مساعد الشيخ

نسمع ونترك والمسامع مصانيخ = تقييم ناسٍ ما تعدت شبوكه
رمز الكرم مصخ به القول تمصيخ= من اللي على السبة يلاوك حنوكه
رجل صخي وبالكرم له تواريخ= شهد له التاريخ روكه وروكه
رقا الجبال العاليات الشواميخ = داس العلا والمجد ما هي شكوكه
رجلٍ كريم وبالفخر له مناويخ= بالموقدة ناره وباقي ملوكه
كيف الغشيم يقول أنا مساعد الشيخ= ويبرك مباريك الجمل في بروكه
بجور وزور يدوّخ الراس تدويخ= يقول كل الأمر نصدر صكوكه
ياعل ماهي شيخة أفنيخ أبا الميخ = عنده دخيل العق يهبط مكوكه
أنا أشهد أنّه يلطخ الهرج تلطيخ= والحكي شوك الكبد أدمت حكوكه
لكن الجهل ينكخ به الجال تنكيخ= وسطح القمر يقوس كتلة سموكه
أن كان هذا مساعد الشيخ ياشيخ = تنعاف وعود الرّاك محدٍ يسوكه
ياذئب لا تظهر بدالك ظهر ذيخ= وسلامةٍ من حد نابه فكوكه
راحة على قروم العيال المطانيخ = يوم البلح يفهق وتقلط علوكه
المعذرة ياناطحين المجاويخ = خل المهند وجعل الرمح شوكه
تــبدل الصافي شرابه بزرنيخ= وأتلف وقطّع مابقي من شروكه
وشككت بقدره مصممين الصواريخ= وصدّقت بكذبه من سديه يحوكه
وأدخل على مرس الجبال الصلابيخ= عن جور دنيانا وزايد ضكوكه
ورفعت نفسي عن مسبه وتوبيخ= وتبعت خلق اللي عظامٍ سلوكه

ياعل ماهي شيخة أفنيخ أبا الميخ = عنده دخيل العق يهبط مكوكه

الشاعر بهلول الزميلي
صح السانك وجاد بيانك
تقديري لحضرة جنابك

صح بوح منطوقك ولسانك

بهلول الزميلي
صح السانك الف
تحياتي لك

أأأأأأأأأأأأأأأأأأأأأأأأأأأأأأأأأأأأأأأأي صدقت ياعم بهلول صحو قلبك كلام جميل جدا

عمي بو نواف صح لسانك ياحيي

الشاعر بهلول الزميلي
صح لسانك وعلاء شانك يالنشمي
‘‘‘‘إإإإحترامي‘‘‘‘

اقتباس المشاركة الأصلية كتبت بواسطة بكل فخر قالش ياعل ماهي شيخة أفنيخ أبا الميخ = عنده دخيل العق يهبط مكوكه الشاعر بهلول الزميلي صح السانك وجاد بيانك تقديري لحضرة جنابك

غزيزي / بكل فخر قالش صح بدنك وشكراً لمرورك دمت بخير,,,,

اقتباس المشاركة الأصلية كتبت بواسطة سراب الكحيلة صح بوح منطوقك ولسانك

أختي / سراب الكحيلة صح بدنك وشكراً لمرورك دمتي بخير,,

اقتباس المشاركة الأصلية كتبت بواسطة الغرريب بهلول الزميلي صح السانك الف تحياتي لك

أخوي / الغريب صح بدنك ودمت بخير,,