01-12-2008 | #1 |
|
% عصر اذكا غبي %
بسم الله الرحمن الرحيم
في بداية الثمانينات الميلاديه كنت بعمر مايسمح لي بتمييز التصرف او الفعل او ردة الفعل ، وكنت ممشي حياتي بالبركة اقوم الصبح مع طلعة الشمس او قبله يعني عايش بسباق انا والشمس مين فينا يسبق الثاني بالقومه ومين يسبق الثاني بالنومه ، واذا جاء الصيف ما البس من الملابس الا الثوب الابيض واذا جاء الشتاء البس ثوبين من لونين مختلفين بعد ملابس داخليه تدفي بعير . هالملابس الصيفيه والشتويه ماكنت البسه لكن امي هي اللي تلبسني اياه ... وشوي شوي قمت ادخل بالجو العام واكون صداقات واطلع من محيط الحارة الى الحارات القريبه . وكنت اشوف من الناس الكثير . هذا يعجبني شكله وتصرفه ولبسه وهذا مايعجبني واذا رجعت المغرب الى البيت علمت امي بكل اللي اشوفه وتناقشت مع اخوي باللي شفته او اللي شفناه ... وكان النقاش دايم يكون عن اللي مايعجبنا لانو كان يلفت انتباهنا اكثر من اللي يعجبنا ، ممكن كانت بعض التصرفات تعجبنا ولا تعجبنا ... مثل التدخين ممكن كان مايعجبنا واحنا كان ودنا نجربه ! لاننا كنا نشوف اللي يدخن قوي ومحد يقدر يقرب له وعربجي. وكبرت اكثر واكثر لين وصلت لهالعمر اللي انا فيه واللي اعتقد اني اعقل مايدور حولي او بالعاميه فاهم الكفته . وصرت اشوف الكثير واكثر من اللي كنت اشوفه زمان لدرجة اني من كثر ما صرت فاهم الغيت سباقي مع الشمس وصرت انام متى مابغيت واقوم متى مابغيت وصرت اروح للاسواق واشوف مناظر يمكن تكون شوي غريبه صرت اشوف بنات يلبسن بنطلونات وفي البدايه كان غلط والحين صار صح ,,, في بداية عمري شفت حاجه ورسخت فيني ونشبت بعقلي ويوم كبرت لقيته راسخه في عقول الناس جلهم اذا مو كلهم وهي اني كنت اشوف العمال الاسيويين واستحقرهم واخواني العرب ولا اشوفهم شي ,,, اما الاشقر الاحمر الغربي بوجه عام اذا شفناه نبتسم بوجهه ( ندور الأجر ) ونلوح بيدينا هلوووووو او هاااااااااي او قود مورننق ( لو بالليل ) عادي اهم شي نسلم عليه ومشت السنوات وعدت واستدارة عجلة العمر وتوظفت وشفت شي ماكنت اتوقعه وحتى عقلي رفض يقبله لاني ومن المفترض اكون عقلت وفهمت المهم اني شفت اثنين من الاخوان العرب ومن نفس الجنسية بس واحد راتبه ثلاث الاف والثاني راتبه عشرين والسبب ان واحد على نفس الجنسية الاصلية والثاني كندي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ بس ابي سؤال والكل يجاوب عنه : العيب في من ؟ فينا كعرب ؟ او في تركيبة عقولنا ؟ او .... ماذا ؟ وعلى هالشي يقول الشاعر : من يشتري دم العرب .. ويبيع لي دم اجنبي واقول رايي ولا رجيت اطلق شنب تعبت اشوف الناس تستنزف محارمهم سبي واقول بكره ياغصون العز يطلع بك عنب الاخره تبغى عمل ..لاشك والدنيا تبي ياخوف قلبي نخسر الثنتين من جلسة كنب نفاق..يمكن .. والاكيد انه نساء بلا عبي مرت سنين ولا طلع ذيبً على رجمه قنب احلامنا تركض .. ولكن واقع الحالة حبي ليت الضمير الحي ماسكر عيونه واجتنب ليت المؤرخ يكتب العنوان " عصر اذكى غبي " والمرجع ..اقصاء الفكر..صفحةمن الواقع تنب تبي تأكد حط لك مكتب ووظف اجنبي ووظف معاه من العرب .. وتشوف من يطلع ذنب وتقلدوا تحيتي |
|
02-12-2008 | #2 |
|
اخوي الشبث تقبل التحيه بالبدايه واقسم بالله انك مميز كل ماكتبت يدل على انك انسان واعي ماراح اخذ الموضوع بسخريه وقفت كثير واعجبن كل شي ماهي مجامله اقسم بالله لكن الجواب على سؤالك ؟ للاسف ما ادري او انت ماقصرت خل الاخوان يجاوبون ونشوف بس اشكرك والله يطول عمرك سجل اعجابي و تقديري |
|
02-12-2008 | #3 |
|
موضوع قيّم جدآ ..
ولكن لا تنسى متطلبات الحياة وعجلة الزمن !! و تغير النفوس .. وتغير العادات والابتعاد عن العبادات !! " كل واحد الله يعينه على همه " هذا هو حالنا .. ما عدنا نفكر بغيرنا ولا نطلع حوالينا .. والكل بسباق للتملك والمنصب .. وبسباق آخر بنفس الوقت للبعد عن الدين والارتباط بالدنيا .. سبحانك يا الله .. الشبث كاتب مبدع ماشاءالله عليك بارك الله فيك والسمووحه ع التقصير |
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض ! |
02-12-2008 | #4 |
|
رائع هذا المقال .. ورائع من كتبه واعده
إذا أردنا أن نتوقف عند كل نقله نقلتنا بها ... كاتبنا وحبيبنا الغالي " الشبث"راح نجلس الساعات تلو !!! الساعات حتى نأتي بشئ يليق بموضوعك الرائع ....وقد ينطبق كلامي هاذا علي شخصياً لأنني لا أجيد الكتابة ...إنما باقي الأخوة لاشك أنهم سوفى يتحفون الموضوع بما يليق به .... لكن وقفتي المتواضعه هي حينما قلت أن "اما الاشقر الاحمر الغربي بوجه عام اذا شفناه نبتسم بوجهه ( ندور الأجر ) ونلوح بيدينا هلوووووو او هاااااااااي " (أقول لقد فقدنا الهوية الأصلية وهي معيار الولاء والبراء والحب والبغض، وهي المنظار الذي يرى المؤمن من خلاله القيم والأفكار والمبادئ ويحكم على الأشخاص وينزلهم منازلهم.) بارك الله فيك و دمت برعاية الله .... |
|
02-12-2008 | #5 |
|
موضــوع قيــم في مضمونــة
يتعب العقل حينمـا يبحث عن اجابة ســؤالكـ العيب في من ؟ فينا كعرب ؟ او في تركيبة عقولنا ؟ او .... ماذا ؟ والجــواب الصحيح ان العيب في تركيبة عقولنا مع الأسف الشديد ولا ندري لماذا موضوع تشكر علية اخي الكــريم لاحرمنا اللـه جديدكـ ودمت بخير. |
اموالنا لذوي الميراث نجمعها .... ودورنا لخراب الدهر نبنيها
|
11-12-2008 | #9 |
|
مرت سنين ولا طلع ذيبً على رجمه قنب احلامنا تركض .. ولكن واقع الحالة حبي ليت الضمير الحي ماسكر عيونه واجتنب ليت المؤرخ يكتب العنوان " عصر اذكى غبي " تمنيت الا أجد بآخر الموضوع ((( منقول للفائدة ))) لأني أحببت أن يكون الكاتب من أسرتنا وكتابنا لأن من أدلى بهذا فهو يستحق فعلا أن يتابع ,,, والحمد لله أتت كما أردت ,,, الشبث أدون أعجابي بهاذا الموضوع المميز , |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام