الشهم جزاء حجاج الأسلمي

قصيده بالشهم / جزاء حجاج ظاهر الأسلمي الشمري
منقذ الذين تاهو في نفود الدهناء بالقرب من سد الشحمه في تمير

تسان القوافي ماتشوش وتزومي=في موقف اللي ساق روحه فدايا
جزاء ولد حجاج نسل القرومي=مستارث ٍ طيبه ولاهي حذايا
من لابة ٍ علمه رقى للنجومي=أهل النخاوي والعزاوي طنايا
تحرك بجيبه بقو العزومي=من ديرته حايل وحث النوايا
حتى وصل حد الهدف بالرسومي=وأمرح يبي بكرى يحث المطايا
يوم أذن الفجر ونوى إنه يقومي=قام وتوضأ لأجل رب البرايا
وصلى الفجر على ضياح النجومي=ودعى الإله إنه يسوق الخطايا
ومشى على نيه به الخير كومي=ثم وفقه ربي بطيب النوايا
خلا تباشير السعاده تحومي=بين البشر ولا طلب له عطايا
يأهل الوطن جازو جزاء بالسلومي=وأعطوه يستاهل كثير الجزايا
الله يبيض وجه راع العلومي=اللي على طرياه نضرب تحايا
وكان القصايد ماوفت للقرومي=لاخير فيها كان مابه حمايا

.

ممدوح بن زايد القدهي الغريري.

.
.

يسلم راسك وصح لسانك على هالجزله
والعشرة انعام بجزاء حجاج الأسلمي يستحق المدح الجزل واكثر
بيض الله وجهك اخي ممدوح على كل حرف خطه قلمك

ياهلابك اخوي الجرح وصح بدنك
وبالتأكيد جزاء يستاهل كل خير
شكرآ لك على الحضور

صح بدنك يابن آدم وشكرآ على الحضور
لاهنت

طابت روحك وصح لسانككك يالذيب
يستاهل راع الطايله

شاعرنا المبدع

ممدوح القدهي


صح لسانك.. وطاب فالك

والشهم النبيل / جزاء حجاج يستاهل كل خير... فوقفته وقفة بطل مخلص شجاع شهم

ولاغرابة فهو من حمولة لايستغرب منها الفعل الطيب

تحياتي لك ولغالينا جزاء

ورحم الله الفقيد والحمد لله على سلامة من سلمهم الله

والله ونعم من المادح والممدوح

احترامي لشخصك الكريم

رجل شهم بكل المعاني

ويستاهل حروفك الساميه

صح لسانك مليوووووووووون صح

شكرآ للجميع على الحضور وبيض الله وجيهكم
وماهي إلا مشاعر بسيطه لهذا الشهم الذي أبى إلا أن يحاول رغم قلة الإمكانيات ولكن من يتوكل على الله فاالله يعينه ويوفقه فجعله الله سببآ في إنقاذ الشخص الحي
وندعي للمتوفى بأن الله يرحمه ويغفر له ويصبر أهله اللهم آمين
عسى الله أن لايرينا وإياكم مكروه أو سوء

الجزل ممدوح بن زايد القدهي

صح لسانك وعلا شانك وبيض الله وجهك

يستاهل جزاء كل ماقيل فيه بيض الله وجهه وجزاه الله خير