مسابقة ( احساس ريف )

عبدالحكيم التويمي
صح لسانك احساس جميل لاهنت الله يعطيك العافيه
تسلم على المشاركه والشعر الجميل لاهنت

ماجد مطر
صح لسانك احساس الله أكبر ياله من أحساس تمنيت لو القصيده طالت
سلمت قالب شعري ذهب القصيده اعجبتني كثيراً ياأبا فهد الله عليك

ابو عارف
انت كل الخير والبركه الله يجعله في موازين اعمالك

الأعضاء
تسلمون جميعاً مروركم وتعليقكم من الدوافع للشعر والشعراء
ولنا جميعاً تسلمون

بيض الله وجيهكم يا النشامي

بارك الله فيكم على هذه البادرة..


و بالتوفييق للجميع

باذن الله تكون هذا الابيات تحاكي حال ريف
اللتي رضية بقضاء الله وقدره وآمنة به

مؤمنه في حكم ربي ياهلي=وماكتبه الله علي لازم يصير
راضيه بالي كتبه الله لي=وإسمعوني لو سمحتوا للأخير
إسمعوني ولا تقولوا كملي=وأبشروا في فكرتٍ ياربع غير
القدر من عند ربي منزلي=سنة الله بالكبير وبالصغير
والمصايب لازم إنه تحصلي=وقصتي صارت ولا عنها مطير
والله الواحد لعبده مبتلي=وكل عبدٍ صابرٍ موعود خير
والحزن والهم باكر ينجلي=ينجلي مادام لي ربٍ كبير
لي عمام ولي خوال لي ولي=وظل جدي يجلي الهم الكثير
ياجماعه لو دموعي تنزلي=لو دموعي جارية مثل الغدير
بس قلبي صابرٍ متحملي=صابرٍ قلبي مثل صبر البعير
والعزا لا ذعذع الشرقي علي=ريحة الغالين في صدري تحير
والرجاء من عند ربٍ معتلي=واحدٍ ماغيره أحد لي دبير
والوعد لا من طوى الله عملي=يالله إنك تبعثن بوجهٍ منير
وبنعيم الخلد أكرم مدخلي=مع أبي وأمي طلبتك يامجير

قصيدة بالسان الطفلة ريف
لشاعر/نافل فضل الغانمي

كبير يانافل الغانمي

بيض الله وجهك على القصيدة التي جمعت بين الجمال والجزالة والواقعية بارك الله فيك.


شكراً لك لاهنت

اشكر اخوي المشرف العام

وابو عارف عساك على القوه

والجميع بدون استثناء

اقتباس المشاركة الأصلية كتبت بواسطة عبدالحكيم التويمي الشمري هذه مشاركتي في مسابقة ( احساس ريف ) واتمنا ان تنال رضا الجميع جتني تواسيني مع بسمة شفاه=قالت يا ليت الوقت يرجع دقيقه ألادمي يؤجر على عظم بلواه=ياريف وانتي بلمدامع غريقه يا ريف ظمّيني انا أمك يا لولاه=هلحلم00 ما جيتك بأية طريقه الليل لعيونك طوى القلب مسراه=شوفك دوى روحي وروضة حديقه فزيت يمّه يمّه يمّه ابي 00ها=لا لا ابد مو حلم طيفك حقيقه لمنهو تركتيني؟ للايام00أوّاه=أيام عمري في غيابك حريقه بيدك عطيتيني لغيري ل يمناه=حتى اصبحت ايدي بأيده وثيقه النار حر النار تصلاه تصلاه=أمي وابوي اللي سكت من يفيقه؟ بروحك فديتيني تقولين يالله=بنتي امانه هالّهب ما تطيقه موقف عسى محدٍ من الناس يحياه=شفته بعيني والمشاعر رقيقه يا مصعب الفرقا ليا صار فرقاه=فجأه يسابق لحظة الوقت ضيقه ابوي توني ما تعلمت طرياه=حتى حروف اسمه سنيني تعيقه طفله00لقا فيني الوله صدق معناه=طفله00وظحكاتي بحورٍ عميقه صحيح عمري ما تماديت وياه=لاشك يعرفني اصولي عريقه الصبُر يا قلبي على ما بكيناه=الموت كم فرّق شقيق وشقيقه والوقت لو يقبل يلقّيك مقفاه=حقيقةٍ يا قشرها من حقيقه اللي عرف اكثر تفاصيل دنياه=ما غرّه الوسمي ولمعة بريقه

سعادة الاخ الفاضل الاديب عبد الحكيم التويمي ابدعت
صح لسانك واعتلا شانك ابيات رائعه تستحق الاشاده
شكرا لمشاركتك الطيبه وشكرا للشيخ الفاضل ابو عارف
وشكرا لشبكة نشامى شمر وللاخ القدير ابو غازي
وشكراا للنشميات والنشامى لا اصابكم مكروه

اقتباس المشاركة الأصلية كتبت بواسطة الشاعر ماجد مطر الشمري البارحة في منامي شفت أمي وأبي = من فرحتي في منامي صرت متفاخرة قلت يا مرحبا بابا ويا ماما أرحبي = قربت منهم وأبعدوا ووجيههم متباشرة واسألوني كيفك يا ريف مبسوطة تلعبي = أشلون حالك بعدنا قربي يا شاطرة قلت وضعي بعدكم بهذا الزمان الأشهبي = ما يسر الصديق ألي تحفا ناظرة قفيت نادوني تعالي يا ريف اقربي = صرخت بعالي الصوت ماما الغايبة الحاضرة أنا بنتك ألي حضنتيها قبل شمسك تقربي = وقبل ما تحرق جسمك النار يا لروح الطاهرة بابا ثاني يا ماما من دونكم يغرق مركبي = السفر طويل والأرواح فيه مسافرة ودي أروح للخفجي زيارة لو أحبي حبي = يا عساهم في جنانه وكل ذنبِ غافرة جعلها برد وسلام ومزن غيثه يسكبي = على قبور أحباب قلبي يرشرش ما طره ما بقى من ذكريات الأمس إلا الخادمة وألعبي = وبشركم أسلمت وهي من أول كافرة وأنطقت الشهادة وصلت على أفضل نبي = قدرة الله في عبادة كل شئِ قادرة كان يا أعضاء المنتدى فزت تحقق مطلبي = هي رصيدي مكسبي لو أن ما ني شاعرة با تبرع بها عسى أجرها لأمي وأبي = دام البقى براس جدي وعمي بهم متفاخرة الشاعر / ماجد مطر الحسيني الشمري أخواني القائمين على هذه المسابقة في حال فوز القصيدة فأني أعلن التبرع بقيمة الجائزة لوالدين ريف رحمهم الله لتقديمها لعمل خيري لهما , قال تعالى : {وماتقدموا من خيرِ تجدوه عند الله هو خير وأعظم أجرا} أسأل الله أن يجعل عملكم هذا في صالح أعمالكم يوم القيامة وجزاكم الله خيرا .

سعادة الاخ الفاضل الاديب ماجد مطر الحسيني بيض الله وجهك
وصح لسانك مليون ابدعت اخي الفاضل شكرا من الاعماق
والشكر موصول لسعادة الاخ الفاضل ابو عارف راعي الاحساس
شكرا مليون لشبكة نشامى شمر وراعيها القدير ابو غازي

اقتباس المشاركة الأصلية كتبت بواسطة أبو عارف أدري إني خارج السرب لكن مالي شغل هذي خاطرة ريف -------------------------- يايمه لاتشيلين يا ياه همي = ونفس الكلام أقول لبوي ثاني أنا سعيده بين جدي وعمي = وصار العزاء بموت الشهادة تهاني وحبي لكم معلوم يجري بدمي = من دون ماصرح لكم في لساني أنتم ربيع القلب الي مطمي = محفوظ مابين الضلوع المحاني ياعل قبر للحبايب يضمي = برد وسلام ونور طول الزماني مد النظر مفتوح من كل يمي = وباب على الجنة مبرهج وداني مفتوح للغالين ابوي ومي = يفوح منه المسك والزعفران وبالآخرة ياعل ربي يلمي = يلم الشمل في نعيـــم الجنـــانــي بجاه الكريم الي بفضله يعمي = ربي حبيبي هو كثير الحساني وصلاة ربي في كمال وكمي = على محمد في جميع المعاني --------------------------- وسلامتكم

سعادة الاخ الفاضل عميد شبكة نشامى شمر بيض الله وجهك
صح لسانك واعتلا شانك ورحم الله والدينك يا راعي الاحساس
سعادة الاخ ابو عارف انني مدين لك بالشكر والامتنان والتقدير
حيث انك احييت شيم الطيبين والشعر فروسيه ومرجله
وانا سفيركم الاعلامي بالعراق فكل حرف يكتب عن ريف
اقوم بطباعته وتوزيعه كتراث ثقافي ومعنوي عن مدى التواصل والتراحم
بارك الله فيك وفي قلمك وفي مالك وفي عزوتك وفي شيمتك

اقتباس المشاركة الأصلية كتبت بواسطة نافل الغانمي باذن الله تكون هذا الابيات تحاكي حال ريف اللتي رضية بقضاء الله وقدره وآمنة به مؤمنه في حكم ربي ياهلي=وماكتبه الله علي لازم يصير راضيه بالي كتبه الله لي=وإسمعوني لو سمحتوا للأخير إسمعوني ولا تقولوا كملي=وأبشروا في فكرتٍ ياربع غير القدر من عند ربي منزلي=سنة الله بالكبير وبالصغير والمصايب لازم إنه تحصلي=وقصتي صارت ولا عنها مطير والله الواحد لعبده مبتلي=وكل عبدٍ صابرٍ موعود خير والحزن والهم باكر ينجلي=ينجلي مادام لي ربٍ كبير لي عمام ولي خوال لي ولي=وظل جدي يجلي الهم الكثير ياجماعه لو دموعي تنزلي=لو دموعي جارية مثل الغدير بس قلبي صابرٍ متحملي=صابرٍ قلبي مثل صبر البعير والعز لا ذعذع الشرقي علي=ريحة الغالين في صدري تحير والرجاء من عند ربٍ معتلي=واحدٍ ماغيره أحد لي دبير والوعد لا من طوى الله عملي=يالله إنك تبعثن بوجهٍ منير وبنعيم الخلد أكرم مدخلي=مع أبي وأمي طلبتك يامجير قصيدة بالسان الطفلة ريف لشاعر/نافل فضل الغانمي

سعادة الاخ الفاضل الاديب نافل الغانمي بيض الله وجهك
وصح لسانك واعتلا شانك ابيات معبره ومشاركه رائعه
وشكرا من الاعماق لتفاعلك وحضورك اللمميز