حرام علـــــيكم يــابنـــــات

السلام عليكم ورحمة الله وبركاته

إخوأني وأخواتي

والله مادري من ؤين إبداء ولا أتكلم

ولا أعرف أحط مقدمات للموضوع ولا شيء

لاكن أنا بابداء على طول وبدخل

في الموضوع
والله أنه أحزني وضع بعض البنات وحالهم اللي وصلو له

صارت البنت بسهوله يقدر الشاب يلعب عليها بكم كلمه حلوه وتصدقه وتقول يحبني
ويجرها هالشي لاشياء عظيمه تجرها الين توصل إلى حد الفضيحه


يابنات لأيلعبون عليكم الشباب ويقولك الواحد أنا أحبك ومابه عندي بالدنيا من يسواك ومن هالكلام الكذاب واني بتزوجك وربي كذاب مافيه واحد يكلمك وهو يحبك من قلب لأنه يلعب عليك «ركزي في يلعب عليك «

لأنه مابه شخص يكلم وحده ويبغا يتزوجها لأنه كلمها على أساس خداع وكذب ومأخذها تسليه
فلا تكونين تسلايه لشباب يلعب بك ويحذفك ويروح يدور غيرك

لأنه كلمك وهو يبغا منك شيء واحد
تدرين ؤشهو وأنا أختك
هو

( شــــــــــــــــرفــــــــــــــــــك )

لأنه ليش يكلمك ويروح وقته معاك وليش يخسر نفسه من بطاقات الشحن اللي يشحن لك بها
ولا حتى فواتير مكالماته اللي تجي بالآلف يسددها
حبـــا فيك مثلا !


لأوالله ماهو حبا فيك

إلا والله
يبغا في النهايه يصيدك وتكونين صيده له
وينتزع منك أغلى مأتملكين
اللي هو شرفك مثل ماذكرت لأنك إذا فقديته

فمستحيل تسترجعين عرضك وشرفك

يـــــاخيه لأتكونين سهله وكلن يقدر يجيبك

خليك الصعبه اللي ماحدن نالها
الى هالدرجه نفسك رخيصه تبيعينها
تبيعين عرضك وشرفك على حقير من أحقر البشر و*** عزكم الله

وأساسا لاكلمتيه ترا ينظر لك بنظرة استحقار
لأنك رخيصه يوم كلمتيه وعنده ماتسوين حتى جزمه عزكم الله

أنا استغرب من بعض البنات هي تسمع بقصص الشباب اللي لعبو على البنات وفي النهايه صارو يبتزونهم بصورهم أو بتسجيل مكالمات لهم
ومع كذا ماتتعظ ماتقول إكيد هاللي يكلمني يلعب علي مثل الباقين لا بالعكس ماتقول كذا بعضهم تدرون ؤش تقول يأخوان تقول لأوالله حبيبي اللي أنا أكلمه مايلعب علي هو يقولي بنفسه أنه يحبني ويموت علي طيب أنا أقولك اللي غيرك كانو يقولون للبنات اللي يكلمونهم
أنا أحبك ومابه أغلى منك
ولعبو عليهم وصارو يبتزونهم أو شيء من هالقبيل
يعني انتئ هاللي يكلمك ماراح يسوي بك مثل غيرك !!
طيب وأنا اختك مافيه أسهل من الكلام الكلام ببلاش
مأكل مايقال صدق


الرجل إذا بيتزوج له وحده بيروح يدور البنت العاقله اللي صاينه نفسها وفي بيت أهلها ومحافظه على شرفها وصاينه عرضها من **** البشر
لأنه يبغا زوجه صانت نفسها في بيت أهلها إكيد بتصون نفسها في بيت رجلها ولا راح تخونه

ومستحيل يتزوجك ياذا اللي تكلمينه
لأنه مستحيل يأمنك على بيته ولا انك تكونين أم لأطفاله لأن نظرته انك مأكلمتيه إلا بتكلمين غيره وماكلمتيه من وراء أهلك إلا بتكلمين واحد من وراء ضهره
حتى لو فرضنا أنه تزوجك راح حياتكم يملاها الشك وراح تكون حياتكم في جحيم

بالعربي مايبي وحده كانت تغازله
لأن كل وحده تكلم واحد تحت اسم «الحب »
هذا
مــــــــــــــــغــــــــــــــــــــــــازل


تصدقون يأخوان ؤش قال واحد لخويه يوم. سأله وقال. يأفلان بتتزوج البنت اللي تكلمها وتقول انك تحبها

قال. ياحمود
« من خانت إخوانها من شأن ترضيني = إكيد بتخوني لرضاء واحدن ثاني

شفتو ؤش كان رده مأخانت أهلها إلا بتخوني

والله العظيم اني أحزن لبعض البنات
والله اني أكتب هالموضوع وأنا في قمة القهر
على حال إخواتي البنات
أنا غيوره جدا على البنات ولا ودي اني إشوفهم
يلعب عليهم
واللي خلاني أنزل هالموضوع وهو قصة قرأتها بالنت وهي فتاه عمرها 17 لعب عليها شاب وأوهمها أنها يحبها وبيتزوجها وهربت من بيت أهلها معه
ووجدت أمامها بالشقه أخوياه الثلاثه ينتظرونها
لعب عليها تحت اسم الحب وهي صدقت

وماذا كانت النهايه!!! أنها اغتصبت

قبضت عليها الهيئة معهم في شقه
وانفضحت قدام الله وخلقه

يأما سمعنا من فضايح البنات
ويأما فتاه ذبحوها أهلها لما علمو بفضيحتها ويأما فتاه تسببت في جلطت أبوها ولا في شلل له من هول الصدمه والفضيحه ويأما فتاه تسببت في وفاة والدها أو والدتها
وكل هذا بسببها هي
فحرام تجازين أهلك اللي تعبو عليك بالفضيحه
وحرام تخونين ثقتهم فيك اللي سلمو لك جوال ووثقو فيك لما تقولين بروح لصديقتي وهي ماهي تروح لصديقتها تروح مع صديقها

أخبرتني أحد صديقاتي ان وحده من معها بالجامعه كانت تقول اني أقول لأهلي بروح لصديقتي وتقول اني اطلع مع صديقي وكانت تقضي معه نص اليوم وأهلها يحسبون أنها تطلع لصديقتها

هذي الى الحين الله ساترها ومادري ؤش بتكون نهايتها الله يستر علينا عليها ويهديها وجميع من كانو مثلها
طيب يمكن يقبض عليها يوم من الأيام في خلوه غير شرعيه
ووش ذنب أهلها وأخوانها اللي وثقو فيها

تنزل روسهم بين الناس

أتمنى من كل ولي أمر يشاهد كلامي هذا أو ولية أمر انهم ينتبهون لبناتهم زين أنا ماقول شكو فيهم ولا لإعاد تخلونهم يروحون لصديقاتهم
لا أنا أقول انتبهو لهم وشوفوا منهم صديقاتهم اللي يروحون لهم لأن الصاحب ساحب
إذا صديقتها موب صاحيه إكيد بتجرها معها
انتبهووووو لبناتكم ياناس وحتى جوالاتهم شوفو من يكلمون ومن يراسلون بس مو تحسسونهم أنكم تشكون فيهم ولا شيء زي كذا لأ
اعطوهم الثقه بس انتبهو لهم
لأن بعض البنات سبب اللي هي تسويه من مكالمه وغيرها ان أهلها مو منتبهين لها سلموها جوال ولابتوب وخلوها تروح على كيفها بدون حسيب ولا رقيب وفي النهايه لما تجيب لهم البنت فضيحه يعضون أصابع الندم «لافات ألفوت ماينفع الصوت»
إنتو كنتو ياهلها السبب في ذلك


بعض الأهل يسلمون بناتهم جوالات ولابتوبات وهم لسا صغار في سن المراهقه حتى
والبنت في سن المراهقه ممكن تعمل شيء هي ماحسبت له حساب لأنه سمي سن مراهقه يعني البنت في فترة طيش
وممكن تكلم لها رجال لأن ماحد حسيب ولا رقيب عليها
وبعض الأمهات ماتوعي بنتها من وهي صغيره
بأمور الحياه ولا تعلمها الصح من الخطاء


بعض البنات كانت بداية تعرفها على الشاب من النت
تكون البداية عن طريق منتدى بعدين تكون بينهم رسائل على الخاص ويكون بينهم سؤالف وضحك وتغزل ويبداء من هنا الحب الكذاب
بعدين يتطور وضعهم الى الايميل عشان يأخذون راحتهم بالسوالف بعدين تطورو الين صار يكلمها بالتلفون وعاد هنا كل ماله ويتقرب أكثر من إلفتاه وبعدها يلعب عليها بهالكلام الحلو الين يجيب صورها بطريقته الحقيره ويقول أبي إشوف صورتك حلوه مثل صوتك عاد المسكينه تصدق
ثم إذا صارت الصور بيدينه
طلع وجهه الثاني وقال يأتطلعين معي ولاتعطيني فلوس ولا تجين لأخويائ بالشقه ومن أنواع الابتزاز ولا فضحتك عند أهلك
هاه ؤين الحب اللي كنتي تقولين لا والله هو يحبني !!
تبغين تكون نهايتك مثل الشاب اللي يبتز فتاه
ويقول عطيني 20 ألف و انبحي مثل ال*** وأعطيك صورك إكيد الكل شاهد مكالمته للفتاه لأنها نشرت في النت وأول مأخرجت على أحد القنوات الدينيه مع الشيخ عادل المقبل عسى ربي يوفقه
والله ياذا النت ماجاب غير المصائب والبلاوي
نادره الان ألفائده منه

أحيانا لما اتصفح بعض المواقع القا بنات مراهقات في 13 و 14 , 15

يقولون لشباب كلام مايقولونه اللي أكبر منهم
كلام حب وتغزل
ومادري أيش


هذولاء ؤين أهلهم عنهم ؟

فيه مدرسه قريبه من المنطقه اللي أنا فيها
فيه بنت توها داخله أولى متوسط يعني لسا صغيره متخرجه من الابتدائي والله العظيم اللذي لاإله إلا هو أنها ينزلها الباص عند المدرسه ويمشئ وأنها تركب لها مع شاب وتروح
وأهلها يحسبونها تروح للمدرسه
أنا علمت بهالشي من مصدر موثوق
تخيلو ياناس من كثر اهمال أهلها شوفوها بنت صغيره وتطلع مع واحد إكيد تعرفت عليه عن طريق الجوال وأكيد أهلها اللي معطينها جوال
يعني هم السبب في ضياعها
ياناس لاتسلمون بناتكم جوالات في هالسن حرام عليكم البنات صغار ومايفكرون في عواقب الأمور
لاحول ولا قوة إلا بالله
@@@@

أنا أشاهد في بعض المنتديات بعض البنات هي اللي تجي الرجال بنفسها وتقعد تفدئ وتلبئ وتحذف نفسها عليه تبي تعرف عليها ولا عساه يعطيها وجه
والله ان بعض الرياجيل أنه يستحي
أنا مره طرحت هالشي اللي هو جرأة البنات مع الرجال في إلمنتدى بالكلام في منتدى أدبي ومعروف
انكم ليش ماتستحون تقولون هالكلام لرجل

بعد ماطرحت هالموضوع نص ساعه إلا وجتني رسائل على الخاص من بعض الرجال والشعراء الكبار بالموقع يشتكون من جرأه بعض البنات في كلامهم معهم. بالمنتدى

صار الرجل يستحي والبنت لا
أنا المعنى من موضوعي اللي طرحته هو لجل ان جرأت البنت مع الرجل راح تجرها الى شيء أكبر يمكن يعطيها وجه وبعدها يتطور الى ان يصلون الى الجوال
من شأن كذا أنا طرحت الموضوع اللي بالمنتدى



والله اني أنا.يأماتهاب انهم يشتكون علي بعض البنات
تقول لي وحده هاللي أكلمه تركني وتزوج غيري ولا ماعاد يبيني
قلت مستحيل يتزوجك وأنتي تكلمينه. هذا شيء حطيه برأسك

أعقلي وخلي منك الطيش ولاتنجرفين وراء طريق مظلم
ماراح يوصلك إلا لدمار


انتبهووو لأنفسكم زين. يابنات

يعني لايلعبون عليكم الشباب عشان الحب. الكذاب


أسأل الله العظيم في نهاية هذا الموضوع أنا الله يثبت من كانت على طريق الحق ومن كانت ضاله ان الله يهديها ويتوب عليها ومن كانت تحت تهديد شاب أسأل الله ان يسترها
باب الهيئة مفتوح فلتتوجه لهم لأنهم من سينقذونها بعد الله لأاريد ان ادخل في هذا الموضوع
واطيل عليكم أكثر مما أطلت الان



خلاصة الكلام
رساله للبنات
« اتقي الله وخافيه وأعلمي ان الله يعلم ماتفعلين وانك مانتي مخلده في هالدنيا. ووراك عذاب إذا كنتي مأبعد مشيتي. بهالطريق فقولي ياربي لك الحمد اللهم زدني عقلا وثباتا وإذا كنتي في هذا الطريق والله ساترك الى الان فإنهي كل علاقاتك واحمدي ربك انك مستوره الى الان وباب التوبه مفتوح لك »

(رساله مختصره لكل رجل يكلم بنت)

والله لو بعد مئة سنه

أقولك أيأها

مصير الزمن بيدور ثم يرجع لبيتك = على زوجتك ولاأحد من أهل دارك

من حل دار الناس حلو دياره= لابد ماتسكن دياره ويغبن
ومن شق ستر الناس شقو ستاره = ومن ضحك بالثرمان يضحك بلا سن

@@@
اعتذر منكم مارتبت الموضوع ونقاطه عدل
بس أهم شيء أوصل للبنات شيء يفيدهم

اعتذر يأخوان للإطاله
لأن الكلام عندي كثير وماتكفيه مئة صفحه

في النهايه أتمنى منكم نصيحه لكل فتاه لعل
الله يهدي بكلمه منكم انتم

تقبلووو تحيات أختكم في الله

مـــــــــــاتــــــــــهـــــــــــاب

الفاضلة ماتهاب
نصيحــة اخوية صادقة ولكن اين القلوب الواعية
كل يوم نسمع عن مصيبة من المصائب والسبب الأول والأخير
هو قلت المراقبة من الأهل فتاة تحت العشرين تقتني هاتف نقال
ولاب وفاتحة ايميل
"الأب الأم الأخوة كلهم مسؤلون "اين دورهم
نســأل اللــه الستر في الدارين

دمتي بخير فاضلتي

الله عليك ياختي يسلم يمينكـ نصيحه من القلب للقلب

ويعطيكـ العافيه ياااارب

لا حول ولا قوة الا بالله
لا حول ولا قوة الا بالله

جزاك الله الف خير اختي
الله يهدى الجميع

الله يسعدك ويحفظك ع النصيحه الحلوه
عوافي ع الطرح الاكثر من راااائع

الغاليه/ماتهاب

كلام جميل بارك الله فيك

والله يستر علينا وعلى خواتنا وبناتنا وجميع المسلمات

ابدعتي في هالدرر

نصيحه غاليه من اخت غاليه

دمتي بود

ارررررررررررحبو كلكم

والله لأيهينكم جميع على تعليقكم
ومروركم

الله يستر علينا وعلى بنات المسلمين

جزاك الله خير اختي على التنبيه

اختي ماتهاب فديت والله قلبك يابنت الرجال الله يجزاك خيرعلى
هالنصيحه الطيبه والله انك صادقه ياخيه ياكثر ماسمعنا وقرينا بالنت
لك فائق احترامي وتقديري

فديتك كلامك عين العقل وياليت الكل يفهم

وطبعا هذي مسؤليه الاهل انهم يهتمون ببنتهم

انا وحده مستحيل ولا ارضى اني اعطي بنتي جوال وهي لسه صغيره اذا محتاجته عنده جوالي تلفون البيت

اما اعطيها جوال ليش من تكلم صديقاتها تشوفهم بالمدرسه من تكلم بعد قريباتها تاخذ جوالي ولا جوال ابوها

اما اعطيها جوال تعقب اذا تبي جوال تستنى لما تتزوج ولا تتوظف وتبشر