يمه مريولي توسخ

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا


يــمــه
يالله خلاص لاتمزحي
يالله قومي
تعالي معي للبيت ارجعي



يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..





ياشيب قلبك يامنقاش


قام الله بعونها

يسلموا الايادي اخوي سمو انسان

الموووت هادم اللذااااااااااااات


لاحول ولاقوة الا بالله

اقتباس المشاركة الأصلية كتبت بواسطة منقاش أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي .. ياشيب قلبك يامنقاش قام الله بعونها يسلموا الايادي اخوي سمو انسان

ايوالله ياشيب عين اللي مثل حال هالبنوته

أنا إذا قريت الموضوع بصرااحه ما أقدر اتمالك نفسي

ع العموم تسلم يمينك يامنقآآش

اقتباس المشاركة الأصلية كتبت بواسطة هوجاس الموووت هادم اللذااااااااااااات لاحول ولاقوة الا بالله

صدقت والله
تسلم أخوي هوجآآس
تحياتي لك

لا تبقى وانما فانيه

كلنا لها كان الله بالعوون ..

شكرا لك على هذه الخاطره تحيتي لك

قطعت قلبي يارجل

اعنها الله ولطف بحالها راعية المريول

صورة ووصف يشيب له الراس
فرج الله همها واعانها ووفقها لمايحبه ويرضاه

اخي جزاك الله خير على موضوعك الذي بصراحة يدل على قلبك الرحوووم

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...





الله يــعــيــنــه ويــعــيـن اللــي مــثــله ,,,,


الله مــايــضــيـع أحــــد ,,,,,,,,,,

اقتباس المشاركة الأصلية كتبت بواسطة سمو إنسان يـــمـــه .. تكفين اسمعيني ... يمـه بسألك شي .. جاوبيني .. هو صحيح اللي مات داخل القبر يصير حي ...؟؟؟ يــمـــه ... أسمع أنــا صوتك .. كل يوم اسمعه .. واذا حاكيتك هاوشوني .. قالوا انسي .. روحي يالله العبي .... !! يمه تعالي ارجعي ... والله خلاص بسمع كلامك .. ما اخرب العابي .. وان قلتي يالله .. روحي نامي .. أروح حتى ماتزعلي .. يمه تكفين ارجعي .. اليوم حطت لي المديره .. نجمه من فوق جبهتي .. يمه سمعتها تقول.. مسكينه هالبنت صارت يتيمه .. قالت لها ابله منيره .. مسكينه توها صغيره .. وش كانوا يقصدون ..؟ يمكن عشاني صرت عاقله .. ولا عشاني دايم اسرح يمه مريولي توسخ .. ماكان قصدي اوسخه ... بس تذكرت انك تقولي .. بعد شهرين.. بشتري لك لبس ثاني .. يمـه تعالي اشتري ... يمـه عرفتي مها ..؟ صديقتي اللي معي .. زاعلتني .. تقول ماصرت انا اضحّـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمه يمممه نسيت شي .. بقولك ترى بيتنا صار فاضي .. ماحد يجينا .. وكل اللي فيه انا واخواني .. ليه وين اقاربنا ..؟؟ وين خالتي .. اللي كانت تجينا ... يمممه قوومي يالله تعالي .. تكفين يالله تعالي .. ماودي ارجع لحالي والله خايفه .. ترى امس جيتك .. مارديتي .. حسبتك نــايمه .. أو اقولك .. خلاص خلاص .. انا بجيك بكرى .. اذا راحوا من هنا الناس .. تكفين يمه بكرى اصحي .. تكفين يمه بكرى ارجعي ..

الاخ الفاضل سمو انسان صح لسانك حزنا وشجن يقطع نياط القلوب صورت فابدعت