20-04-2006 | #1 |
|
حصرى لنشامى شمر غزوه المغترب
بسم الله الرحمن الرحيم
السلام عليكم ورحمة الله وبركاته اخوانى اعضاء نشامى شمر مبروك عليكم الافتتاح هالسالفه حدثت لاخوكم المغترب قبل فتره سيرت على رفيقن لى ووصلت لديرتهم وقلت يالمغترب ليه ماتمشى بالديره ياما تصحى الناس وانت اعوذ بالله هاجدهم هالقوايل خلهم الى بعد صلاه المغرب يقومون وتمرهم اما هالحين والله مايتحاتسنه على مغازلهن :) المهم مريت لى مطعم وقلت اتقهوى ياما يذن المغرب وامر رفيقى مالكم بطويل الهرج تقهويت وعينت من الله خير طقت براسى لى فكره انى اتمشى بهالديره واتمشى شوين على بالى اتعرفه قمت افر وحولت من السياره قلت المشى رياضه وتحريك للجسم مليت من السياره وانهلكت المهم مريت بالاسواق ياهكا لغزال المزيون وانا اشر لوه برمش عينى >>> على رمش يجدع اطلق بنت :D المهم البنيه تخسبقت من رمشى وقامت تبادلن نظرات الاعجاب وفكرت بلى فكره ليه ماجى جنبه واعطيه الرقم هاللى حاطه سبيل <<< اتصل ونحن نصل:cool: المهم باللى ماهدانى واقرب يمه <<< وائل كفورى بجنبى مثل سعد جمعه :p وتوى ابكلمه ياطلعت هكالهامه اللى لعيبه السله ماهم شين بجنبه طول وعرض (والشر بعيونه ) وبدون تفاهم قال ماتستحى انت وجهك تغازل بنات المسلمين (الله حق استحيت وادعى الله ينتهى هالموقف على خير ) :confused: وكلمه منى وكلمه منه وهى تثور المعركه وهو ينقز للسياره ويطلع لوه سيف ماهو سيف (اطول من الساطوره واقصر من سست السياره ) ومشرغف ويفضخ قلب من شافه :D انا شفت هالمصيبه وماسكن هالسيف ذليت وقلت العمر ياشامان انحش ماسمعتوا اللى يقول رجلك الياضاقت لياليك سجها عسى تواليها تبشر بالافراج وانا اقوم اتلفت ادور درب سيارتى واتلطم استعدادا للهروب وهو قفوى ينجشن وكل ماله يقرب وصياحى بوسط هالسوق فكونى لعنبوا حيكم وكل ماله يقرب وانا عينى مرتن على الطريق ومره على هالصتيمه ومالكم بطويله خذيت لى مسافه وهو لايزال مصرن على ذبحى وكل شوين وهو يبى يمسكن وانا ماشى بكل قوتى شوين وانا اخثع وياقف فوقى بالضبط وهو يهوى بسيفه على يبى موتى وانا اصيح بعالى الصوت اويلالالالالالالالالالالالالالاه يامار المره تصحينى مغترب وش بلاك اسم الله عليك وش نوحك قلت لله بس تحلمت انى عقيد قوم وبلى معركه واصيح واذبح خلق الله وهى تضحك له شوين قالت انا اسمع ان عقيد القوم مايصيح بس ينتخى وانت صياحك قوم جيراننا قم ودن لبيت اهلى بس حسافه عمرى اللى قضيته معك ياما رهذى المشكله يابنت الحلال عينى خير والصباح رباح قالت لله ابد ماجلس معك دقيقه وحده وبسبته الى هالحين اخوكم عزوبى لابارك الله بهالخبل اللى فرق بينى وبين مرتى وسلامه تسلمكم |
التعديل الأخير تم بواسطة مغترب بالشمال ; 20-04-2006 الساعة 05:15
|
20-04-2006 | #4 |
|
اما انا دخلت جو مع رامبو بالشمال... ليتك مطولن النومة شوين لزيادة المتعة والفايده... الا انت يارامبو وش بلاك كل ماهاذا متلابشن انت ولك بليه... اسمع كلامي خلك حول البنغال ترهم يمشون الحال!!! . |
شكل القمر اليوم
الحرارة بالظهران الآن |
21-04-2006 | #6 | |||||||||||||||||||||||
|
خالى مناتسد انبسط ياعم الشين لو تعرف حلمن حلمته قبل كم يوم يهول وش اسوى حظى مقرود حتى بالاحلام |
|||||||||||||||||||||||
|
21-04-2006 | #10 |
|
قالت انا اسمع ان عقيد القوم مايصيح بس ينتخى وانت صياحك قوم جيراننا
ههههههههههههههههههههههههههههههههاااااااي الله يرجك بس لاهنت وكثر لنا من هيك سوااالف اخوك /// اخو الهيافا |
أمـوت و يـبـقـى مـا كـتـبــتـه ... فـيـا لـيــت مـن يـقـرأ دعـا لـيـا لعـل الله يـعـفـو عـني بـفـضلـه ... ويـغـفـر لي ذنـوبـي و سـوء فـعـالـيـا |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام