مشاعر شااعره

هذي قصة
مشاعر شااعره
حضرت قبل فتره مناسبة زواج إحدى صديقاتي (وكانت من غير قبيلة شمر) وعندما حان دوري طلبت أغنية (بشمر) ويبدو انها آثارت حفيظة بعض نفوس الحاضرات وعندما هممت بالنزول من المنصه قالت أحداهن بطريقه مستفزه جدااا (وش زودك علينا لاصرتي شمريه عاااد) فألتزمت الصمت أحتراما لأصحاب الحفل لكني تنفست القصيد

إيه ضــيغميه من سنـــاعيس حايـــل =أرفع بها راســي ووطــي بها رووس
انا الفــــخر والصيت وعـــز القبايـــل=اللي تسطــــر به تواريــــخ ودروس
انا الشـــرف والستر وبنت الحمايـــل=اللي لهم بالطـــيب فخر(ن)وناموس
بنت االحسيــــن مزبنـــين الدخايـــل=تضرب على الكايد بلا خيــــل وتروس
حسينـــات يوم الحـرب والدم سايـــل= ترمي الحـياة وتجعـل الموت ملبوس
دغيـــراات سم اللي بكبـــده غلايـــل=تدوس راس اللي تعرض لهم دوس
صيحاتهم من فوق ظهــور الاصايـــل=تزيغ عقل اللي من الخوف ملحوس
تشهد لنا الايــــام بفعــــل ..الهوايـــل=لا زاح دخـــان المعــارك عن الروس
وتشهد لنا الآنــام ببيــــض العمايـــل=يوم الردي بزنزانة الظـــيم محبوس
مجد(ن)مسطر بين قــــول وفعايـــل=يكفيك عن حكين به الكذب مدسوس
برق"لمــــع والناس قامـــت تخايـــل=وبل انهماره شي واضح وملـــموس
حنا الشجاعه..والكـــرم..والفضايـــل=وحنا النفوس اللي بها الخير مغروس
وحنا المعارك..والـــرمك..والفتايـــل=نقدح طنا..ونشوش والبال معموس
وحنا المراجل..واافيــــين..الخصايـــل=لا ماكسبنا الطيب بحب خشم"وبوس
وانتي من انتــي؟ ياعظيمة سلايـــل= هل أصلكم بكتاب الأنساب مدروس
وش موقعك مــن بين كل القبايـــل = وشو نسبكم لاغدى العرق مدسوس
مدام عندك علـــم أن مامن صمايـــل=وان ذكركم بالكون ماشرقله شموس
انتم كذا بالارض ناس(ن) همايـــل =ذكرن غدى بالناس مخفي ومطموس
وحنا شمـــوس(ن)ماحجبتها النثايـــل=نارآ تلــــظى ماهي بضي فــانوس
يميل عقـــال الشـــمري..ماتمايـــل=ثابت مثل سلمى واجا لعتلى الروس
هذا كــــلام الصدق وعندي دلايـــل=يلي بريت القوس وانت تجهل القوس
إيه شمــريه من سناعــيس حايـــل=وبه يعتلي راسي على جملة الروس

شعر : مشاعر شاعره

تم إضافة رد الشاعر القدير / ماجد مط الشمري
على الشاعره / مشاعر شاعره
هنا من قبلي ليسهل الإطلاع عليه من قبل الأعضاء
المشــــــــــرف العام

مجاراه لقصيدة الشاعره الحسينيه ..

يالضيغميه يابنت شمر والدار حايل=مرفوع راسك وغيرك مطمن الروس
في كل خصله من الشعر والجدايل=تغار منها الي بها العقل محسوس
لك الفخر يابنت وبالعز طايل=والريح مايهز الجبل لو حدره اطعوس
انتي مثل نجم" سطع بالكمايل=وانتي مثل نور القمر يبهج انفوس
وانتي مثل شمس" بوقت القوايل=حره على العدوان يابنت منكوس
بنت الحسين اهل الوفأ والجمايل=زبانت الجالي تحوس العداء حوس
اهل الكرم والطيب ربع اوعوايل=واهل الدلال الي بها البن محموس
دغيرات لاجأ بالوقت عدل" ومايل=تارد على حوض المنايا ولا تقوس
سم" على كبد العداء طعمه علايل=سم" يخلي الراس جمجم بلى ضروس
من روس قوم" يشعلون الفتايل=شمر هل الطولات تنخأ بسنعوس
شمر اعزاز انفوس والعمر زايل=والطيب كنه في ذراء البيت محبوس
عبده وسنجاره والاسلم عدايل=كم راس شيخ" باللقأ خلوه مدعوس
وساع الطعون مطوعين كل عايل=شمر لأ جات شيوخها وفرسانها اتهوس
عون الرفيق وكاسبين النفايل=ستر العذاراء لهن درع والبوس
كبار الصحون لضيف تذبح جزايل=من نسل حاتم بالكرم تملي الطوس
من دون اقصور في جميع القبايل=شمر لها تاريخ بالمجد مغروس
حبيت اجاري وبالمجاراه قايل=ان الشعر أحساس شاعر ومحسوس
صح الله السانك ببدع المثايل=الي قوافيها على قافية اوس
وحلو المعاني مثل صافي الزلايل=ماهيب مثل الي تقل قاطعه موس
معنى القوافي يعجز حرف الرسايل=حبكة مشاعر شاعره ماتبي دروس
الشعر وارثته ولابه هزايل=يحفظك ربي من كل حاسد ومنحوس
ولك التحيه يا ساكنه وسط حايل=يابنت شيخ" با للقأ يرفع الروس

	الشاعر/ مــــــاجـــد مـــطر الحسيني الشمري

صح السان هالشمرية يابعد حيي والله

كفو كفو كفو

صح السان الشاعره مليار ولايكفون عزالله
وسلم بنانك اخي قيصر شمر
على نقلها لنا وتستاهل التميز حقيقتاً ابيات قمة الجمال والروعة
عبرتها عن احساسها لإستفزازهن لها من قلب هالشمرية بيض الله وجهها

تقديري لجنابك قيصر شمر

~

اقتباس إيه شمريه مـن سناعيـس حايـل وبه يعتلي راسي على جملة الروس

صصصح لسسآنك وبيض آلله وجهـك

بيضتي وجيهنآآآ يآبنت آلعم


عوآفي قيصر شمر ~

صح لسان الشاعره ومو غريب على بناتنا
يعطيك العافيه

مشكور اخوي متعجب و الزعيم

القدير قيصر شمر

تسلم اياديك على النقل الجميل المتميز
وصح السان اختنا القديرة الشاعرة الشمرية
عزالله ماقصرت فيهن اعطتهن الكااااااااااااش

تقديري لشخصكم الكريم ؛؛؛

صح السانك يابنت الرجال الف

احلولاتي لو اني شاعر ابي ارد على هالنشمية بيض الله وجهه
تسلم اياديك ياقيصر شمر
نقل منتاز لاهنت

جميله هي تلك آلبآدرهـ منك آخي ( قيصر )
فـ / وآلله آن كل من مر على تلك آلآبيآت
ولديه آحسآس بمآ كُتب فـ/ سيقف آحترآمآ لمآ وجدهـ
من ترجمه للـوآقع آلجميل وآلمآضي آلمجيد !

آخي قيصر

صحّت آنآملك آلذهبيه علىآ آلنقل آلرآئع !
وصح لسآن آلشآعرهـ / مشآعر شآعرهـ !

لك مني كل آلود وآلآحترآم !

كُن بخير ..