08-04-2010
|
#1 | |
|
اشهر الالفيات الشعريه وانواعها
(( اشهر الالفيات الشعريه الشعبيه )) الالفيه الشعريه تعني ان يأتي الشاعر بالحروف الهجائيه مرتبه وعند كل حرف منها يختار كلمة تبدأ بهذا الحرف ويثبت الشطر الرابع على قافية معينه فيما تتحرك القافيه في الثلاثة الاشطر الاولى واشهر ماقيل على هذا النحو الشعري قول الشاعر محمد العبدالله العوني :
ألف أولّف .. من زمرّد و قزّا=بين الكياتب .. و الصيارف بلزّا نَظْـمٍ نظمتـه مـن زمـرد وقــزّا=وقاف ٍ بنيته من ضميـري علـى الـزّا والبا بنفسي شفت انـا العيب تـوي=عجـزت أميّز صاحبي من عدوي الله يكـا فيني شروره وسَوّي=بيـن الآقـارب والآجانـب يـخَـزّى والتـا تتـالـن اليـالـي والأيــام=تـدوي بهـا ريـف الليالـي والأيـام وصفت انا الأيام هـي ويـا الأطـلام=والناس بعـرض النـاس دايـم تهـزّا والثا الثعالب كيـف صـارت ذيابـه=والبوم يفـرس عقـب ذيـك الخَيَابـه والعـم عنـد العبـد مالـه مجابـه=لابـد مـن هفـوة .. صحـيـب ٍ تـِلـزّا والجيم ..جَنـّب عـن ردي الطماعه=صادق صديق لك تـرى بـه شجاعه تـرى ردي الخـال .. مابـه بتـاعـه=اتركـه .. فـي كـل المعـانـي وتـعـزّا واما البدع الثاني فهو نفس الاول الا انه اضاف بيتين لكل حرف وتبدأ بنفس الكلمه التي انتهى بها في الذي قبله مثل قول الشاعر الشهير محمد بن عمار المعروف بلقب (ابوخيشه) في ألفيته الشهيره ومنها:
الـف اولـف مـن جـوابٍ نـظيفـي=ودموع عيني فوق خـدي ذريفـي من لام في حـب الحـبـيـب وليفـي=دقاق رمش العين سيد الخونـدات خـونـدات لـلـي مـا بعـد عاشرنـه=قـلـه تراهـن بالـهـوى يذبحـنـه قلبي وقـلـبك مـن عـروقـه خـذنـه=عزي لمن مثلـي تعـرض للافـات البا بلـيـت بحب خلـي علـى مـاش=ولاحصل لي منه ما يبـرد الجـاش غديت انا وايـاه طاسـه ومنقـاش=بالوصف كنه يالمعـزي سلامـات سلامـات اللي كـلـهـم يذكـرونـه=يـبـي الـمـعـزة بس ذاق المـهـونـه يقول طـيـب مـيـر غـارت عيونـه=سبب ولدكم واحد صابه ومـات التاء تبعت الزين والزيـن مقفـي=امشي وحتفي شايله فـوق كتفـي لاشـفـت مجـدول وكتـف وردفـي=ماقوى التفت لو طوحولي بالاصوات اصوات قالـوا ياهبيـل وسايـح=طرد المقفـي يالشقـاوي فضايـح قلت ماريد اشواركـم والنصايـح=مثل المطر فوق الطيـاس المكفـات الثاء ثـمـانـه حـب رمـان طايـف=او قحويان ٍ في ريـاض ٍ عطايـف متـنـقـلٍ بالزيـن سيـد الـعـفـايـف=عمهوجة ٍ فيها من الحـور شـارات شارات فـيـهـا مـن ظـبـي الحمـادي=هي لـذة الدنيـا وغايـة مـرادي وان كان راح صويحبي من بـلادي=عليه جاوبت الحمامـة بالاصـوات وهي طويله وتحتوي على كامل حروف الهجاء0 والنظم الثالث من الالفيات ان يقوم الشاعر بنفس الطريقه في البدع الاول الا انه يثبّت الشطر الثالث على قافيه في كامل القصيده ويثبت الشطر الرابع على قافية في كامل القصيده مثل قول ابن دويرج الذي توفي في الربع الاول من القرن المنصرم وهو من اهالي القصيم والمتمعن بقراءة القصيدة سيلاحظ إستدلال و إقتباس بن دويرج لآيات قرءانية وألفاظ وردت في محكم الكتاب الكريم .. إن دل ذلك على شيء فإنما يدل على تدينه وكثرة قراءته لكتاب الله وإطلاعه عليه .. أترككم مع القصيدة لتستمتعوا في قراءتها .. يقول بن دويرج الله يرحمه و يغفر له :
ألف : لاف القلب ذعذاع ٍ يهيف=من هوى اللي بالهوى ماله وصيف كل ما لدّيت فيها بالنظر=من هواها هلّ مسكوب النظير با : بليت بحب وضّاح الجبين=بو نهود ٍ ما لهجهن الجنين كنهن بيض الولع .. لولا الثمر=بيضهن وأشعّهن من الحمرة يسير تا : ترى قلبي .. من الفرقا عليل=دام ما تلّيت .. خمري الجديل وإرتويت .. من الشهد بالمحتضر=الله العالم .. على عقلي خطير ثا : ثبت في ضامري رمح ٍ عطيب=وإنتثر دمّه على صدري خضيب جا يتل الرمح مني .. وإنكسر=والله إنّه .. ما فعل فعله عشير جيم جم الدمع من عيني و ساح=صابني وأيقنت بالموت الذِحَاح والتحذّر .. ما يفك من القدر=من عن الوالي .. وما دبّر .. مِطِير حا حلف لي بالذي ماله شريك=يا جزا صبرك علي إني .. لأجيك والوكاد إنه .. إليا غاب القمر=أجيك ليلة رابعه .. عقب الأخير خا ختم كنّه .. على هذي صدوق=ما دريت إنه إليا .. عاهد يبوق وأثر قلبه لي كما قاسي الحجر=من كذب حلاّف .. وإسأل به خبير دال دلّيت .. أتهضّم بالونين=كالخلوج اللي تهجرس بالحنين طاح تابعها وراها وإنعثر=ساقها الراعي وهو خلي كسير ذال ذالي عن مواصلهم ليال=كنّها عشرين حول ٍ بالكمال ما لحلو النوم في عيني مقر=مثل " دغلوب ٍ " نشف عنه الغدير را رضا لي بالمذلّة والهوان=عقب ما منه ضحك لي بالثمان قلت له يا صاحبي ويش الخبر=الجفا عقب المودّه ما يصير زا زوى قلبي بملبوس ٍ غريب=والنهد و مجدّل ٍ مثل الرطيب شايل ٍ شكل ٍ يحير إبه البصر=حمل غي ٍ ما يدرجه البعير سين سن أدعج غنج كتلي علي=مذهب كنّه من السادات حي غير من يرضى مقره في سقر=وإن دعا ماله مغاث بزمهرير شين شان الوقت من شين القلوب=لي صفا لك واحد ٍ تقل مغصوب من عمى رايه اليا تم الشهر=صرت في عينه كما النامس حقير صاد صدّات المحب من الجفا=والوكاد إنه ملقّيك القفا والصديق الصاغ يعطيك النحر=غايب ٍ مستور وإن شاهد ستير ضاد ضل الوقت فينا يا لطيف=ساكت ٍ يوحش وهرّاج ٍ يحيف إغد مثل اللي بغبّات البحر=الهبايب كوس وأمواجه غزير طا طويت إرشاي عن كل العدود=ما لزوم بفرزة ٍ بين الحدود المجالس حف و الهرجة مهر=والسياق إنسه و فرسان ٍ تدير ظا ظميري من صدوف الوقت دن=مثل ما تقرع نسيم البحر شن جل من بيده تصاريف القدر=عالم البين و ما يخفى الضمير عين عيني كن به شوك النقيع=يا لطيف الحال ضاق بي الوسيع عقب ما ماكولي الحب الحمر=ما مليت البطن من خبز الشعير غين غايب بالسَعَد راعي الحلال=لو يطالبني و مثلي بالمجال لو خطاه أكبر من الضلع الوعر=قالوا الحضّار مخطي يا فقير فا فوايد مير وين اهل العقول=طالت الهجرة و عَمْيَ السبول الدبر واجد وساتره الوبر=كل مخلوق ٍ عن نفسه بصير قاف قفّينا نهار ٍ يا عوين=ما يلد إبها الولد للوالدين فيه يِخْزى كل كذّاب ٍ أشر=وإسمه البين عبوس ٍ قمطرير كاف كافي ما سمعنا بالكتاب=هو دليل المِعتبر وهو الصواب يذكر الدنيا كما العِشبَ الخضر=مير تذريه الهبايب كالسفير لام لام الحي خير أهل الفراق=ما يدوم ولو صفا لك بإشتياق شف ليال البرد وايام الزهر=ضدّهن حِمام شمس ٍ صنقرير ميم منّك يوم تدعي للنشور=يوم بعث الله لسكان القبور خشعا مثل الجراد إليا إنتشر=ما يخلّد لا زغير ولا كبير نون نيّات البشر راس العمل=من بغى الباطل فدينه ما كمل الفخَر ياللي تريدون الفخر=من نجى من شر يوم ٍ يب يصير واو واويل العِصاة من الجحيم=يوم عبرات الصراط المستقيم ما لمخلوق عن الخالق مفر=ياالله إني في جنابك مستجير ها هدى الله بالنبي المطفى=من كفر وهو على الشر الوفى مثل ما وقّّف من الجن النفر=أشهد إن الله على حكمه قدير يا يقوله واحد ٍ هرجه ثِبَات=مثل مصبور ٍ تحرّى للهوات كل من لا صان عرضه ما إنستر=لو بحر جوده على العام غزير ذا وصلى الله على سيد الورى=ما لعى القمري وما سال اليرى سيد الكونين من كل البشر=البشير المصطفى وهو النذير والبدع الرابع ان يكون لكل حرف من حروف الهجاء ستة ابيات بدلا من الاربعه وزيادة على ذلك تثبيت قافية هذه الستة ابيات على نفس قافية الحرف الذي تختاره وهي اكثر صعوبه بعض الشئ لكون الشاعر وضع على نفسه شروطا قاسيه تقوم بتقييده بعض الشئ مالم تكن لديه الخبره الكافيه ومثال ذلك قولي:
قـال الــذي حـدري جـبــل طـي سـاكـن=بـربـاع حـايـل وسـط ذيـك الـمـسـاكن وهـجـوس قـلـبـه مـع خـفـوقـه تـشـاكن=عزي لمـن مـثـلـك شكى يابـن غـسلان قـيـفـان مـع الـدرب السجـيـن ابو خيشه=مـحـمــد الـعـمــار فــي عــز طـيــشـه ألـفـيــة(ن) مـن جــاش روح(ن)غشيشه=فـيـها من الحكـمـه جـواهــر ومـرجـان مرجان بحـروف الـهجـاء مـن خـفـوقـي=الـلــي مـن هـمـوم الزمـن مـايـروقـي كـن الـثـقـايـل مـن غـثـى الـبـال فـوقـي=وهـذي حـروفـه واسـمـعـوها يـالاخـوان الالــف ابــي لـي صاحـبــن مـاتـهـــيــا=وانـا صـويــبــن فــي حــيــاتـي بـلـيــا وقــالـوا لـك الـلـه لـو تـحـب الـثـــريـا=او تـشـتـعـل كبـدك مـن الـوجــد نـيـران نـيـران تـكـوي بـسـرة الــقــلـب كـيــا=مـن ظـالـمــن فـي عــنــدل الـريـم عـيـا وانـا احـسـب انـه مـن رجـال الحـمــيـا=لاواعـذاب اللـي قـضـى الـلـيـل سهـران سهران كـنــي فـي ضـجـيـــج الـعــلـيـا=مـن طـيــف خـل يـطــوي الـقـلـب طـيا ومحـدن نـشـد عـن هـاجـسـن بـات فـيـا=ومن عـقـب عقلي صرت ياناس طـيشان الـبــاء بـقـلـبـي مـوجـعـات الـمـضارب=مـن غـاب عـنـي مـكـرمــيــن الشـوارب الـلــي بـمــوجـات الـلــيــالـي قــوارب=لما وقـع جـســمـي مـن الـغـبـن مـرضان مـرضـان مـن نـاسـن غــلاهــا تـجـارب=صحـيــح مـن قــال الاقــارب عـقــارب امـشـي وفـكـري مـن غـثـى البال خارب=من عـقب ماني شـمـعـتـن بـيـن الاخـوان اخـوان وقــتــي تـخـتــلــف بالـمـشـارب=ومـن بـيـنـهـم ضـربـات شـوط الكـهارب غـدو عـلـى مـاقـيـل حـبـل(ن)وغـارب=ماتـقــل يـجـمـعــهــم قـرابـه ومـسـكـان الـتــاء تـلـيــت الـزيـن لـحــدود بـيــتــه=ولـو كـنــت داري بالـهــوى مـاتـلـيــتــه لـو يـطـلـبــن روحـي وقـلـبـي عـطـيـتـه=يـفــز قـلـبــي لاطــرى زيــن الاعـيــان اعـيـان ريـمــن بـالـمـحــبــه رجـيــتـــه=والـنــاس صـارت تـبـغـضـك لانـخـيـتــه والـيــوم نـاسـيــنــي وانـا مـانـســيـــتــه=الـلـي نـهــوده كـــنـهــا وصــف رمــان رمــان قـلـبــي يـنـحـمـس لـو جـفـيــتــه=مـادمــت فـي صـدق الـمحـبــه هــويـتـه لـو يـنـعــرض لـلـبـيــع والـلـه شـريـتــه=بـس الـبــلا يـانـاس مـاهــي بـالاثـمــان الـثــاء ثـوابــي مـن ربـوعــي غــثـــاثـه=وانـا الـذي عـمــري قـضـى فـي تـراثـه شـافـوا هـمـومــي بالـمـعــالـيــق عــاثـه=وجازون عـن طـيـبـي جـحـايـد ونـكـران نـكــران راع الـطـيـب والـلـه خــبــاثـه=مـن عـالـمــن صارت طـبــوعــه عـثـاثه اثــري طـبـوع الـخــبــث تـاتــي وراثــه=واصبحـت بالـلـي صـار ياناس خـسـران خــســران مـن يـبـــذر بـلــيــا حــراثــه=والخـبـث صـعـبــن بالقلوب اجـتــثــاثـه وراع الـجـشــع دايــم قـلـيــل اكـتــراثـه=باللي صرخ يـشـكـي ثـلاثـيـن شـيـطـان الجــيــم جـانـي مـن ربـوعــي عــواجــه=والـحــســد ولــع بـالــرذايـل سـراجــه واكـثـر رفـاقـات الـجـمــاعــه سـمــاجـه=كـيف الحـسـد حـتـى على طـيـب الابـدان ابـدان تـضـحـك لا بـغــت مـنــك حـاجـه=وتـنـحــاش لاثـارت بـوجـهــك عـجـاجـه وتـلـبـد لـمـا يـظـهـر طـريـق انـفــراجـه=وعند الـرخـى يركض معك مـثـل هـامان الـحـاء حـيــاتـي دايـمــن فــي جـراحــه=ومحـدن نـشـد عـن صحـتـي لـيـش طـاحه ارقـب حـمـامـاتـن على الـغـصـن نـاحـه=وابـكـي على مـافـات فـي مـاض الازمـان ازمــان يـوم الــنــاس طـيـب وسـمـاحـه=تـضـحـك وتـلـعـب وسـط ذيـك الـبـراحـه واعـرف تـرى الراحـه بـعـمـرك ربـاحـه=احـذر تـصـيــر بـتــالـي العـمـر شـقـيـان شـقـيــان بالـلـي تـسـحـرك فـي وشـاحـه=وعـطـورهـا اللي بأفـخـر الـطـيـب فـاحه كم واحـدن روحـه مـن الـبـيــض صـاحـه=دونـه عـن الـفـرحـه مـقــافـل وبـيــبــان وهناك العديد من الالفيات الشعريه ولكني اكتفي بذلك للفائده العامه ولعدم الاطالة
عليكم والسلام00 الراوي والمؤرخ/ ابن غسلان |
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله 
|
|
08-04-2010
|
#3 | |
|
عضو شرف
|
ألف أولّف .. من زمرّد و قزّا
بين الكياتب .. و الصيارف بلزّا نَظْمٍ نظمته من زمرد وقزّا وقاف ٍ بنيته من ضميري على الزّا ابوفهد رحم الله والديك دائماً تبحث عن المفيد يالنشمي تقبل مروري |
|
لي هجــــــــوس ٍ كل مايطري لها سهيل اليمـــــاني =تستفز احلى القصـــايد وابعد افكاري تجيـــــــني
الشاعر مفوز التبيناوي
|
|
08-04-2010
|
#5 | |
|
نائب المشرف العام
صفق الهواء
|
مشكور ابو فهد على ماطرحت للفائده لاهنت بارك الله بجهودك سلمت من كل شر الله يعطيك العافيه فاضلي تقبل تقديري |
|
|
|
|
09-04-2010
|
#9 | |
 
|
مشكور ع الطرح الحلو اخي الرآوي
|
|
|
قبل امـس رحـت لـشبة (دهام) لآهـان = له مجـلساً فيه الصـخـى والمحبه الشاعر صوت الرعد ويوم أنتصفت وجيت مع طلعة العـان = شفت الخيال اللي مشى بأمر ربه جتنا مـن المنشى تـقل روس ظـلعان = وريـح المـطر جتنا سـريعاً مهبه قـدام عيـني شـفت رش المـطر بـان = بـدايتـه تجيك ( حبـــه وحبـــه ) وفـي حزة المغـرب على وقت الاذان = على الشمال الـبرق للـغيم نـبـه وخـذيـت اتـابع ياجـماعـه وطـربـان = لآجيت لآمـجلس ولآجيت شبـه
|
|
17-04-2010
|
#10 | |
|
شكرا اخواني واخواتي على حروفكم النبيله
وماتحتويه من مشاعر صادقه وحروف خلوقه بشكل رائع تسلمون يالعزوه00 |
|
|
جرح العرب للي من الجرح داواه=واللي من جروح الليالي يشيله
ان ماوصل للي وصل له وساواه=حط الافاعي بالخفى في شليله
|
 |
| مواقع النشر (المفضلة) |
| الكلمات الدلالية (Tags) |
| الالفيات, الشعريه, اشهر, وانواعها |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
