ديوان / الشاعر معدي نشمي العتيبي

بسم الله الرحمن الرحيم

السـ عليكم ورحمة الله وبركاته ـــــلام

حظ الشقــاء يابنت

	بليـا شعـور أسـرح ودق التليفـون = على حبيب القلـب واغلـى الرفايـق قالـت آلـوه .. وقلـت لبيـه يـاعـون = ياعون قلبـن مـن همومـه تضايـق يازين شف قلبي جريحـاً ومطعـون = والبـال شــارد مــا لقـالـه طـرايـق وصل المحبه بيننـا اليـوم مرهـون = تشهد دموع العيـن منكـم غرايـق القلب يشكي حظاً أشهب وملعون = حـظ الشقـا يابـنـت شمـلـه فـرايـق ليتك تشوف الحـب نيرانـه آشلـون = شبـت بجوفـي مـن سببكـم حرايـق في غيبتك سموني النـاس مجنـون = وقـدام زولـك يصبـح العـقـل فـايـق وحبك ترى بالقلب سري ومصيون = مصيون ومن حوله زهور وحدايق

وسلامتكم

بسم الله الرحمن الرحيم

خـافـي مــن الله دام قـلـبـي ملـكـتـي ّ!!!

	يــا بـنـت ويـحـك يـاعــذاب المـزايـيـن = يـاعـزتـي للـبـيـض لآمـــن حـضـرتــي البيـض حـولـك مـثـل ورد البساتـيـن = وأنتـي عقـول النـاس منهـم سلبـتـي مايشبهـك ياكـود حـورن مـن العيـن = عــــزا لله انــــك بـالـجـمــال انـفــردتــي لــو الـملك يـعــرف لبـيـتـك عـنـاويـن = يمـديـك فــي قـصـر اليمـامـه وقـفـتـي إنا اشهد انـك ياغلاتـي علـى الديـن = يابخـت منـهـو وســط بيـتـه سكنـتـي يـاحـظ أبــوك وحــظ عـمـك والأدنـيـن = وأخــوك وأمــك سعـدهـم لا ضحـكـتـي الشـعـر فــي زيـنـك يبيـلـه دواويـيــن = أقـولـهـا صـــادق مــادامــك وصـلـتــي وصلتي لقلب(ن) شكا وقته الشين = وعـن لوعـة الحرمـان مالا عرفـتـي الله يّحفظـك عـن عيـون الحسوديـن = يــأم الـكــلام الـعــذب لآمـــن نطـقـتـي وصـلاة ربــي عــد مــن لــه مصلـيـن = وعـد الحديـث اللـي بعمـرك سمعـتـي علـى النـبـي الهاشـمـي قـولـوا أمـيـن = وخـافـي مــن الله دام قـلـبـي ملـكـتـي

وســــــلامتكم

بسم الله الرحمن الرحيم

السـ عليكم ورحمة الله وبركاته ـــــلام

خـيــبـنـي ظـنـــونـــي ّ!!!

	ياخـوك جـرح الحـب منهـو يـداويـه = تكـفـى لدكـتـور الـفـؤاد أوصـلـونـي خلـي أشـوف القلـب متولـع(ن) فيـه = مـن سبتـه ياخـوك تسـهـر عيـونـي سافـر وأنـا محتـار والقـلـب هـاويـه = وحلفت مانسى صاحبي لـو نسونـي أقفـى مفارقنـي وانــا العـيـن تبكـيـه = ومن عقبهم ياخوك تصرخ شجوني ضيعـت قـاف الشعـر لاجيـت أغنيـه = وآجهر بعـال الصـوت لامـن لفونـي وتـارد علـى قلبـي هواجيـس غاليـه = يـاكـثـر سـجـاتـي بــعــد فـارقـونــي واليوم ساس الحب طاحت مبانيه = وطـال الفـراق الـيـوم بيـنـه وبيـنـي عـزي لمـن ضاعـت بخـلـه هقـاويـه = وضــاع الدلـيـل وخيبـنـي ظـنـونـي وقلبي مابين الناس حل العـزاء فيـه = سبـت وليفـن صورتـه فـي عيـونـي يابـو طـلال العيـن تسـهـر وترجـيـه = والـنـفــس مـاتـقـبـل اذا كـلـمـونــي وعقبه كرهت الحب حاظـر وماظيـه = وصـديـت عــن عذالـنـا وأشغلـونـي

وسلامتــــكم

السـ عليكم ورحمة الله وبركاته ـــــلام

درب الغـــــــــــدر!!!

	لاينهدم جسر الهوى عقـب مبنـاه=يالحاضره من بعـد غيبـه طويلـه يالفاتـنـه درب الـغـدر ماوطيـنـاه=والـقـرب دورنــاه بـإيـت وسيـلـه ياغايتي عقبك ترى الحـب عفنـاه=عقب اتضح هجر الخليـل لخليلـه لارحم حبـك عيـدي اللـي قضينـاه=عـلـه يـهـدئ مانـسـخ بالمخـيـلـه مابي اعتذارك بعد صبرن شربناه=وغلاك تاج(ن) فا المحاني نشيله دوك التذاكر والسفـر قـد حجزنـاه=رحلـة وداع ولابــه إحــداً نجيـلـه حيثـك وحيـد. وكـل مابـي تمـنـاه=وأنا وحيـد. ومنـك روحـي عليلـه نبعـد عـن العـذال فـي كـل منحـاه=أبـوك أنـا. وأمــك وكــل القبيـلـه ولا أرحلي والموت بعيونك إقـراه=واللي مكـث فالعهـد يخـلا سبيلـه

وســـــــــــــــــــلامتــــكم

السـ عليكم ورحمة الله وبركاته ـــــلام

الثــــــــــــار!!!

	ياتـل قلبـي تـل بنـزاً عـطـا الـقـار=بـنـزاً جـديـد وتـــو نـــزل مـديـلـه علـيـه سـواقـن صمـيـدع وجـبـار=مـمـا بكـبـده قـــام يـبــرد غلـيـلـه علـى هنوفـاً يـوم تنظرلـي احـتـار=أحـتـار مـثـل الـلـي مظـيـع دليـلـه في بعدها كنـي علـى صالـي النـار=والـروح مـن فـرقـاه دايــم عليـلـه أقفت على يخت الحكومه فالابحار=وانا مواطن وقفتي (ويـش هيلـه) وجدي عليها وجد من ضيع الثـار=واقفـوا بــه الشجـعـان واعزتيـلـه واليـوم همـي زاد والقلـب منـهـار=يرجي عظيم الشان يرجع خليله

ولكم تقــــديــري

بسم الله الرحمن الرحيم
السـ عليكم ورحمة الله وبركاته ـــــلام

إلا. يــاشيــــــــــخ!!!

	إلا. ياشيخ أنا بنشدك دامن القصيـد أحلو = ومادام أنـك تحـل أرمـوز عسـرات ألقوانيني تشوف اللي أشوفه شق ياشاعر غمام الجـو = كفخ بأشقر جناحـه وارتقـى فـوق الشياهينـي ماعمـره بيـع بالدينـار ولانـزل حـراج أشرو = أصيلاً ماتبرقع فـوق غالـيـت الصواليني ودارت به ليال العسر وطاح اليوم بأسفل دو = كسيـر أحـدى جناحينـه ويجحـد دمعـة العيـنـي يـردد ليلـة البـارح حسـافـه أهـ,, مــدري لــو = تذكـر عصره الماضي حسافه كيف ذا الحيـنـي لكـن البـدو قالـولي إذا شـفـت السـحـاب أنـيـو = وإذا طاح المطـر ينبـت خزامـى مـع رياحينـي وإذا حان الوداع وخلق ربك بالحكي لجو = خطير أيطير ذاك الطيـر لـو كسـر الجناحيني

بسم الله الرحمن الرحيم

السـ عليكم ورحمة الله وبركاته ـــــلام

معجــم وديــــوان !!!

	أخـذت مــن عـمـري لـلأيـام بـرهـان=درســاً مايـشـرح بالفـصـل للكتـابـه والوقت قالوا عنه يكشف لك احيـان=اوجـيــه تعـرفـهـا عـقــول الـلـبـابـه مريـت بالدنيـا علـى نـاس واخــوان=ورفقـة عمـل وأحيـان ربـع وقـرابـه وقتاً تشـوف بدربـك أشكـال والـوان=يـال العجـب يال الاسف والغـرابـه المال يكمل مـن حصـل فيـه نقصـان=والـفـقـر يـظـلـم واحـــدن ينتـخـابـه هـذي حقيقـة وانـشـدو كــل فهـمـان=حتى اختـلاف الطّـرق رغـم التشابـه والحـظ مثـل النجـم يبـزغ لـيـا بــان=ولـيـا اختـفـى ربــك عـلـيـم بغـيـابـه هـذي ثـلاث عقـود لـو زادت ازمــان=مـن عمـري البالـي ولاحـدن شقابـه واختـرت مـن دنيـاي اربـع ونيشـان=خمسـاً عسـى ربـي يـهـون صعـابـه الاولـه والـخـوف خـوووفـك يمـنـان=أسالـك عــن شــر الأمــور اجتنـابـه والثانيـة مرضـات أبـويـه يارحـمـان=عـســاي مـاكــدر مــزاجــه بـجـابــه والثالثـة بأمـي اكـون إلطـف انسـان=ادرى مشاعـرهـا والاجــر احتسـابـه والرابعـه مـن لـه حقـوقً بالإحسـان=عسـاي اتـم الوصـل وصـل القـرابـه والخامـسـه قـصـة يتيـمـة بـعـنـوان=عنوانـهـا ضــاع الصـبـر والرجـابـه عسـاي انــا ويــاه بالخـلـد وجـهـان=بيـن الجنـان وبيـن جمـع الصحـابـه لاني بـالارض اشـوف شتـان شتـان=بيـن النسـاء ومابيـن سيـد الرحابـه اوصافـهـا تحـتـاج معـجـم وديـــوان=وتركيـز عالـي واحـتـراف الخطـابـه الزيـن فيهـا يوسـفـي والفـخـر بــان=ديــن وإدب وسـلــوم فـــن وذرابـــه وليـلاً كساهـا تفهقـه بـيـن الامـتـان=استغـفـر الله والتـجـي مـــن عـذابــه وسطا عظم.. سلهامت أرموشه إدمان=اصـيـر انــا الـريـس لـكـل العصـابـه يالله تجنـبـهـا صـواديــف الاعـيــان=وبحفـظ ربــي عــن وجـيـه النكـابـه واخــر رجــاء يالله ياعـالـم الـشــان=رد الحبـيـب الـلــي كـوانــي غـيـابـه

تـــوابيت المنـايـــا !!!

	حبيبي كـم تمنيتـك علـى صـدري لحـد المـوت=أعيش بداخـل أنفاسـك ونومـي داخـل عيونـك طموحي استمع صوتك ويا لبى هـذاك الصـوت=نغم مدري موسيقى تنبعث والمصدر شجونـك يأاروع من قصيد أبن العواجي في حبيبه نوت=يا أجمل من رأت عيني عسى الحساد يفدونـك أنا كلـي معـك واللـي تشوفينـه جسـد منحـوت=مـدام أنـي مسجـل فـي كتـاب الحـب مجنـونـك جنـون الحـب ياحبـن يراودنـي علـى التابـوت=توابـيـت المنـايـا تنفـتـح لــي قـبــل لأخونك وإذا ودك تعرفينـي أنــا مــن يعشـقـك للـمـوت=وإذا ودك تشوفينـي أنـا فـي صـمـت مكنـونـك وانا وأعوذ بالله من إنا.. لايمكن اشكي الفوت=وإذا ودك بموجز شرح إنا جاهـز علـى هونـك إنا اللي في ظـلام البحـر ماهمـه زفيـر الحـوت=عنـيـد ولايـهـاب ولــو حـكـولـك لايهـمـوونـك وانا الطفل البريء اللي بقلبه حزنـه المكبـوت=وانـا واقـف لتيـار السنيـن العـوج مـن دونــك

بسم الله الرحمن الرحيم

السـ عليكم ورحمة الله وبركاته ـــــلام

أنـــــك الاول بــالــغــلا والاخـــيـــره !!!

	بـعــدك يـمـيـن الله خـســاره كـبـيـره=وخسـارة الغاليـيـن ماهـيـب بـبـلاش والفـايـده شوفـتـك يـااحـلـى أمـيــره=مـادام عيـنـك تشـبـه الـحـر لاهــاش ولا قبـولـك مـنــه روحـــي كـسـيـره=كسير قلب وضحكتك ترعش أرعاش مـا غيـرك اخترته وروحــي أسـيـره=فـي حبـك (اقسم لـك) فلانيـب غـشـاش وحـــرام مـاهـانـت لـيـالـي(ن) جــديــره=باالمركز الاول مضـت كنهـا الشـاش صحيـح حـبـك نابـعـن عــن سـريـره=ترسله يالمجمول بغضـاي الارمـاش يالله عسـى عـمـرك سـعـاده وخـيـره=ياملهمـت قلبـن غـدى منـك فشفـاش وقلـبـي تــرى ماغـيـر حـبـك يـديـره=وان مـرتـه عــذرا لعيـنـاك منـحـاش وجـدي علـى حالـي وجـود الأسـيـره=اللي بسجن الغـرب وربوعهـا مـاش ووجدي على قربك وشوفـك عشيـره=نتـشـارك اللقـمـه ونتقـاسـم افــراش لـكـن حـكـم الـوقـت مـابــه بـصـيـره=واخذي عهد قلبن يعاهدك لن عـاش أنـــــك الاول بــالــغــلا والاخـــيـــره=هذا وعد واخذيه مـن خاطـري كـاش

رمــح الغـــــرام!!!

	حبيبي ضاقت الدنيـا بصـدري والديـار أوسـاع=عقب ما كنـت لاضاقـت علـى صاحبـك طنشهـا مضى جرحن دفين ورمح طعنات الغرام اسراع=وزاد الـجـرح قــول فــلان والــزلات ماحْسبـهـا سمعتي للعواذل حكيهـم يومـك رخيـت أسمـاع=نجـوس الخـلـق ياحـبـي تـمـرر لــك إشاعتـهـا وحبـي لـك حـدوده فـوق ماينطـق بـه المذيـاع=وأكبـر مـن سمـاء دنيـاك وابعـد مـن كواكبـهـا أحبـك حـب مايرخـص ولايمـكـن بـيـوم إيـبـاع=محـبـة ذات مابنـيـت عـلـى الدنـيـا مصالـحـهـا ياليـت أيامنـا الحـلـوة تـعـود وأبتـسـم بإقـنـاع=تـصـدق ابتسـامـة صـاحـبـك قـــام إيتصنـعـهـا تفلـت العافيـة وأشـوف حبـك لأوصلتـه ضــاع=وأنـا كـل الوسايـل والـدروب أرقـى مصاعبـهـا عسفت الشعر في حبك وسقت المفردات أتبـاع=وأشوف أن الليالي السود تكشف لـي غرايبهـا تجاوزت الثـلاث عقـود وحظـي لاوصلكـم راع=يـروع وينعثـر باسْبـاب مــن كـثـرت مطامعـهـا عقـدت الاجتمـاع لقصتـك ثــم قــرروا بجـمـاع=أحاسيـسـي وتفكـيـري وأنــا والقـلـب لجْنـتـهـا بعد هذا ترى عمر الشباب المخلـص لـك ضـاع=وقـيـد الشـيـب لأيــام الـعـمـر يـازيــن يفتـلـهـا أحبـك اه.. مهمـا قلـت لـك بـأن الـديـار وســاع=سـجـودي لـلإلــه ادعـــوه يامـعـبـود تفـرجـهـا