ديوان الشاعر / عيد بجاد بن شده

ياكثر هرج الناس بالميس والطيش

	ياكثر هرج الناس بالميس والطيش=ناسٍ بهم من ماضي الوقت غده غدة حسد يرزف بها كل درويش=يقول زيزوم الضعن كان جده يبا يدور بالسوالف عراميش=من كثر كذبه كلمته مستبده زمالةٍ حطابةٍ تشحذ العيش=افحول تالي ليل وجحوش كده جدانهم حواشةٍ للقرافيش=وفي مجتمعنا رجلهم مانعده واليوم في ظل الحكومه مداغيش=قالوا نقود اهل الرمك والاشده قامت تبختر بالبشوت الحشاحيش=من شاطي الدمام لا بحر جده

عيد بجاد بن شده

ياعبيد من يبخس بنود البضاعه

	ياعبيد من يبخس بنود البضاعه=ومن يشمت النبراس والعارفيني يحتاج له ياعبيد منكم قماعه=حتى يجنب ديدن الغافليني علط العلوم اللي عليها شفاعه=تشهد بها العقال والجاهليني حطت بقلبي ياعميلي وداعه=وعفت المثايل واللحن والقريني ابا اعتزل شعر النبط ياجماعه=الدرسعي والابجدي والهجيني وداع يارمز الكرم والشجاعه=ياونسة الجزلين والغانميني عفتك بعد جوك الضعوف الرعاعه=في ساحتك نرزف وترطن رطيني تاخذ من اهل العرف دايم قلاعه=ماتعرف الجوزاء من الفرقديني حت ايش لو تزعل تميم وقضاعه=ولو تزعل الهيلا مع الرافديني الشعر جوه مدورين الطماعه=اللي سوالفهم حنين ورطيني

،
عيد بجاد بن شده

يابن قطين اعرب من السبع ثنتين

	يابن قطين اعرب من السبع ثنتين=فرايدٍ ماجاك فيها وشايه الاوله ما حطت الكحل بالعين=ولا حافها الدلال ذيب الدعايه والثانيه ماساقت الخف والقين=في ضف طحطوحٍ رعاها رعايه من شاعرٍ مؤمن وعنده براهين=ماحاش من نظم القوافي جبايه شاعر فتل لاجات بين الحفيفين=يفتل ترانيم النبط والحدايه مايكوي الغتره علىشان غمرين=في راي ابو كنتين ماقال رايه وصلاة ربي عد جمع المصلين=وعداد من شاف القمر من ولايه على نبين وضح الحق والدين=دستوره القراَن ساس الهدايه

عيد بجاد بن شده
،،،،،،،،،،،،،،،،،،،،،،مجاره

ابشر يابن شده طليق الحجاجين=يالشاعر اللي ما يبي له وصايه
الاوله دايم عليها معيين=حسب شروط الدين ماني بتايه
والثانية من ساق فيها الملايين=ماهي خسارة تستحق الدراية
هذي حلول اللغز حسب القوانين=من شاعر ٍ له دوم مقصد وغاية
من مملكة شعري طبعت الدواؤين=يصعب على القارئ يحفظ القرايه
شعرن مايزهى غير رؤس السلاطين=مطوعين اهل الفتن والغوايه
هذي مجاراتي وانا خالد قطين =اللي على العليا عزيزن بنايه
و ختامها يازحول نجد الميامين =صلوا على محمد كريم السجايه

خالد بن قطين العالي

ياشعيل عمري راح والفكر مداش

	ياشعيل عمري راح والفكر مداش:=وركايبي ياشعيل وقتي دغشها: قضيت نصف العمر بالبيد طراش=وأقفيت عن ناس قليلٍ غشاشها وتجاربي التفاق ماراحت بلاش:=يموت قصاص الاثر ماخدشها: ياما قطعت الريد مع كل غباش=واعرف عباريد التفق من قفشها: واجنب اللي كلمته كلها ماش:=الطيبه من خلقته ماخمشها: قتات للاجواد للهرج نتاش:=والسالفه لاعرضت له نتشها ينتش ردي الفكر مع كل طواش=ويروغ عن عنف الرجال وبلاشها ياخذ من اهل العرف يابو هلا كاش=وازعج تجاجير العرب في دبشها لو تطلبه منقاش ماجاب منقاش=من كثر حب المال نفسه دغشها ماذكر في رؤوس الظباء فكر وعراش= يقول ابو نايف كبارٍ قششها

عيد بجاد بن شده

الصدر ضاق وجوهر الهم زادي

	الصدر ضاق وجوهر الهم زادي=والذاكره تنعى زمان المواليف راحت بداوة قاطعين الرهادي=اهل النظا واهل المهار المزاغيف بواجة الفرجه بخطل الايادي=علط البكار المكرمات المشاعيف لا غرد الجند بوسط العرادي=قبل صلاة الفجر جا له غطاريف وقامت حباحيب الغوالي تنادي=مع طلعة المرزم كوتها اللهفاهيف حطوا لها العبوه على كل هادي=اسود سهاوي يشرب الماء اليا عيف يسقي خواويرٍ عرابٍ تلادي=على جبا عدٍ طويل المحاريف

.
عيد بجاد بن شده

يامسندي خذلك تجارب من الناس

	يامسندي خذلك تجارب من الناس=غنيمةٍ ياكبرها من غنيمه التجربه برهان والعرف نوماس=بين الرجال اهل العقول السليمه اللي لهم في منهج الطيب نبراس=قطاعةِ الفرجه على كور ريمه جمال التخوت متعبة كل عرماس=حماية التالي نهار الهزمه فيهم نهار المعمعه ميس وهياس=على ظهور مكاضمات الشكيمه اخير لك من بايع التبغ والفاس=يبغى من الثنتين مكسب وقيمه مامن وراه الا التعايس والافلاس=جليس سو وديدنٍ للجريمه

عيد بجاد بن شده

انا كلامي للحشام محشوم

	انا كلامي للحشام محشومي= ولا انت جبت الكارثه والعذاريب حطيت في عينك قوي الهزومي=وعرضتها للفاهمين الشواذيب ياما نصحتك عن طخاف الغيومي=وياما نصحتك عن رماد المشاهيب قلت الكلام اليافعي مايدومي= وقلت انتبه من طين عكر المغاريب لكن اضنك ياخزام مخزومي=ومحتار بين العايله والمعازيب واصبحت في تيار سيلٍ دمومي=وضيّعت طيرك في قوي الملاهيب واشتلتها بأمر العفون الرخومي= وغديت لعبه بين كل اللواعيب اللي تعطر بالعرام الخشومي=وتضرب بعدلات القناء والمشاعيب والهم على الشاعر كثير الحلوم= هوجٍ تخلي لحيتك كلها شيب لكن غيّر نظرتك يالظلومي =وخلك صريح وجنب الظلم تجنيب واحذر تحصل من خصومك سهومي= قافٍ تغني به جميع المراكيب خلك على ماقيل حرٍ خدومي= مالك ومال الساذجين الزواريب وانهج مناهيج الحصان العزومي= وادر النهر بالقارعه مارد الذيب وخذ التجارب من كبار قرومي=اللي لهم منهاج في ساحت الطيب وصل الصلاة وقبل حجتك صومي= واد الزكاة وهذب النفس تهذيب

عيد بجاد بن شده

انا الذي يفهم ترانيم الرموش

	انا الذي يفهم ترانيم الرموش=وانا الذي يفهم تقاسيم الحجاج وانا مجرب وتفكيري يحوش=يحوش جزل المثايل ياسراج لا بكر المستذير مع الغبوش=والعين عافت قراهيد السهاج خاويت قرمٍ اليا ضاقت يهوش=الابلج اللي يرؤوم الانبلاج يفداه رجلٍ على جاره يكوش= ويفداه رجل الرعونه والمساج جربت خوت مداغيش الطروش=وجربت نقع السحاب مع الهماج واعرف زحول الرجال من الخدوش=واعرف نفيض المزون من العجاج واعرف ثمين الرصاص من القفوش=واعرف ذحاح السموم من العلاج واعرف عيال القروم من الدفوش=واعرف عيال العقاب من الدجاج واعرف كبير الملوك من الوحوش=واعرف عزاز الوهاد من الخفاج واعرف بنات المهار من الجحوش=واعرف عيال الحرار من الزراج واعرف بنات البكار من العفوش=واعرف عيال الفهود من النعاج واعرف جمال التخوت من الكبوش=واعرف كبار البخوت من الخداج واعرف بنات حصان من الكدوش=لو حطها الارمنيه وسط السياج واعرف ضيوف الشطوط من الكروش=واعرف رجال الشداد من الحداج والشيخ اعرفه الياصار مغشوش=لاغشه الخال ينبيك الحجاح الخال يهدم كبيرات العروش= يهدم بيوت الشجاعه بالمزاج

عيد بجاد بن شده

مجاراه بيني وبين ابن مزوي

	انا بحر يذهل كثير السبابيح=يغرق به اللي بالساحه يهومي موجٍ تصادم موجته عاتي الريح=من هيبته كلٍ يطيح ويقومي آسم بنات الفكر وسم المصاليح=وارعابها في مقفرات السهومي واضبط نواصي سابقي باللواليح=وآرد بها في حر لفح السمومي

،
عيد بجاد بن شده
،
مجاراه ؟؟؟؟؟؟؟؟؟

نعم بحر حالي عسى ماك مايبيح=عذب وقراح وجالين للهمومي
ويعالج جروح القلوب المجاريح=اللي بها الاحزان قامت تزومي
القاف وافي من هجوسن مفاليح=فرايدك ياعيد مثل النجومي
تبدع صحيح القاف من دون تلميح=مثايل ذربه وقاف محشومي
عندك على الجزلات ياعيد تصريح=ترقا بها في عاليات الرجومي
صح الله لسانك مية الف تصحيح=يالهاجس اللي للجزالة خدومي

ابن مزوووي الشهراني

ياسحاق ميدان المهار الاصايل

	ياسحاق ميدان المهار الاصايل=العاديات الصافنات المظابيح مايدخله ياسحاق غير الاوايل=اللي عليهن مدلهينن ذوابيح ربعن تعدل بالنمش كل عايل=اللابه اللي يبعدون المصابيح الهم على الجاهل سماح وجمايل=والهم على الغاوي فحيح ومشاويح اهل الكرم واهل الوفاء والشمايل=حمايت القالات لاعصب التيح جمال التخوت مطوعة كل عايل=في سلمهم قبل القِرىٓ هبة الريح دلايلٍ ياسحاق تتبع دلايل=ذخر الرجال الطيبين الطحاطيح حطيتهم ياسحاق مثل الحلايل=و أخطيت في حق الرحول المفاليح وعن غيبة الغياب شم الفتايل=واشرب ذحاح وذوب المح ياميح والعب معي ياسحاق جزل المثايل=وفك الرموز المبهمات اللواليح ان كان عندك مع كبار الحمايل=فكرٍ يوجه ناقلين المسابيح وان قلت لي ياسحاق ماني بقايل=الا كلامٍ فيه للعلم توضيح فرايدٍ ياسحاق علطٍ جلايل=تشبه بنات الريح وتسابق الفيح

عيد بجاد ابن شده