من مثل شمر ينطحـون المواجيـب

قصيدة أسندها الشاعر على الشيخ / مسفر بن عبدالله الجبرين حفظه الله &
والشيخ / ممدوح بن طلال بن رمال حفظه الله &
والشيخ / فهد بن عبيد الثنيان حفظه الله وكل الشرفاء من شمر وكل القبائل حاضرة وبادية......

نســأل اللــه العلي القـدير ان يفرج عنة
ويفك اسر اخية ويبدل احزانهم الى افراح..

أحشمك يا راسي عن العيب والريب = وأقضبك عن درب الـردى لا تهيّـا
درب الردى لأهل الردى به مجاذيب = للي عـن الواجـب يبـون الكفيّـا
والطيب ما هـو سلعـة ٍ للواعيـب = هلاَّقـة ٍ بالكـذب دايــم تـزيّـا
يبغى أقـدام ٍ مـا تمـل النبانيـب = ويبغى يديـن ٍ بالعطـا مـا تريّـا
وحوادث الأيام تبـدي لـك الغيـب = تفرق لـك النـادر وطيـر الحديّـا
واللي قضبني من شديد المقاضيـب = إمـا أقـولـه زيــن وإلا بلـيّـا
لا شفت أنا أمي دمعها يشلق الجيب = ما ودي إني يا أهـل الخيـر حيّـا
تكفون يا شيوخ العرب ما بها عيب = أخوي ما عقبه علـى الأرض خيّـا
أبكيه مثل إبكا شالـح علـى ذيـب = وأصيح بأعلى الصوت يا أهل الحميّا
شيمة عرب مالي عليكـم مطاليـب = تكفون فقـده كـاوي الصـدر كيّـا
تكفون يا الجبرين ملاّكـة الطيـب = بأفعالكم مـا هـو بسـرد الحكيّـا
يوم الرجال تجنب العـرف تجنيـب = صغيركـم دون المواجيـب عـيّـا
تكفى يا أبو ماجد عذي المشاريـب = الهـم طاوينـي لــك الله طـيّـا
وأنخى بعد ممدوح زين التراحيـب = ابن ارمال السمـح طلـق المحيّـا
تكفى عساها لك حجـاب اللواهيـب = في ساعـة ٍ كـل ٍ دهتـه الدهيّـا
وأنخى فهد لا يا حصان الأطاليـب = حـلاّل عقـد ٍ منبـرم شربكـيّـا
الطيب يا ابن عبيد عرف ومواهيب = ماهـو بجخـتْ خايـب ٍ هلقمـيّـا
وإنتم كسبتوا المرجلة صيب ٍ وشيب ٍ = واللي مكذبني علـى الشـرع هيّـا
من مثل شمر ينطحـون المواجيـب = من مثلهـم يركـب بنـات العبيّـا
شمر أهـل ردة وتقليطـتْ النيـب = فازوا بهـا يـوم إن بقعـا صبيّـا

خلف ضحوي الرويلي