديك اكيد ما ترضين شخصن اهانك=وشلون ترضينه وهو مرخصن بيك يمكن طمع بك من حلاوة لسانك=ما يدري انك واثقه في خطاويك تونسي غدر البشر ماهو شانك=عسى الذي صور جمالك يهنيك ونامي على كفي وخوذي امانك=با الحلم روحي لا تناسين مغليك وتدللي وجدان عيشي زمانك=عيني فراشن لك والاخرى تغطيك

من خلقة الكون ( حايل ) راسها عالي !!! ..

	وصلت بدري مع ان الامسيه جمعه=عجلٍ على شوف من حبُه شغل بالي (حايل) هوى الروح ما يحتاج لهْ رمْعه=هي بسْرة القلب هي همي وغربالي لولى دوامي تحرًم عندي الرجعه=لاشفت انا خشم (سلمى) قرًب اهبالي ولاشفت (اجا) محتفل والناس مجتمعه=رفعت راسي فخر بمشمًخ جبالي يا حايل العز والتاريخ والرفعه=ما هي غريبه ينظًم وسطك الرالي (الليدي بلنت) قالت قمة الروعه=مستشرقه رايها ما يقبل جدالي دار الوفا والصفا والحب والفزعه=ياما زبن في حماك من العرب جالي دار الصخى سمعته ما يشبهه سمعه=ما ناله اول ولا يحلم بها تالي المجد ما نالته با الحظ والقرعه =من خلقة الكون حايل راسها عالي ما يسكنه غير شهمٍ يفخر بربعه=ولا فارقه غير مجبورٍ مثل حالي من يولد بتربته طبعه على طبعه=ملزوم يصبح عريب العم والخالي قلبي ذرف بعدها دمعه ورا دمعه=طال انتظاري وقربه ما تهيا لي اكابد الهم صارت غفوتي هجعه=سجين غربه ذبحني جور الاغلالي يا ديرتي معدنك ما زينه لمعه=نفداه با الروح قبل الجاه والمالي يا ما بليلي غديتي مثل اكا الشمعه=وياما بحر القوايل صرتي ظلالي صافي ينابيع فضلك تغري الكرعه=قراح غيرك ملاح وحرملك حالي عساك للسيل شعبانك على وسعه=تضيق با الغيث جالٍ ينطحه جالي وتبدا شخاليل اجا تنساب من ضلعه=ثلاثة ايام وبل الديْم همالي جيتك وكلي وله لبيتك بسرعه=تدللي فيه غيرك عندنا غالي!؟

المصيبه انا محسوب ضمن العرب (من امسيتي بالجنادريه)!!! ..

	حسبي الله على ( بوش ) الابـو والابـن=ناصريـن اليهـود وظالمين العـرب مـن ردانـا (حثالـه ) وكلونـا ( تــــبـن)=كل ما نطلب الانصاف قالوا ( شـرب ) اول (رجـال ) كلـن فـي حمانـا زبـــن=وآخر الوقت مابه مـن يفتتـل شنـب يا الاجاويد من منكـم يطيـق الغبـن=هل لنا في صداقـة مثـل ذولا سبـب؟ مـا ادري اسكاتنـا مقصود والا جبـن=من يجاوب سوالي يا زمان العجـب ؟ همنـا ناكـل الكبسه ونشـرب لبـن=همنا نلعـب الكـوره ونسمـع طـرب انظر ثيابنـا طالـت يبـي لـه خبـن=انظر صحوننا مصنوعتـن مـن ذهـب انظـر لعجزنـا كـم فقـدن ونـدبـن=انظر شيوخنـا عنـد اليهـودي لعـب دوك شيماتنـا طفـلات كـود يحبـن=صارت سيوفنا من عقب (خالد) خشب (السقيطـات )ناتيهـن علـى مـا يبـن=وان نخت واحدن منـا (شريفـه )هـرب افتخر بس بسلامي ومـن لـه ابـن=والمصيبه انا محسـوب ضمـن العـرب

وحده تحبك غير ثنتين ضدك !!! ..

	اذا وهب لك وال الاقدار غالي=يمسح دموع العين من فوق خدك يسهر معك في مظلمات الليالي=ويشاطرك همك وبلواك ، سدك وش لك بغيره من بنات الحلالي=وحده تحبك غير ثنتين ضدك عطها حنانك واكرمه با الدلالي=تراه تخلص لك وتحفظ لسدك بنت الحموله ما بطيبه جدالي=لا طبت با اصناف المكارم تمدك لاصارت امه من بنات الرجالي=لو هد حيله خدمتك ما تهدك بناتنا ما ندعي با الكمالي=اطيب من اللي هرجهن ، ويش بدك بهن التقى والمرحمه والجمالي=ويقدرن ظرفك وصرفك وكدك يعرفن همومك بليا سوالي=ودك تجرب غيرهن ، مين ردك ؟ لا تدعي بظروف مهر وتوالي=وتروح تاخذ وحدتن ما تودك شرت فلوسك ماهو لجلك مثالي=رمت ولد عمه وطمعت بيدك لو تساله وش نظرتك في خصالي؟=قالت حبيبي اعشقك مين قدك! ولو يوم ما يصبح بجيبك ريالي=قالت يا ولد الناس حدي وحدك تبدأ تمرمط بك يمين وشمالي=مثل الخدم لا بنًك ابوه تعدك (زواج فرصه) مرجعه للزوالي= عسى الآهي يا فتى ما يحدك

رش مويه اذا ناوي تصيد الدجاج !!! ..

	ندخل المنتدى من شان فلة حجاج=نستفيد ونفيد ولا ندوٍر خصيم ننقد بكل ذوق ولا نعكر مزاج =ولا نحاول نخوض بمسالة سين جيم ويدخل المنتدى كنه بسوق الحراج=له اسامي كثار اغلبهن اسما حريم الغبا عند بعض الناس ماله علاج=خص لاصار متصوٍر بانه سليم تقل طاووس يتباهى وهو شخص داج=لاهو مثل الرجال ولا ملامحه ريم مسرحيه بطلها من رخاص العياج=الكركتر مزيف والسناريو قديم العقل يفتخر به والهباله سماج=المعافى ما هو صاير سواة السقيم مستحيل الزلال يصير مثل الهماج= البخل ما تجي قده ثياب الكريم رش مويه اذا ناوي تصيد الدجاج=ما تبي له شطاره كان منته غشيم يفطس الذيب لو يسمع ( ط . . ع ) النعاج= والجمل لو قرصه قراد تلقاه نيم

نــــــــــــــوفــــــــــــ !!!

	سموك نوف وكنهم قبل دارين=انه على اسمه نوف تطلع عظيمه احرجتي بذوقك كبار المزايين=اللي لهن رزًه وفزًه وقيمه الزين يتبع سكتك وين تمشين=يا من قهرتي في جمالك (حليمه) والملح يمسي وين يا نوف تمسين=نديم ما يقدر يفارق نديمه انتي كما الجوري بوسط البساتين=يسري عبيره لين ذعذع نسيمه يهدى بعيد الحب بين المحبين=تذكار لاصحاب القلوب الرحيمه لويشبهك في كوكب الارض ثنتين=صارن بنات الكون دقه قديمه عز الله انك للمعاليق تسبين=جريمتك يا حلوها من جريمه سبحان منهو صور الحسن من طين=لين اودعك يادرة الكون ريمه لو ما ذكرتيني قبل ما تنامين =بسهر على شانك واخليك نيمه

اللي يبينا عيًت النفس تبغيه!!!

	يا الله تجبر خاطرٍ مل راعيـه=عاف الهوى وانكر معرفة حبيبـه عاف الهوى ما صار يسعد بطاريـه=من عقب ما وقته تنكًـر لطيبـه والله ما الومه وانا فيٍ ما فيـه=جرحه مثل جرحي ولا ني طبيبـه كل السنين اللي قضيته وانا ارجيه=وهو يراجيني ولا احدٍ دري به تشعل بقلبي نار لاقمت اناجيه =وهو يقول الحـظ ربـي حسيبـه ويبدا يذكٍرني من الشعر ما ضيـه=يومه بدا بالحب قبـل ابتـدي بـه (اللي يبينـا عيـت النفـس تبغيـه=واللي نبي عجز البخت لا يجيبـه) واجاوبه محدٍ شرا بعد غاليـه=حكم الاله وكل حيٍ رضي بـه مانمت يوم وناظري ما يواريه=زولك وقلبـي ذاب بـازرق لهيبـه كان انت ما تدري بحبك وانا اخفيه=مصيبتي يا كبرهـا مـن مصيبـه اغليت طبعك يا غلى مـن مواريه=حتى وفاك اودع جروحي عطيبه لا ما هويتـك للتسـلـي وداعـيـه=لي شيمةٍ ما يلحقه منـك ريبـه تعرْفني وتّعرف ماضٍ لنا فيـه=مواقفٍ لاجا الفخر ينحكي بـه يامن رعى حبٍ سما في معانيه=كانك وفيت اليوم ماهـي غريبـه كم وافيٍ عجزت ظروفه تماشيـه=وكم عاشقٍ حيران ما شق جيبه

منها اليه قبل السفر!!! ..

	تبي تتركني وتسافر وانا من غيرك بجنبي؟=تبي تشعل لهيب الشوق وترحل قل لي وش ذنبي مع جروحي=وش اللي غير طباعك تكلم قل لي ظلام ودمع ما يرحم=تبي ينهد لي حيلي واقول براحتك سافر=سنينٍ عشتها وياك وغيابك ولا مره=تقول مسافر مسافر وناوي ترحل بدوني=متى قلبك غدى قاسي نسيت العشره ياخللي=مدامك ناوي تتركني انا عينك على بيتك وقبل ما تاصل الرحله تذكر للي وصيتك=ابي منك اذا جاء الليل يهدي يمك السمراء=غلاها مالك احساسي وانا في حبها مفتون=وابي منك تكلمني احبك لوني محتره=حرقني لاهب الغيره ابصبر بس لعيونك=امانه لاتغيب اسبوع تخيل خافق مولع= مابي منك هدايا شوق انا تكفيني جروحك =فمان الله يا غالي فمان الله يا غالي