ديوان الشاعر / الجرح

ياناشد عني تراني ولد روق=اهوا القصايد والبيوت القليله
سبعة بيوت وكلها قمة الذوق=لا هـيضني نا قضات الجديله
قالو تمهل كل مطرود ملحوق=واصبروغمض والليالي طويله
قلت البلامن واحدداخل السوق=يـعرض عـليه كـل يوم وليله
ردالسلام وغصب الدالنظرفوق=وانا شباب وحالتي مستحيله
اهوا الجمال وطلعة البروالنوق=السوق مالي في الغناديرحيله
ان قلت اجنب عنه حدني العوق=والا عـميل مـا يـفارق عميله

الشاعر/ صخر العتيبي

نعمين في راسك ونعمين في روق

	حي السحاب اللي ترازم به بروق = اللي على المنشاءعيوني تخيلــــه طلبت ربي ياعسى نوْه حقوق = تمطر على قاع الضلوع النحيلــــه وتسقي خفوقٍ عايشٍ مابه عروق = وترويه لين انه يبرْد غليلـــــه وتهيض اللي كن مربوط بسبوق = الهاجس اللي مايضْيع دليلـــــه اللي مكانه مع هل العرف مرموق = امثال من اهداء علينا حصيلـــه ونعمين في راسه ونعمين في روق = قبيلةٍ ياحيها من قبيلـــــــه اسمه كما شمس سمت بالسماء فوق = مايحجْبه غير الردي والهبيلـــه وانا ولد شمر وصدري لهم طوق = وميدٍ تصاهلبه خيولٍ اصيلــــه وكل القبايل من غلاهم له حقوق = ومن ذمْهم رب الخلايق وكيلــه

الجرح