الى آل رشيد الليلا الكرام

اخواني أعضاء منتدانا الغالي
أقدم لكم فيما يلي أبيات مهداة إلى معالي الدكتور ناصر بن ابراهيم الرشيد وهو رجل غني عن التعريف جبل هو واخوانه على فعل الخير والإحسان للناس .

فهو ابن حائل البار أغدق عليها وعلى أهلها الملايين والمليارات ناهيك عن أفعال الخير في كل مكان .
وأنا هنا لست بصدد شرح شخصية ناصر الرشيد أو حصر أعماله الخيرية أو مواقفه الرجولية التي ليس لها عد .
ولكن تربطني بهذا الرجل مواقف وبأخيه صالح أطال الله في عمرهم وفي رقبتي لهم ديون عديدة لا أستطيع ردها .
فكتبت هذه الأبيات لمقام الرجال الأوفياء ليس ردا للمعروف بل إعترافا بالمعروف ورد للثناء
فلهم منا جزيل الشكر وعظيم الإمتنان واسأل الله الكريم أن يلبسهم ثياب الصحة والعافية والعزة والسؤدد .....

بديت القيل باسم منزل الإنجيل والتوراة = إله الكون منه العون والقاهر بقدراته
تعالى العالي الوالي محيط بكل ماجاء وفات = عظيم الملك مجري الفلك محكم وقت دوراته
بعد ذلك أقول ولاأقول ألا جزيل أبيات = أصوغ القيل سبك وحبك وأنقى من فريداته
ياصالح دوك ماقلنا من الأبيات للسادات = ياذا النخوة ياذا الهيبة ياذا الإكرام ونهاته
شوارد من خيال شعور تنصى راعي العادات = سمو الجود واليمنى اللتي فاقت نظيراته
سلام الله سلام إسلام من قلب مود وذات = سلام من جبل شمر ومن حايل عباراته
سلام يحمل التقدير والتفضيل والعذبات = سلام شامخ فوق الجبال وفوق هاماته
سلام عد ماتطوي لياليها من الدورات = سلام عد ماتمضي دقايقها وساعاته
سلام وقدر ووداد ومحبة وأثني تحيات = معطرها شذا الكادي وورد الفل نسماته
على ناصر بن ليلا زبون العوز والحاجات = سليل المجد خصم الضد جزل المد مداته
زعيم الجود عز جدود ضيم الكود والبلشات = طويل ذراع وافي باع ذكره شاع بإثباته
هو اللي يستحق المدح والتبجيل والجزلات = وريث أمجاد الأجداد التي تشاهد بطولاته
وفي من وفي نال حب الناس والطولات = كريم من كرام أشناب للعليات هوماته
يجير المستجير ويقضي النوبات والأزمات = ولاخاب الذي ينخاه راع الصوت بأبياته
يعين المستعين لياحصل وقت الدهر ميلات = تجود الناس من جوده على مده وفزعاته
يظل المستظل وينقذ الصاحب من الهفوات = ماهو باللي خذا الجزية فرضها في جماعاته
أبوابراهيم عز الملتجي في حزة العسرات = حقوق أمطار واف أشبار حي أصله ونخواته
تدوم بعز يامن طلت فوق الخلق والقادات = يابا الطيب الحقيقي والكرم والجود منهاته
نحبك فوق حب القلوب المخلصة ياجات = مواقفكم معانا بأول المشوار ونهاته
من أدوار العصاة جدودك القاسين باللقوات = زحازيح الخطر والخوف محفوظات وقفاته
خلايف جدك المنعور يوم الكون والغزوات = عبيد الله بأرض الله شهود لبيض راياته
وإذا جدانكم ماتوا فعلم الطيب له مامات = حفظتوا يالمطنخ سلمه ومجده وطولاته
ألا ياشيخنا القالط مداوي صعبة الحالات = عيون المفلس المضيوم تنظر لك بعبراته
ياناصر يامعز الملتجي ياماسح الدمعات = ياذا المعروف يالمطنوخ يابا الطيب وحماته
نهر رحمة على الدنيا يمدك والي الرحمات = يانجم ساطع نوره يشع إحسان وهباته
تغيث بغيث ربي مستغيثينك على الشدات = يدين العالم الجوعى تعلق فيك منجاته
تنصاك العرب وقت اللزوم وساعة العازات = تكرم من نخاك وتقضي أحزانه وحاجاته
ألا يامزبني ماطالعوا وجهك على الشاشات = تقول الناس غيث الخير محيي قاع مواته
ألا هل ياترى طيب العرب وهبة من الوهبات = أو إن الطيب في دمك يوصل حد منهاته
حكيم محنك الإدراك تفهم مدهل الشفرات = تداوي عين من يسهر طوال الليل ماباته
ياحاتم وقتنا ياعنبر الدنيا غريب الذات = تقود الجود والإحسان في صبحه وممساته
ولالك من وصوف الناس وصف كود أبا الخيرات = إله صانعك جمل وصوفك في سماواته
عسى الله ينصرك ياناصر يامهدي الصعبات = جزاء فعلك لمن ينخاك فك إشكال عسراته
واثنيها لصالح مزبني بالكود والنكبات = اللي لاضاقت الدعوى نصته الناس بحياته
على وجهه يبين العز في رسمه لنا البسمات = إشارات الزعامة في قباله كل لمحاته
حدانا من غرام الوقت من حسرة ومن لوعات = لصوب اللي غطى طيب العرب سلمه وعاداته
وفيت ولاتهون ولاتدون وطبعك الشومات = حويت الطيب والإكرام من ساسه إلى نهاته
تمد العون يابن العود في مختلفة الأوقات = عليك الناس بالتبييض والتمجيد لهجاته
رعاك الله عن أقدار الزمن والشر والصدفات = وأطال الله في عمرك ذخر فخر لضيقاته
يافرق الناس عنكم يامحلحل عقدة القالات = ألين اللي خلق فرق مابين الخلق بصفاته
عطاكم قد تجاوز عطوة الحكام والدولات = ولاني قايل مجامل أو مداري لغاياته
وأنا أرجو من كرام الجد تسمح الهفوات والزلات = بهدية مخلص عبر شعوره في كتاباته
ولو نكتب من الأبيات ونألف من الصفحات = فلا نوفي وفي الطبع شي من طويلاته
ختام القول جاكم خطنا بأبيات منشورات = وبوح القلب وأيضا الود ومادارت رسالاته

عارف السريع
صح لسانك مدد بلا عدد ويستاهلون الممدوحين المدح والشعر
وانت كتبت بمن يستحقون الثناء الله يعطيك العافيه ولاهنت ولا
تبخل علينا من ماعندك ماشاء الله عليك هذي قصيده اكيد وراها قصايد
شاعر جزل وفوق التمكن لاتبخل علينا ايها الفحل من ذهبك عالي الوزن
تسلم ودمت بخير

ابيات شامخه بشموخ شاعرها

ويستاهلها الشيخ ناصر

ابوابراهيم

صيته شامخ وعلم ن على رأسه نار أطال الله في عمره


صح السانك اخوي عارف


تقبل مروري

اقتباس المشاركة الأصلية كتبت بواسطة صفق الهواء عارف السريع صح لسانك مدد بلا عدد ويستاهلون الممدوحين المدح والشعر وانت كتبت بمن يستحقون الثناء الله يعطيك العافيه ولاهنت ولا تبخل علينا من ماعندك ماشاء الله عليك هذي قصيده اكيد وراها قصايد شاعر جزل وفوق التمكن لاتبخل علينا ايها الفحل من ذهبك عالي الوزن تسلم ودمت بخير

حياك الله اخوي صفق الهواء وشكرا لك على هذا الاطراء

اقتباس المشاركة الأصلية كتبت بواسطة صويدر ابيات شامخه بشموخ شاعرها ويستاهلها الشيخ ناصر ابوابراهيم صيته شامخ وعلم ن على رأسه نار أطال الله في عمره صح السانك اخوي عارف تقبل مروري

شاكر لك اخوي صويدر ,., الله يعطيك العافية
وثناؤك وسام على صدري

عارف السريع


شاعر صح السانك الف

تحياتي لك

اقتباس المشاركة الأصلية كتبت بواسطة المهندس عارف السريع شاعر صح السانك الف تحياتي لك

حياك الله اخوي المهندس أسعدني مرورك

صح لسانك لاهنت طال عمرك

صح اللسانك ياعارف
والله يعطيك العافية
قصيده في قمة الشموخ
ومن حصل شي يستاهله
وننتظر جديدك
تحياتي

الاخ العزيز عارف السريع
صح صح صح لسسسسسسسانك
وتسلم والله على الابيات الطيبه
ويستاهل الشيخ ناصر الرشيد
كل خير عسى الله يوفقه دنياه واخره