ديوان الشاعر / مشعل عسام التريباني

بسم الله الرحمن الرحيم
الشاعر\مشعل عسام التريباني الشمري
((الله اللي كون الكون والرزق قسمه))في 27\11\1437هـ

الله اللي كون الكون والرزق قسمه

	الله اللــــي كـــوّن الكون والرزق قســـمه=كل شــــــي بقدرت الله والْارزاق بيديه كل شــــي بقدرت الله اليا راد حســــــــمه=والبنادم غير مقســــــــــوم ربه مايجيه مــاتعـــيش النفــس للنفـــس والله اْحـــرمه=ولاتموت انفوس لحدن ولو حزنة عليه ولاتفكر كل بيضا من البيض شـــــــــحمه=كم بياضـــن غـــــيّر اللون وافهم يالنبيه ولو طلبت اقــــــرب قرايبك مــن دق بهمه=ماعطاك الْابشــــيّن ومـــــــره الله عليه ولو عدوك صوب صدرك ركز راس سهمه=كان هو ماحان يومك فلاتخشى الوجيه دام نعــــرف كل هـــــذا وكلــــــش نفهــــمه=ليش نحزن ونتحسر على اللــــي مانبيه خالق الـــدنياهــــو الله وبا العـــدل حكــــــمه=مايضـــــرك هــرج جاهل ولاكلمة فقيه ولو يزوّد ســـــــــــــــــاكن البر حراس غنمه=رزق سار الليل رب الخلايق محتســيه جل شــــــــــــــــان الله رب الخلايق ماكرمه=ماخلق مخلوق كود اكرمه وايسر عليه

بسم الله الرحمن الرحيم
الشاعر\مشعل عسام التريباني الشمري
((كل رجالٍ ذراعه من الخامة كساه))في 2\12\1437هـ

((كل رجالٍ ذراعه من الخامة كساه))في 2\12\1437هـ

	كل رجالٍ ذراعه مــن الخامـة كســــــاه=مثل مــــاقال المثل والعلــوم مجـــــــربه ومن يسكرباالنواجد على شــــفّة شــفاه=العلوم الغانمه قـــدر دقــنه وشـــــــــنبه ومشرب الرجال من كف غيره ماســقاه=من ورد بحبال غــــــيره تكدّرمشــــربه مايهون ابن الاشاوس وينقص مسـتواه=كود يامنّه تمادى علــــى درب الشّـــبه كان سيفك ضـــد دينك فرده فــــي خباه=وكان سيفك يخدم الدين با الحال اسحبه كل حرن يفرد الريش في صافــي سماه=يطــــرد المقســـــــوم والله الياراد وهبه مايطول العبد شــــــيّن اذا مــا الله عطاه=مايجــــــــي للعبد شــــيّن وربك ماكتبه ومــن طلب مـن غــير ربه يزيده باالغناه=مات فــــي فقره وحرمان ربه وغضبه واعلم انك مانت باقـــــــي مخلّد بالحـياه=انــتــبه لاتهــمل الـدين ياالفطـــن انتبه لاتصير سوات من جاه من كحله عماه=كحّل عيونه بكحلٍ من الشـــوف ســلبه كل بــــذره با الــنهايـــه تعــوّد للــنواه=والبنادم عــــن نــواته يحــاول مهــربه لويحاول مهـــربه عــــن نواته ماقــواه=التراب اصله وللْاصل وصله ماقـــربه

بسم الله الرحمن الرحيم
الشاعر\مشعل عسام التريباني الشمري
((هذا الشبث))في 19\12\1437هـ

((هذا الشبث))

	هذا الشـــبث جاكم بحملة عقارب=بسلوب غير اسلوبه اللـي عهدناه لو لمعو فعله بدا الوضــــع خارب=ارسل علــى طعم الفقارى حياياه طبّق علـــــى عيش الثكالا تجارب=اغاثة الملهوف حـاســــــه بيمناه حتى الاغاثه فـــــي نظامه تحارب=كـــــدّر مطـاعمها وعاد ونثرماه هدنه وحوّلها اســــتراحة محارب=ســـوّى عليهم لعبة الذيب والشاه حوّس عـربها من جميع المضارب=لين اختلط طين الموارد على ماه باالموج يرسل ســــاريات القوارب=بواخــرن باالمـوت الاحمر معباه وبالجو يرســـــل مدبحات الغوارب=صبّة غضبها فوق حافين وعراه وايمنّــــي العــالم بصـــفو وتقــارب=ويدس سم الداب للـــــي تصافاه ويفرض على السنه حلاقة شوارب=وعبّادة الاصنام يمشط لها لحاه جمّع عيال اللي هدم ســـــــد ماْرب=واذن لهم هـدم الصروح المبناه بغدادخلاها ســـــــــــوات المزارب=وفي ســوريا بانة خوافي نواياه الوضـــع مـزري والزمان متوارب=بانة تجاعــــــيد الزمان وخفاياه

بسم الله الرحمن الرحيم
هذه الابيات مجارات لشاعر مغرد بالتويتر ويقول من اللي يجاريني طبعا هي بيتين لكن جاز الطاروق وكملتها
الشاعر\مشعل عسام التريباني الشمري
((ابي اسرج مهار شعري واتفاخربه))في 28\12\1437هـ

((ابي اسرج مهار شعري واتفاخربه))في 28\12\1437هـ

	ابي اسرج امهارشــــعري واتفاخربه=وابا اسحب السيف وابي ابرز مهاراتي وادخل مجال القصايد وادمي الحربه=وارسل قوارب قصيدي فــي محيطاتي ياغيمة الفكـــر هلّــــي واروي التربه=حطــــــــي علـــى ندّرالقيفان بصماتي نبـــــــي نخوض البحورونبعد الغربه=فــــــي غيهب الشعر في كل المجالاتي ونبـــــــي نزور النجوم وننتحل قربه=وابسط فراشي على صطوح المجراتي انا خيالــــي وســــيع الافق يحصربه=اصخّـــــر العاصيه داخل مســـــاراتي واطــرب علــــى مفرداته واتبصربه=وازن بحــوره علــى كيفـــي ومشهاتي اشفق على الشارده واتعب على دربه=شــــوارد الشــــــــعر ياتنلي مطيعاتي نســـوقهن ســـوق والجزلات نظفربه=اصخّـــر العــوب مالـــــي بالهزيلاتي واطلق سبوق الخيال الحر واصقربه=اللـــي مضارب مخاليبه شــــطيراتي الشــــــارده لازمـــن بالقاع يعفربه=كــنه عــديمن طلب خصمه مثاراتي

بسم الله الرحمن الرحيم
الشاعر مشعل عسام التريباني الشمري
((اليابغيت اتعيش مرفوع هامه))في 7\12\1437هـ

((اليابغيت اتعيش مرفوع هامه))في 7\12\1437هـ

	اليا بغيت اتعــــــيش مرفوع هامه=من الحســــــــــد والحقد طهّر ضمايرك ونفسك عن الهفوات قصّر خطامه=وغض النضر عن كشف غرة قصايرك والحلــق خله طـــول حلـق النعامه=من شــــــــــــان تمنع كلمتك لاتدهورك واحفــظ لجــارك قــيمته واحترامه=ولاتنكشــــف عند الخلايق ســــــرايرك واللــي يجيلك بادره ببتســــــــــامه=حتــــــى الياجـــــيته بمـــثلــــه يبـادرك واللـــــــي عنالك منك زيد اهـتمامه=مــن شــــــــان تكبر قيمتك عـند زايرك ونصــــــــــرة رفيقك لاتفك التزامه=اللــــــــــــي اليا كبرت بلاويك ينصرك وعوجا صــــديقك طشــــها بالقمامه=واظهر حســـناته عســــا الرب يظهرك ارفع مقام اللـــــــــــــي يعزك مقامه=ياجـــاك لاتقعـــد تعقّــــد نواظرك مســـــــكين ياراســـــــن بليا عمامه=مــــع الهبايب طــار ريحــــة مباخرك لوكنت محســــوبن من اهل الفخامه=وتضيق في وســــط المحافظ جواهرك مــاينفع المقطــــوع تاج الــزعـامــه=ماحك جلدك يالغنـــــي كــــود اظافرك

بسم الله الرحمن الرحيم
الشاعر\مشعل عسام التريباني الشمري
((البطوله لبّسوها غير اهلها))في 6\12\1437هـ

((البطوله لبّسوها غير اهلها))في 6\12\1437هـ

	البطوله لبّســـــــــوها غيراهلها=عالـمن تجهـل حقـيقـة مـــاتقوله مـــن يوقّــف للحمول ولايحملها=عـــيب يلبس ملبسن مهـوبطوله مـــــايوقّــف للحمــول الا جملها=والبطوله ماتجيلك بالســـــــهوله البطــــوله قلـــدوها مـــــن كتلها=عالمن روسه من الفهم مغســوله الكبوداللــــــــــي غثا العالم دبلها=تشــــمئز من الكلام ومن فضوله بس مالك باالخبول وفــــي جدلها=عالمن تسـرج على العوجا خيوله من كلام الصدق يغشـــاها زعلها=ماتبــــــي هرج الصحيح ولاتقوله الصــــــــراحه بان با العالم خللها=ضيعو درب الشــــهامه والرجوله سّـــمو اللاعب بطل والشين ملها=وبا الملاعـــب شــجعوه وصفقوله والبطــــــوله ماتليق بغـــير اهلها=ماتليق الا بناســــن شــــــــمّروله ماتليق الا بمن كفه شـــــــــــــهلها=نادرن له با الوغى صوله وجوله مثل حــــرن خـــدمة بـــلاده كفلها=وســـاق روحه للصغير وللكهوله باع نفســــــــــــــــه للـبلاد ومقتبلها=وزار نيران المنايا فـــــي رجوله مات دون جبالها واثرى ســــــهلها=وســــــطر التاريخ من دمه فعوله البس اطراف الوطن غالــــي حللها=تاج عزن ضافين عرضه وطوله ان رضت يرضا ويزعل من زعلها=دون مقدار الوطن نفسه زعوله

بسم الله الرحمن الرحيم
الشاعر\مشعل عسام التريباني الشمري
((ولّم القهوه وزوّد زعفرانه))في 8\1\1438هـ

((ولّم القهوه وزوّد زعفرانه))في 8\1\1438هـ

	ولّم القهــــوه وزوّد زعفــرانه=جعل كفك ماتجيه الغــــرغرينه وهـــيلها زيده وقلل بفوحــــانه=وياطحنت الهيل لاتنعّم طحـــينه ولايجيها العود يخرب له كيانه=مايطب العود شــــــــي الا يهينه القرنفل كان طب الكيف شـــانه=لايطب الكـــيف يلعن والــــدينه حط هيل الهند واظمن لك ظمانه=ان ريح الهيل ينعش شــــاربينه خص ريحانه الياجا الكـيف زانه=شــفّته تبري غثا النفس الحزينه والــعويدي لايجــيها مــعك امانه=كان تبـي الكيف يعجب مهتوينه الــــقهاوي عـــند اهلها لــه مكانه=يحفظـــون حـــقوقها ومـنزهينه يدفـــعون امـــوالهم لاجلــه رهانه=مالهم لاجل القهاوي مرخصينه عـــندهم للكيف تامين وحصـــانه=والمراجل من ســـلفهم وارثينه

بسم الله الرحمن الرحيم
بمناسبة ترقية بن العم الغالي محسن بن صالح الغافل التريباني الشمري الي رتبة رائد في دولة قطر الشقيقه
الشاعر \مشعل عسام الغافل التريباني الشمري
((ماني مبارك لك بتعليقت التاج))في 18\10\1437هـ

((ماني مبارك لك بتعليقت التاج))في 18\10\1437هـ

	مانــــــــــي مبارك لك بتعليقت التاج=مـــبروك للتيجان مــرســـــــا متونك انت الفخـــر للتاج يابــير هــــــــداج=يالعيلم اللي تقصــــــــــر الناس دونك ايوالله افـــرح واتعب البوك والـــزّاج=واتعب هجوسي لاجل فرحت عيونك وش لون مافرح وافتخر وابهج ابهاج=وانت الذي ياقل من يشـــــــــــبهونك الين علـــــى الصدقان من سلك ديباج=وتظفـــي على عوجا صديقك ردونك يازورق الامجــــاد قطـــاع الامــواج=غيثن علــــى الصـــدقان هلة مـزونك ياما فـــرجـــت لكل عاجـــز ومحتاج=وياما مســـحت ادموع وابديت عـونك وياما وصلت حبال واذهبت الاحراج=عـــــن ناس وقــت المعضله يزبـنونك ويامــا بردت اكــــبود واثلجتها اثلاج=وياما جمعت قلــوب داخـل حصــونك اسرجت مهرة موهبة مدّك اســـراج=للـــي بصكات الــزمـن يذكــــــرونك يعل يفـــــدونك خـــدم كــنز الادراج=حــــــراس مـــــالن جعلهم يفــتدونك بنيت دون البخل جــدران وســــــياج=وعلــى دروب الطيب عضة ســنونك ركايبــك للطــــايله تدلـــــج ادلاج=والطـيب بشـــتك والشــــهامـة زبونك وحطيت لك بالطيب مسـرى ومعراج=وعلى (الردى) سكّرتغيهب ســـجونك رقيت للامجاد فـــــــــي عال الابراج=تــبرك ركايب حــــامل الكــــبردونك

بسم الله الرحمن الرحيم
مجارات لعدة شعراء منهم (عياده الجهيلي) (ورويضان بن جسار)(وطلاع الزميلي) (واحمد الغفيلي) وانا هذي قصيدتي
الشاعر\مشعل عسام التريباني الشمري
((جت مهرة اولاد الادهم فازعه من بعيد))في 6\1\1438هـ

((جت مهرة اولاد الادهم فازعه من بعيد))في 6\1\1438هـ

	جت مهـرة اولاد الادهم فازعه من بعيد=حــوافره يوم تاطا القاع تقدح شـــــــــرر فوقه غلامــن على لطم المعادي شــــديد=من روس قــــومن لهم باالفعل علم وخبر مــن عاصمتنا الحبــيـبه جــيتكم باالمفيد=علــــى جوادن حــــوافرها تدوس الخطر سليت ســـيف القوافـي وامتطيت الفريد=وزهمت مهرة قصيدي عقب وقت العصر وضربت وسط الفرايد لين طار الصعيد=وسمرت وسمي على اعناق النوادر سمر نبي نبارز مع الفرســــــــان في كل ميد=ونكســـب نوادرحلال القوم ســـود وعفر مهرة خيالـــــــي قحــــومن ماركبها بليد=لكـــن لنا عاصـــيات الخيل تقهـــر قهر حنا لنا عاصـــيات الخيل غصــبن تهــيد=والقاســــــيه يالفتنا كـــود تعصر عصر واليا جلــبت الفـــرايد عاد ويش الجــديد=حنا هلا المرهفات اللـــــــــي تفج النحر حنا ورثنا الجــــزايل ورث جــــد لحفيد=احفاد عودن بفعل الطايلات اشــــــتهر من روس قومن لجزلات المراجل تصيد=شــــــــمرهلا الطايله يوم الليالي غبر شـــــــمر بنوكن بها جزل الفعايل رصيد=من عصرحاتم فعايلهم تســـــر النظر هلا الصخا يوم قل الزاد ضــــد الضــديد=واهل الفراسه على قب المهار الشقر والناس فيهم رجالن يكســــــبون الحمـــيد=كل القبايل لهم باالطيب فعلن ظهـــر

بسم الله الرحمن الرحيم
الشاعر\مشعل عسام التريباني الشمري
((البكرة اللي طببوها الجواليب))في1\1\1438هـ

((البكرة اللي طببوها الجواليب))في1\1\1438هـ

	البكرة اللـــــي طببوها الجواليب=وش علمها ماتنشــــــــد الناس عنها وين البدو قناية الشــــــمخ النيب=ماســـــامـــو البكــــره وزادو ثمنها بكرة بدو مهي جلابة قصاصيب=ولارددت وســــــط المجر برسنها تزها القلايد والجـرس والدباديب=وتزها الدلال اللــــــي يداعب ثفنها ياســـمعت الراعي يجر الهناديب=تفــزع علـــى صوته وتتعب بدنها وياغابة القعـــده تقل ينهشــه ذيب=كـــنّه تبـــي تقــرب لها واتحظنها نوطابها يحلــو قصــيد اللــواعيب=علـــى جمال الجـــيش مدة رهنها وامركبن نيّه علــــى العيز تركيب=ثقلن علـــى قــمّة حجــبها محـنها ترتع بظف مطـــوعين الاصاعيب=ترعى هيت مايقرب الخصم منها زيدو بســــعر الطيبه ياهلا الطيب=الخزنة اللي رابحن من خــزنها