ماني معيد للوطن‎

25-09-2013

ماني معيد للوطن يوم الاثنين= لوعيدو نص الوطن وش علّيه
مسلم ولا لي بالسنه غير عيدين =ماغير عيد الفطر هو والضحيه
العلمنه سوو عداوه على الدين=تحت العلم وافكارهم عالميه
من الغرب واللي يرغبه مستمدين =وناوين ببلاد الحرمين نيه
مشروعهم فكري وكسبه بعد حين=ويجري مع الامه خليه خليه
في ظاهره علم وتطور وتحسين =بس البلا بأهدافه الداخليه
والعيد هذا منه وبشكل تمرين =على نجاحات الامور الخفيه
افتو بتحريمه عُلماء بالدين =اهل التقى واهل النفوس الرضيه
وقّفله ابن باز وابن عثيمين=صكو مجال العيد هذا وزيه
واليوم نسكت لو محنا براضين =والعلمنه قامت تدير الرعيه
ايعيدّون لمجد ماضي من سنين =ماعاشو بجو العروبه شويه
باالامس تحزنا قضية فلسطين =واليوم معها صار مية قضيه
دم العرب يسفك من ايسار ويمين =وذل وهوان وعيشةً فوضويه
ايّات عيد العيد جبتوه من وين=وبيات نصر تفاخرون البريه
النصر ولله نصرنا يوم حطين =ولى نهار نحرر القادسيه
وان قلتوا انعيد ونفرح بيومين=وكله على شان الوطن عنصريه
ايعيدون اللي منه مستفيدين =وعاشو بثرواته حياةّ هنيه
اللي يعرفون الوطن بالملايين=لا يعيد اللي يعرفه بالهويه
الله وكبر يامسى يوم الاثنين = ياعالي و ياهابط المعنويه
الشعب نصه يشرب الماء ورى الطين=ونصه يبي يرقص على الفيصليه