12-06-2007 | #1 |
|
اهل الجود شلقان المراجل
استأذن الاخوان من الدعوج كله لأني كنت اليوم بسيارتي رايح
لتربه وبالطريق نظمت لي ابيات بسيطه ذكرت بها شي بسيط جدا من طيب الشلقان ورجالهم الطيبين وانا ادري اني راح انسى الكثير من رجالهم اهل الفعول الطيبه والكثير من فعولهم النادره لكن انا جت على خاطري وخليتها بوجهها لاني يشهد الله نظمتها وانا امشي بموتري وماهي على سبيل الحصر وانما جبت نموذج منهم وارجوا السموحه منكم يالشلقان لاني لو مليت دفاتر مااحصيت طيبكم بالناس وبي انا بالذات وعساكم دايمين ذخر لشمر كله ياجوهرة شمر فالطيب منكم انتم والقصور مني انا يالعزوه00
انا البارحه جسمي تململ مهـو مرتـاح=سبايب بروقن في ضحاحه تزيد الشـوق تخايلـت براقـن يشـوق النظـر لا لاح=وتـذكـرت لي نـاسن مـقـامـه بـقـلبـي فــوق دعوج الشرف سارو بدرب الفخر مسراح=هل الجود شلقان المراجل كعـام البـوق زبون الضعيف اللي شكى له حلالـن راح=حزينن سهر ليله علـى ذوده المسـروق لك الله فلا يهنى الشلاقـي لذيـذ مـراح=قبل يضحك الناخي ويشرب حليب النـوق وهذا ثويني عقب سهـره رقـد وانسـاح=رجع له حلاله والمعـادي قعـد مطـقـوق صوارم عبكلي مثل طيرن نظـر ملـواح=وميـاح راع الديـن والموعـد الماثـوق وكاسب لبيبان المضايـق غـدى مفتـاح=عيون اشقرن صيده بكفه وقـع مشلـوق ومعهم دليل الحرب شوره تقـل مصبـاح=غريب بهداتـه خصيمـه يـذوق العـوق وفرحان ذيب الغدر لا هـد مـع شـولاح=وشحاذ وثـنـيـان زبنـك بوقـت الضـوق وشيلة مجيدع يوم جاه الصـواب وطـاح=بقيضن لهيبه يقطـع القلـب والمعلـوق نخى اللي بلا نخوا تـداري رفيقـن نـاح=حظيظن مع الشلقان رجلن وقع مصفـوق وصاحوا سباعن بالمراجل غضبهم فـاح=تشادي عوا ذيبن يهـرول بـدون وفـوق وشالوه مع دو(ن)لوسط الحشـى ذبـاح=صحاصيح بر(ن)مادهج جالهـا المخلـوق لفحهم سمومن لاهبـه يجـدع السـراح=جياعا بقاعن مالقـوا بـه لــذيـذ الـــذوق على المتن فوق كتوف ربعي خذا مشواح=اسابيع مايسمع سوى حالـي المنطـوق لك الله فلا يقوا علـى وصفهـا القرقـاح=ولا احدن فعلهـا لاثقــيلـن ولا مطـفـوق وخشمان مع عارف فعوله شعاعـه بـاح=رجالن بواريده جحيمـن يشيـل عـروق وسلطان خلا الورع دمـه جـرى سفـاح=ومن كف ابن داثان خصمن وقع مشنـوق وميقاف ابن حشاش صعبن على المـداح=وترجيع ذيـدان الرفاقـه وفـك الطـوق فعولن تعرفه كل شمـر بـدون ايضـاح=ومجدن على كبد المعادي غـدى خـازوق سمع به بعيد الناس والحضـر والفـلاح=ومن عاش بالوادي ومن داج وسط السوق تواريخهم صـارت تتالـى تقـل مسبـاح=بــنوها بيــمناهـم مراجـل مهـي طابـوق هم المجـد والتاريـخ والنـار والقـداح=هم السور للمكسور وسط الظلام شـروق دعوجن سيوفه جرحهـا يبحـل الجـراح=وعطر الفخر كله علـى طيبهـم مدفـوق هم الجود بالموجود طيبه تقـول وشـاح=هم المجد وردة نجد طيبه مهـو مسبـوق ومن بان بالعدوان غصبن رجـع وانـزاح=هم العون للمسجون واللي وقـع مفلـوق هم الزبن وقت الغبن للي شكى الوحـواح=هم الهزم كان الخصم قرب ينوش المـوق غدو شوق غرنوقن نهـوده تقـل تفـاح=غدو طوق قفو النوق تتلي ضحاح بـروق مطانيخ قفو الشيـخ ترسـي ولا تنـزاح=صواريم ترفع ضيم من بالقهـر مرشـوق رجالن مقاربهم هـو الكسـب والمربـاح=على مدحهم جبنا حلا القـاف والطـاروق سلامي على الشلقـان ماذعـذع الاريـاح=وماشيف بخبوب الرضم يانـع الرقـروق الاشخاص الذين تم ذكرهم في القصيده هم كالتالي: 1-عبكلي هو بن فالح شيخ الشلقان المعروف ذائع الصيت0 2-مياح هو بن فالح من شيوخ الشلقان وكان معروفا بالتدين00 3-كاسب هو بن عبكلي الذي امسك بالاماره بعد ابيه وكان مشهورا بالرمايه00 4-غريب هو ابن معيقل عقيد ودليله وشاعر حكيم مشهور0 5-ثنيان هو ابن معيقل اللي سماه مجيدع(هديب الشام)لكونه يشيل دورته ودورة شحاذ0 6-شحاذ ابن مخيمر كان مع الثمانيه اللي شالوا مجيدع وكان اصغرهم سنا وهو الذي رفض ياكل الجربوع00 7-ابن حشاش هو خلف الحشاش اللي ذبح خادم ابن مساعد امير حائل عندما افتخر عليه00 8-خشمان هو ابن رثعان اللي فك نياقه من خمسه فرسان وقتل احدهم واصاب الباقي0 9-ابن داثان هو عبدالله الداثان فعل مثل خشمان بالضبط وفك حلاله0 10-فرحان هو ابن غريب مضرب مثل بالشجاعه والحذر وقطع الفيافي وحيدا0 11-شولاح هو ابن غريب اخو فرحان وله الكثير من صفاته0 12-سلطان هو ابن مياح وهو الذي قتل الورع من عنزه يوم سالفة الرواويه0 13-مجيدع هو الربوض بناخي الشلقان اللي انكسر معهم وشالوه على ظهورهم0 14-ثويني هو ابن حصيني السلماني شيل حلاله ونخى الشلقان ورجعوه له00 |
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله |
12-06-2007 | #3 |
O?°( مشرف سابق )°?O
|
صح لسااانك ياطير شلوى
وانت طيب ومايجي الا الطيب منك لاهنت وصح كلك ونعم والله بك وبالشلقان |
ملاهد ياراتسب القرطاس=ياشايت الضب بالكوره
|
13-06-2007 | #5 |
|
الراوي ابن غسلان صح لسانك عوافي على هالروعه |
انا مثل النجوم العالية ماطالها نصاب وانا مثل الجبال الراسية تثبت مبانيها وانا بنت الاصول ومنسبي من طيب الانساب ومن يفكر بحفرة خبث حتما بدفنه فيها |
14-06-2007 | #8 |
الإدارة
|
دام عطااااااك ياراوينا ابن غسلان
والف نعم بك وبالشلقان يستاهلون وعلمهم غانم والكل ولله الحمد يشهد بذلك بيض الله وجهك على اتحافنا بهذه الرااااائعة صح الساااااااااااااااانك ملياااااار |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام