قصيدة لابن العم الشاعر/فوزان مقبل المبيريك التبيناوي

بسم الله الرحمن الرحيم
وصلتني قصيده من إبن العم الشاعر /فوزان مقبل حشاش التبيناوي

همي اللي كل ماولى يجي = ياهمز قامت ضلوعي تزهمه
مايباعد خابرن له منهجي = بين قلبي والضلوع المبهمه
عاملن له بالضماير مدرجي = كل ماأرتاحة يمر ويلطمه
يانديمي هات حبر ن يمزجي = بالورق حاول تخط وترسمه
كالوشم من فوق خد العسوجي = زيّنَه ربه وزين مبسمه
فكري اللي شدخيله وأسرجي=من معاني ماتبي له ترجمه
حافظه عن كل شئ يسمجي=خلصه من كل زيف ونظمه
وآضحه مثل النهار الأبلجي = وخافِيَّه ماكل رجل(ن) يفهمه
وآرثه من راس عود ٍينتجي = مايجيب إلا بيوت (ن) محكمه
ياإلهي وأنت غوث المرتجي = يوم أخذته راجي إنك ترحمه
بعد ذلك هات عون المحوجي = من وكيله صانعه مارهمه
جاء من اليابان حي المنتجي = وقفه في جمركه ماسلمه
منوة اللي باغٍيَّن له مخرجي = من ورى الحدين زيته كيمّه
ياضرب خطو الطريق الأعوجي= ضو شعالٍ بليله مضلمه
يشبه لشيهان بحرن أهوجي = قرنسه ربه وفعله علمه
ياتقفى صيدته ماتنهجي = كل ماحاشت كفوفه حطمه
أوكماالحرالجليل الأفحجي = ملك شيخ ٍمايحسب درهمه
ذاخره يالاح برقه وألعجي = برق وسم(ن) في ثنايا المرزمه
باغيَّه يازان نبت العرفجي = في دعوث (ن) بالروايح طمطمه
في إنقرها للحبارى مدرجي = ماسرح به راعيَّن هو وغنمه
إرتفع عنها وصك وعرجي = إختلط ريش الحبارى ولحمه
ذي وصوف الجيب كله تبهجي = لونه أوضح والجنوب موسمه
كاملن ماهو زمالة عربجي = التوانك والسبير مدعمه
من تملك طارته ماحرجي = ياصل الحروه بوقت الملزمه
وإن مسك له خط سهلن لجلجي = راعيه ياقل عزمه يجحمه
فوقه غلام(ن) عزيز المنسجي = مايخاوي كل عفن وشرذمه
خذ مني مرسول عجل وإنهجي = لبو عبدالله وحالاً علمه
يامبارك وأنت عون المحوجي = ويش رآيك بالهنوف المكرمه
له عيون (ن) واسعات ودعجي = والبلى كل البلى ياسلهمه
إن هرج كله دلع وتغنجي = وإن ضحك طب الجروح وبلسمه
يامشا تقول ثوبه فججي = ردفها يبي يفارق محزمه
وسطها شبرن يجي أو مايجي = والنهد قض الملابس وأعدمه
مشكلتها يالسنافي تسهجي = ماتكلم واحد(ن) لو كلمه
هقوتك هذا غرور مرججي = أو ثقه بالنفس ياالله سلمه
ماربا بين تربه وأعيوجي = ولا نقل حبل الحطب في معصمه
ولا عرف خب الرضم والأصلجي = ولا بناء بيت الشعر بأم رضمه
ولو يشوفه بصري(ن) مايرتجي = طرد زينات الملاثم حرمه
ندري إنك بالمثل ماتفلجي = شاعر(ن) ماشال بوكه وقلمه
يامبارك سالفتها تحرجي = مشكله ياخوك ماهي مسلمه

وتقبلوا تحياتي
اخوكم الشاعر/ مبارك طناء التبيناوي

شاعرنا القدير مبارك طناء التبيناوي
ابو طناء
صح السانك والسان الشاعر فوزان مقبل حشاش التبيناوي مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

القدير ابو طنا
صح السانك ولسان الشاعر فوزان الف
تحياتي لك

صح الله لسانك وإلسانه ولاهنت يالغالي

لأخ العزيز المشرف العام/ أبوغازي
الأخ العزيز الشيخ/ منحاش
الأخ العزيز الشاعر / احمد الاسلمي
السلام عليكم ورحمة الله وبركاته وبعد:ـ
أشكركم جزيل الشكر على كلماتكم العطره وتعليقاتكم المشرفه دمتم بخير وموده وتقبلوا فائق تحياتي وتقديري والسلام 0
أخوكم ومحبكم / مبارك طناء مبيريك التبيناوي

مشكله ياخوك ماهي مسلمه
عزالله انها مشكله

صح لسان الشاعر المبدع . فوزان مقبل التبيناوي الشمري

مليار

اسند على شاعر كفو لاهنتوا

لاهنت ياابو طناء

اقتباس المشاركة الأصلية كتبت بواسطة محمد الذرفي مشكله ياخوك ماهي مسلمه عزالله انها مشكله صح لسان الشاعر المبدع . فوزان مقبل التبيناوي الشمري مليار اسند على شاعر كفو لاهنتوا لاهنت ياابو طناء

الأخ العزيز الشاعر / محمد الذرفي
السلام عليكم ورحمة الله
شكرا لك على الإطراء الجميل ايها الشهم النبيل لاهنت شرفني مرورك دمت بخير وموده تحياتي لشخصك الكريم والسلام
اخوك الشاعر/ مبارك طناء التبيناوي

اخوي ابوطنا
صح للسانك وللسان الشاعرفوزان لاهنتو الجميع

هلا فيك يابو طنا

والله والف نعم بك وفي ابن عمك فوزان نعم الذكروالله

وصح لسانك ولسان الاخ فوزان وكلكم دهاه شعر وعلوم غانمه ولاهو نقص بجواد الله

تحياتي لكم