مساجلة بين الشاعر فلاح حرباش الشيباني ومشرع ذعار العوهلي

بسم الله الرحمن الرحيم
مساجلة بين الشاعر فلاح حرباش الشيباني ومشرع ذعار العوهلي

فلاح الشيباني...

الله علـى المنـتـاز والـنـوع بـتـرول =ضــد الصـحـاري والـديـار البعـيـدة
مـن شركـة اليابـان جابـوه مشـيـول= الـفــل كــامــل والـتـوايــر جــديــدة
مـاداره الهـنـدي ولاداره الــزول= اللـي مـن الـورشـه يجـمـع حـديـدة
اسبق من الشيهان لاشاف لـه جـول =فـكـوا سـبـوقـه والـحـبـاري عـنـيـدة
علـى وليفـن دونهـا صـكـة الـحـول =قـفـوا وانـــا قـفـيـت بـــاول شـديــدة
ياشبه عفرن وسمها مطرقن طـول =مـع حلقتـيـن وسمـهـا بالحـديـدة
هفـت علـى جـوٍ لـه ايــام مسـيـول =لاجــف قـاعـه جــاه وبـلـن يـزيــدة
يامشـرع بـن ذعـار ياطيـب الـقـول= الـشـاعـر البـيـطـار دوك القـصـيـدة
مـادام بـاب الشعـر ماهـوب مقفـول= انـــا اتـعـلـم فـيــه وانـتــه عـمـيــدة
بشكـي عليـك الحـب ياويـش بقـول =لي قصتن فـي الحـب تملـى جريـدة
وابغى النصيحة كزلي منك مرسول= امـــا مـــع الــطــراش والا بــريــدة

مشرع العوهلي....

يامتعبـن جيـبـه عـلـى درب مجـمـول =وراك ماوضـحـت شـخــص تـريــده
اتعبتنـي يالقـرم مــع درب مجـهـول =ماقـلـت لـي خــلــك مـن أية بــديـــده
اشغلتنـي والفكـر مـن قبـل مشغـول =فـي قصتـك وايضـا مشـاكـل عـديـده
مجبور اسج المملكة عرضٍ وطـول =مـن شـان احصلـك علـومـن وكـيـدة
ارتح وانا اللي عن دعاويك مسئول =واصـبـح وتلـقـالـك عـلـومـن مـفـيـده
ان كان ابوها ياابيض الوجه مدهول =وسعـد النشامـا فـي الليـال الشديـده
نلفي على اللي فالعسر يذبح الحول =ونـاخـذ وليـفـك بالسـلـوم الحـمـيـده
وان كـان يبغـى مـال نعطيـه مدبـول =وان حـال دون الزيـن نلـعـن كـديـده
نشب نار الحـرب والسيـف مسلـول =ونـفـس تـوفــى نتعتـبـرهـا شـهـيـده
يجونهـا السبـعـان بـسـلاح وخـيـول =والله مـايـبـقــى لاهـلــهــا شــريـــده
ماقلتـلـي قــول عـلـى غـيـر مفـعـول =مــن قــام ضــدك يعتـبـرنـي كـنـيـده
الا ان زادك قـدلــه سـنـيـن مـاكــول =ياكـيـف ابحـيـي لـك عـظـامـن هـمـيـده
ابــا تـعـذر وارجــي الـعـذر مـقـبـول= الـعــذر يـــاراع الـفـعـول الـمـجـيـده

مشرع العوهلي

الشاعر مشرع العوهلي
صح لسانك ولسان الشيباني الف

الشاعر الكبير مشرع العوهلي
صح لسانك ولساان الشاعر القدير فلاح الشيباني
تحياتي لك

شاعرنا القدير مشرع ابن ذعار العوهلي
ابو مشهاب
صح السانك ولسان الشاعر فلاح الشيباني الف
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

شسمه مشرع العوهلي صح السنتكم ياحيي

اقتباس المشاركة الأصلية كتبت بواسطة الشيخ منحاش الشاعر مشرع العوهلي صح لسانك ولسان الشيباني الف

صح بدنك وبارك الله فيك تشرفت بمرورك

اقتباس المشاركة الأصلية كتبت بواسطة شسمه نسيت شسمه مشرع العوهلي صح السنتكم ياحيي

صح بدنك وبارك الله فيك تشرفت بمرورك

اقتباس المشاركة الأصلية كتبت بواسطة هداج الشاعر الكبير مشرع العوهلي صح لسانك ولساان الشاعر القدير فلاح الشيباني تحياتي لك

صح بدنك وبارك الله فيك تشرفت بمرورك

اقتباس المشاركة الأصلية كتبت بواسطة المشرف العام شاعرنا القدير مشرع ابن ذعار العوهلي ابو مشهاب صح السانك ولسان الشاعر فلاح الشيباني الف .. .. . . خالص التحايا لسمو شخصك النبيل ??¯?ـ?ابو غازي?ـ?¯??

صح بدنك وبارك الله فيك تشرفت بمرورك

مشرع العوهلي
صح لسانك ولسان فلاح الشيباني الف