ديوان الشاعر / مشعل عسام التريباني

بسم الله الرحمن الرحيم
((قصيده نخوه بالاخ سطام العتيبي))
مشعل عسام الغافل التريباني الشمري في 8/1/1442هجري

قصيدة نخوه بالاخ سطام العتيبي

	انا يالعتيبي طال صبري وســـــدي باح= ســــبعة عشــر عامن وانا صابرن فيها صبري نفذ يامسندي والســنين اشحاح= الاحــي ســــــنين القل مانــي بقاويها اكافــح الدنيا بصــبري وصــبري راح= مــع عالمن ما الله علـى الخير قاديها يقـــرا كتاب (الله) ولا يقبل الانصاح= ويقـــراء الصحاح ولايتقـيّد بمـافيها اثر ثياب الكبر والغطرســـــــــــه فضاح= يكشف ســتر عورت هلا الكبر صاليها مريض الحســــــد ماله طبيبن ولاجرّاح= يســــوقه ضميره والمسارات. يخطيها توشـــح ثياب الكبريا والغرور وشـــــاح= تقل ينقل ارض العاصمه هي واهاليها لكن ياســــــــــــــــطام (انا) زابنك ياصاح=ابيك تنظـــر للمهـمه وتنهيها انتم هلا الفزعات يوم الســــــــنين اشحاح=عتيبه هـــلا الطولات ياحـي طاريها يوم الســـــــــنين اللي بها تصفي الارباح= فز عاتكم كل المخاليق تطــريها

مشعل عسام الغافل التريباني الشمري في 25/10/144‪2هجري

قالوتعال لدار ربعك والاجداد

	قالو تعال لدار ربعك والاجداد=افنيت عمرك في ديار الاجانيب اسكن لوحدك واترك الحاد والباد=تالي حياتك عش مثل عيشت الذيب ولاتعتني بادنا الاقارب والابداد=خلك لوحدك دون داعي ولامجيب قلت الوناسة وينهي ياهل الامجاد=ياصرت وحدي كيف تهنا المشاريب داري حلاته قبل مرسام واحفاد=وقدام تكثر بالرجال العذاريب واليوم مابه لي مواثيق واوتاد=خله لناسن يلهبون لمشاهيب لو كان عز النفس يشرى بالاقصاد=اشريه لوتكثر علي المطاليب ياصار مالي مقعدن بين الاجواد=ولا القى مع الصدقان ونسه وترحيب وكل النفوس ملوثه سم الاحقاد=سم النمايم والحقد والاكاذيب عنهم باحد النفس واختار الابعاد=وادله مع اللي ينطحون المواجيب مكاسر العمبر صناديد الاولاد=روس الرجال مطو عين الاصاعيب شمر مطوعة الصعايب والاضداد=كبار الصحاف اهل الصخامنبع الطيب شرقي رياض العز بديار الاسياد=ارتاح واسلا مع طوال الاشانيب مجالسٍ يسلا بها كل مرتاد=عند الرجال مكثرين التراحيب

الاوهني رجلٍ بقلبٍ سوات الشاش

	الاوهني رجلٍ بقلبٍ سوات الشاش=مهو من الي بالحقد ينقل العدوى اشوف الاوادم تالي الوقت وضعه ماش=تحد القلوب الصافيه للحقد حدوى افكر بوضعن فيه راس اللبيب انداش=اتعبت تفكيري ولكن بلا جدوى عزوم البشر متدهوره والزمن غشاش=بسوق التهالك يهدي الاصدقاء هدوى يامستدين الموعضه خوذ مني كاش=ترى اللي يبيع الاصدقى يدفع الفدوى نفوس الاوادم مجدبه والكبود عطاش=على التفرقه تسمع رزيم الرعود ادوى وانا اقول (سار) الليل لايامن الخفاش=يحده على درب الخطرلين يتعدوى من يرخص احبابه ويمشي كما الادباش=يضيع في ( بر ) التهالك بلاقدوى ومن يمتطي خيل التهالك مع الاغباش=تمده حيات الزهد لهل الحقد سدوى ولايمشي الزورق سوى فوق صطح الطاش=على عاتي امواج البحر يقتدي قدوى

مشعل عسام الغافل التريباني الشمري في27/10/144‪2هجري

(

((اشفق على الديره وشوفة ا لجماعه))
مشعل عسام الغافل التريباني الشمري في16/10/144‪2هجري

اشفق على الديره وشوف الجماعه

	اشفق على الديره وشوف الجماعه= لكن الياجيته تضايقت منها اسمع علومن مايسر اســـتماعه= عجفن على الادنين يرخى رسنها ضاقت نفوس القوم بعد اتساعه=بعد المحبه مادري وش شحنها ليت النفوس اللي ضرت للكاعه=ترمي قناع الخبث والحقد عنها وتلبس لباس المــرجله والوقاعه=والعور هي والعرج ماتحتظنها ياســـعد عين من المراحل متاعه=واليالقاء عوجاء الرفاقه دفنها قرمن على الصدقان يظفي شـــراعه=وعوجاء صديقه ظفها في كفنها يالله دخلك مــن الــردى والقطاعه=وشين القلوب اللي كساها درنها يارب ترزقنا التقــــــى والقناعه=واقلوبنا يارب تجمع ضعنها يامن خلقت الخلق في ظرف ســاعه=واوجد جميع الكاينات وضمنها

((بعض البشر ودك تحطه بعينك))
مشعل عسام الغافل التريباني الشمري في 8/11/144‪2هجري

بعض البشر ودك تحطه بعينك

	بعض البشر ودك تحطه بعينك=وتظفي عليه عن الهبايب هدبها سيفن مجرّد تحمله فـي يمينك=يقضـــي على الفتنه ويقطع عصبها قرمن على جمع الرفاقة يعينك= مايشــعل الفتنه ويجمع حطبها حسنتك يظهرها ويجتاز شينك= يظهـــر جمــيلك والعيوب يحجبها يدفن عيوبك مايبيّح كنينك= ونار الحسـد والحقد يطفي لهبها من مثل هذى لاتفلّت يدينك= جوّد حبال العروت اللي قضبها يرفاء خطاك ويرفعك مايهينك= وعجفاك عن شوف العيون يحجبها هذا الصديق اللي ليا قلت وينك= تلقاه في يســر السنين وشحبها حطه على يمناك يحمى عرينك= ياجهزت سود الليالي ســـــربها ياقلت وينك قال عيني لعينك= فزعت صديقن صادقن محتسبها

((ياشفت نيبان الدهر كشرتيك))
مشعل عسام الغافل التريباني الشمري في 20/11/144‪2هجري

(((ياشفت نيبان الدهر كشرتبك)))

	ياشفت نيبان الدهر كشـــــر تبك=ارفــع يديك لواحــدٍ يفــرج الهم كان الهموم الي تشيله ســـرتبك=اســــــأل وليّك والعباد اعتزلهم ولايهمّك حاســـــدك لوشمتبك=الناس تال الــوقت زادة عللهم لوعين عبّاد الحســـــد حندرتبك=لابد مــن يومــن يبيّن فشلهم وش عاد لوكل البشـــر عذربتبك=صف الظمــير ولايهمك عملهم واجــزم اليامن الامـور اعـزمتبك=مالك ومـال اهل العلـوم ودجلهم لو النفوس الحاقده شــبهرتبك=اصعد سماوي لايهمك زعلهم تجاهلك للي هروجه ســــــطتبك=يقطــع معالـيق الخباث وحولهم لاتفكّر ان هــر وجهم حوّلتبك=مـن قمّة الامجاد فــي منتحلهم سج القدم وابعد ولو طولتبك= واصحى تفكّر وين ســاقوجملهم الناس لو ترفى الخطاء مادرتبك=لوكنت من فوق المتون تحملهم

((((منلايضن الخير فيم مثل شرواك))))
مشعل عسام الغافل التريباني الشمري في 26/12/144‪2هجري

منلا يضن الخير في مثل شرواك

	منلا يضن الخيرفي مثل شــرواك=عــــزالله انه ضايعن بالقوايل ياعل رديان الــرجاجيل تفداك=ياتاج راس الجــود واف الخصـــايل يافـزعت اللــي باللوازم تنصاك=عزالصــديق اللــي به الوقت مايل اناشــهد انك وافين لاعدمناك=يامنتهـــى الامجاد راع الجمايل الله يســـعد يابوناصر محياك=ويرفع مقامك ياعريب الســلايل لبســـت تاج الطيب والطيب يزهاك=وانت الفخـر للتاج والشـك زايل نفخر بذكرك كل ماحل طرياك ذكرك=فعلك ينومس بين ســـــبع القبايل واللي يشـــــكك في فعولك وينساك=هــــذاك هلباجن قليل الصمايل مايـدري انك واجــداتن مــزاياك=ماحدن مثل شرواك يزها المثايل انت الذي حزت المراجل بيمناك=والفعل مايبغى شـــهود ودلايل

قصيدة(( حمد الغيثي)) (( ومردي عليه))

ألآ يآمـشـعـل العســـآم ما دآم الـهـنـآ مآ دآم =جـريح العشق والفرقى ســــهير الليل ما نـآمـه
أنآ صـمـآم قلبي ذآب جسمي يشــكي الأسقآم=بعد فـرقـى الکحيله عينهآ صآدتني ســـــهـآمـه
الأ يـا ليت لـو يــدري هـکـآ الـلـوّآم يومه لآم=بأنه يجهل الفرقـــى ، ومـن فـآرق مـحـد لآمـه
أنآ لـعـيـونـهـآ الـمـغـوآر والـکـرآر والمـقـدآم=وأنآ اللــي صکته بقعآ وجور الوقت ذآ ضـآمـه
أحمدک ربنآ وأشکرك على الصحه مع الأنعآم=وتـجـزى من شـکـرک بـ زود خيرآته وأنعآمه
أنـآ ما أهنآ بـلـذ الـنـوم لآ والله وأنـآ مـنـضـآم=ومن يُـظـلـم معآه‍ الله ويا ويـل الـذي ضـــــآمـه
وصلآة الله عدد خلقه وعدد من دينه الأسلآم=على محمد نــبّــــــي الله عـظـيـم الخـُلق روّآمــه

((حمد الغيثي))

قصيدة(( حمد الغيثي)) (( ومردي عليه))

	هلا يامرحبا بالشـــاعر اللي يتعب الاقلام= اخو سلمى حفيد الي يسوق الخصم باسهامه هلابك ياحفيد اللي تعزوى للصعاب وقام= شجيعن ذلل اللي يعتدودون . بسلة احسامه شكيت من الهوى والحب دربن من عصورقدام= شكو منه الرجال اللي لهم بالمجتمع قامه شــــكومنه الرجال اللي تهاب القاهم الاخصام= وكم من فارسن لاجل العذرى نزل الهامه ترى عندك خبر ولد العواجــــي بالمحبه هام= سبايب نوت صار يساهر الليله بهندامه وليلـــــى جننت مجنو نهاو لين ارسل الانغام= على بنت العوامر راح عقله واتعب اقدامه يهيم ويزعـــج الصــيحه ويركض والعباد نيام= ولونامت عيون الناس عينه غصب مانامه وخاتماً كان لك بالزين رغبه وثّق المرســـــــام= عسا الله يجمعك مع صاحبك وتطق مرسامه

اخوك/مشعل عسام الغافل التريباني الشمري

توكلنا على الله وابتدينا

	توكلنا على الله وابتدينا=باسم من نزّل السبع المثاني عساربي على الجزل يهدينا=ويلهمني جزيلات المعاني اباكتب والقط الدر الثمينا=اطش الهزل واحتل السماني دعانا كاسب الطوله وجينا=نشارك بالفرح للي دعاني وترى قناص* له حقن علينا=يشرفني نداه اليا نصاني لبو عبدالله الحر الفطينا=اسوق المفرده واتعب بناني ابارك (له) زواج النادرينا=ابارك له وازف اله التهاني اصيلاً من معطرة السنينا=هلا الامجاد مروين السناني ضياغم عز فيهم ياعتزينا=نسوق المعتدي سوق السواني ضياغم عز والقاسي يلينا=على صم الرمك والعمر فاني تواريخن تغيض المغر ضينا=لهم تاريخ مفهومن علاني اسودن تحتمي حد العرينا=غدو منهم عداهم ذيهباني بحد السيف الاملح سايدينا=عداهم في لقاهم ماتداني ختام القافيه يا السامعينا=بذكر المصطفى ختم المعاني عليه افضل صلاة العابدينا=ختمت القول في سحرالبياني

مشعل عسام الغافل التريباني الشمري
هجري في
17/12/1442‪‪

*** ((((((((ياالهاجري))))))))
العصرلامني صحيت وتقهويت=
والبارل رايق والهبايب تهبه

رفعت لي صوتن طولن وناديت=
اقلط على قول السناعبس شبه
(((((سلطان الهاجري)))))

يالهاجري

	يالهاجري كتبت وابدعت واوفيت==كتبت شعرن كل شهمن عجبّه مدحت شمرفي قصيدك وكفّيت==يامنتهى سبك القوافي وطبّه شكرا عدد من حج واطاف بالبيت==واعداد نفحان الرياح ومهبّه حيثك من اللي كان فيهم تعزويت==فز عاتهم سهم المثل ينضربّه حرن على روس الشوامخ تعليت==من ماكرن روس الرجال تهزبّه قومن على العدوان مثل الدناميت==كان السنين القاسيات اشلهبّه جمع الهواجر با الجزايل لهم صيت==هم عد هداج المديح ومصبّه ضياغمن فيهم الكانك تعزويت==فزعاتهم تعرف وكلٍ عجبه ضياغمن فيهم اليامن تهقويت==تلقى الحشيمه عندهم والمحبّه ضياغمن للمرجله تشعم الليت==فزعاتهم كل ( الرجال) تحسبّه

مشعل عسام الغافل التريباني الشمري