ديوان الشاعر / أحمد الجريفاني

( الحــــــــــــب ) !!! ..

	الحب يا ريم الفلا سر الالباب=لاهوب لا واضح ولا هو بخافي الحب معنى لو كتبتيه بكتاب=كل الكتب قالت تعبنا عوافي الحب دستور البشر شايب وشاب=مايقدر احدٍ يحترفه احترافي لو غابت القمراء عن الكون ما غاب=الحب نور الشمس ماهو بطافي الحب لقلوب المخاليق سلاّب=طب ومرض مابه حدٍ منه شافي يُسهر عيون الكون طاغي ونهّاب= ينهب حشاك ويامرك لا تخافي الحب ماله حل لو قلت للداب=لا تلدغن وش هقوتك يا السنافي يسمع كلامك او يجاملك كذّاب=محدٍ درى محدٍ سمع مين شافي الحب لولا الحب ما يوجد عتاب=ولا قصيد ولاتبيح الخوافي الحب لغز الكون طاغي وغلاّب=محدٍ وقف في وجهه وقال كافي الحب ما يسأل ولا يبدي اسباب=ولا ينتظر دعوه ليا جاك لافي الحب غربل مهجتي حاجبي شاب=خلاّ سنيني كل ابوها عجافي يا ريم اخبرك ما تحبين الاسهاب=واعرف نياتك صحاحٍ نظافي انتي بحر ومسيّرك فرد وهّاب=يا ريم حبي ما قوتها المشافي الباء بحر والباء من حروف الاقلاب=والباء بعد حيي وملّي وقافي والباء خذاه الله حجب دونه حجاب=قلبي بفقده دوك يرجف رجافي بفراقها دمع الشرايين سكّاب=وبفراقها قلبي مع الحزن وافي

الجوع : جوع الوصل في قلب ملتاع !!! ..

	خذ راحتك عمري تر الشك مرفوع=ماني من عتاب المحبين جزًاع تر الغلط بين المحبين مرجوع=حنا بشر نجرح ونفرح ونلتاع آمر تدلل ماعنك شي ممنوع =اكيد منهو في حلاياك ينطاع والعب بقلبٍ ياهوا الروح مليوع=به من تباريح الهوى عشرة انواع صوتك هو انفاسي على الدوم مسموع=يجري بدمي كل مادوًره ضاع حتى خيالك با المعاليق مزروع=لو ماسقاه القلب تسقيه الاضلاع وش قيمة الدنيا بلا ضحك ودموع=وش لذة الدنيا بلا وصل ووداع ولا دلع خلان واقفاي ورجوع=ولا غزل بعيون حلواتٍ وساع ولا حبيب بيوم يمسيك مفجوع=وقبل الفجر لمعانقك يسرع اسراع وليا دنى لك شبر تقرب منه بوع=واليا غنج ودك تشيله عن القاع الضايع اللي ما له احباب وربوع=فجره ظلام وفرحته هم واوجاع جوع الاكل غلطان من صنًفه جوع=الجوع جوع الوصل في قلب ملتاع والحب لعموم البشر حق مشروع=ولا به حلاة إليا وصل حد الاشباع الحب ماهو غصب لازم يجي طوع=احساس ما يشرى ولا هو بينباع لا قال لك ملزوم من حبة الكوع=شوري عليك انك لاوآمره تنصاع

هاجوا وماجوا وآخره وش لقوا بي !!!

	وش ضرني ياديرتي لـو حكوبـي=اسكنك روح ويسكنونك بألأجسـاد اللي حكابي شـال عنـي ذنوبـي=ما ورًثه حكي القفى غير الأحقـاد ابكي على قربك وهـم مادروبـي=ولاكل من يبكي تحقق لـه امـراد ياميمتي وش نوحهم غربلوا بي ؟=وانا الذي حبك رضعته من امهـاد اللي يحب امـه يسمـى كذوبـي=ومن دوًر اللقمه يقولـون جحـاد سكني لغيرك ياغلا مـن عيوبـي=عقلي وقلبي دايم الـدوم بجهـاد وابشـرك مايـوم غيـرت ثوبـي=اقولها واعلن على روس الأشهـاد ولـد (القريًه)والبعيـد مهزوبـي=يثبت عدم حبي لها عند الأجـواد ماحدٍ سكن حايل وقال مغصوبـي=مبسوط لو يمسي ليالـي بـلا زاد واللي دفن به من سنين الحروبـي=شهيد مستانس وهو وسط الألحاد له منزله عدت سهيـل الجنوبـي=فوق الجدي غصبٍ على كل حساد الله هـو العالـم بسـر القلوبـي=نعم الوكيل اللي خلقنا من اجمـاد الرب عنده كـل شـئ محسوبـي=عسى سنينك كلها افراح واعيـاد هاجوا وماجوا وآخره وش لقوا بي=غير اني (انسانٍ)(معذب)(وقصـاد) دخلت..طاروبي..طلعت..اشمتوبي.=ماصرت اميّز بين ربعي والأضداد لولا الثقه بالنفس كـان ارثعوبـي=بس الجمل ماتوجعه قرصة اقـراد ادعوا معي جعله تسهـل دروبـي=واصير قرب امي وابيّي والأجـداد

ما للوفا في شرع الانذال قيمه !!!

	قالت وفيت ! وقلت هذي ظليمه=متعجبه كيف الرجاجيل يوفون! يا بنت ما اظن النوايا سليمه=لو تعرفيني زين ما قلتي اشلون الشك با اللي شال حملك جريمه=كيف العنود تقابل الطيب بطعون كنت احسبنك با لاوادم فهيمه=وشلون ما تدرين والناس يدرون قلتي بعظم السانك انك عظيمه=جرب تلاقيني كما كنز مكنون بنت الرجال اللي شهد له خصيمه=ناسن على سلم الاجاويد يمشون ياما وعدتيني على الوسم ديمه=وانا وعدتك مسكنن داخل عيون زل الوعد ما جا من الغرب غيمه=ضاع الوفا عندك وانا احسبه مصيون اللي بنى لك قصر يسكن بخيمه=واللي مسح دمعك تركتيه محزون وقتن ضهرتي فيه ما فيه شيمه=من سبتك صار الوفا حيل مغبون اصحي لنفسك كانك اليوم نيمه=من ينكر المعروف للخزي مرهون واستانسي فزتي وذقت الهزيمه=وفيت دينك بس انا اصبحت مديون ما للوفا في شرع الانذال قيمه=ولا للكرم عند ابخل الناس ماعون! الطيب والنخوات دقه قديمه=واللي يثق با الغير فاقد ومجنون

ما صرت احب اتصفًح ( النت ) لولاك !!!

	والله يلو تدرين وش يعتريني=لامن دخلت المنتدى وانتي هناك ياقف شعر راسي ويعرق جبيني=ويفز قلبي حيل ويصيبن ارباك لو مدري انك يا الحبيبه تبيني=وتقدرين الوجد في قلبن اغلاك ولا فيه عندك با المحبه وزيني=وانك تمنيني مثل ما اتمناك كان القهر شيًب لي رموش عيني=واضحت دروبي كلًه اشواك باشواك وجداني انتي طالبك طمنيني=يوم اختفيتي ما حلمتي بمضناك ما هزٍك الشوق الذي محتويني=ولا دخلتي (باسم ثاني) بمولاك ابي تحلفين وبعد تقسميني=من مزعجك يا عزوتي من تبلًاك كانه (وجودي) يا الغلى صارحيني=ارحل لجل عينك ويسعدني ارضاك وان كان تغليني بزيني وشيني=انا وشعري يا هو الروح نفداك اقولها مرًه وابي تفهميني= ما صرت احب اتصفًح (النت) لولاك

يضيع مقدار الذهب عند الالماس!!!

	حاولت اترجم نبض قلبي بقرطاس=لقيت فكري باالضنون معفوسي رجعت قلت لحامل الطرس لا باس=لو تنتظر حتى تزين النفوسي يبدوا لي ان الوضع با الحيل منحاس=رغم ابتسامي صار يقرأ عبوسي تضاربت سود التفاكير با الراس=وانصب في غدر الغواني هجوسي من اولن ما هزني طيف هوجاس=ولاعمره الغربال غطى شموسي مهما جذبني للمها عطر الانفاس=او طرفها اللي با الرموش محروسي او عينها اللي كنها عين قرناس=ما قد خضعت ولا ذكر لان قوسي تخطي وتطلبني على الخشم تنباس=ابوس قلب الخشم ماني ببوسي الحب لاجا زيف با الرجل ينداس=يصبح رحيقه مثل دم الضروسي الحب ما تلقى له الناس مقياس=شعور الهي ماهو فكرة مجوسي ما اوافق اللي قال يبنى على ساس=متعلمه صاقط بكل الدروسي بدايته رقة احاسيس واوناس=ونهايته بين الضلوع محبوسي كلن بكى ليلاه والناس اجناس=ناس بنعيم وناس توه تحوسي من يفقد الاحساس ما يهدي احساس=والحب ما يشرى بكثر الفلوسي يضيع مقدار الذهب عند الالماس=وتموت صرخات الغلى با العروسي

لا تذبحن ترني دخيلك وناصيك!!!

	مادام ذبح الخلـق مـن طبـع نجـلاك=وش يخفي البرقع عـن اللـي يراعيـك اوخايفن مبسمك يقضـي بـا الاهـلاك=علـى غريـرن مـا نظرتـه بعينـيـك يسحرني اللولو بحالي ثناياك=ويذوبن طعـم اللعـس بيـن اشافيـك اسـري منـك ضايـع دليلـي محيـاك=وارجع لروحك يا الغلى واهتنـي فيـك تقـول تنسانـي انـا كيـف ابنـسـاك=وانت الذي بك ذاك مـع ذاك مـع ذيـك يا الله حصل لي يا غلى الـروح لامـاك=دامـي ملكتـك كيـف ابرجـع اخليـك توجك با الفاشن على الكل ( شيراك )=واستبشرت (باريـس) واستانست فيـك ونـورت (ميلانـو ) وهبًت للقـيـاك=مـا عمرهـا شافت مهاتـن توازيـك عذبت (فرزاتشي) و (شانيـل) بخطـاك=وحتـى (فلنتيـنـو) تمـنـى تبنـيـك و (ديور) صابه يـوم شاهـدك الاربـاك=يبـي احتكـارك بـس ماهـو بقاويـك ما شفـت ( كافالـي ) وهـو بيترجـاك=يطمع بتوقيعـك علـى سعـر يرضيـك مـا يـدري انـي مـن تولـع بلامـاك=ما يدري انـي مـن تنومس بطاريـك يا عمر عمري (سان لـوران ) يفـداك=تمسـك بمنهـوا علـى الـدوم شاريك انـا فقـيـر لشوفـتـك كـلـي ادراك=ان الفقـر لا حاربـك قلـب مغليك يـا اللـي مزاييـن الغناديـر تـفـداك=لا تذبحـن ترنـي دخيلـك وناصـيـك

انا مجروح باسم الحب!!!

	من اجل الحب والعشره وقلبٍّ منقسم نصفين=طلبتك خل مجروح العواطف يسعد بهمّه توقف عند نبضات الخفوق ان كان تسمع شين=ابيك تطمٍّن اللي شكلها با الحيل مهتمه ابيك تخبٍّر اللي ما وفت عام اثنعش الفين= نست (رمزه ) نست حبه وانا متصوره قمّه ابيك تقول للي قالت احمد سيد الغالين=وهي متخضّبه في حبها الثاني ومن دمه ابيك تقول له ياشيخة الوافين ما تدرين=بان احمد نهبه الوجد من كمّه ليا كمّه غرامه يلفظ انفاسه متى يا النايمه تصحين=او انك خاليه ما عندك احساسٍّ ولا ذمه اذا انتي تلعبين بقلب قولي وش بقى تكفين=انا طالبك هاتي قصتك والناس ملتمه تبي تسرين بعروقي طلبتك قبل ما تسرين=تبي تلقين جرح يقول انا خاله وذا عمه انا مجروح باسم الحب وانتي يا الخطا ترضين=جحودك سبًّة جروح الحبيب وهمه وغمه يزورن طيفك الكذاب يسلب لي سواد العين=سلبني مهجتي خلى لي (الوجدان) منسمه وش اللي باقين لي عقب ما صرتي عذاب البين=وش اللي باقين لي عقب ما صار الجسد رمَّه

لا يا بعد حيي ومللي وميتي!!!

	ياللي سالتي با الخفاء كيف حالي =لا يا بعد حيي ومن لي وميتي ما يسال الا شخص با الحيل غالي =وانتي على بعد المسافه وفيتي ما في غلاك اليوم شك وجدالي=افهم شعورك لو بعد ما حكيتي ما فيه احد غيرك يزيد اشتعالي=ولا انساك ابد يا عزوتي لو نسيتي انا ادري انك وافيه في وصالي=محدٍ عطاني نصف حبٍ عطيتي لاشفتك بحلمي يصيبن هبالي=با اسباب حبك يا الغلى ذاع صيتي عندي تعديتي حدود الخيالي=وبا اخلاقك الحلوه بعيني سميتي دامه يهمك يا الحبيبه دلالي=ما فيه غيرك وسط قلبي يبيتي امشي على كيفك يمين وشمالي=انفذ امرك آمري وش بغيتي بس ارفقي بي وارحمي يا حلالي=انا هناتي تكتمل لاهتنيتي لا لمست ايدك للبحر صار حالي=ينبت زهر في كل دربن مشيتي الشمس لعيونك تكون ظلالي=والبدر يتبع سكتك لاسريتي والورد لانمتي يصيبه ذبالي=يفوح ريحه بس لامن صحيتي يا شاغله فكري وعمري وبالي=تذكريني ياغلى لانسيتي اطير لا قالوا سالتي سوالي= وشلون لو زانت ظروفك وجيتي

لا تذرف دموعك على جال قبري!!!

	شفتك معه تمشون بالسوق واغضيت=وذكرت حبٍّ بيننا كان عذري والله لو تدرين وش عقب سويت=ما طاوعك قلبك على شيل وزري انتم تعديتوا وانا ما تعديت=عجزت اسير وضاقت الارض حدري انتي حسبتيني نسيتك وقفٍّيت=وانا همومي ثايراتٍّ بصدري عادت بي الذكرى لوقتٍّ تناسيت=يوم ان حبك داخل القلب يسري ايام فيها حبنا عالي الصيت=لا واحسافه حبنا ضاع هدري نسيت وقتٍّ فيه تفتح لي البيت=وتبدأ تهللي يا بعد كل عمري نسيت قولك يا بعد حيٍّ و ميْت=عاهد واعاهد لا يجي منك غدري ومديت لك يمناي واقسمت واثنيت=اني ما خونك وانت بالحال تدري وعاهدتني واخلفت وانكرت واشقيت=وانا احسب انك عارفٍ ويش قدري يا ما على بالي ودنياي عزيت=وياما فديتك باجمل ابيات شعري ياما من ابيات الغزل فيك حطيت=اصور انك ناويٍّ يوم هجري ظني صدق جاني خبر ويش سويت=انت برضاك اظلمت فجرك وفجري لا تعتذر وش فايده دامك اخطيت=عمر الهوى لا فات ما فيه بدري ولا تكْثر دموعي الندم والتناهيت=وانت السبب باللي جرى لي ويجري كان انت مستانس انا ما تهنيت=يشهد على شكواي دمعي وسهري وان كان حظك جاب لك ما تمنيت=انا حظيظ بزود حلمي وصبري يللي على حبِّ عزيزٍّ تعاليت=لا تذرف دموعك على جال قبري